Ba pesá bayimbwa ya munu kima ya kudya
NICK, bakala mosi yina ke vandá na Oregon, na bwala ya États-Unis, me sonika: “Na kubanda ya 2014, mu bandá kukwenda tambusa bayimbwa zole ya munu na kisika ya bwala ya munu yina bantu mingi ke lutaka. Bambangi ya Yehova vandá kwizá kisika yina, na présentoir ya bawu, samu na kukabula mikanda ya bawu. Ba vandá vandá ya kulwata mutindu ya mbote. Mpe, na kilengi nyonso, ba vandá pesá mbote na bantu nyonso yina vandá lutá kuna.
“Bambangi ya Yehova vandá lakisa ntima ya mbote kaka ve na bantu, kasi mpe na bayimbwa ya munu. Kilumbu mosi, Elaine kento mosi yina vandá na présentoir, pesá bayimbwa ya munu zole ba-biscuit. Na manima, ntangu nyonso yina mu vandá lutá kuna na bayimbwa ya munu, bayimbwa vandá sosá beto kwenda kisika yina ba ke pesa bawu ba-biscuit.
“Na kati ya bangonda yina landá, ntangu nyonso yina beto vandá lutá kuna, bayimbwa vandá sepelá na kudya ba-biscuit, mpe mu vandá kuzwá masolo ya nkufi na bambangi ya Yehova. Kasi mu vandá ve na nsatu ya kulutisa ntangu mingi na bawu. Mu vandá na bamvula kuluta 70, mpe mu vandá na mwa maketi-keti samu mu vandá zaba ve banani ke bambangi ya Yehova. Mu vandá dyaka ve na kiminu na mabuundu ya bakristo. Mpe mu vandá kanisa ti mu me bonga kulongoka Biblia munu mosi na yinzo.
“Na kati ya bantangu yina, mu vandá talá bambangi ya Yehova na bisika ya nkaka, na ba-présentoir. Bawu mpe vandá kaka na ntima ya mbote. Bambala nyonso yina mu vandá yufulá bawu byuvu, ba vandá sadilá Biblia samu na kupesa munu mvutu. Ya salá ti mu banda kutula bawu ntima.
“Kilumbu mosi Elaine yufulá munu: ‘Wa’ faso nge ke na talaka? Bibulu ke kwandi dikabu ya nzambi?’ Mu vutulá yandi: ‘Ee, ba ke dikabu ya nzambi.’ Na manima, Elaine lakisá munu mambu yina ke na Izaya 11:6-9. Kubanda kilumbu yina, mu kumá na nsatu ya kuzaba mingi na mambu ya Biblia. Kasi mu vandá ndimá kaka ve mikanda ya bawu.
“Bilumbu yina landá, mu vandá kuzwá masolo ya nkufi mpe ya kitoko na Elaine, mpe na bakala ya yandi Brent. Ba zonzá na munu na kutanga buku ya Matayi ti Bisalu samu na kuzaba yinki zola zonza kuvanda mukristo. Ni yina mu salaka. Ntangu fioti na manima mu ndimá kulongoka Biblia na Brent mpe Elaine. Ya vandá na kati-kati ya mvula 2016.
“Ntangu mu bandá kulongoka Biblia, mu vandá sosa ti kilumbu ya kulongoka mpe ya balukutakanu kuma na mbangu. Mu vandá na kilengi mingi na kuzaba bamambu yina Biblia ke longaka. Na manima ya mvula mosi mpe ndambu, mu kuzwá mbotokolo mpe mu kumá mbangi ya Yehova. Bubu yayi mu ke na bamvula 79, mpe mu zaba ti mu me kuzwa dibuundu ya tsyeleka. Yehova me sakumuna munu samu yandi me kotisa munu na kati ya dikanda ya bisadi ya yandi na yinza nyonso.”
