1. Itthu heeni sikhanle oonoopopiha?

 OOTHEENE hiyo ninnaweherera oviriha maxupo a mweekumini oowoopiha. Nrowe noone soowereya sa asinna akina. Nestor ni amwariye, María, yannatthuna okhavihera mapuro oothowa anamalaleera. Mene nto weera epake eyo, yannoova. * Mene weera epake eyo awo waatthuneya okhweihera ekumi aya mene nto yannoova. Nto yannahakalala mwaha wookhalano itthu ni musurukhu vakhaaneene. Etempu Biniam aathanlalaawe okhala Namoona a Yehova elapo muteko ahu woolaleera onkhottihiwaaya, owo aasuwela weera aakela osondiwa ni annoova. Mene etthu ekina yaamweeriha woova waari ophimelela etthu yaakelaaya opaka amusi awe yasuwela vale. Mwaha woothanla omukokhorela Yehova. Valérie aaphwanyiwa ni kanseri yoowo ahaakhweñye omutepela. Mene nto waari wooxupa waaphwanya mameediku yaawo yeera emooperari ettittimihaka soororomela sawe sa mBiblyani ni ehivarelaka muteko ephome. Mene nto owo annoova vantxipale okhwa.

2. Mwaha wa heeni nintthuneyaahu wiilipihera weera niwine woova wahu?

² Neereke nyuwo mootoko ookumanano woova iwo? Antxipale a hiyo nootoko. Naahiikosoopa mwaha wa woova iwo, woonaru pooti opaka soothanla soonanara sineera sinanarihe onthamwene nraahuno ni Yehova. Tiyeeyo tthiri Satana ontthunaawe. Nto owo ontthuna ovarela muteko woova iwo weera anihiihe wiiwelela malamulo a Yehova, ohela mpuwa  nlamulo noolaleya mitthenka sooreera. (Apok. 12:17) Satana toowuuma murima ni toowera onipwaha hiyo. Mene nto nyuwo pooti owera omutthawa Satana owo. Moota heeni?

3. Eheeni enkela onikhavihera owina woova?

³ Naaroromelaka weera Yehova onnansivela—ni ori ni hiyo—nnoowera osepa miraakho sa Satana. (Nsal. 118:6) Mwa ntakihero, namalepa a Nsalmu 118 aakumanano maxupo yaawo yaamuriipiha murima. Owo aakhalano amwittani yaawo yaatepa omusontta (eversu 9, 10). Atthu antxipale yannamusontta (eversu 13). Ikwaha sintxipale owo annalakiwa ni Yehova (eversu 18). Nnaamweera aalakiwa veeli veeli, nasalimu aahiipa eeraka: “Nkinrowa wova etthu onakèrelaiye mutthu.” Eheeni yaamweerinhe Nasalimu woona weera annakosoopiwa? Owo aasuwela weera, nnaamweera aalakiwa veeli-veeli owo aahoona weera Yehova amulaka mwaha wooweera annamusivela vantxipale. Nasalimu annaroromela weera nnamweera aaviriha maxupo Tiithaawe awiirimu ammukhavihera.—Nsal. 118:29.

4. Ithu heeni tthaaru nikhanlaahu oowoova ni heeni enkela onikhavihera owina woova iwo?

⁴ Nintthuneya ororomela weera Yehova, onnamusivela yoole ori mutthu. Ororomela iwo onoonikhavihera owina maxupo ala mararu oowoova: (1) woova woohiwera otxiha emusi; (2) owoova atthu ni (3) woova okhwa. Atthu ahimmwale eparagrafu yoopatxera yaawinne woova waya mwaha wooweera yannaroromela weera Yehova onnaasivela.

5. Itthu heeni sineera simweeriheke muhooleli a etthoko okhala ooxupeya? (Nwehe efootu ya vakaapani.)

⁵ Mukristu ori muhooleli a vatthokoni khankuxera matheela muritti oraaweno wookosoopa emusi awe ni itthu sa weerutthuni. (1 Tim. 5:8) Nyuwo mwaareene muhooleli a etthoko woonaru mwaha wa ereetta ela ya koronavirus mwannoova oyeleela muteko anyu. Pooti weera mwannaxupeya moota mweeraanyu nwereke othuma yootxa ni oliva empa yoowaalukari naari sootthuneya soowannyinyu. Nyuwo-tho pooti weera mwannoova oyeleela muteko anyu nave ohiphwanya mukina. Nestor ni María, nimuhimmaahu woopatxerani, aawera okweihera okumi awe weera aatxeerere muteko anvarelaawe Yehova. Nyuwo pooti wooxupani ohiya muteko anyu yoowo munliviwaanyu musurukhu ni munvaraanyu okhuma khalayi mwaha wooweera etthu eyo pooti oxupiha okumi anyu. Satana onnavarela muteko woova iwo weera aahiihe atthu onvarela muteko Yehova.

6. Satana ontthuna weera nuupuweleke eheeni?

⁶ Satana ontthuna nuupuweleke weera Yehova khampwatthela vaavo ninxupeyaahu ni otxiha etthoko ahu. Vanooneya weera naahiikosoope hiyo pooti opaka ele ninweraahu weera nihiyeleele muteko ahu nnaamweera eyo ehelaka mpuwa ohitthara miruku sa mBiblyani.

7. Eheeni Yesu oninroromelihaawe?

⁷ Yesu oomusuwela nnene Tiithaawe waapwaha atthu ootheene, ni onnanroromeliha weera Muluku ahu “onnasuwela sothene ninhawelahu nihinakuve onvekela.” (Math. 6:8) Yesu oosuwela weera Yehova onoonikhavihera anivahaka itthu sinnithowa. Hiyo nri makristu, noosuwela weera ninneerela eparte emusi ya Muluku. Mene nto nroromeleke weera ntoko muhooleli a etthoko, Yehova onoottittimiha miruku siri va 1 Timotheyo 5:8.

8. (a) Eheeni eneera yookhavihereni owina maxupo oowoova ohiwera otxiha emusi? (Matheyo 6:31-33) (b) Moota heeni nneeraahu nitakihe ntheli nri va footuni nninvaha yootxa murokora?

 ⁸ Naaroromelaka weera Yehova onnansivela ni tho weera onnasivela emusi ahu, nto, nneereke ororomela weera Yehova onoonivaha itthu sinnithowa. (Mmusome Matheyo 6:31-33.) Yehova onnatthuna onivaha itthu sinnithowa mwaha wooweera, owo Muluku oovaha! Etempu owo aapakaawe elapo ya vathi owo khohiyono paahi aanivanhe itthu sootthuneya weera nikhaleke ni okumi. Opwaha mwa yeeyo owo aasariha elapo ela itthu sooreera. (Eph. 2:9) Nnaamweera nreeneno itthu vakhaani paahi saweerutthuni, onnatthuneya omuxukurela ole onivanhe okumi. Yehova khanhiyerera onivaha itthu sinnithowa. (Math. 6:11) Onnatthuneya wuupuwela weera itthu sootheene nraahuno olelo va sa weerutthuni, khasinlikana niitthu aneeraawe anivahe muhoolo Yehova Muluku ahu ansivelo. Nestor ni María aasuwela eyo.—Yes. 65:21, 22.

9. Munxuttera heeni ni ntakihero na Nestor ni María?

⁹ Nestor ni María yaannahakalala mwaha wa ekumi yaaraayano oColombia. Awo, aahimme aha: “Hiyo naahuupuwela okhweihera ekumi ahu weera naatxeerere muteko woolaleera nnavarelaahu Yehova,” mene nto, “nannoova ohihakalala mwaha wookhalano musurukhu vakhaaneene.” Vanonto eheeni yaakhavihenre owina woova iwo? Awo, yuupuwela moota Yehova owoonihenraawe nsivelo nawe. Mwaha woororomela weera owo aamwaakosoopa awo, yaahiya muteko aya yoowo yaakhelaaya musurukhu muntxipale. Awo yaattumiha empaaya ni enaathaamela mapuro oothowa anamalaleera a Omwene. Vanonto awo anoonela hayi mwaha wa yoothanla eyo? Nestor ohimme ha: “Noohoona okwanela wa yoolepa ya Matheyo 6:33. Khasinnanthowe itthu sa weerutthuni. Vano nookhalano ekumi yoohakalaliha.”

10. Mwaha wa heeni oraaya wootthuneya weera atthu ettittimihaneke mukina ni mukhwaawe?

¹⁰ Atthu aakhalano sooweereya sinnoonihera weera atthu annahasulana. (Koh. 8:9) Mwa ntakihero, anamalamulela khantthara malamulo aya, ikrime ni ohixariya, Buuly mmaxikolani, [oveehana wa ale ansoma ekaalaase emoha] atthu akina khaanaathokorora  nnene amusi aya. Khennantikiniha weera atthu annawoova atthu akina! Moota heeni Satana oneereraawe ovarela muteko owoova atthu?

11-12. Moota heeni Satana onvarelaawe muteko owoova atthu weera anihiihe weettela ekhaikhai?

¹¹ Satana onnavarela muteko woopopiha wa atthu weera anihiihe olaleera. Yeettihiwaka ni Satana anamalamulela annakhoottiha muteko ahu ni annansontta. (Luka 21:12; Apok. 2:10) Atthu antxipale olelo va aneettihiwa ni Satana annamwaramwara itthu soowootha woohima sa Anamoona a Yehova. Atthu aniiwelela sowootha iyo, pooti oniveeha ni onimana. (Math. 10:36) Neereke ninnahovela miraakho sa Satana? Hooye. Mwaha wooweera, owo ootoko ovarela muteko miraakho eseekulu yoopatxera.—Mit. 5:27, 28, 40

¹² Woova osonttiwa ni anamalamulela, khaiyene murakho mmoha Satana onvarelaawe muteko. Atthu akina yaannoova osondiwa ni amusi aya yasuwela vale weera Namoona a Yehova. Mwaha wooweera awo annaasivela amusi aya ni antthuna weera awo-tho exuttere ekhaikhai ni emusiveleke Yehova. Mene nto, tiiwooriipiha murima owiiwa amusi ahu emuulumaka moohireerela Yehova vamoha ni arumeyi awe. Nave-tho atthu yaale yaawuuluma moohireerela Anamoona a Yehova olelo va aaxuttera ekhaikhai. Neereke munooxupeya wakhala weera amusi anyu anoohiya wuuluma ni nyuwo mwaha wa soororomela sanyu? Munrowa woonela hayi?

13. Moota heeni ororomela nsivelo noohimala na Yehova oneeraaya onikhavihere yannyanyala amusi ahu? (Nsalmu 27:10)

¹³ Hiyo nnoowera okhala oolipa wakhala weera nnimuupuwela masu eri va Nsalmu 27:10. (Musome.) Wakhala weera nnimuupuwela nsivelo na Yehova nnookhala oovareleleya vaavo ninsodiwaahu. Nave-tho nroromeleke weera Yehova onnontthuvela mwaha wa wiilipihera wahu. Yehova onookosoopa mikhalelo sahu soomunepani ni saweerutthuni waapwaha atthu ootheene! Eyo Tiyeeyo ohimmaawe Biniam ohimmwale woopatxerani.

14. Muxuttenre heeni ni ntakihero na Biniam?

¹⁴ Biniam aahiithanlela okhala Namoona a Yehova nnaamweera aasuwela weera muteko ahu wannakhoottihiwa nave nnaamweera  aasuwela weera owo aakela osondiwa. Mwaha woosuwela weera Yehova onnamusivela, owo aawina maxupo oomoova mutthu. Owo ohimme ha: “etthu koovaakaxa oopwaha osondiwa” ni anamalamulela waari osondiwa ni amusika. Miyo kannoova weera yoothanlaaka yookhala Namoona a Yehova, khiyaarowa waasivela apapaka yaawo yahaakhanle makristu ni amusi aka nave-tho kaannoova okeera mulavilavi. Mene nto Biniam annaroromela weera Yehova annaxupeya ni yaale ammusivela. Biniam ohimme ha: “Wuupuwelela moota Yehova aakhaviheraawe atthu akina yaathoiwa musurukhu, yaakhaleliwa nrima ni yaathokororiwa moohixariya. Miyo kaasuwela weera kavirelela okhala oororomelaya wa Yehova, owo aamukireeliha. Etempu kaawaleliwaaka mukateya ni omaniwa, kaahoona weera Yehova onnanikhavihera ovirelela okhala oororomeleya.” Yehova aari Tiithi wa Biniam ni arumeyi awe annoona weera anneerela eparte emusi awe.

15. Mwaha wa heeni woova okhwa onnikosoopaaya?

¹⁵ Biblya onnathaliha weera okhwa mwiittani. (1 Akor. 15:25, 26) Hiyo pooti okhala ooxupeya ni woova okhwa etempu yeeyo amusi ahu anvoreiwaaya. Mwaha wa heeni nnoovaahu okhwa? Mwaha wooweera Yehova onipanke weera nikhaleke mahuku ootheene. (Koh. 3:11) Woova okhwa pooti onikhavihera okhala ookosoopeya mwaha wa ekumi ahu. Mwa ntakihero, pooti onikhavihera opaka soothanla sooreera, woohima sa moota woopaka edieta [ootthanlela yootxa] ni opaka exersisiyu, ni waasaasa nikhavihero na mameediku ni othanla murette yoowo onneera ohihele varisani ekumi ahu.

16. Moota heeni Satana oneereraawe ovarela muteko woova wahu?

¹⁶ Satana oosuwela weera hiyo onsivela ekumi. Mpaka owo oophiyera ohima weera hiyo atthu nnoopaka itthu sootheene ninweraahu—ohela mpuwa onanariha onthamwene ahu ni Yehova—mwaha wa ekumi ahu. (Yobi 2:4, 5) Mene Satana owo onimweera wootha! Opwaha mwa yeeyo owo “ookhalano owera wookumihera okhwa,” Satana onneerera ovarela muteko woova okhwa weera anihiihe onvarela muteko Yehova. (Aheb. 2:14, 15) Ikwaha ikina Satana onnaavarela muteko atthu awe weera ewoopopiheke owiiva arumeyi a Yehova waakhala weera khanhiya nroromelo naya. Satana tho pooti ovarela muteko okosoopiwa ni meediku weera anihiihe ororomeleya wa Yehova. Meediku naari amusi pooti onnyeserera weera naakhulele okosoopiwa evareliwaka muteko ephome, etthu yeeyo yeera evirikanyihe nlamulo na Muluku.

17. Moovarihana ni Aroma 8:37-39, mwaha wa heeni nihintthuneyaahu woova okhwa?

¹⁷ Nnaamweera nihitthunaka okhwa, noosuwela weera Yehova khankela onihiya onisivela nakhwa vale. (Mmusome Aroma 8:37-39.) Etempu asinthamwene a Yehova ankhwaaya owo onnaasuka mmuupuweloni enakhala ntoko khaakhwiiyeru. (Luka 20:37, 38) Nto owo onimwaatthikihera okhala akumi-tho. (Yobi 14:15) Owo oovaha . . . Weera anivuluxe mookhwaani.” (Yoh. 3:16) Hiyo noosuwela weera Yehova onnansivela nave onnanikosoopa. Wakhala weera nnoopopiheriwa okhwa naari nnoovoreiwa ninvekele Yehova nimaaliho, miruku ni ikuru. Valérie ni aiyawe yaapaka eyo.—Nsal. 41:3.

18. Muxuttere heeni ni ntakihero na Valérie?

 ¹⁸ Etempu Valérie aaraaweno iyaakha 35. Valérie aavoreiwa kanseri. Moone moota nsivelo namukhavihenreya Valérie owina woova okhwa. Owo onhima ha: “Ereetta aka yaakitepela moowaakuveya. Miyo waatthuneya wooperariwa weera kikhale mukumi. Mene wooperariwa wootheene kaaphwannyaaka waavareliwa muteko ephome. Nto miyo kannoova okhwa mene nkaatthuna ohiya wiiwelela nlamulo na Muluku nenno ninkhoottihera oheleliwa ephome! Yehova ookoonihera nsivelo mweekumini mwaka mootheene. Miyo tho kintthuneya omoonihera nsivelo owo-tho. Etempu yeeyo miyo kaaleeliwaaka mitthenka soohireera voohima sa ekumi aka, murimaaka wannalipa weera kimusivelihe Yehova ohiya Satana. Okhwipi waya kaahooperariwa ehivareliwaka muteko ephome. Nnaamweera maxupo a ekumi aka evirelelaka Yehova onnakiva itthu sootthuneya. Mwa ntakihero, mmithukumanoni sa okwipi wa esemana miyo kaasooma mwaha waavarihana ni erettaaka. Nto eyo ennakivaha ikuru. * Nto mwaha ola waananlipiha. Nto hiyo ninnasoma ikwaha sintxipale. Osoma nyaha ntoko iya, mokhalelo wooreera wa omunepani wakivañhe miyo ni aiyaka murettele ni onikhaviheraka opaka soothanla sooreera.”

19. Eheeni enkela weereya moohipisa?

¹⁹ Yehova onnaakhavihera makristu a elapo yootheene owina maxupo aya ankumiheriwa ni Satana. (1 Ped. 5:8, 9) Nyuwo-tho Yehova onimookhaviherani. Moohipisa Yehova onoonvarela muteko “Yesu weera amalihe maxupo othene ankumiheriwa ni Satana.” (1 Yoh. 3:8) Nto yavira etthu eyo, “atthu a Yehova eneereke okhala ehoovaka etthu.” (Yes. 54:14; Mik. 4:4) Mene nihinaakuve ophiya nihuku nno ninnatthuneya wiilipihera weera niwine woova wahu.

20. Eheeni eneera enikhavihere owina woova wahu?

²⁰ Nintthuneya ororomela weera Yehova onnaasivela ni onnaakosoopa arumeyi awe. Nto hiyo nnookhala oolipa nuupuwelaka moota Yehova aakosoopaawe arumeyi awe khalayi. Nave-tho nuupuweleke moota Yehova onikhaviheraawe ovilela maxupo ahu. Nikhaviheriwaka ni Yehova nnowera owina woova wahu!—Nsal. 34:4.