1. Aha do na mambahen hita marlas ni roha?

 LOMO do roha ni Jahowa asa marlas ni roha hita. Taboto do las ni roha i parbue ni tondi parbadia. (Gal. 5:22) Jala memang umlas do roha ni na mangalehon sian na manjalo. Alani i do las rohatta molo godang na boi taulahon lao melayani Jahowa dohot mangurupi akka dongan.​—Ul. 20:35.

2-3. (a) Sesuai tu Galatia 6:4, adong dua na mambahen hita marlas ni roha, aha ma i? (b) Aha do na lao tabahas di artikel on?

² Songon na dipaboa si Paulus di Galatia 6:4, adong dua na mambahen hita toktong marlas ni roha. (Jaha.) Na parjolo, ikkon talean do na undenggan tu Jahowa. Alana molo talean na undenggan, gabe las ma rohatta. (Mat. 22:36-38) Na paduahon, unang ma tabandingkon diritta tu na asing. Molo godang na boi taulahon tu Jahowa ala sehat dope hita, nga mandapot pelatihan, jala adong bakatta, ikkon mandok mauliate do hita tu Jahowa. Alana sian Ibana do sudena i. Alai molo adong donganta na ummalo sian hita, misalna marbarita na uli, las ma rohatta disi. Alana lao mamuji Jahowa do dipakke ibana kemampuanna i, dang lao pasangappon dirina. Jadi unang ma hita bersaing tu akka dongan, alai marsiajar ma hita sian nasida.

³ Molo dang godang be na boi talehon tu Jahowa, boi do hita gabe kecil hati. Di artikel on tabahas ma songon dia carana mangatasi perasaan i. Tabahas ma muse boha carana mamakke bakatta asa boi talean na undenggan tu Jahowa, jala songon dia hita boi marsiajar sian akka dongan na gabe teladan.

4. Situasi na songon dia do na mambahen metmet rohatta? Paboa ma contohna.

⁴ Molo berubah situasitta ala nungnga matua manang marsahit hita, gabe terbatas do na boi taulahon. Ujungna boi do gabe metmet rohatta. Songon i do na dihilala donganta si Carol. Hea do ibana pindah tu inganan na makkaporluhon godang penyiar. Disi, adong do 35 studina, jala adong do na tardidi. Hape marsahit ma ibana jala ikkon sai di jabu nama. Didok ibana, “Alani sahitton, gabe dang boi be au songon dongan na asing. Merasa ma au halak Kristen na so bersemangat. Ala terbatas nama na boi huulahon, gabe metmet ma rohakku.” Sasittongna lomo hian do roha ni si Carol mangalehon sude na tarleanna tu Jahowa. Massai denggan do semangatna i. Pos do rohatta, pasti diargai Jahowa Debata parasi roha i do semangatna i.

5. (a) Molo metmet rohatta ala terbatas na boi taulahon, aha do na porlu taingot? (b) Songon dia do donganta na di gambar i torus mangalean na undenggan tu Jahowa?

⁵ Molo metmet rohatta ala terbatas na boi taulahon, tasukkun ma diritta, ‘Aha do na dipangido Jahowa sian au?’ Taingot ma na dipangido Jahowa sian hita, mangalean na undenggan tu Ibana sesuai tu kesanggupanta saonari. Tapikkirhon ma jo on: Bayakkon ma sahalak donganta borua naung marumur 80 taon. Metmet ma rohana ala dang godang be na boi diulahon ibana tu Jahowa, songon tikki marumur 40 taon dope ibana. Diboto donganta i do nungnga dilean ibana na undenggan. Alai didok rohana, dang cukkup i lao mambahen las roha ni Jahowa. Tutu do i? Pikkirhon ma on: Tikki marumur 40 taon, na undenggan do dilehon ibana tu Jahowa. Saonari dung marumur 80 taon, na undenggan do tong dilehon ibana. Berarti, torus do na undenggan dilehon ibana tu Jahowa. Molo merasa hita dang cukkup na taulahon saonari lao palasson roha ni Jahowa, taingot ma na dipangido Ibana sian hita mangalean na undenggan. Jala i do na mambahen las rohana. Molo nga taulahon i, didok Jahowa ma tu hita, “Denggan ma na binahenmi.”​—Bandingkon tu Mateus 25:20-23.

6. Aha do na boi taparsiajari sian si Maria?

⁶ Boi do tamba las ni rohatta molo fokus hita tu na boi dope taulahon. Parrohahon ma pengalaman ni si Maria. Ala marsahit ibana, gabe terbatas ma na boi diulahon ibana di ulaon marbarita. Merasa tertekan ma ibana, jala merasa ma ibana dang marguna be di Jahowa. Alai diparrohahon ibana ma sahalak donganta borua di huriana. Marsahit do donganta i jala holan na peak di podoman. Didok si Maria, “Huatur ma tikkikku asa boi hami rap marbarita na uli lewat telepon dohot surat. Tikki na kerja sama i hami, tamba do las ni rohakku. Jala puas do huhilala ala boi huurupi ibana.” Songon si Maria, molo terbatas na boi taulahon, boi do toktong las rohatta molo fokus hita tu akka na boi dope taulahon. Alai boha do molo godang nai na boi taulahon lao melayani Jahowa?

7. Aha do nasehat ni si Petrus?

⁷ Di suratna na parjolo, dijujui si Petrus do akka dongan sahaporseaonna mamakke silehon-lehon manang bakatna patoguhon dongan na asing. Didok ibana, “Dilehon Debata do asi ni rohana na  massai balga i tu akka naposona na burju . . . Alani i songon naposona na burju, pakke hamu ma silehon-lehon i lao mangurupi na asing.” (1 Ptr. 4:10) Ikkon talehon do na undenggan tu Jahowa. Unang pola khawatir hita adong na kecil hati manang na cemburu tu hita. Molo sai takhawatirhon i, gabe dang boi be talehon na undenggan tu Jahowa.

8. Sesuai tu 1 Korint 4:6, 7, boasa dang boi taanggarhon bakatta?

⁸ Ikkon tapakke do sude bakatta lao melayani Jahowa. Alai unang ma sappe taanggarhon i. (Jaha 1 Korint 4:6, 7.) Misalna molo malo hamu mamulai parsiajaran Bibel, denggan do i. Alai unang ma sappe dianggarhon hamu bakatmuna i. Bayakkon ma jo situasi on: Marhasil ma hamu mamulai parsiajaran Bibel tikki marbarita. Semangat do hamu naeng manceritahon i tu kelompok dinasmuna. Alai tikki naeng diceritahon hamu, adong ma sahalak donganta na mambagihon pengalamanna na marhasil menempatton majalah tikki marbarita. Molo songon i situasina, aha ma na ikkon diulahon hamu? Memang denggan do pengalamanmuna i. Alai undenggan do molo dipaima hamu kesempatan na asing manceritahon i, asa unang gabe kecil hati donganta na menempatton majalah i. Nang pe songon i, unang ma gabe so olo be hamu manawarhon parsiajaran Bibel. Ikkon torus do dipakke hamu bakatmuna i!

9. Tudia do boi tapakke kesanggupanta?

⁹ Taingot ma aha pe kesanggupanta, silehon-lehon ni Debata do i. Jadi tapakke ma i lao patoguhon akka dongan di huria, dang lao pasangappon diritta. (Plp. 2:3) Pasti marlas ni roha do hita molo tapakke kesanggupanta i mangulahon lomo ni roha ni Jahowa. Marlas ni roha pe hita, dang ala ummalo hita sian na asing, alai ala tapakke do i lao mamuji Jahowa.

10. Boasa dang denggan molo tabanding-bandingkon diritta tu na asing?

¹⁰ Molo dang hati-hati sasahalak, olo do gabe sai dibandingkon ibana kelebihanna tu kelemahan ni na asing. Misalna adong ma donganta bawa na malo marjamita, jala i do kelebihanna. Alai boi do gabe leas rohana mangida dongan na asing na so pola malo marjamita. Hape donganta i pe adong do kelebihanna, lomo do rohana menerima tamu, malo mangajari gellengna, jala semangat marbarita. Pasti las  do rohatta mangida akka dongan na mamakke bakatna melayani Jahowa dohot mangurupi na asing.

11. Boasa ikkon berupaya hita maniru Jesus?

¹¹ Nungnga taboto be dang denggan molo tabandingkon diritta tu na asing. Alai denggan do molo marsiajar hita sian nasida. Teladan na terbaik na boi tatiru, i ma Jesus. Memang dang sempurna hita songon ibana. Alai boi do tatiru akka sifat dohot tindakanna. (1 Ptr. 2:21) Molo berupaya hita maniru Jesus, lam denggan ma hita melayani Jahowa jala lam terampil ma hita marbarita na uli.

12-13. Aha do na boi tatiru sian Raja Daud?

¹² Di Bibel, godang do akka bawa dohot borua na gabe sitiruon nang pe dang sempurna nasida. (Heb. 6:12) Contohna Raja Daud. Didok Jahowa do ibana “halak na boi mambahen las [rohana]”. (Ul. 13:22) Memang dang sempurna si Daud. Hea do ibana mangulahon dosa na balga. Nang pe songon i, gabe sitiruon do ibana di hita. Boasa? Alana tikki dipasingot ibana, dang membenarkan diri si Daud. Dijalo ibana do sipasingot i jala disolsoli ibana do kesalahanna. Hasilna, disesa Jahowa ma dosana.​—Ps. 51:3, 4, 10-12.

¹³ Tikki taparsiajari contoh ni si Daud, boi do tasukkun diritta, ‘Boha do reaksikku tikki dipasingot? Huakkui do kesalahanku, manang membenarkan diri do au? Na asing do husalahon? Berupaya do au asa unang huulangi be kesalahanki?’ Boi do dipakke hamu muse sukkun-sukkun i tikki manjaha akka contoh na asing na adong di Bibel. Pikkiri ma: Sarupa do tantangan na diadopi nasida dohot hamu? Sifat na dia do na dipatudu nasida? Dung i sukkun ma dirimuna, ‘Aha do na boi huulahon asa boi hutiru naposo ni Jahowa na setia on?’

14. Aha do na boi tatiru sian akka donganta di huria?

¹⁴ Sude do hita saonari boi marsiajar sian akka donganta na di huria, na matua nang akka na poso. Taparrohahon ma ise dongan di huria na toktong setia nang pe adong tantanganna na borat. Misalna akka dongan na marsahit, na mandapot tantangan sian donganna sasikkola, manang sian keluargana. Parrohahon ma muse songon dia dibahen nasida mangadopi tantangan i. Dung i pikkiri  ma akka sifat ni nasida na denggan na boi ditiru hamu. Molo marsiajar hita sian nasida, gabe boi ma tong hita martahan mangadopi akka tantanganta. Pasti mandok mauliate do hita ala godang do akka dongan na boi gabe sitiruon.​—Heb. 13:7; Jak. 1:2, 3.

15. Nasehat aha do na dilehon si Paulus asa toktong hita marlas ni roha melayani Jahowa?

¹⁵ Ikkon berupaya do hita sude mambahen huria mardame jala marsada. Taparrohahon ma jo pengalaman ni halak Kristen di abad na parjolo. (1 Kor. 12:4, 7-11) Marragam do tugas dohot kesanggupan ni nasida. Nang pe songon i, dang bersaing nasida. Alana sai dijujui si Paulus do halak i asa “patoguhon daging ni Kristus”. Didok si Paulus do muse tu halak Kristen di Epesus, “Molo denggan ganup bagian mangulahon ulaonna be, gabe lam magodang ma daging i di bagasan holong.” (Eps. 4:1-3, 11, 12, 16) Molo diihutton nasida do nasehat ni si Paulus i, gabe marsada ma huria. Jala i do tong na ikkon taulahon saonari.

16. Aha do na gabe tekadta? (Heber 6:10)

¹⁶ Bertekad ma hita asa unang mambanding-bandingkon diri tu na asing. Berupaya ma hita maniru akka sifat ni Jesus. Asing ni i, marsiajar ma hita sian akka contoh na disurat di Bibel dohot sian akka dongan di jamanta saonari. Molo torus taupayahon mangalean na undenggan tu Jahowa, ‘dang lupahononna akka naung taulahon i’. (Jaha Heber 6:10.) Jadi sai torus ma hita marlas ni roha melayani Jahowa. Pos ma rohatta, pasti las do roha ni Jahowa molo talehon na undenggan tu Ibana.