1. Jehova o ba tiyisa ka mokgo mang ba gore ba sinnye ba boya ba šupetsa gore ba tisola tsa mannete?

 JEHOVA ke yene ye a re Makiyeng, ye a re neyang Molawo, fote ke wa go Yahlula, re sa lebale le taba ya gore ke Papa wa rune wa ku legedimong wa gore o re nyaka ka matla. (Pis. 100:3; Jes. 33:22) Mara mo re mo sinyela ke mokane re šupetsa gore re tisola tsa mannete, wa re tshwarela ka taba la gore o dula a tikemisele go re tshwarela. (Pis. 86:5) Jehova o yye a hlohletsela moporofeta wage ye ba reng ke Jesaya gore a hlaye mantsu yawa ya go kgomoletsa: “Le mo tso le di sinnyeng di ka kgubala go tshwana le madi, di nyoko tšhwewufala go tshwana le kapoko.”—Jes. 1:18.

2. King so re tshwaneleng re se make mo nkare re ya di nyaka go dula re kwana le ba bangwana?

² Ka taba la gore a re ya yenela, ka mokana ga rune re fela re kwisa ba bangwana go baba ka tso re di bolabolang le tso re di makang. (Jak. 3:2) Mara tsotsone a di nape di re tapa matšhika ya go ya mahlong re nghanelana nabo. Re nyoko phomelela mo re ka tšhuta go tshwarelana. (Diy. 17:9; 19:11; Mat. 18:21, 22) Jehova o nyaka gore re tshwarelane le mo re f’lo ghulana ka gonyana. (Makol. 3:13) Ka taba la gore Jehova o tshwarelana “a sa fetsi” tsotsone di re tšhofa gore le rune re make ka mokgonone.—Jes. 55:7.

3. Re nyoko petapeta ka ying ga hlogotaba yowa?

³ Ga hlogotaba yowa, re nyoko petapeta ka taba ya gore batho ba go sa yenela ba ka mo kopisela ka mokgo mang ga Jehova ga  taba ya go tshwarelana. Ke mo motho a sinnye tsa mošaga mang tsa gore di nyaka bagolo ba di tšibe? Ke ntaba Jehova a re hlohletsela gore re tshwarele ba bangwana? Fote king so re ka se tšhutang ga magageru ya gore ma yye ma kwisa go baba ke tso ba bangwana ba di sinnyeng?

4. (a) Mo ye go leng lelata la Jehova a sinnye ka matla di nyaka a make ying? (b) Bagolo ba kena kaye ga taba ya mo motho a sinnye?

⁴ Mo Mokreste a ka sinya ka matla di nyaka bagolo ba di tšibe. Mo re beyisa ga 1 Makorente 6:9, 10 ba hlaya dilo tse dikgolo tso Mokreste a ka di sinyang tsa gore di nyaka a di botsa bagolo. Mo ba re motho o sinnye ka matla , tsotsone di rela gore motho yene o tshidiye molawo wa Modimo. Mo Mokreste a ka sinya ka mokgonone di nyaka a rapela ga Jehova a phophote ke mokane a botse le bagolo ka phutegong. (Pis. 32:5; Jak. 5:14) Anthe bagolo ba kena kaye ga taba yowa? Re ya di tšiba tsa gore ke Jehova a le ntoši wa go ba le matšhika ya go tshwarela batho mo ba sinnye fote tsotsone o di maka a berekisa sehlabelo sa Kreste. * Le mo go le ka mokgonone, Jehova o neyye bagolo mmereko wa go berekisa Mangwalo gore ba thogo segelela sepheto sa gore ayitsano ye a sinnyeng a ka fo ya mahlong a le ka phutegong kela dho. (1 Makor. 5:12) Fote se sengwana di nyaka ba tiputsisa diputsiso tsowa: Ayitsano tso motho ye a di sinnyeng o f’lo maka ka bomu? Motho yene tso a di sinnyeng o ro di polana? Ayitsano tso a di makiyeng ke botala a kene a ya mahlong a di maka? Se sengwana fote ke gore, ayitsano go na le so se šupetsang gore mo a re wa tisola wa resa? Ayitsano go na le so se šupetsang gore Jehova o šele a mo tshwarele?—Meber. 3:19.

5. Mmereko wo bagolo ba wo makang mo motho a sinnye wo gelepa ka mokgo mang?

⁵ Mo bagolo ba gelepa motho wa gore o sinnye, ba nyaka go segelela sepheto so ba šeleng ba se segelele ku legedimong. (Mat. 18:18) Mara taba yonone yi gelepa phutego ka mokgo mang? Yi maka gore motho wa gore o sinnye wa gore a ka kutšetsela dinku tsa Jehova a ntshiwe. (1 Makor. 5:6, 7, 11-13; Tito 3:10, 11) Tsotsone di ka gelepa ye wa gore o sinnye gore a tisole a boye a sokologe gore Jehova a thogo mo tshwarela. (Luk. 5:32) Bagolo ba nyoko rapela ba mo kgopelela ga Jehova gore a mo gelepe gore a thogo hluhlutela ga tso tsa Modimo.—Jak. 5:15.

6. Mo motho a ka ntshiwa ka phutegong, ayitsano di ya kgonega tsa gore ba boye ba mo tshwarele? Hlatolla.

⁶ Mo motho wa gore o sinnye a fo womisa hlogo mo bagolo ba liketse go bolabodisana naye, o nyoko ntshiwa ka phutegong. Fote mo nkare o tshidiye molawo wa naga bagolo ba ka sa di thibele tso di nyoko mo tlelang. Phela Jehova o neyye bo ba go lawola ba mmušo gore ba yahlule ba boye ba wolole ye mongwana le ye mongwana wa gore o tshila molawo di sa yi ka gore wa tisola kela dho. (Marom. 13:4) Mara mo nkare motho yene hlogo yage yi thomisa go bereka gabutši ke mokane a tisola a boya a sokologa, Jehova o tikemisele go mo tshwarela. (Luk. 15:17-24) O nyoko mo tshwarela le mo yi le gore o yye a sinya ka matla.—2 Dikor. 33:9, 12, 13; 1 Thim. 1:15.

7. Mo motho a sinya re mo tshwarela ka mokgo mang?

⁷ Phela di ya re yimulla go fo tšiba gore a re kene felo ga taba ya gore ayitsano Jehova wa mo tshwarela motho ye a sinnyeng kela dho! Mara le mo go le ka mokgonone, go na le so le rune re tshwaneleng re se make. Mara king sosone? Ka dinako tse dingwana di ka makega gore motho a re sinyele fote a re sinyele ka matla mara a boye a kgopele gore re mo tshwarele. Mara ye mongwana a ka sinya ke mokane a  sa hlaye gore ke masopo. Mo go ka makega ka mokgonone, di ko ba gabutši gore re kgete go fo mo tshwarela ke mokane re yi fitise taba yone ya go fo dulela go mo kwatela. Go fo bolabola nnete, di nyoko tseya nako fote di nyaka re ro karakara ka matla mo nkare di šiyye sethogo se segolo. Sewokamelo sa September 15, 1994, se yitseri: “Mo motho a tshwarela ye mongwana tsone a di rele gore o kwana natso tsa go kekema tso a di makiyeng. Mara mo Mokreste a tshwarela o lisetsa gore Jehova go be yene ye a tshwaraganang le taba. Ke yene wa go Yahlula gabutši lefaseng ka mokana ga lona fote o nyoko lukisa dilo ka nako ya gona.” Ke ntaba Jehova a re hlohletsela gore re tshwarelane fote re lisetse gore go be yene ye a tshwaraganang le taba?

8. Mo re tshwarelana re šupetsa ka mokgo mang gore taba ya Jehova ya gore o re kwela go baba re yi tseyela gedimo?

⁸ Mo re tshwarelana re šupetsa gore re ya leboga. Jeso o yye a berekisa mošupetso wa gore o tshwanisa Jehova le motho wa go hira wa gore lelata lage ne le mo kolota tšheleta ya go tlala ke mokane a fo sula sekoloto sone ka taba la gore ne a šitega go se patela. Mara lona lelata lone la gore ba yye ba le tshwarela le yye la sa kwele ye mongwana wa gore ne a le kolota tšheleta ye nyana. (Mat. 18:23-35) Mara taba yone ya Jeso yi re tšhutisa ying? Mo nkare taba ya gore Jehova o re kwela go baba re yi tseyela gedimo, tsotsone di nyoko re tšhofa gore re tshwarele ba bangwana. (Pis. 103:9) Mengwaga ya go fela Sewokamelo se yye sa yi beya ka mokgo taba yowa: “Le mo re ka tshwarela ba bangwana gatleletlele tsotsone di ka sa tsoge di phadiye mokgwa wa Jehova wa go tshwarela a boya a šupetsa gore o re kwela go baba a berekisa sehlabelo sa Kreste.”

9. Ke ba mošaga mang bo Jehova a ba kwelang go baba? (Matewu 6:14, 15)

⁹ Mo le tshwarela ba bangwana le lune ba nyoko le tshwarela. Jehova o ba kwela go baba ba gore le bona ba kwela ba bangwana go baba. (Mat. 5:7; Jak. 2:13) Taba yonone Jeso o yye a maka gore yi be lekgwaying nakwela a tšhutisa bo ba mo latelelang gore ba rapele ka mokgo mang. (Bala Matewu 6:14, 15.) Fote, Jehova o yi šihlela gabutši taba yowa ga tso di yyeng dya makegela lelata lage Jobo. Monna yene wa go tshepega o yye a kwa go baba ka matla ka taba la tsa go hlaba tso di bolabodiyeng ke banna bowa ka bararo Elifase, Bhilidada le Zopha. Mara Jehova o botsiye Jobo gore a rapele a ba phophotele. Ka nthago, Jobo o yye a maka ka mokgonone ke mokane Jehova a mo rufa.—Jobo 42:8-10.

10. Ke ntaba re re go tshwara motho ka pelo di ya kwaletsana? (Maefeso 4:31, 32)

¹⁰ Tsa go tshwarana ka pelo di nyoko re kwaletsisa. Phela Jehova o nyaka gore re kganele kgole le taba ya go tshwara ba bangwana ka pelo gore re thogo yimuluga. (Bala Maefeso 4:31, 32.) O re hlohletsela gore “re sa kwate ka matla fote re sa fufulele.” (Pis. 37:8) Phela mo re maka tsotsowa re ko ba re šupetsa gore re hlalefiye. Mo re tshwara ba bangwana ka pelo di nyoko maka gore re šigame fote re sa bo pate. (Diy. 14:30) Di nyaka re di tšibe tsa gore mo re tshwara ba bangwana ka dipelo a di kwaletse bona, go fo tshwana le mo re nwa tšhefu a yi kwaletse motho ye mongwana yi kwaletsa rune beng. Mara, mo re tshwarela ba bangwana tsotsone di rela gore re tikhutsisa tsa go tlala. (Diy. 11:17) Re nyoko dula re bebiye, re sa šekedisi ke selo fote re nyoko ya mahlong re kene re berekela Jehova.

11. Bhayibele yi re king ka taba ya go nyaka go busetsa? (Maroma 12:19-21)

¹¹ Jehova ke yene ye a busetsang. Phela Jehova aa re neya matšhika ya gore re busetse mo ye  mongwana a re sinyela. (Bala Maroma 12:19-21.) Ka taba la gore go na le tso di re kgerelang fote re sa di kgone tsa go bona mahlaya ka mokana ga wona ya taba re ka sa di kgone go yahlula gabutši go tshwana le Modimo. (Maheb. 4:13) Fote ka dinako tse dingwana, taba ya ka mokgo re tikwang ya kenakena ke mokane yi re šitisa go yahlula gabutši. Jehova o hlohletsele Jakobo gore a ngwale gore: “Dilo tso motho a di makang a kwatiye a di gabutši mahlong ga Modimo.” (Jak. 1:20) A re kamake gore mo Jehova a yahlula o nyoko yahlula gabutši.

12. Re ka šupetsa ka mokgo mang gore re ya di tshepa gore Jehova o nyoko yahlula ka go loka?

¹² Mo re tshwarelana re šupetsa gore a re kamake gore Jehova o yahlula ka go loka. Mo re lisetsa gore go be Jehova ye a tshwaraganang le taba re napa re ro šupetsa gore re ya di tshepa tsa gore Jehova o nyoko di kgona go lukisa mo go kekemmeng gona. Ga lefase la nyuwane lo a re tshepisiyeng lona re ka “sa sa gopola dilo tsa botala tsa go re kwisa go baba fote di ka sa sa wunyuluga ho pelo.” (Jes. 65:17) Mara mo ba re kwisiye go baba ka matla, nje di ya kgonega tsa gore re fo fitisa taba ke mokane re sa tshware motho ka pelo? Lebelela gore ba bangwana ba di makamakiye ka mokgo mang tsotsone.

13-14. Tso di makegeleng Tony le José di go tšhutisa ying ga taba ya go tshwarelana?

¹³ Magageru ya go tlala ya Makreste ma kgetiye go tshwarelana mo ba bangwana ba ba kwisiye go baba ka matla. Go maka tsotsone di makiye gore ba rufege ka mokgo mang?

¹⁴ Tony wa gore o dula ku Philippines nakwela a soko bane a kraya nnete, * di yye dya makega gore bhuti wage a bolaye ke morene mongwana ye ba reng José. Ka nako yonone, Tony ke mo go le motho wa go yakgoswa a fela pelo, a kwana le bokgohlane fote tso ne a kwana natso ka matla ke go busetsa. Byalo, José ba yye ba mo tshwara ke mokane ba mo hlahlela jele. Ka nthago mo ba mo ntsha jela ga José, Tony o yye a tipotsa gore o nyoko mo nyakela a mo kraye ke mokane a mo tlopole segolwagolwane sowa. O yye a boya a reka le sethunya. Mo goya-goya Tony o yye a thomisa go tšhuta Bhayibele le Dihlatse Tsa Jehova. O re, “Mo nkene ke tšhuta ke yye ka di bona tsa gore di nyaka ke tšhentšha maphelelo fote ke lisetse le taba  yone ya go kwata.” Ka nthago ga nakonyana, Tony o yye a kolobetsiwa ke mokane gwa ba mogolo ka phutegong. Mo a di kwelela gore José le yene o kolobetsiwwe fote ke lelata la Jehova taba yone yi yye ya mo makatsa ka matla! Mo banna bowa ka babedi ba gahlana ba yye ba tlaparelana ba jabodiye ka matla ke mokane Tony a botsa José gore o mo tshwarele. Tony o re taba yonone ya go tshwarelana yi makiye gore a jabole la go sa hlayisege. Eya, Jehova o yye a rufa Tony ka taba la gore o yye a tshwarelana ka go di nyaka.

15-16. Tso di makegeleng Peter le Sue di go tšhutisa ying ga taba ya go tshwarela?

¹⁵ Ka 1985, Peter le Sue ke mo ba le mogahlanong Holong ya Mmušo mo ba fo kwa go thunya bhomu. Morene mongwana o yye a reya bhomu ka Holong ya Mmušo! Sue o yye a kwalela ka matla la go šinya a sa sa bona a boya a sa sa kwa. Fote o yye a sa sa kgona le go nkgelela. * Peter le Sue ba dula ba tiputsisa gore, ‘Anthe ke motho wa mošaga mang wa go maka tsa go befa ka mokgo?’ Ka nthago ga mengwagangwaga motho ye a yyeng a thunyisa bhomu yone wa gore ne go se lelata la Jehova ba yye ba mo tshwara ba mmošela jele lephelo lage ka mokana ga lona. Mo ba butsisa Peter le Sue gore ayitsano ba mo tshwarele ga monna yela, ba yitseri: “Jehova o re tšhutisa gore re sa duli re kwatiye fote re sa tshware ba bangwana ka pelo ka taba la gore di nyoko re šigamisa di boya di re hlupa ho monaganong. Byalo, di so yi kgole re yye ra kgopela Jehova gore a re gelepe gore re thogo lisetsa taba ya go kwata ka matla fote re sa tshware motho ka pelo gore tsa lephelo di thogo thelela.”

¹⁶ Ayitsano ke mo di le lula ga bona gore ba fo tshwarela motho yene? Awwa go seng ka moka nako. Mo ba hlatolla ba re: “Ka moka nako mo re bona Sue a hlupegisa ke tso di yyeng dya makega tsotsone di maka gore re kwate ka matla. Mara di yakgoswa di feta ka taba la gore a re fo dulela go nagana ka tsona. Gabutšibutši mo di ka makega gore sekgohlane sone go be mogageru ka letšatši le lengwana re nyoko fo mo yamogela. Taba yowa yi re tšhutisiye gore ditšhiko tsa Bhayibele di ya re yimulla fote di maka gore re bebe ka mokgwa wa gore le rune beng ke mo re sa wo nagane! Fote  go fo tšiba gore Jehova o nyoko tla a lukisa tso di sinyegiyeng, taba yonone yi re kgomoletsa ka matla.”

17. Tso di makegeleng Myra di go tšhutisa ying ga taba ya go tshwarelana?

¹⁷ Myra o yye a tšhuta nnete ka nthago ga mo a šadhiye fote a na le bana ka babedi. Monnage a sanka a yamogela nnete. Mo goya-goya o yye a maka bonghwahla ke mokane a fo šiya ba mutši wage. Myra o re: “Mo monnaka a nšiya le bana ka babedi ke yye ka tikwa ka mokgo ba go tlala ba tikwang ka nthago ga mo ba ba kwisiye go baba, ne ke makele, ke sa tshepe, ke tisola fote ke kwatiye ka matla.” Le mo yi le gore mošadho wone wo yye wa fela ke f’lo ya mahlong nkene ke kwa go baba. Mo Myra a ya mahlong ka ditaba tsage o re: “Go fitiye dikgwedinyana ke sa tšibi pelo le nthago ke mokane ka di bona gore tsotsone di nyoko sinya senghana saka le Jehova le batho ba bangwana.” Mara Myra gana byalo o re o yi lisetsiye taba ya go fo dulela go kwata fote aa tshwara monna yewa ne go le wage ka pelo. O nabela gore ka letšatši le lengwana monna yene a tšhute ka Jehova. Gana byalo Myra o fo lebelela tsa ku mahlong. Go le mmelegi wa go gudisa bana a le ntoši, o gudisiye bana bage gore go be malata ya Jehova. Lekgono, Myra o jabolela go berekela Jehova a na le bana bage le ba mitši ya bona.

18. King sa gore a re se kamake ga taba ya gore Jehova ke yene Ye mogolo wa go Yahlula?

¹⁸ Go fo tšiba gore mmereko wa go yahlula a wo šalele rune di re yimulla ka matla! Jehova ka taba la gore ke yene ye mogolo wa gona wa go yahlula o ko wo makeng mmereko wone. (Marom. 14:10-12) Rune a re kamake le ka gonyana gore mo a yahlula o nyoko berekisa melawo yage ya gabutši. (Gen. 18:25; 1 Mag. 8:32) Phela a ka sa tsoge a kekemisiye le ka gonyana!

19. Taba ya gore Jehova o yahlula ka go loka yi nyoko re leyela ying?

¹⁹ Re di yemele ka maahlo ya ma khubedu go bona nako ya mo Jehova a lukisa dilo ka mokana ga tsona tsa gore di sinnye ke taba ya gore batho a baa yenela fote ba na le senyama. Ka nako yonone, tso di re hlupang ho mmeleng le ka mokgo re tikwang di nyoko yalafega go ya go yye. (Pis. 72:12-14; Kut. 21:3, 4) Phela dilo tsone di ka sa sa wunyuluga le ho pelong. Mara mo re kene re sa yemele nako yone gore yi segele, so se re jabodisang ke gore Jehova o makiye gore re di kgone tsa go kopisela mokgwa wage wa go tshwarelana.