1. Ise do mangalehon kesanggupan berkomunikasi tu hita?

 HADIAH sian Jahowa do kesanggupanta berkomunikasi. Tikki ditoppa Jahowa si Adam, pittor boi do ibana makkatai dohot Debata Jahowa. Boi do muse si Adam menciptakan kata-kata baru. Jala dipakke ibana do kesanggupanna i mambahen goar ni sude binatang. (1 Mus. 2:19) Pasti las hian do muse roha ni si Adam tikki parjolo sahali makkatai dohot istrina si Hawa.​—1 Mus. 2:22, 23.

2. Songon dia do dibahen halak najolo dohot saonari mamakke kesanggupan berkomunikasi?

² Alai dang leleng dukkon i, dang denggan be dipakke toppaan ni Jahowa kesanggupan berkomunikasi i. Contohna Sibolis. Margabus do ibana tu si Hawa. Alani gabusna i gabe mardosa ma jolma. (1 Mus. 3:1-4) Si Adam pe songon i do. Disalahon ibana do si Hawa, bahkan disalahon ibana do Jahowa alani kesalahanna. (1 Mus. 3:12) Molo si Kain, dung dibunu ibana adekna si Abel margabus do ibana tu Jahowa. (1 Mus. 4:9) On patuduhon nungnga massai jahat be jolma di tikki i. Tarida do i sian puisi ni si Lamek pinoppar ni si Kain. (1 Mus. 4:23, 24) Boha molo saonari? Molo taida somal do akka pamimpin politik kasar makkatai di jolo ni akka halak. Akka film pe songon i do. Molo akka parkarejo dohot akka parsikkola, jotjot do nasida mambege jala mandok hata na kasar. Sian on taboto ma, nga terbiasa be akka halak mamakke bahasa na kasar jala pangalaho ni jolma saonari pe nungnga sega.

3. Ala jotjot tabege akka hata na kasar, aha do pengaruhna tu hita? Jala aha do na lao tabahas di artikel on?

³ Ala jotjot tabege hata na kasar, molo dang hati-hati hita boi do gabe tapakke i. Alai hita halak Kristen ikkon berupaya do mambahen las roha ni Jahowa. Tahindari ma  akka hata na kasar. Alai dang sae holan i, ikkon berupaya do tong hita mamakke kesanggupan berkomunikasi i lao mamuji Debata Jahowa. Di artikel on naeng tabahas ma songon dia hita mangulahon i (1) di ulaon marbarita, (2) di parpunguan, dohot (3) di parngoluotta siganup ari. Alai na parjolo tabahas ma jo, boasa dipangido Jahowa hita manjaga pakkataionta.

4. Sesuai tu Maleaki 3:16, boasa massai penting di Jahowa aha na tahatahon?

⁴ Jaha Maleaki 3:16. Didok do di Bibel, dibege Jahowa do makkatai akka halak na makkabiari Ibana jala na mamikkiri goarna. Disurat do goar ni nasida di sada “bukku lao mangingot” nasida. On patuduhon massai penting do di Jahowa aha na tahatahon. Jala memang akka na tahatai patuduhon aha na adong di rohatta. Songon na didok Jesus, “Nasa na adong di roha, i do dihatahon pamangan.” (Mat. 12:34) Jadi sian pakkataionta tarida do sadia balga holongta tu Jahowa. Lomo do roha ni Jahowa mangolu saleleng ni lelengna akka halak na makkaholongi Ibana.

5. (a) Aha do hubungan ni pakkataionta tu ibadatta? (b) Songon na dipatudu di gambar, aha do na ikkon tahindari asa boi tabahen las roha ni Jahowa?

⁵ Caratta makkatai berpengaruh do tu ibadatta. Boi do i mambahen las roha ni Jahowa manang mambahen sogo rohana. (Jak. 1:26) Molo halak na so mananda Jahowa mura-mura do muruk, kasar, jala sombong makkatai. (2 Tim. 3:1-5) Pasti dang olo hita songon nasida. Berupaya do hita manjaga pakkataionta asa las roha ni Jahowa. Alai, songon dia do molo burju jala lambok hita makkatai holan tikki marbarita na uli manang di parpunguan, hape tu anggota keluargatta kasar hita makkatai ala dang diida halak? Boi do tabahen las roha ni Jahowa?​—1 Ptr. 3:7.

6. Aha do hasilna ala sai dijaga si Karen pakkataionna?

⁶ Molo denggan caratta makkatai boi ma diboto halak hita sisomba Jahowa. Jadi  gabe boi ma takkas diida nasida “imbar ni halak na manomba Debata dohot halak na so manomba Ibana”. (Mal. 3:18) Taida ma jo saonari pengalaman ni donganta si Karen. b Hea do ibana makkarejohon tugas kelompok dohot akka donganna sakalas. Adong ma sada donganna i mangida, beda do si Karen on sian akka donganna na asing. Dang olo ibana paroa-roahon halak, lambok, jala sopan do ibana makkatai. Jadi gabe tertarik ma donganna i naeng marsiajar Bibel tu si Karen. Molo sai tajaga caratta makkatai, bisa jadi gabe olo do halak marsiajar Bibel. Jala pasti las do roha ni Jahowa mangida i.

7. Boasa ikkon tajaga pakkataionta?

⁷ Lomo do rohatta manjaga pakkataionta asa boi tapasangap Jahowa jala asa lam jonok hita tu akka dongan sahaporseaon. Jadi saonari tabahas ma piga-piga cara asa boi hita gabe ‘sitiruon di pakkataion’.

8. Songon dia do Jesus manjaga pakkataionna nang pe kasar halak tu ibana? Aha do na boi taparsiajari sian i?

⁸ Lambok ma hita makkatai tikki kasar halak tu hita. Saleleng di tano on Jesus, jotjot do halak mandok ibana sisobur anggur, simokkus, dongan ni Sibolis, halak na mangalanggar Sabat, jala na mangaleai Debata. (Mat. 11:19; 26:65; Luk. 11:15; Joh. 9:16) Alai dang hea muruk Jesus mangalusi nasida. Songon Jesus, toktong ma hita lambok nang pe kasar halak makkatai tu hita. (1 Ptr. 2:21-23) Memang dang sai mura mangulahon i. (Jak. 3:2) Attong aha ma na boi mangurupi hita?

9. Songon dia do asa boi hita manjaga pakkataionta tikki marbarita?

⁹ Molo adong parjabu na muruk-muruk tikki marbarita na uli hita tu ibana, unang ma pittor jut rohatta. Coba ma tapikkiri boasa sappe songon i ibana. Donganta si Sam mandok, “Na sai huingot, porlu hian do parjabu i mananda Jahowa. Jala boi do nasida muba.” Sipata muruk pe parjabu tu hita, ala na so pas do tikkitta makkunjungi nasida. Songon i do na dihilala si Lucia, hea do muruk-muruk parjabu tu ibana. Pittor martangiang ma ibana tu Jahowa, asa dibahen ibana tenang jala asa unang sappe kasar makkatai. Jadi tatiru ma si Lucia. Molo adong halak na muruk-muruk tu hita, toktong ma hita lambok makkatai jala unang ma jut rohatta.

10. Sesuai tu 1 Timoteus 4:13, aha do na ikkon taupayahon?

¹⁰ Berupaya ma hita asa lam denggan mangajari. Sahalak parbarita na uli na terampil do si Timoteus. Alai porlu do torus ibana marlatik asa lam malo mangajari. (Jaha 1 Timoteus 4:13.) Boha do carana  asa boi hita malo mangajari? Tabahen ma persiapan na denggan. Saonari godang do alat bantu diparade organisasi na mangurupi hita mangajari. Misalna boi do taparsiajari brosur Cara Asa Lam Denggan Manjaha dohot Mangajari manang tatiru akka cara na adong di Hangoluan dohot Pangkobasion ni Halak Kristen—Na Laho Diparsiajari di bagian “Marsitutu ma Hamu di Ulaon Marbarita”. Aha do manfaatna molo taihutton akka petunjuk i? Molo denggan hita persiapan, gabe dang gugup be hita jala lam percaya diri ma hita tikki marbarita.

11. Aha dope cara na asing asa boi hita malo mangajari?

¹¹ Boi do muse hita marsiajar sian akka dongan na asing naung berpengalaman. Donganta si Sam naung dipaboa nakkin, jotjot do mamparrohahon akka dongan na asing na malo marbarita na uli. Jadi gabe ditiru ibana ma cara ni nasida i. Donganta si Talia pe songon i do. Jotjot do diparrohahon ibana akka dongan na berpengalaman. Jadi gabe boi ma ditiru ibana cara ni nasida mangalusi akka sukkun-sukkun ni halak tikki marbarita na uli.

12. Aha do tantangan na diadopi piga-piga donganta di parpunguan?

¹² Sude do hita boi berpartisipasi di parpunguan lao marende dohot mangalehon komentar. (Ps. 22:22) Alai adong do akka donganta na merasa maol mangulahon i. Songon i do na dihilala hamu? Molo songon i, marsiajar ma hamu sian akka dongan naung berhasil mangatasi i.

13. Songon dia do asa boi hita marende sian roha di parpunguan?

¹³ Marende ma sian roha. Tikki marende hita di parpunguan, tujuanta i ma lao mamuji Jahowa. Donganta si Sara mandok dang bagak suarana. Alai lomo do rohana marende mamuji Jahowa. Jadi tikki dipersiappon ibana bahan parpunguan di jabu, dipersiappon ibana do tong lagu na lao diendehon. Jotjot do ibana marlatik marende di jabu, jala dipikkiri ibana do aha kaitan ni lagu i tu bahan na lao dibahas di parpunguan. Didok ibana, “Ala hubahen songon i gabe fokus ma au tu makna ni lagu i, dang tu suarakku be.”

14. Molo parila hamu, songon dia do asa barani hamu mangalehon komentar di parpunguan?

¹⁴ Taratur ma mangalean komentar. Adong do akka donganta na maol mangulahon on. Songon na dihilala donganta si Talia, naung dipaboa nakkin. Didok ibana, “Jotjot do au gugup jala dang percaya diri makkatai di jolo ni godang halak. Jadi gabe tantangan do di au mangalehon komentar.” Alai dang menyerah si Talia. Denggan do dipersiappon ibana bahan tu  parpunguan. Jala, sai diingot ibana ma molo alus ni sukkun-sukkun i ikkon singkat jala langsung tu jawaban utamana. Didok ibana muse, “Dang masalah molo alus niba singkat, sederhana, jala langsung tu intina. Alana, memang i do na diharappon pemandu.”

15. Aha do na porlu taingot asa unang menahan diri hita mangalehon komentar?

¹⁵ Adong do muse akka dongan na asing na menahan diri mangalehon komentar nang pe dang parila nasida. Boasa? Donganta si Juli mandok, “Olo do au dang mangalehon komentar di parpunguan ala hurasa komentarhi pasederhanahu jala hurang mantap”. Alai taingot ma, na dipangido Jahowa sian hita mangalehon na dumenggan sesuai tu kesanggupanta. c Jadi pasti diargai Ibana do molo tausahahon mangalehon komentar di parpunguan nang pe dang percaya diri hita.

16. Akka hata na songon dia do na ikkon tapasiding?

¹⁶ Tapasiding ma sude “hata na mangaleai”. (Eps. 4:31) Songon naung tabahas nakkin, dang boi hita mandok hata na kasar. Alai dang sae holan i, ikkon tabolokkon do sude jenis ni hata na mangaleai. Misalna unang ma hea taparoa-roa budaya ni na asing, sukuna, manang kebangsaanna. Jala unang ma tadok hata na mambahen haccit roha ni na asing. Adong sahalak donganta na mandok, “Hurippu do na hudok i lucu jala dang sala, hape nungnga haccit hubahen roha ni halak. Jadi saleleng martaon-taon sai diurupi istrikku do au asa muba. Tikki holan hami nadua na makkatai, dipaboa ibana ma molo hatakki nungnga mambahen haccit rohana dohot roha ni na asing.”

17. Sesuai tu Epesus 4:29, songon dia do carana patoguhon na asing?

¹⁷ Tajaga ma pakkataionta asa boi patoguhon na asing. Unang ma hita mengkritik na asing, alai tapuji ma nasida. (Jaha Epesus 4:29.) Unang ma hita songon halak Israel na so mamboto mandok mauliate. Sabotulna godang do na denggan na dijalo nasida sian Jahowa. Alai jotjot do nasida marungut-ungut. Pasti diingot hamu dope songon dia laporan negatif sian sappulu mata-mata mambahen ‘sude halak Israel marungut-ungut tu si Musa’. (4 Mus. 13:31–14:4) Sian on taboto ma molo marungut-ungut sasahalak, boi do i menular tu na asing. Gabe dohot ma tong nasida marungut-ungut. Sebalikna, molo tapuji na asing gabe denggan ma hasilna, gabe marlas ni roha ma ibana. Pasti i do na  dirasahon boru ni si Jepta. Gabe semangat do ibana mangulahon tugasna, ala jotjot do ro akka donganna patoguhon ibana. (Pangh. 11:40) Si Sara naung dipaboa nakkin mandok, “Molo tapuji na asing gabe boi ma dirasahon ibana na holong roha ni Jahowa tu ibana jala dihaporluhon do ibana di organisasi.” Alani i, sai talului ma akka na denggan sian dongan asa boi tapuji nasida.

18. Sesuai tu Psalmen 15:1, 2, boasa ikkon jujur hita? Jala aha do na so boi taulahon?

¹⁸ Jujur ma hita. Dang boi tabahen las roha ni Jahowa molo dang jujur hita. Alana sogo do roha ni Jahowa tu gabus. (Poda 6:16, 17) Nang pe godang halak saonari mandok dang sala margabus, dang boi hita songon i, ala sala do i didok Jahowa. (Jaha Psalmen 15:1, 2.) Jala unang ma hita menahan informasi na porlu diboto na asing, ala boi do nasida gabe sala mambahen kesimpulan. Dang jujur hita disi molo taulahon i.

19. Aha do na porlu taulahon molo taida nungnga mulai margosip donganta?

¹⁹ Unang ma hita margosip. (Poda 25:23; 2 Tes. 3:11) Si Juli naung dipaboa nakkin mandok berbahaya do margosip. Didok ibana, “Dang denggan molo tabege gosip, alana boi do i mambahen hita dang porsea tu halak na margosip i. Asing ni i, dang taboto atik na hita pe tong do digosipi.” Jadi molo makkata-hatai hamu jala diida hamu nungnga mulai diparoa-roa na asing, pittor gatti hamu ma topikmuna.​—Kol. 4:6.

20. Aha do tekadta saonari?

²⁰ Ala tinggal di sakaliling ni halak na somal mamakke bahasa kotor, ikkon berjuang do hita manjaga pakkataionta asa boi tabahen las roha ni Jahowa. Taingot ma, hadiah sian Jahowa do kesanggupan berkomunikasi i. Diparrohahon Ibana do songon dia caratta mamakke i. Lomo do rohana molo tapakke i lao mamuji Ibana tikki marbarita, di parpunguan, dohot di ngolutta siganup ari. Memang molo nungnga dihancurhon portibi na jahat on, ummura ma hita manjaga pakkataionta lao pasangappon Jahowa. (Jud. 15) Alai saonari, ikkon bertekad do hita mambahen las roha ni Jahowa marhite “akka [hatatta]”.​—Ps. 19:14.