1. Tae-e ra ǃgâiaǂgao kai da?

 JEHOVAB ge ǂhâba hâ î da ǂkhîba ūhâ. Nēsa da ge a ǂan, ǃgâiaǂgaob a gagab di ǂû amaga. (Gal. 5:22) Mās ge ūs ǃgâ-ai a ǃgâi. ǁNā-amaga da ge ǃgâiaǂgaoba ra hōǃâ. Aoǁnâ sîsen-e da ga dī tsî ǃgâsana ga ra hui o.—ǃNǃkh. 20:35.

2-3. (a) Galateǁîn 6:4 ǃnâ i mâ ǀgam xūna a hui da ǁkhā. Î da Jehovaba ǂkhîb ǀkha ǃoaba ǀgara? (b) Nē ǁkhāǁkhāǃâs ǃnâ da tae-e nî ǃhoaǃgao?

² Galateǁîn 6:4 ǃnâb ge apostel Pauluba ǀgam xūn xa ra ǃhoa. Hîna a hui da ǁkhāna. Î da ǃgâiaǂgao ǀgara. (Khomai re.) ǂGurose, Jehovaba da ge ǁkhā da a-e nî mā. Sida ǁkhāsib hoaba da ga mā o, o da ge nî ǂkhî. (Mat. 22:36-38) ǀGamǁîse, tā da ge nau khoen ǀkha nî ǀgopeǀnōsen. Sida di ǂurusib, ǁkhāǁkhāsens. Tsî ǂans xa ǃaromahe hâsase da a dī ǁkhā xūn ǃgao. Da ge Jehovaba nî gangan. ǁNā xūn hoan ǂamai da ge ū da hâ. Xūn hoana Jehovaba xu ge ǃkhōǃoa. Nau ǃgâsan ga sida xa aoǁnâ sîsenni ǃnâ a ǃgâi. O da ge ra ǃgâiaǂgao. ǁÎn, ǁîn ǁkhāsib tsî ǂans tsîna ra sîsenū amaga, în Jehovaba koa. Tsî ǁîn ǀgapiǃgôasen tama hâ amaga. ǁÎn ǀkha ǀgopeǀnōsens xa da ge ǁîna xu nî ǁkhāǁkhāsen.

³ Nē ǁkhāǁkhāǃâs ǃnâ da ge nî ǁkhāǁkhāsen. Tae-e da a dī ǁkhāsa, dī ǁoa da a xūn, xa da ga ǂkhabuǂâi o. Tsî da ge nî ǃhoaǃgao mati da ū da hâ ǁkhāsiga sîsenū. Tsî naun di aiǁgaude xu a ǁkhāǁkhāsen ǁkhā ǀgausa.

4. Tae-e a ǂkhabuǂâi kai da ǁkhā? aiǁgau-e mā re.

⁴ ǀNî ǃgâsan ge ǀaeb mâsib, kairasib. Tamas ka io ǀnî hâ mâsigu xa ǃaromahe hâse. ǂGurosen gere Jehovaba ǃoaba khami, ǃoaba hō tama hâ. Nēs tsîn ge Carol di ǀon hâ ǃgâsas ǀkha ge ī. ǁÎs ge ǂhâsib hâba sī aoǁnâs aiǂhanuba ge ūhâ i. ǁÎs ge ǁnā ǁaeb ǃnâ 35 khoena Elobmîsa gere ǁkhāǁkhā. Tsî ǀnîna ge hui, în māǁnâsen tsî ǁāǁnâkaisen. ǁÎs ge kaise ǂûǂûsa, ǀamǂoasa ge ūhâ i, aoǁnâ sîsenni ǃnâ. Xawe i ge ega ǁîs di ǀaeb mâsiba ge mā-am ǁoa i. Tsîs ge ǁnās xa ǃaromahe hâse. ǃNāsa ǁaeba oms ai ǀgui gere hâ. ǁÎs ge ra mî: “Ti ǀaeb di mâsib xa ǃaromahe hâse ta ge. Naun a dī ǁkhā xūna a dī hō ǁoa.” “Tsîs ge nēsa ra tsâ kai te tita ǂgomǂgomsa tama hâsa. Dī hō ǂgao ta ra xūna da ge dī hō ǁoa. Tsîs ge nēsa ra ǂkhabuǂâi kai te.” Carols ge ǁkhās an hoana Jehovaba ra dība ǂgao. ǁNās ge amase koahesa anu hâ. Tsîb ge Jehova Eloba kaise a ǂkhî mûb ra o. ǁÎs ǁkhās an hoana ra dītsâ o.

5. (a) Tae-e da ǂâis ǃnâ nî ūhâ ǂkhabuǂâi, da ga ǁaeb ai? (b) Ai-īsib ǃnâ da ra mû khamib, nē ǃgâsaba mati Jehovaba ra ǃoaba ǀgara?

⁵ ǀNai du gere dī xū-e, du ga dī hō ǁoa o. O dîsen re. ‘Jehovaba tae-e tita xu ǂgaoǀkhā hâ?’ Jehovab ge ra ǂhâba, î du ǁkhā du a i hoa-e dī. Nēs xa ǂâi re: ǃGâsas ge 80 kurixas a hîna 40 kurixas ge io. Os ge aoǁnâ sîsenni ǃnâs gere ǀoasase sîsen ǀgaub xa ǂâi. Tsî ra ǂkhabuǂâi. ǁÎs ge ra ǂâi, Jehovab ǁkhās a i hoa-i, ǀkha ǂkhî tama hâsa. Xawe ǁnāsa a ama? Nēs xa ǂâi re. Nē ǃgâsas ge 40 kurixas a. Hîna Jehovaba ǁkhās a i, hoa-e gere dība. Tsî 80 kurixas a hîna noxoba Jehovaba ǁkhās a-e ra mā. Os ge nēsa ra ǁgau, ǁîs ǁkhās a i, hoa-e Jehovaba gere dībasa. Tsoatsoasa xu nēsis kōse. ǀNîsi da ge a ǂâi tsoatsoa ǁkhā. Jehovab sada ǃoabasa ūǃoa tama hâ di. Xawe da ge ǂâis ǃnâ nî ūhâ, Jehovab dība bi da rana ra ūǃoasa. Tsî da ga sida ǀkhāba xu. ǁKhā da a i, hoa-e dī o. Ob ge ǁÎba “kaise nî ǂkhî.”—ǀGopeǀnō re, Mateub 25:20-23.

6. Tae-e da Marias aiǁgausa xu a ǁkhāǁkhāsen ǁkhā?

⁶ Dī ǁoa da a i ai, da ge tā ǂâisa nî ǂnûi. Xawe dī ǁkhā da a i hoa-i ai. ǁNās ge ǂkhîba nî mā xui-ao. Maria di ǀon hâ ǃgâsas di aiǁgaus xa ǂâi re. ǁÎs ǀaeb mâsib ge mā-am tama hâ. Îs ǁkhās a i hoa-e aoǁnâ sîsenni ǃnâ dī. ǁÎs ge ǂkhabuǂâi. Tsî xū-es ǃoaǂui tama khami gere tsâ. Xawes ge Mariasa ǁîn ǀhaohâb ǃnâ ǀae kharob ai ǁgoe ǃgâsasa. Huis ai ǁîs ǂâisa ge ǂnûi. Marias ge ra mî: “Tita ge ǀapeǁguiba ge dī. Î ta nē ǃgâsas ǀkha telefoni. Tsî sîǂkhanidi ǃnâ-ū aoǁnâ. ǀGuiba ta ǁîs ǀkha ra sîsen ǃnās hoasa ta ge ra ǂkhî. ǁÎsa ta go hui amaga.” Sada tsîn ge ǁkhā ǂkhîba a ūhâ ǁkhā. Tae-e da a dī ǁkhā, sada ǁkhāsiba ǀoasase sîsenūs aiǂhanuba da ga ūhâ o, Jehovaba ǃoabas ǃnâ?

7. Apostel Petruba tae-e Xristeǁîna ge mîba?

⁷ ǁÎb di ǂguro sîǂkhanis ǃnâb ge apostel Petruba ǃgâsana ge mîba. În ǁîn di ǁkhāsib tsî ǀkhaegu tsîna sîsenū, nauna ǂkhâǃnâs ǃgao. Petrub ge ge xoa: “ǃOabagu re, mâ-i hoa-e ǃkhōǃoa-i ge hōs ǃoa ǃgâi ommûǂamaose ǃkharaga ǀkhommi Elob dib dise.” (1Pet. 4:10) Tā da ge nî ǃkhō-oasen, sada di ǁkhāsiga ǀoasase sîsenūs ǃnâ. Nau ǃgâsan ga suri tsî  ǂkhabuǂâi xawe. ǃKhō-oasen da ga o. O da ge Jehovaba ǁkhā da a i hoa-e, dība tama hâ.

8. 1 Korinteǁîn 4:6, 7 ǃoagu da tae-i ǃaroma sida ǁkhāsigu xa tā nî ǀgapiǀgapisen?

⁸ Sida di ǁkhāsiga da ge ǀoasase nî sîsenū. Xawe da ge ǂâis ǃnâ nî ūhâ. Î da tā nēs xa ǃaromahe hâse ǀgapiǀgapisen. (Khomai re 1 Korinteǁîn 4:6, 7 sa.) Aiǁgause, du ga khoena Elobmîsa ǃgâise ǁkhāǁkhā o. O, tā ǃkhō-oasen re. Nē ǁkhāsiba ǀoasase sîsenūsa. Xawe hâs ge nē ǁkhāsiba sîsenūs ge a ǃgâi. Xawe tā nēs xa ǀgapiǀgapisen re. ǀNîsi du ge aoǁnâ sîsenni ǃnâ. Kaise ǂûǂûsa ǁgamǀhaosa go ūhâ i. Tsî du ge kaise ra ǂkhî, nēsa ǃgâsan ǀkha ǀgoragusa. Tsî du go aoǁnâ groeps tawa a sī o. O du ge ra ǁnâu ǃgâsas ge ǁîs go ūhâ i ǁgamǀhao-i xa ra ǃhoa. Xawes ge ǁîsa khoe-e ǂhawerob ǀguiba go mā. Tsî du ge sado Elobmîs ǁkhāǁkhāsa go tsoatsoa. Tae-e du nî dī? ǂAn du go i, ǃgâsan sadu go ūhâ i. ǁGamǀhaos xa nî ǂkhâǃnâhesa. Xawe du ge ǀnîsi a ǂâi ǁkhā. Nēsa ǀnî hâ ǁaeb ai ǀgoragusa. ǂHawerob ǀguiba go mā ǃgâsasa du ǃgôaǁnāsi rasa, ǁgau ǂgao tama xui-ao. Tsî nēs ge amase khoexaǃnâsiba ǁgau tide. Xawe tā ǀûsen, Elobmîs ǁkhāǁkhāde dīsa. Nē ǀkhaeba sîsenū re.

9. Sada ǁkhāsiba da mati nî sîsenū?

⁹ ǂÂis ǃnâ da ge nî ūhâ. Ū da hâ ǁkhāsiga da ge Eloba xu ra hō. Nē ǁkhāsiga da ge nî sîsenū. Î da ǃgâsana ǀhaohâb ǃnâ omkhâi. Sida ǃgâib ǃoas ǀguis ose. (Fil. 2:3) Sida ǁkhāsib tsî ǀgaib tsîna da ga sîsenū o, Elob ǂâisa dīsa. O da ge nî ǃgâiaǂgao. Nēs ge nau ǃgâsan xa da ǃnāsase ra dīs, ai ǃgaoǃgaosa tama hâ. Xawe sida ǁkhāsiga da Jehovab ǃoabas ǃnâ ra sîsenū amaga.

10. Tae-i ǃaroma da nau ǃgâsan ǀkha tā nî ǀgopeǀnōsen?

¹⁰ ǁKhōǁkhōsa as ge sida ǃgâi ǃnâ xū-e. Da ge nau ǃgâsa-i ǃgâi ǃnâ tama xū-i, ǀkha a ǀgopeǀnō ǁkhā. Aiǁgauseb ge nau ǃgâsaba ǁkhoaxa ǃhoade ra mā ǀhaodi ai. ǁÎb nēsa dīs ǁkhāsiba ūhâ. Xaweb ge ǀnîsi nau ǃgâsab. Hîna ǃgâi tama ǃhoade ra māba, ǂgaob ǃnâ ra ǃgôaǁnā. Xaweb ge ǁnā ǃgâsab hîna ǁkhoaxa, ǃhoade mā tama hâba. ǃHaokhoeǃkhōǃoaxa, ǁîb ǀgôana ǃgâise ra ǁkhāǁkhā. Tsî aoǁnâ sîsen-e ǃgâise ra dī. Kaise da ge ra ǃgôaǃgâ  ǃgâsan ga ǁîn ǁkhāsiba Jehovab ǃoabas ǃnâ sîsenū. Tsî nau ǃgâsan tsîna hui o.

11. Tae-i ǃaroma da Jesub di aiǁgausa nî sao?

¹¹ Nau ǃgâsan ǀkha ǀgopeǀnōsens a ǁkhōǁkhōsa. Xawe da ge ǁîn di aiǁgaude xus tsîna a ǁkhāǁkhāsen ǁkhā. Hā re, î da Jesub di aiǁgaus xa ǁkhāǁkhāsen. Jesub khami da ge ǀoasa kurusa, ūhâ tama hâ. Xawe da ge ǁîb di ǀgaugu. Tsî dīb gere xūna xu a ǁkhāǁkhāsen ǁkhā. (1Pet. 2:21) Jesub di aiǁgausa da ga ǃgâise sao o. O da ge Jehovaba ǃgâi ǀgaub ǃnâ ǃoaba ǁkhā. Tsî ǁkhoaǂgaosib ǀkhas tsîna a aoǁnâ ǁkhā.

12-13. Tae-e da Gao-aob Daviba xu a ǁkhāǁkhāsen ǁkhā?

¹² Elobmîs ǃnâ da ge ǀoasa kurusa ge ūhâ tama hâ i. Xawe Jehovaba ǂgomǂgomsase gere ǃoaba. Khoen di aiǁgaude ūhâ, ǁgae ǁkhā da a de. (Heb. 6:12) Gao-ab David di aiǁgaus xa ǂâi re. Jehovab ge ǁîba “ti ǂgaob ǃoa ī aob” di ge ǂgai. Tamas ka io ǀnî Elobmîs ǂnûiǃkhunis ra mîse. “Tita ra ǂkhîǂkhî khoeb” ase. (ǃNǃkh. 13:22) Xawe Davib ge ǀoasa kurusa ge ūhâ tama hâ i. ǁÎb tsîn ge gere dīsā. Xawe da ge ǁnān hoan ǂamai. ǁÎb di aiǁgausa xu a ǁkhāǁkhāsen ǁkhā. Tae-i ǃaroma? ǁNamaheb ge o, ob ge Daviba nēsa ge ūǃoa. Tsîb ge ge ǁgau, ǁîb ge ǃhausensa. ǁNās ǃaromab ge Jehovaba, ǁîba ge ǀûba.—Psa. 51:3, 4, 10-12.

¹³ Davib di aiǁgausa xu. Da ge a ǁkhāǁkhāsen ǁkhā. Sao ra dîde ra dîsense: ‘ǁNamahesa ta mati ra ūǃoa? Ti dīsāde ta ǃhaese ra mûǂan? Tamas ka io ta ra ǀhapio, kaisen? Nau ǃgâsana ta ǃhaese ra ǀhapimā? ǃGarise ta ra dītsâ, î ta tā ǁkhawa dīsā?’ Nau ǂgomǂgomsa ǃoaba-aon Jehovab din xa du ra khomai. Khamis tsîna du ge ǁnā dîde a dîsen ǁkhā. Sadu nētsē ra hōǃâ ǃgomsinan ge. ǁÎn tsîna gere hōǃâ. ǁÎna mâ ǃgâi ǀgauga gere ǁgau? Mâ mâsib hoab ǃnâ dîsen re: ‘Nē ǂgomǂgomsa ǃoaba-ao-i. Jehovab di-i khami ta tita tsîna mati a dī ǁkhā?’

14. Tae-e da nau ǃgâsan aiǁgaude xu a ǁkhāǁkhāsen ǁkhā?

¹⁴ Sada ǀhaohâb ǃnâ hâ ǂkhaman. Tsî kairan aiǁgaude xu da ge ǃgâiba a hōǁkhā. Aiǁgause du, sadu ǀhaohâb ǃnâ hâ ǃgâsa-i. Hîna ǃgomsin ǃnâ ra mâǀgai i, di aiǁgaus xa a ǂâi ǁkhā? Aiǁgause,  ǂkhamkhoen ra hōǃâ ǁgâib. Omaris ǁanin xa mâǃoahes. Tsî ǂurusib ǃgomsiba ūhâs. Nē ǃgâsa-i ǃnâ du ǃgâi ǀgauba ra mû? ǁGae ǂgao du raba? Nē ǃgâsa-i di ǃgâi aiǁgaus, ge ǀnîsi a hui du ǁkhā. ǃGomsina du ra hōǃâ ǁaeb ai. Nē ǃgâsan ra ǁgau, ǂgomǂgomsasiba da ge, kaise ra ǃgôaǃgâ. Tsîb ge nēs tsîna kai ǂkhîb tsîna ra mā da.—Heb. 13:7; Jak. 1:2, 3.

15. Apostel Pauluba mâ ǀapemāsa ge mā? ǃGâiaǂgaob ǀkha Jehovaba nî ǃoaba kai dasa?

¹⁵ ǂKhîb tsî ǀguiǃnâxasib tsîna da ga, ǀhaohâb ǃnâ ǂhâba o. O da ge hoada, ǁkhā da a-i hoa-e nî dītsâ. ǂGurokamǁaeb Xristeǁîn di aiǁgaus xa ǂâi re. ǁÎn ge ǃkharagagu ǁkhāsigu. Tsî ǁgaumâidi tsîna ge ūhâ i. (1Kor. 12:4, 7-11) Xawe ǁnās ge ge ǃaroma tama hâ i. În ǀhûgu tsî ǃkham-ūgu. ǁNās xab ge Pauluba ge mî, î-i mâ-i hoa-e. ‘Xristub soros di omkhâihesa ǃoa’ ǁkhā i a-i hoa-e dī. Paulub ge Efeseǁîna ǃoa ge xoa: “ǁNā sîsenǂui-i mâ uniǁaes hoas di-i ǃoa ǁîs di ǀgaus ǃnâ, ǁîs ǂûs di ǂnubikhâisens ǃoa ǀnammi ǃnâ.” (Efe. 4:1-3, 11, 12, 16) Nē ǀapemāsa ge saon hoan ge ǂkhîb. Tsî ǀguiǃnâxasib tsîna ǀhaohâb ǃnâ ge ǁgau. Tsî nētsēs tsîna da ge nē ǀgauga ǀhaohâgu ǃnâ ra mû.

16. Tae-e da nî mîǁgui dīsa? (Hebreǁîn 6:10)

¹⁶ Dītsâ re, î du tā nau ǃgâsan ǀkha ǀgopeǀnōsen. Xawe Jesub aiǁgausa xu ǁkhāǁkhāsen. Tsî ǁîb di ǀgauga ǁgae re. ǃKharu ge ǁaeb ǂgomǂgomsan. Elobmîs ǃnâ ra hōhen aiǁgaude ǁgae re. Tsî nētsē ra ǂgomǂgomsase ǃoaban tsîna. ǁKhā du a i, hoa-e du ra dī khami. ǂÂis ǃnâ ūhâ re, Jehovab ge ‘ǂhanuoǃnâ tama xui-ao, ob ge sadu sîsenni tsî ǀnammi tsîna ǀuru tide.’ (Khomai re Hebreǁîn 6:10 sa.) Aiǃgû re, ǃgâiaǂgaob ǀkha Jehovaba ǃoabasa. Tsî ǂâis ǃnâ ūhâ re. Jehovab ge a ǂkhî, mûb ga ra o. Mati du ǁkhā du a-i hoa-e ra dītsâsa.