1. Mmolabodi. 7:20, yi re ke nnete yifeng yo Kgoši Solomoni a yi bolabodiyeng?

 KGOŠI Solomoni o hlayye gore: “Ho lefaseng aa šiyo wa go loka wa gore o dula a maka tsa gabutši a sa kekemisi.” (Mmo. 7:20) Yone ke nnete! Ka mokana ga rune re ya sinya. (1 Joh. 1:8) Byalo, ka mokana ga rune re ya di nyaka tsa gore Modimo le batho ba bangwana ba re tshwarele.

2. Di byang mara go tshwarela ke monghanago ye mogolo?

² A re kamake gore o le gopola gabutši letšatši lo o yyeng wa kwatisa monghana ye mogolo. Ka taba la gore ne o nyaka gore dilo di dulisege le gore o phetšaphetše senghana sa lune o yye wa fo ghoba wa kgopela tshwarelo. Mara ke mo o tikwa ka mokgo mang mo monghanago a fo go tshwarela? A re kamake gore pelo yago ne yi f’lo re kgehle fote o jabodiye ka matla!

3. Ga hlogotaba yowa re nyoko petapeta ka ying?

³ Re ya di nyaka tsa gore Jehova go be Monghana wa rune, mara re fela re mo kwisa go baba ka tso re di makang le tso re di bolabolang. Le mo go le ka mokgonone, king so se ka re gelepang gore re sa kamake gore Jehova o tikemisele go tshwarelana? Mokgwa wa Jehova wa go tshwarela a wo tshwane le ka mokgo batho ba tshwarelang, king so se makang gore go be ka mokgonone? Fote Modimo o tshwarela ba mošaga mang?

4. Ke ntaba re sa kamake gore Jehova o tikemisele go tshwarelana?

⁴ Lentsu la Modimo le re botsa gore Jehova o tikemisele go tshwarelana. Mo Jehova a tinyaretsa ga Moše nakwela a le ku Thabeng ya Sinayi, O yye a bolabola a berekisa lengeloyi lage gore le  re: “Jehova, Jehova, Modimo wa go kwelana go baba, wa gore aa yakgoswe a kwata le wa gore o dula a šupetsa batho gore o ba nyaka ka matla fote o kwana le nnete, wa go šupetsa batho ba go tlala gore o kwana nabo tsa mannete, wa go tshwarelana mo motho a makiye tsa go befa, a kekemisiye kela a sinnye ka matla.” (Ek. 34:6, 7) Jehova ke Modimo wa go kwelana go baba fote o dula a tikemisele go tshwarela batho mo ba sinnye.—Neh. 9:17; Pis. 86:15.

5. Pisalema 103:13, 14, yi re Jehova o re tšiba gabutši, byalo tsotsone di maka gore a re tshware ka mokgo mang?

⁵ Jehova o re tšiba gabutši ka taba la gore re Makiye ke yene, O tšiba se sengwana le se sengwana ka batho ka mokana ga bona ho lefaseng. (Pis. 139:15-17) Ka taba la gore o re tšiba gabutši wa di tšiba tsa gore babelegi ba rune ba makiye gore re sa yenele. Go tokegela gana hone, o tšiba le tso re ghulanang natso tsa gore di maka gore re be ka mokgo re leng. Taba ya gore Jehova a ba ro mo hlayisela ka rune o ro re tšiba, tsotsone di mo tšhofa gore a re kwele bošuwana.—Pis. 78:39; bala Pisalema. 103:13, 14.

6. Jehova o šupetsiye ka mokgo mang gore wa di nyaka tsa go tshwarelana?

⁶ Jehova o šupetsiye gore o tikemisele go re tshwarela. Wa di kwisisa gore tso di makiyeng ke motho wa mathomo go leng Adamo, di re tšhelele sinyama fote dya re leyela likgu. (Marom. 5:12) Nnete ke gore, ne di re mannye le polanenyana yi se šiyo. (Pis. 49:7-9) Mara ka taba la gore Modimo wa rune o kwelana go baba, o makiye se sengwana gore re thogo lokologa. Anthe king sosone a se makiyeng? Johane 3:16 yi re, Jehova o yye a romela Morwayi wage gore a tle a re kgwele. (Mat. 20:28; Marom. 5:19) Phela Jeso le yene o kgetiye go kgwa go baba gore a tlemolle ye mongwana le ye mongwana ye a šupetsang gore o na le tumelo gage. (Maheb. 2:9) A di hlayisege gore Jehova o kwile go baba go segela kaye mo a bona Morwayi wage wa gore o mo nyaka ka matla a kgwa go baba ka mokgwa wa gore a wo na serithi! Di napa di fo ba lekgwaying gore hala Jehova di sa mmotse tsa gore a re tshwarele ne a ka sa thomisi a lisetsiye Morwayi wage a tl’le re kgweleng.

7. Ka Bhayibeleng re bala ka mešupetso ya bomang ba gore Jehova o yye a ba tshwarela

⁷ Ka ho Bhayibeleng go na le mešupetso ya go tlalanyana ya batho ba gore Jehova o ba tshwarele. (Maef. 4:32) Ke mo feng ye o mo gopolang? Tla re fo tseya ka mošupetso wa Kgoši Manase. Morenene wa pelo ye phifadu o yye a thonoga Jehova ka matla ka go maka tsa go sa loka. Ne go yene ye ne a yeta mahlong ga taba ya go  rapela medimo ya dithombhe. Fote o yye a bolaya bana bage ke mokane a makela medimo yone ya matsaka dihlabelo ka bona. Go tokegela gana hone, a dya mo tšebisa tsa go timakela modimo wa sethombhe a boya a se beya ka teng ga tempele ya Jehova ya go hlawolega. Bhayibele mo yi re hlayisela ka yene yi re: “O kwatisiye Jehova ka go maka dilo tsa befa ka matla mahlong gage.” (2 Dikor. 33:2-7) Mara, mo Manase a šupetsa gore wa tisola a boya a sokologa, Jehova o yye a mo tshwarela. Fote Modimo o yye a maka gore a boyele a lawole go le yene kgoši. (2 Dikor. 33:12, 13) Di ka makega gore o kene o nagana le ka mošupetso wa Kgoši Dafida wa gore o yye a maka tsa go sa loka mahlong ga Jehova, a maka bonghwahla a boya a bolaya motho. Mara, mo a šupetsa gore o tisola a resa fote a dumela gore tso a di makiyeng a yi tsona, Jehova o yye a mo tshwarela le yene. (2 Sam. 12:9, 10, 13, 14) Tsotsone di maka gore re sa yi kamake taba ya gore Jehova o tikemisele go tshwarelana. Fote re ko di boneng tsa gore mo Jehova a tshwarela motho aa mo tshwarele ka mokgo rune batho re makang.

8. Jehova o Yahlula gabutši fote tsotsone di mo hlohletsela ka mokgo mang gore a tshwarelane.?

⁸ Jehova ke “wa go Yahlula lefase ka mokana ga lona.” (Gen. 18:25) Di nyaka motho wa go yahlula a tšibe molawo fote a wo kwisise gore a thogo yahlula gabutši. Phela Jehova o fo ba ka mokgonone, ke wa go Yahlula fote ke yene a re Neyang Molawo. (Jes. 33:22) Aa šiyo motho wa go napa a tšiba a sa kamake gore ke sefeng sa gore se lokiye kela ke sefeng sa go sa loka. King tse dingwana tsa gore motho wa go yahlula o tshwanele a thogo di maka? Di nyaka a lebelele mahlaya ka mokana ga wona ya taba, a sa fo wokola ka kgakala ke mokane a fo lla go segelela sepheto. Mara ka taba la gore Jehova yene o tšiba ditaba ka moka a di runi mo go le yene wa go Yahlula.

9. Mo Jehova a nyoko tshwarela motho o thomisa a lebelela dilo difeng?

⁹ Mokgwa wo Jehova a wo berekisang mo a yahlula wo tshwana wo le ntoši, ka taba la gore o kwisisa mahlaya ka mokana ga wona ya taba. (Gen. 18:20, 21; Pis. 90:8) Batho mo ba yahlula ba fo ya ka tso ba di bonang kela tso ba di kwileng. Mara yene o kwisisa gabutši gore taba ya gore motho yene babelegi bage ke bo mang, ba mo gudisiye byang, o golele kaye le gore o tikwa ka mokgo mang, ke yona yo yi ka makisang motho dilo tse dingwana. Fote Jehova wa di kgona go bona ka teng ga dipelo. Wa di bona gore king tso di tšhofang motho, tso a tikemiseleng go di maka le tso motho a di nabelang. A se šiyo sa gore se tšhiregiye mahlong ga Jehova. (Maheb. 4:13) Byalo, mo Jehova a tshwarela motho o thomisa a lebelela mahlaya ka mokana ga wona ya taba.

10. Mara king so se makang gore re re Jehova o dula a yahlula gabutši fote aa hlawolane? (Dotoronoma 32:4)

¹⁰ Jehova o yahlula gabutši fote aa hlawolane. Mo a yahlula aa yi ka gore motho yene ke mang, o nghannye, wa tšibega kela ke segele ga tse dingwana. (1 Sam. 16:7; Jak. 2:1-4) Aa šiyo wa gore a ka makisa Jehova dilo ka tšhinghi kela a mo neya tšotšo. (2 Dikor. 19:7) Fote mo a segelela dipheto aa yi ka gore go na le so se mo tshwatisiyeng. (Ek. 34:7) Byalo, a re kamake gore Jehova di ya mo tshwanela tsa gore go be yene Wa go Yahlula ka taba la gore wa kwisisa fote o tšiba ditaba ka mokana ga tsona.—Bala Dotoronoma 32:4.

11. Ke ntaba re re aa šiyo wa go tshwarelana go tshwana le Jehova?

¹¹ Bo ba ngwadiyeng Mangwalo ya Seheberu baa di tšiba tsa gore aa šiyo ye mongwana wa go tshwarelana go tshwana le Jehova. Go gongwana mo ba ngwala ba berekisiye lentsu la Seheberu la gore puku ye ngwana mo yi le hlatolla yi hlayye gore “lentsu lone le berekisiwa fela ga taba ya mo Modimo a tshwarela motho wa gore o sinnye, fote lentsu lone a le fo berekisiwe ga taba ya mo batho ka babedi ba tshwarelana.” Ke Jehova a le  ntoši wa gore wa di kgona go napa a ro tshwarela motho wa gore o šupetsa gore o tisola tsa mannete. Mo Jehova a re tshwarela tsotsone di re gelepa ka mokgo mang?

12-13. (a) Mara taba ya go tshwarela ke Jehova yi natefa mo di tla kaye? (b) Mo Jehova a re o tshwarele motho go dula go le ka mokgonone go segela leng?

¹² Mo re yi tshepa taba ya gore Jehova o re tshwarele, tsotsone di maka gore re be le “dinako tsa go kwa re yimulugiye,” re dule re bebiye fote re sa kokone ke lekwalo. Aa šiyo le ka wwoši wa gore a ka di kgona go go tshwarela ka mokgonone mara “Jehova ka bo yene” wa di kgona. (Meber. 3:19) Jehova yene mo a re tshwarela o tsosa senghana so re nang naso naye la go šinya di šupetsa nkare a sanka ra mo kwisa go baba le ka gonyana.

¹³ Jehova mo a tshwarela motho, taba yi napa yi felela gana hone aa sa boya a yi tsosa. (Jes. 43:25; Jer. 31:34) Phela tso re di sinnyeng Jehova o di beyela ku kgole go fo tshwana le mo “bohlabela bo le kgole le bodikela.” * (Pis. 103:12) Mo re fo nagana ka taba ya gore Jehova o re tshwarela a sa fetsi, re šala re sa tšibi gore re ka mo thanaka re re king. (Pis. 130:4) Mara ke batho ba mošaga mang ba gore Jehova o nyoko ba tshwarela?

14. Re tšhutiye gore king so Jehova a se makang mo a nyoko segelela sepheto sa go tshwarela motho?

¹⁴ Re tšhutiye gore, Jehova mo a segelela sepheto sa gore a tshwarele motho aa yi ka gore tso motho yene a di sinnyeng ke tse dinyana kela ke tse dikgolo. Fote re tšhutiye gore ka taba la gore Jehova ke yene ye a re Makiyeng, ye a re Neyang Molawo fote go le Wa go Yahlula mo a nyoko tshwarela motho o thomisa a lebelela mahlaya ka mokana ga wona ya taba. Ke dilo difeng tso Jehova a thomisang a di lebelela mo a nyoko tshwarela motho?

15. Luka 12:47, 48, yi re ke sefeng se sengwana so Jehova a se lebelelang mo a nyoko tshwarela motho?

¹⁵ Jeso o yye a di beya lekgwaying ga Luka 12:47, 48. (Bala.) O hlayye gore mo motho a sinnye Jehova o thomisa a lebelela gore ayitsano motho yene ne a kene a di tšiba tsa gore so a se makang a se ya loka. Nnete ke gore mo motho a fo ya mahlong a maka sa go befa ka bomu a kene a tšiba gore selo sone a se ya loka fote se kwisa Jehova go baba, o napa a ro sinya ka matla. Fote motho wa mošaga wonone wa tipolayisa ka taba la gore Modimo a ka sa mo tshwarele. (Mar. 3:29; Joh. 9:41) Re ka sa yi gane taba ya gore ka di nako tse  dingwana rune beng re thogo di bona mo nkare tso re di makiyeng a yi tsona. Ayitsano di ka makega gore ba re tshwarele go kene go le ka mokgonone? Eya! Re sa naganne ka taba yone, tla re boneneng se sengwana so Jehova a se lebelelang mo a nyoko tshwarela motho.

16. Anthe mo ba re motho o tisola tsa mannete ba ra ying, ke ntaba di nyaka re šupetsa gore re tisola tsa mannete gore Jehova a thogo re tshwarela?

¹⁶ Se sengwana so Jehova a se lebelelang mo a nyoko tshwarela motho wa gore o sinnye ke taba ya gore ayitsano motho yene wa resa mo a re wa tisola. Mo motho a re o tisola tsa mannete o ra gore king? Tsotsone di rela gore motho o nyoko “tšhentšha tso a di naganang, ka mokgo a tseyang dilo kela tso a tikemiseleng go di maka.” Gana hone go kena le taba ya gore motho yene di mo kwisa go baba tsa go kekema tso a di makiyeng kela o kgongwetsa ke taba ya gore a sanka a maka sa gabutši so ne a tshwanele a se make. So se napang se maka gore motho wa gore wa tisola a kwe go baba ka matla ke taba ya gore o lisetsiye senghana sage le Jehova se šehla. Tseya ka mošupetso wa Kgoši Manase le Kgoši Dafita ba gore ka babedi ga bona ba yye ba sinya ka matla, mara Jehova a fo ba tshwarela ka taba la gore ba šupetsiye gore ne ba tisola tsa mannete. (1 Mag. 14:8) Nnete ke gore, di nyaka gore mo motho a sinnye a šupetse gore o tisola tsa mannete gore Jehova a thogo mo tshwarela. Ayitsano taba ya gore tso re di sinnyeng di re kwisa go baba yi yenele?. Mo nkare re ya resa mo re re re ya tisola, di nyaka re tikemisela go maka se sengwana. * Tla re boneneng gore ke sefeng se sengwana so Jehova a se lebelelang mo a nyoko tshwarela motho wa gore o sinnye.

17. Mo ba re motho o sukulugiye ba ra ying, fote ke ntaba di nyaka re kganela kgole le taba ya go boyelela tsetsela re di sinnyeng? (Jesaya 55:7)

¹⁷ Se sengwana fote so Jehova a se lebelelang mo a nyoko tshwarela motho wa gore o sinnye ke taba ya gore ayitsano o sokologiye. Go sokologa di rela “go tšhentšha.” Mo re fo yi beya, re ka fo re di nyaka motho a tšhentšha maphelelo ke mokane a thomise go maka tso Jehova a di nyakang. (Bala Jesaya 55:7.) Gore motho yene a thomise go tseya dilo ka mokgo Jehova a di tseyang, di nyaka a lisetse Jehova a mo yetetse. (Marom. 12:2; Maef. 4:23) Fote di nyaka a tikemisela go lomoga ga mokgwa wage wa botala wa go nagana le wa go maka dilo. (Makol. 3:7-10) Nnete ke gore  mo re šupetsa tumelo ga sehlabelo sa Kreste, Jehova o nyoko re tshwarela a boya a sula tso re di sinnyeng. Mara Jehova o nyoko maka gore sehlabelo sone se re berekele mo a di bona tsa gore re wa re tsoga re kene re liketsa go tšhentšha maphelelo ya rune.—1 Joh. 1:7.

18. King tso re di tšhutiyeng ga taba ya gore Jehova wa tshwarelana?

¹⁸ Tla re tigopotseneng tse dingwana tso re di tšhutiyeng. Aa šiyo ho lefaseng wa go Tshwarelana tsa mannete go tshwana le Jehova. Ke ntaba re reyane? Sa mathomo, o dula a tikemisele go re tshwarela. Sa bobedi, o re tšiba gabutši. Wa di tšiba tsa gore re ba mošaga mang fote wa di kgona go bona mo nkare re ya resa mo re re re ya tisola. Sa kararo, mo Jehova a re tshwarela o napa a ro sula ka mokana ga tsona tso re di sinnyeng. Tsotsone di maka gore re sa kokone ke lekwalo fote re jabolele le taba ya gore wa re yamogela.

19. King so se ka makang gore re jabole le mo re tšiba gore a ra yenela fote re fela re kekemisa?

¹⁹ Di nyaka re sa lebale gore re nyoko fela re ya mahlong re kekemisa go gongwana ka taba la gore a ra yenela. Mara, mantsu ya ma leng ga puku ya Insight on the Scriptures, Volume 2, lephephe 771, ma re kgomoletsa mo ma re: “Ka taba la gore Jehova o kwelana go baba wa di kwisisa tsa gore malata yage ma nyoko fela ma kekemisa go gongwana, mara le mo go le ka mokgonone a di nyake ma dula ma kwisa go baba ke taba la tsa go kekema tso ma di makiyeng ka taba la gore a ma yenela. (Pis 103:8-14; 130:3) Mo malata ya Modimo ma ya mahlong ma karakara gore ma thogo maka tso a di nyakang ma ka jabola la go sa hlayisege. (Mafil. 4:4-6; 1 Joh. 3:19-22).” Ye lune, phela tsone di ya re kgomoletsa wa tšiba!

20. Ga hlogotaba ya go latela, re nyoko bolabola ka ying?

²⁰ Re yi leboga ka matla taba ya gore Jehova o dula a tikemisele go re tshwarela mo re šupetsa gore re ya tisola tsa mannete ga tso re di sinnyeng. Mara re ka kopisela Jehova ka mokgo mang ga taba ya gore wa tshwarelana? Mokgwa wa rune wa go tshwarela o yelana le wa Jehova ka ying fote wo fapana mo di tla kaye? Ke ntaba go le taba ye kgolo gore re kwisise gore wo fapana ka mokgo mang? Ga hlogotaba ya go latela, re nyoko kraya phetolo ya putsiso yone.