«Шаһидләр тәкҹә инсанлара гаршы јох, һәмчинин мәним итләримә гаршы да меһрибан идиләр. Бир дәфә әдәбијјат арабасынын јанында дајанан Илејн адлы бир гадын мәним ики итимә печенје верди. Бундан сонра итләрим һәр дәфә ора јахынлашанда ипләриндән дартынырдылар ки, онлары печенје верилән јерә апарым.

Беләҹә, ајлар өтүб кечди. Итләрә печенје јемәк хош иди, мәнә исә Јеһованын Шаһидләри илә сөһбәт етмәк. Амма јенә дә онларла сәрһәд сахлајырдым. Мәним 70-дән чох јашым вар иди вә Јеһованын Шаһидләринин етигадларындан елә дә мәлуматым јох иди. Килсәләр мәним етибарымы сарсытдығы үчүн дүшүнүрдүм ки, јахшысы будур, Мүгәддәс Китабы өзүм охујум.

Бу мүддәт әрзиндә шәһәрин мүхтәлиф јерләриндә әдәбијјат арабаларынын јанында дуран башга Јеһованын Шаһидләринә дә раст ҝәлдим. Онлар да чох меһрибан идиләр. Суалларыма һәмишә Мүгәддәс Китабдан ҹаваб верирдиләр. Беләҹә, Јеһованын Шаһидләринә етибарым артды.

Бир ҝүн Илејн мәндән сорушду: “Һејванларын Аллаһын һәдијјәси олдуғуна инанырсыныз?” Мән ҹаваб вердим: “Әлбәттә, инанырам!” Сонра мәнә Әшија 11:6—9 ајәләрини охуду. Бу мәним үчүн дөнүш нөгтәси олду, бахмајараг ки, онлардан һәлә дә әдәбијјат ҝөтүрмәк истәмирдим.

Нөвбәти ҝүнләрдә мәним Илејнлә вә јолдашы Брентлә гыса да олса, чох ҝөзәл сөһбәтләримиз олду. Онлар мәнә мәсләһәт ҝөрдүләр ки, әсл мәсиһи олмағын нә демәк олдуғуну анламаг үчүн “Мәтта”дан “Һәвариләрин ишләри”нә гәдәр олан һиссәни охујум. Мән елә дә етдим. Чох кечмәди ки, Брентлә Илејнин мәнә Мүгәддәс Китаб дәрси кечмәсинә разылашдым. Бу, 2016-ҹы илин јајы иди.

Мүгәддәс Китаб дәрси кечдијим ҝүнү вә ибадәт евиндә кечирилән ҝөрүшү сәбирсизликлә ҝөзләјирдим. Мүгәддәс Китабдакы һәгигәтләри өјрәндијим үчүн өзүмү чох хошбәхт һисс едирдим. Бир илдән бир аз артыг вахт кечәндән сонра мән вәфтиз олунмуш Јеһованын Шаһиди олдум. Инди јашым 79-у һаглајыб, әминәм ки, дүз јолдајам. Јеһова Аллаһ мәни Өз халгынын арасына гәбул етмәклә мәнә лүтф ҝөстәрди».