Tatoava-a anambwanga mabulacha
“NICK unokala sidade la Oregon, U.S.A. wu Estados Unidos la wa Amerika aongile ira: “Maromelo wa yawa ya 20214 ndatoroma rungunuwanga na vixianambwa vyanga sidadini mwakalecha miyo.” Hora dhinango Amboni takala valimburoni n’nango vanogulu-echa atu vyongo na viximakarinya viwa vya mabukhu. Aliwa tanowara pama maningi thitho tanomwenyula atu mwaimwerumweru waatu avira.
“Mbwenye Ambonao kaaira taomela rima atu baa-i kabe mbwenye thitho tanoaomela rima anambwanga. Dambo n’nango, Elaine atoimelanga duzi na vaixikarinyani, liye atoava-a anambwanga mabulacha. Moi e-no hora dhothene ndawendanga anambwangao tanondikokela wakalecha viximakarinyao ira Ambonao taava-enga ‘mabulacha.’
“Vatovira myedi mingasi vyevyo viireyanga. Vixianambwavyo vyanosangalalana udya mabulacha, mbwenye miyo ndasangalala no tapanya mogwandela makundo enango na Ambonao. Mbwenye kandafuna vyolemeelana naaliwa maningi. Ndana vyawa 70, thitho kandaidhiwa ira Mboni dha Yohova anororomela vyoi a-vi. Voi ndatosukwala na maigereja Aukristau ndatoona ira ndiirenga funjedha wene Bibilya vandeka.
“Vohora yen’na ndanoona thitho Amboni dha Yohova enango tangaimenle na viximakanya viwavyo mamburo o-iyana-iyana a sidadimo. Naaliwene thitho hora dhothene takala osangalala. Aliwa tanowakula vyofuka vyanga vo-indi-edha basa Bibilya thitho vyevi vyatondiiri-a ira ndirome aroromela maningi.
“Dambo n’nango, Elaine atondifuka ira, ‘N’nga munororomela ira vinyama chotuva yokumela wa Nlungu?’ Miyo ndatowakula ira ‘Ee, ndinororomela maningi!’ Vingaireile e-no atondilerela lemba la Esaya 11:6-9. Romela vahora yen’ne ndatoroma funa funjedha Bibilya, mbwenye kandafuna ira ndiwachele bukhu nlilothene la Mboni.
“Malambo o-arela ndanosangalala tapanya mogwandela makundo odabwi-a na Elaine vambo-i na man’nee Brent. Atondiwandela ira ndileri bukhu la Mateu fiyedhela Mayirelo ira ndivwecheche vinothapulela kala Kristau waimbarimbari. Ndatoleridi moi e-no, va-anavire hora ndatorumela ira aliwa tandifunji-enga Bibilya. Mwemo mwali wari mwa yawa ya 2016.
“Ndanodedi-edha mwaifunelo sumana nlilothene ira ndifunjedhe Bibilya thitho ira ndimafwaneye vamigumanoni Nyumbani ya Umwene. Ndanosangalala maningi thitho ndanoona ira ndi maraeli-o funjedha vinaonga Bibilya. Vangavirile yawa ndatobadiziwa. Mwachineneeva e-ni ndina vyawa 79, thitho ndinoidhiwa ira nditofwanya religiau laimbarimbari. Yohova utondiraeli-a vondilola kala banjanimwee laarumiwee odhivelela.”
