1. Ini chi no ti shathisa ne buzhalo?

 JEHOFA o batla gore re itumele. Re itse seno ka gonne boitumelo ke lengwe la maungo a moya wa gagwe o o boitshepo. (Bagal. 5:22) E re ka go aba go itumedisa thata go feta go amogela, re itumela thata fa re dira ka natla mo bodireding le fa re thusa bakaulengwe ba rona ka ditsela tse di farologaneng.—Dit. 20:35.

2-3. (a) Se kwa kwa ka kwagwa mu na Bagalatiya 6:4, i zwithu zwipi zwibili zwi nga ti batsha ku gala ta ka shatha mu nshingo wa Jehova? (b) Towo zwidiyani mu chidiyo ichechi?

² Mo go Bagalatia 6:4, moaposetoloi Paulo o re bolelela ka dilo di le pedi tse di ka re thusang gore re nne re itumetse. (E bale.) Sa ntlha, re tshwanetse go direla Jehofa sotlhe se re ka se kgonang. Fa re dira jalo re tla itumela. (Math. 22:36-38) Sa bobedi, ga re a tshwanela go ipapisa le batho ba bangwe. Le fa re ka tswa re lwala kgotsa re sa lwale, re katisitswe kgotsa re sa katisiwa, re na le bokgoni kgotsa re se na jone, re tshwanetse go leboga Jehofa go bo re mo direla. Sengwe le sengwe se re nang le sone re se filwe ke ene. Fa bangwe ba kgona go dira sengwe se re sa kgoneng go se dira mo bodireding, re tshwanetse go itumelela gore ba dirisa bokgoni jwa bone go baka Jehofa, e seng gore ba itlotlomatse kgotsa ka gonne ba na le mabaka mangwe a bopelotshetlha. Ka jalo, go na le gore re gaisane le bone, re tshwanetse go ithuta mo go bone.

³ Mo setlhogong seno, re tla bona gore ke eng se se ka re thusang fa re kgobegile marapo ka gonne re sa kgone go dira sotlhe se re batlang go se dira mo tirelong ya ga Jehofa. Gape re tla bona gore re ka dirisa jang bokgoni jwa rona ka tsela e e ka solegelang batho ba bangwe molemo le gore re ka ithuta eng mo dikaing tsa batho ba bangwe.

4. I chimo chipi chi nga nyadzamoyo? Fanisa.

⁴ Bangwe ba rona ga re kgone go direla Jehofa jaaka re batla ka  gonne re tsofetse kgotsa re lwala, mme seo se ka dira gore re kgobege marapo. Seo se ile sa diragalela Carol. O ile a nna le tshiamelo ya go direla kwa go neng go na le tlhokego gone. Ka nako eo, o ne a ithuta Baebele le batho ba le 35 e bile bangwe ba bone ba ne ba ineela mo go Jehofa ba bo ba kolobediwa. Ruri Carol o ne a atlega mo bodireding! Le fa go ntse jalo, o ne a simolola go lwala thata mme o ne a fetsa nako e ntsi kwa gae. Carol a re: “Ke a itse gore ga ke kgone go dira dilo tse batho ba bangwe ba kgonang go di dira ka gonne ke lwala. Mme ka dinako dingwe ke a tle ke ikutlwe e kete ga ke ikanyege jaaka bone. Ga ke kgone go dira sengwe le sengwe se ke batlang go se dira mme seo se dira gore ke kgobege marapo.” Carol o batla go dira sotlhe se a ka se kgonang go direla Jehofa. Seo ke selo se sentle! Ga re belaele gore Modimo wa rona yo o pelotlhomogi o itumelela sotlhe se Carol a se dirang.

5. (a) Ta ka fanila kumbulani ha zwa ti si nga khone zwi ti nyadzamoyo? (b) Se kwa ku lakidziwa mu zwitshwantsho, nzwalani wa ka dwilila e shingila Jehova ne masimba wose chini?

⁵ Fa e le gore ka dinako dingwe o a tle o kgobiwe marapo ke dilo tse o sa kgoneng go di dira, ipotse gore, ‘Ke eng se Jehofa a batlang gore ke se dire?’ Jehofa o batla gore o dire sotlhe se o kgonang go se dira gone jaanong. Akanya ka seno: Kgaitsadi yo o nang le dingwaga di le 80 o kgobega marapo ka gonne a sa kgone go dira go le gontsi mo bodireding jaaka a ne a dira fa a ne a na le dingwaga di le 40. O akanya gore le fa gone a dira sotlhe se a se kgonang, seo ga se itumedise Jehofa. A mme gone seo ke boammaaruri? Fa e le gore kgaitsadi yono o ne a dira sotlhe se a se kgonang fa a ne a le dingwaga di le 40 mme e bile o sa ntse a dira jalo le fa a le dingwaga di le 80, seno se raya gore ga a ise a ko a tlogele go direla Jehofa sotlhe se a se kgonang. Fa re simolola go akanya gore tsela e re direlang Jehofa ka yone ga e mo itumedise, re tshwanetse go gopola gore Jehofa ke ene a dirang tshwetso ya gore o itumela fa re mo direla go le kana kang. Tota e bile, fa re dira sotlhe se re se kgonang, Jehofa o tla re raya a re: “O berekile!”—Bapisa Mathaio 25:20-23.

6. Ti nga zwidiyani mu na se kwa Maria a ka zwibata?

⁶ Go tla nna motlhofo gore re itumele fa re tlhoma mogopolo mo dilong tse re kgonang go di dira go na le mo go tse re sa kgoneng go di dira. Akanya ka kgaitsadi mongwe yo o bidiwang Maria yo o sa kgoneng go dira mo go oketsegileng mo bodireding ka gonne a lwala. Kwa tshimologong, o ne a tshwenyegile mo maikutlong e bile a ikutlwa e se motho wa sepe. Le fa go ntse jalo, Maria o ne a akanya ka kgaitsadi mongwe mo phuthegong ya bone yo o neng a lwala e bile a sa kgone go tswa mo bolaong mme a akanyetsa go mo thusa. A re: “Ke ne ka dira dithulaganyo tsa gore re rere ka founo le gore re kwale makwalo. Nako le nako fa re berekile mmogo ke ne ke boela gae ke itumetse e bile ke kgotsofaletse gore ke kgonne go mo thusa.” Le rona re ka itumela fa re ka tlhoma mogopolo mo go se re kgonang go se dira go na le go o tlhoma mo go se re sa kgoneng go se dira. Mme gone, go tweng fa e le gore re kgona go dira mo go oketsegileng, kgotsa re kgona go dira dilo sentle mo dikarolong tse dingwe tsa tirelo ya ga Jehofa?

7. Mpostolo Pita wa ka chemela Bakirisiti ne buthu chini?

⁷ Mo lekwalong la ntlha le moaposetoloi Petere a neng a le kwala, o ne a rotloetsa bakaulengwe ba gagwe gore ba dirise dimpho kgotsa bokgoni jo ba nang le jone gore ba kgothatse badumedimmogo le bone. Petere o ne a kwala jaana: “E re ka lo le balebedi ba ba amogetseng bopelonomi jo bogolo jwa Modimo jo bo bontshiwang ka ditsela tse di farologaneng, e bile mongwe le mongwe wa lona a amogetse mpho, e diriseng go direlana.” (1 Pet. 4:10) Ka jalo, ga re a tshwanela go tshaba go dirisa bokgoni jwa rona ka botlalo ka gonne re boifa gore batho ba  bangwe ba tla re fufegela kgotsa ba tla kgobega marapo. Fa e le gore ga re dirise bokgoni jwa rona ka gonne re tshwenyegile ka gore batho ba tla ikutlwa jang, re tla bo re sa direle Jehofa sotlhe se re se kgonang.

8. Ku yenda ne 1 Bakorinta 4:6, 7, ini ti sa ka fanila ku zwitolela pezhugwi ne bukhoni gwa ti na go?

⁸ Re tshwanetse go dirisa dimpho tse re nang le tsone ka botlalo, mme re tshwanetse go nna kelotlhoko gore re se ka ra ikgantsha ka tsone. (Bala 1 Bakorintha 4:6, 7.) Ka sekai, o ka tswa o kgona go simolola dithuto tsa Baebele. O se ka wa ikgogona go dirisa mpho eo. Nna o gopotse gore selo sa botlhokwa ke gore ga o a tshwanela go ikgantsha ka yone. A re re o nnile le maitemogelo a a itumedisang mo bodireding e bile o kgonne go simolola thuto ya Baebele. O batla go bolelela setlhopha sa lona sa tshimo maitemogelo ao. Le fa go ntse jalo, fa o kopana le setlhopha, o fitlhela kgaitsadi mongwe a ba tlotlela maitemogelo a gagwe a gore o tsamaisitse makasine. Ene o tsamaisitse makasine, mme wena o simolotse thuto ya Baebele. O tla dira eng? O a itse gore bakaulengwe ba gago ba tla kgothadiwa ke maitemogelo a gago, mme o dira tshwetso ya gore o ba bolelele one ka nako e nngwe gore kgaitsadi yo o tsamaisitseng makasine a se ka a akanya gore ga a dira tiro e ntle e e tshwanang le e wena o e dirileng. O tla bo o dira sentle fa o dira jalo. Le fa go ntse jalo, o se ka wa kgaotsa go simolola dithuto tsa Baebele. O na le mpho, ka jalo e dirise!

9. Ti nga shingisa bukhoni gwedu chini?

⁹ A re gopoleng gore bokgoni bongwe le bongwe jo re nang le jone ke mpho e e tswang kwa Modimong. Re tshwanetse go dirisa dimpho tseno go nonotsha phuthego, e seng go itlotlomatsa. (Bafil. 2:3) Fa re dirisa maatla a rona le bokgoni jo re nang le jone go dira thato ya Modimo, re tla kgona go itumela. Re tla itumedisiwa ke gore re dirisa dimpho tsa rona go baka Jehofa, e seng ka gonne re dira mo gontsi go feta ba bangwe kgotsa re leka go dira dilo botoka go ba feta.

10. Ini ti sa ka fanila ku zwi fanidzanya ne bangwe?

¹⁰ Fa motho a sa ikele tlhoko, a ka simolola go bapisa bokgoni jwa gagwe le se motho yo mongwe a sa kgoneng go se dira. Ka sekai, mokaulengwe a ka tswa a na le bokgoni jwa go neela dipuo tse di monate tsa phatlalatsa. Mme seo se ka dira gore a akanye gore o botoka go gaisa mokaulengwe yo o se nang bokgoni jwa go neela dipuo tse di monate. Le fa go ntse jalo, mokaulengwe yoo yo o se nang bokgoni jwa go neela dipuo, a ka tswa a rata go amogela baeng, a kgona go ruta bana ba gagwe kgotsa a tlhagafetse mo bodireding. Ruri re leboga go bo re na le bakaulengwe  le bokgaitsadi ba bantsi ba ba nang le bokgoni e bile ba dirisa dimpho tsa bone go direla Jehofa le go thusa ba bangwe!

11. Ini ta ka fanila yedza zila Jesu ya a no zwibata nayo?

¹¹ Le fa re sa tshwanela go ipapisa le batlhanka ba bangwe ba ga Jehofa, re ka ithuta sengwe mo go bone. Ka sekai, motho yo mongwe yo re ka ithutang go le gontsi mo go ene ke Jesu. O ne a se na boleo, mme re ka kgona go ithuta go le gontsi mo bothong jwa gagwe le mo dilong tse dintle tse a neng a di dira. (1 Pet. 2:21) Fa re dira sotlhe se re se kgonang go etsa sekao sa ga Jesu, re tla nna batlhanka ba ga Jehofa ba ba molemo e bile re tla atlega mo bodireding.

12-13. Ti nga zwidiyani mu na She Dafite?

¹² Lefoko la Modimo le re bolelela ka banna le basadi ba le bantsi ba ba ikanyegang ba re ka etsang sekao sa bone le fa gone ba ne ba na le boleo. (Baheb. 6:12) Akanya ka Kgosi Dafide yo Jehofa a neng a mmitsa “monna yo o amogelwang ke pelo ya me,” kgotsa jaaka Baebele nngwe e ranola mafoko ao e re “motho yo o intumedisang thata.” (Dit. 13:22) Le fa go ntse jalo, Dafide o ne a na le boleo. Tota e bile o ile a dira diphoso dingwe tse di masisi. Mme gone go na le dilo tse re ka di ithutang mo go ene. Goreng re rialo? Ka gonne fa a ne a newa kgakololo ga a ka a leka go ipuelela. Go na le moo, o ne a amogela kgalemelo e a neng a e newa a bo a ikwatlhaela se a se dirileng. Seo se ne sa dira gore Jehofa a mo itshwarele.—Pes. 51:3, 4, 10-12.

¹³ Re ka ithuta mo sekao sa ga Dafide ka go ipotsa dipotso tseno: ‘Ke dira eng fa ke gakololwa? A ke amogela diphoso tse ke di dirileng kgotsa ke leka go ipuelela? A ke itlhaganelela go pega ba bangwe molato? A ke leka thata gore ke se ka boeletsa diphoso tse ke di dirileng?’ O ka ipotsa dipotso tse di jaaka tseo fa o bala ka banna le basadi ba bangwe ba ba ikanyegang ba go buiwang ka bone mo Baebeleng. A ba ne ba na le mathata a a tshwanang le a gago? Ba ne ba na le botho bofe jo bo molemo? Fa o bala ka mongwe wa bone, ipotse gore: ‘Ke eng se nka se dirang gore ke tshwane le motlhanka yono yo o ikanyegang wa ga Jehofa?’

14. Ti nga batshiwa chini ne ku lingilila chi no thangwa ne bazwalani bedu?

¹⁴ Selo se sengwe se se ka re solegelang molemo ke go leba sekao sa Bakeresetemmogo le rona ba ba godileng le ba basha. Ka sekai, a go na le mongwe mo phuthegong ya lona yo o itshoketseng diteko dingwe ka boikanyegi tse di jaaka go gatelelwa ke balekane, go ganediwa ke ba lelapa kgotsa go lwala? A motho yoo o na le botho bongwe jo bo molemo jo o ka ratang go bo etsa? Go  akanya ka sekao sa motho yoo se se molemo go tla go thusa gore o bone ditsela tse o ka itshokelang diteko tse o nnang le tsone. Ruri re itumelela gore go na le bakaulengwe le bokgaitsadi ba ba ikanyegang ba ba re tlhomelang dikao tse di molemo tse re ka di etsang!—Baheb. 13:7; Jak. 1:2, 3.

15. Mpostolo Paulo wa ka kumbuludza chini mu ku bona chi nga ti batsha ku dwilila ti shathila ku shingila Jehova?

¹⁵ Rotlhe re tshwanetse go dira sotlhe se re ka se kgonang gore go nne le kagiso le kutlwano mo phuthegong. Akanya ka Bakeresete ba lekgolo la ntlha la dingwaga. Ba ne ba na le dimpho le dikabelo tse di farologaneng. (1 Bakor. 12:4, 7-11) Mme seo ga se a ka sa dira gore ba gaisane kgotsa ba lwe. Go na le moo, Paulo o ne a kgothaletsa mongwe le mongwe wa bone gore a dire se se tlhokegang gore “ba age mmele wa ga Keresete.” Paulo o ne a kwalela Baefeso jaana: “Fa karolo nngwe le nngwe e dira tiro ya yone sentle, e thusa mmele gore o gole mme seo se dira gore mmele otlhe o nonofe mo loratong.” (Baef. 4:1-3, 11, 12, 16) Ba ba neng ba dira se Paulo a neng a se bua, ba ne ba thusa gore go nne le kagiso le kutlwano, e leng sone se re se bonang mo diphuthegong tsa rona gompieno.

16. Ta ka fanila ku zwimisila ku thamani? (Bahebera 6:10)

¹⁶ Leka ka natla gore o se ka wa ipapisa le batho ba bangwe. Go na le moo, ithute mo sekaong sa ga Jesu mme o etse botho jwa gagwe. Gape ithute mo dikaong tsa batlhanka ba Modimo ba ba nang le tumelo ba go buiwang ka bone mo Baebeleng le ba gompieno. Fa o ntse o dira sotlhe se o se kgonang, itse gore Jehofa “ga a tshiamololo mo a ka lebalang tiro ya [gago].” (Bala Bahebera 6:10.) Tswelela o itumelela go direla Jehofa, o itse gore fa a bona o dira sotlhe se o se kgonang go mo itumedisa, o a itumela.