KIMELÜN ÑI PAPILTUNGEAL 27
“Maneluwnge Jewba mu”
“Maneluwnge Jewba mu; llükakilnge ka newentubinge tami piwke” (SAL. 27:14).
ÜLKATUN 128 Fentecünulayaiñ taiñ nehuentulen
¿CHEM QUIMAIÑ? a
1. 1) ¿Chem maneluwün elueiñmu Jewba? 2) ¿Chem am maneluwal Jewba mu? (Pebinge tati kimal dungu).
CHAU JEHOVÁ elufi quiñe maneluhun com tañi pu poyequeteu. Pichiñma mu apümafi com tati cutrancahun, cutran ca tati lan (Apoc. 21:3, 4). Chau Jehová quelluafi com “pu ñomngelu”, fei engün maneluucüleingün ñi cüme elcünungetual chi Mapu (Sal. 37:9-11). Cafei quelluaiñmu taiñ doi cüme hueniyeafiel ca doi quiñeucüleaiñ quisu mu. ¡Müna ayühuelqueiñmu tüfachi maneluhun! ¿Chumngelu cai maneluhuafuiñ ñi huechutripayal Jehová ñi feipin? Chau Jehová femtripamequei com ñi feipin, feimu ‘maneluhuafuiñ Jehová mu’ (Sal. 27:14). b Fei nieiñ ta paciencia ca ayühun üngümnielu iñchiñ ñi femtripayal Jehová tañi piel (Is. 55:10, 11).
2. ¿Chumi Jewba?
2 Chau Jehová deu pengelcünui ñi femtripaquen tañi feipin. Ngüneduamaiñ quiñe dungu. Apocalipsis mu, Chau Jehová feipicünui fantepu meu ñi trahulafiel pu che com troquiñque mapu tuulu, caque rume tuhun-ngelu ca caque rume dungun nielu, fei quiñentrür poyeafingün ta Chau Dios. Famülque meu, feichi saquinque che coneltulei quiñe “fütra troquiñche” meu (Apoc. 7:9, 10). Mülei huentru, domo ca pichiqueche fillque tuhun nielu, huelu com engün cüme yeucüleingün ca quiñeucüleingün (Sal. 133:1; Juan 10:16). Pu coneltulelu tüfachi fütra troquiñche mu, com nehuen mu amuldunguqueingün ca maneluuqueingün ñi cüme elcünungetual ti mapu. Feimu quimelelfingün tañi maneluhun chuchi rume ayülu tañi allcütual (Mat. 28:19, 20; Apoc. 14:6, 7; 22:17). Coneltulelmi tüfachi fütra troquiñche mu, ¿rume falintupefimi mai tüfachi maneluhun?
3. Satana, ¿chem ayüki?
3 Huecüfü ayüniei tami maneluuhuenoal. Ca ayüniei tami feipial Chau Dios duamtuquelaeneu ta iñche ca femlayai tañi feipicünuel. Femngechi raquiduamliyiñ, nehuen piuquengelayaiñ. Fei fentecünuafuiñ taiñ serfifiel ta Chau Jehová. Tüfachi troquiñ mu peaiñ chumngechi Huecüfü ayüfui ta Job ñi maneluuhuenoal, fei ñi serfihuenoafiel ta Chau Jehová.
4. ¿Chem ngüneduamaiñ tübachi papiltun mu? (Job 1:9-12).
4 Tüfachi troquiñ mu peaiñ ñi chumfiel Huecüfü ta Job, femngechi ñi maneluunoal Jehová mu (papeltunge Job 1:9-12). Cafei entuaiñ quimeltun chem ñi rupan ta Job, tüfa pengelqueiñmu taiñ piuqueyenieteu Chau Jehová ca ñi femtripayal tañi feipicünuel.
SATANA KÜDAWI JOB NIEWENOOL MANELUWÜN
5, 6. Püchüñma mu, ¿chumngechi Job tañi mongen kaletui?
5 Job cüme mongen niefui, cüme hueniyefui ta Jehová, nierquefui quiñe fütra familia, quiñeucülerquefuingün ca nierquefui itrofillem (Job 1:1-5). Huelu quiñe antü meu müten, Job ñamtui com tañi nieel. Hune fillalerpui (Job 1:13-17). Fei hula lai com tañi saquinque yall, ¡müna hueñancün-ngei! Quiñe chau ca quiñe ñuque rumeñma cutrancahuingu lalu quiñe tañi yall, feimu raquiduamnge fente tañi cutrancahun ca tañi hueñancülen Job ñi domo engu. Feichi antü larumei tañi mari yall trananaglu ti ruca cheu ñi mülen engün. ¿Feimu peno Job huichafcai tañi tacun fei trananagi mapu meu? (Job 1:18-20).
6 Fei hula Huecüfü cutranelfi ta Job, che troquiuquelai (Job 2:6-8; 7:5). Job rume yamniengequefui, tati pu che pemefui tañi ngülamtungeal (Job 31:18). Huelu feula illamcangei. Tañi pu peñi, tañi pu hueni ca tañi pu cüdahuelqueteu famentueyu ta Job (Job 19:13, 14, 16).
Famülque mu fentren peñi ca lamngen huesaque dungu rupaingün Job reque. (Inaduamnge parrafo 7). d
7. 1) Satana, ¿chem rakiduamelbi Job, ka Job chem bemlai? 2) ¿Chem küdawngechi dungu upaabüi kiñe cristiano, Job reke? (Pebinge parrafo 7 tañi adentun).
7 Huecüfü, ¿chem cüpa hueluraquiduamelfi ta Job? Cüpa raquiduamelfi Chau Dios ñi illcutueteu, feimu cutrancauquefui. Quiñe dungu ñi femün ta Huecüfü: fei adcünufi quiñe fütra cürüf ñi trananagal ti ruca, tüfa mu iquefui Job tañi mari yall (Job 1:18, 19). Cafei Huecüfü adcünufi ñi nagal cütral huenu mu, fei ñi apümcayafiel pu culliñ ca tati pu cüdaufe (Job 1:16). Ti cürüf ca tati cütral huenu mu cüpai, feimu Chau Jehová mu cüpai com tüfa pilefui Job. Fei hula Job raquiduami ñi ayühuelnofiel ta Chau Jehová tañi femün mu. Huelu rupalu rume com tüfa, Job dunguyelafi ta Chau Dios. Rupayechi tripantu Chau Dios elueneu fentren cümeque dungu pi, feimu, ¿llounoafulu cai iñche tati huesaque dungu? pipelai Job. Fei feipi: “Amulepe ñi püramyengeel Jehová tañi üi” (Job 1:20, 21; 2:10). Job ñamtui tañi pu yall, itrofillem ca tañi cüme felen, huelu püntütripalai Jehová mu. Huecüfü, ¿ca chem chumfi ta Job?
8. ¿Ka chem dungu bemi Satana tañi kaiñeltuabel Job?
8 Fei hula Huecüfü adniefi cüla huentru, fei engün cüme hueniyefilu ta Job femfaluhuingün. Huelu huesalcafingün, falinolu troquifingün. Feichi pu huentru culpantucufingün ta Job tañi huesa rupan mu (Job 22:5-9). Raquiduamelfingün eimi culpanofulmi rume, ayühuel-layafimi ta Chau Dios pifingün (Job 4:18; 22:2, 3; 25:4). Felei, ayüniefui engün Job ñi raquiduamal Chau Dios ñi piuqueyenoeteu, ñi cuidanoeteu ca ñi falintunoeteu ñi serfifiel. Tüfa raquiduamelafui ta Job ñi refalta maneluucülen Jehová mu.
9. ¿Chemu Job nieki newen ka bütra piwke?
9 Raquiduamaiñ ñi rupan Job. Anülei trüfquen mu, rume cutrancülei (Job 2:8). Feichi cüla huentru amulei ñi feipifiel ta Job ñi cüme chengenon ca ñi falin-ngenon com tañi cümeque femün. Fente tañi huesa rupan nehuen-ngehuelafui Job ca cutrantupiuquelefui lalu tañi pu yall. Ellaca mu Job ñücüfcülehuei (Job 2:13–3:1). Feichi cüla huentru raquiduamafui Job ñi püntütripan Jehová mu, huelu femlai. Feichi mu Job huitrapürami tañi lonco, lelicünufi feichi cüla huentru, fei feipi: “¡Lali rume, elcünulayan ñi nor piuquengen!” (Job 27:5). ¿Chem quellueyu ta Job ñi nehuen piuquengeal rupalu rume huesaque dungu? Ngañhuadcülelu rume Job, fentecünulai ñi maneluucülen Jehová mu tañi quelluaeteu. Lallefule rume, quimniefui Chau Jehová ñi huiñomongeltuaeteu (Job 14:13-15).
CHUMNGECHI INAYEABIIÑ JOB ÑI BEMÜN
10. ¿Chem kimeleleiñmu Job tañi upan?
10 ¿Chem quimeltueiñmu Job tañi rupan? Huecüfü obligalayafeiñmu püntütripayal Jehová mu ca Chau Dios quimniei chem taiñ rupamequen. Ñi rupan Job ca quelluafeiñmu adümal caquelu falinque dungu. Cüpalechi parrafo mu ngüneduamaiñ tüfa.
11. Maneluwliiñ Jewba mu, ¿chem upaai? (Santiago 4:7).
11 Ñi femün Job pengelcünui ñi falin-ngen maneluhual Jehová mu, femngechi chaftunieafiyiñ ta Huecüfü ca tati huesaque dungu. Femngechi femliyiñ, Huecüfü lefmahuai iñchiñ mu pi tati Biblia (papeltunge Santiago 4:7).
12. ¿Chumngechi newentubi Job tañi maneluwal wiñomongetun mu?
12 Com taiñ piuque mu mülei taiñ maneluhual ti huiñomongetun mu. Chumngechi ngüneduamiyiñ rupachi chillcatun mu, fentren rupa Huecüfü allmalltuquei taiñ llicaniefiel ti lan dungu, femngechi taiñ püntütripayal Jehová mu. Huecüfü dalluntucufi ta Job, chem rume femafui ñi montulal tañi mongen pi, serfihuelayafui ta Chau Dios cütu. Huelulcalefui llemai. Quimniefulu rume ñi layal Job, eluucülefui ñi püntütripanoal Jehová mu. ¿Chem quellueyu ta Job? Cüme maneluucülefui ñi cutranduamyeteu Jehová ca ñi norümal chi dungu. Chau Dios norümtunofile ti dungu, Jehová queta huiñomongeltuaeneu pi. Job rüf maneluhui ñi huiñomongetual che. Job reque maneluuliyiñ ti huiñomongetun mu, püntütripalayaiñ Jehová mu, lafuliyiñ rume.
13. ¿Chemu kümi taiñ ngüneduamal Satana tañi bembel Job?
13 Mülei taiñ ngüneduamal Huecüfü ñi chumfiel ta Job. Famülque mu ca femngechi femquei. Tüfa ñi feipin ta Huecüfü: “Quiñe huentru hulcünuai com tañi nieel ñi montulal tañi mongen” (Job 2:4, 5). Huecüfü dalluntucuqueiñmu com iñchiñ. Feipicai reque iñchiñ rüf piuqueyelafiyiñ ta Chau Dios ca püntütripayaiñ quisu mu re taiñ montual müten. Cafei Huecüfü feipi Chau Dios piuqueyelaeiñmu ca duamtuquelai rume taiñ serfiquefiel. Iñchiñ pu maneluucülelu Jehová mu feipingeiñ ñi chumquen ta Huecüfü, feimu eluucülelayaiñ taiñ ngünencayaeteu.
14. Upalu iñchiñ küdawngechi dungu, ¿chem kimpoaiñ? Ka ¿chem dungu kellueiñmu (ingkaeiñmu) taiñ kimtukual tüba?
14 Tati huesaque dungu taiñ rupan quelluqueiñmu taiñ cüme ngüneduamuhual. Job rupalu huesaque dungu, ngüneduami quiñeque dungu ñi cüme elcünutual. Hunelu mu, quimürpui ñi doi ñom chengeal (Job 42:3). Ca femngechi iñchiñ rupaliyiñ huesaque dungu, ngüneduamuhuafuiñ taiñ doi cüme chengeal. Quiñe peñi, Nikolái pingelu, c carceltucungei cutrancülelu rume. Feipi: “Carcelconcülelu iñche, quelluqueneu tañi doi cüme cristianongeal”. Feimu iñchiñ ca eluhuaiñ taiñ doi cüme cristianongeal.
15. ¿Iñi allkütuabiiñ? Ka ¿chemu?
15 Duamnieiñ taiñ allcütuafiel ta Jehová, taiñ pu caiñe no. Job cüme allcütui chem ñi feipieteu Chau Dios. Tañi cüme raquiduamelafiel ta Job feipi: “Com tañi deumael mu, ¿ngüneduamimi iñche tañi pepiluhun? Iñche cüme quimnien com tami rupamequen. Iñche rüf cuñiutucuayu” pi. Job mañumtufi ta Jehová tañi cuidanieteu, fei ñom piuque mu feipi: “Tañi pilun allcüi ñi nütramyengeel eimi meu, huelu feulaque adquintupeyu tañi nge mu” (Job 42:5). ¿Acordaimi cheu ñi mülen Job feipilu tüfachi dungu? Petu anülefui trüfquen mu, tañi cuerpo pitrulefui ca rünganconcülei tañi pu yall. Felefulu rume, iñche piuqueyeyu ca eimi ayühuelmaen pifi Jehová ta Job (Job 42:7, 8).
16. Isaías 49:15, 16 tañi eipin, ¿chem longkontukuaiñ upaliiñ iñchiñ küdawngechi dungu?
16 Fachantü cafei pu che illamcaqueiñmu, che troquiquelaeiñmu. Fei engün huesa dunguyeafi Jehová tañi troquiñche cam caque quiñeque iñchiñ. Taiñ huesa duamelaeteu engün feipiaingün “fill coila dungu” iñchiñ mu (Mat. 5:11). ¿Chem quimeleiñmu Job ñi rupan? Pengelqueiñmu Jehová maneluuquei iñchiñ mu taiñ nor chengeal, rupalu rume huesaque dungu. Chau Jehová piuqueyenieiñmu, fei turpu quisucünulayafi tañi pu manelqueteu (papeltunge Isaías 49:15, 16). Feimu turpu allcütuquilnge ti huesaque dungu ñi feipiel pu caiñetuquefilu ta Jehová. Quiñe peñi huesa rupalu, James pingei, Turquía mapu mu tuhui. Feipi: “Tañi familia iñchiñ ngüneduamiyiñ, allcütufiel mu coilaque dungu Chau Dios ñi troquiñche mu, huesa duamelqueiñmu. Feimu piuquentucufiyiñ chem taiñ maneluucülen, fei com piuque mu cüdahuelfiyiñ ta Jehová. Femün mu tüfa rume ayüucüleiñ”. Job reque iñchiñ allcütuquefiyiñ ta Jehová. Coila dungule rume taiñ pu caiñe, fentecünulayaiñ taiñ maneluhun.
MANELUWÜN NEWENDUAMELAIÑMU
Jehová fürenefi ta Job tañi nor chengen mu. Fei ca tañi domo engu pefi chumngechi tañi cümelcaeteu Jehová. (Inaduamnge parrafo 17). e
17. Pu che ñi küme bemün mülelu Hebreos capitulo 11 mu, ¿chem kimeleleiñmu?
17 Job ca caquelu che poyequefilu ta Jehová nehuen piuquecünuhuingün rupalu rume huesaque dungu. Pablo huirintuculelfilu pu hebreo che feipi: “Tüfachi fentren che tromü reque felei” (Heb. 12:1, TNM). Com engün rupaingün rume huesaque dungu, huelu com tañi piuque mu poyefingün ta Jehová (Heb. 11:36-40). ¿Ngünamcapeingün mai tañi nehuentulen ca tañi femquen engün? Femlai llemai. Petu tañi mongelen engün pelafuingün com ñi feipicünuel Chau Dios, huelu maneluhuingün. Rüf quimniefuingün ñi ayühuelquefiel ta Chau Jehová, feimu maneluucülefuingün ñi femtripayal tañi feipicünungeel (Heb. 11:4, 5). Ñi femün engün yafültucuaiñmu taiñ ca femngechi maneluucüleal Jehová mu.
18. Upale chem dungu ume, ¿chumabüiñ? (Hebreos 11:6).
18 Famülque mu, doi huesa amulei mapu müleyechi dungu (2 Tim. 3:13). Huecüfü afeluulai ñi huesalcayafiel Chau Dios ñi pu che. Huelu chem dungu rume rupale cüpalechi antü meu, amulepe taiñ cüdahuelfiel ta Jehová com taiñ piuque mu. Feimu lle, maneluhuaiñ taiñ “rumel mongelequechi Ngünechen meu” (1 Tim. 4:10). Acordanienge, Chau Dios ñi femfiel ta Job pengeli tañi ‘cuñillchequen ca cutranduamyechequen’ (Sant. 5:11). Job reque maneluhuaiñ Jehová mu, fei “fürenequefi tüfei tañi manelqueteu” (papeltunge Hebreos 11:6).
ÜLKATUN 150 ¡Jehová montulaimu llemai!
a Mülei quiñe huentru rupalu fentren huesaque dungu huelu afeluulai, fei ta Job. ¿Chem quimeltueiñmu ñi rupan feiti manelfal huentru? Huecüfü obligaquelaeiñmu taiñ quiñepülecünuafiel ta Chau Jehová, ca quimeleiñmu Chau Dios quimniei com taiñ rupamequen. Cafei Chau Jehová fentecünufi Job tañi cutrancahun. Ca femngechi fentecünuafi iñchiñ taiñ cutrancahun cüpalechi antü mu. Quimtuculiyiñ tüfachi dungu, quimfalngeai taiñ femün mu, femngechi pengelaiñ taiñ rüf maneluucülen Jehová mu.
b FALIN DUNGU: Ti dungun hebreo quehun mu “maneluhun” cüpa feipi llihuatuleal ñi rupayal quiñe dungu. Cafei quiñe maneluuquelu feyentuquei caquelu che mu (Sal. 25:2, 3; 62:5).
c Tüfachi troquiñ mu, ca üi tuculelngei ta quiñeque che.
