ARTIKULO MËDIˈIBË YAˈËXPËJKP 27
“Tukˈijxpatë Jyobaa”
“Tukˈijxpatë Jyobaa; it amëk jotmëk” (SAL. 27:14).
ËY 128 Nˈokmadakëm axtë mä jyëjpkëxy
MËDIˈIBË YAJNIMAYTYÄˈÄGÄÄMP *
1. 1) ¿Tijatyë Jyobaa xytyukwandakëm? 2) ¿Tiijën yˈandijpy ndukˈijxpajtëmë Jyobaa?
JANTSY oy mëdiˈibë Jyobaa xytyukwandakëm, pes tim tsojk dyajjëjptëgoyaˈanyë yuu päˈäm, moˈon tujkën etsë oˈk tëgoˈoyën (Diˈibʉ Jat. 21:3, 4). Pyudëkëyaampy ja oyjyaˈay mëdiˈibë tukjotkujkˈäjtëdëp parë dyajjëmbittëdë Naxwinyëdë extëm tuˈugë it lugäärë tsujpë (Sal. 37:9-11). Ets nëjkxëbë Jyobaa nanduˈun xypyudëjkëm parë mas niˈigyë oy mëët nˈijtëm. ¡Jantsy oy mëdiˈibë nˈëwxijt njëjpˈijxëm! Per ¿tiko mbäät nˈijtëm seguurë ko jantsy tunan jatanëp tijatyë Jyobaa wyandakypy? Yëˈko xëmë tkuytyunyë yˈayuk. Pääty taaˈäjtp tiko mbäät ndukˈijxpajtëmë Jyobaa * (Sal. 27:14). ¿Ets wiˈix mbäät nyajnigëxëˈkëm ko ndukˈijxpajtëm? Ko nmaˈkxtujkëm ets duˈunyëm nˈijtëm agujk jotkujk myentrës yˈadëy tijatyë Jyobaa të ttuknibëjktäägë (Is. 55:10, 11).
2. ¿Tijatyë Jyobaa të ttuny?
2 Jyobaa të dyajnigëxëˈëky ko kyuytyuumbyë yˈayuk. Min nˈokˈijxëm wiˈix tuk pëky ojts twandaˈaky mä Diˈibʉ Jatanʉp. Jyënany ko mä ndiempëˈäjtëm tyuˈukmukäˈändë “tëgoymyay ja jäˈäy”, mëdiˈibë tsoˈondëp mä tukëˈëyë nasionk, nax käjpn ets mëdiˈibë kanäk ayuk käjpxtëp parë tuˈugyë myëdunëdët (Diˈibʉ Jat. 7:9, 10). Mä yäˈädë grupë tapë yetyëjk, toxytyëjk etsë ënäˈkuˈunk, wiˈixëm tmëdattë kostumbrë, wiˈixëm ja ayuk mëdiˈibë kyäjpxtëp ets määyëm tsyoondë, per niˈamukë tuˈugyë yajpäättë abëtsëmy nyaxwinyëdë (Sal. 133:1; Fwank 10:16). Yäˈädë tëgoymyayjyaˈay jyantsy yˈëwäˈkx jyantsy kyäjpxwäˈkxtëp ko myiny kyëdaˈaky ja oybyë jukyˈäjtën ets tyukmëtmaytyaktëp oytyim pënaty mëdiˈibë myëdoowˈitaampy (Mat. 28:19, 20; Diˈibʉ Jat. 14:6, 7; 22:17). Pën mijts myajpatp mä yäˈädë tëgoymyayjyaˈay, seguurë ko myajtsobatypy mëjwiin kajaa tijatyë Jyobaa të mdukwandaˈagyëty.
3. ¿Wiˈixë Satanás xyjayajwinmayäˈänëm?
3 Kaˈoybyë kyaj ttsoky nmëbëjkëm ko myiny kyëdaˈaky ja oybyë jukyˈäjtën mëdiˈibë Jyobaa xytyukwandakëm. Yëˈë xyajwinmayäˈänëm ko Jyobaa kyaj xyajtsobatëm ets ko kyaj tkuytyunäˈäny tijaty wyandakypy. Pën nmëbëjkëm, mbäädë net kyaj nekyˈijtëm amëk jotmëk ets axtë kyaj nekymyëduˈunëmë Jyobaa. Extëm nˈixäˈänëm, Satanás yˈëxtääyë winmäˈäny parë Job kyaj tnekymyëdunëdë Jyobaa.
4. ¿Ti nˈixäˈänëm mä yäˈädë artikulo? (Job 1:9-12).
4 Mä yäˈädë artikulo nˈixäˈänëm tijatyë Satanás yajtuun parë ojtsë Job tjatukmastuˈudäˈänyë Jyobaa (käjpxë Job 1:9-12). * Nanduˈun nˈixäˈänëm tijaty xytyukniˈˈijxëm extëmë Job yajmaytyaˈaky ets tiko jyëjpˈamëty njamyajtsëm ko Jyobaa xytsyojkëm ets ko kyuytyunaampy tijaty wyandakypy.
SATANÁS OJTSË JOB TJATUKMASTUˈUDÄˈÄNYË JYOBAA
5, 6. ¿Wiˈixë Job tyëgäjtsyë jyukyˈäjtën ajotkumonë?
5 Job agujk jotkujkë netyë xyëëw jyukyˈäjtën dyajnaxy, jantsy oyë nety nyaymyayëty mëdë Jyobaa, nimay tyukfamilyëˈattë, tuˈugyë yajpäättë ets kumeenyjyaˈayë nety nanduˈun (Job 1:1-5). Per mä tuˈukpë xëëw dyajtëgooytyaay tijatyë nety myëdäjtypy. Tim jawyiin, yëˈë ja jyukyˈäjt myadakën (Job 1:13-17). Ets ok, ta yˈoˈktääy ja yˈuˈunk yˈënäˈk mëdiˈibë nety nëgooyë ttsojknë. Nˈokpawinmäˈäyëm ko ëtsäjtëm duˈun njäjtëm, pes ko tuˈugë jäˈäyë yˈuˈunk yˈooky, mëk tjantsy nyimony tjantsy nyiduky. Nˈokpawinmäˈäyëmë net wiˈixë Job mëdë kyudëjk jyantsy myoon jyantsy tyujktë ko tnijäˈäwëdë të yˈoˈktäˈäytyë nimäjk ja yˈuˈunk yˈënäˈk. ¡Päätyënë Job tkëˈtsy ja wyit parë dyajnigëxëˈky ko jantsy mon tukë nety yajpääty ets nyayjyijtakë naxkëjxy! (Job 1:18-20).
6 Ok, ta Satanás dyajpäˈämbejtyë Job ets jantsy axëëk dyajnayjyäˈäwë (Job 2:6-8; 7:5). Job mëjˈijxëdëbë netyë jäˈäy axtë nimiinëdëp parë yˈamdowëdë ëwij käjpxwijën (Job 31:18). Per ko pyäˈämbejty, kyaj pën nyekytyuunë kuentë, jeˈeyë yajjäämˈijxy yajnääxˈijxy, kyaj nyekyˈixanëdë ja myëguˈuktëjkëty, ja myëtnaymyaayëbëty ets axtë ja tyuumbëtëjk (Job 19:13, 14, 16).
Nimayë nmëguˈukˈäjtëm jyaygyujkëdëp yajxon wiˈixë Job nyayjyäˈäwë ko tpatyë amay jotmay. (Ixë parrafo 7). *
7. 1) ¿Wiˈixë Job wyinmääy ko tpaty ja ayoˈon jotmay, per ti kyaj ttuuny? 2) ¿Tijaty jotmay tyam nanduˈun pyattëbë Diosmëduumbëty extëm jyajtyë Job? (Ixë dibujë mëdiˈibë miimp mä parrafo 7).
7 Satanás yajwinmääyë Job ko päätyë nety yˈayoy mët ko Jyobaa të tyukjotˈambëkyëty. ¿Ti tyuunë Satanás parë duˈunë Job dyajwinmääy? Yëˈë yajmiinë mëk poj parë dyajnijijtpajtääy ja nimäjkpë yˈuˈunk yˈënäˈkë Job mä nety jap kyay yˈuuktë (Job 1:18, 19). Ojts nanduˈun dyajkäˈäyë jëën, dyaˈoˈktäˈäy ja borreegë ets nanduˈun ja tuumbë mosë mëdiˈibë nety jam kyuentëˈäjttëp (Job 1:16). Kom ja jëën ets ja poj jamë nety tsyoony tsäjpotm, päätyë Job wyinmääy ko yëˈë Jyobaa mëdiˈibë duˈun tuunëp mët ko të ttuny mëdiˈibë kyaj yˈoyëty. Per oy duˈunë Job jyajty kyëbejty, kyaj ojts tmëgäjpxtëgoyë Jyobaa, pes nyijäˈäwëbë nety ko nuˈun ja xyëëw jyukyˈäjtën të nyaxy, mëjwiin kajaa netyë Jyobaa të kyunuˈkxyëty. Ets pääty wyinmääy ko pën të tkupëky ja oyˈäjtën, tsojkëbë nety nanduˈun tkupëkët ko axëëk jyaty kyëbety. Pääty jyënany: “Waˈan duˈunyëmë Jyobaa xyëëw yajmëjkumay” (Job 1:20, 21; 2:10). Job ninäˈä tkamastutyë Jyobaa oyë nety të dyajtëgooytyaˈay tijaty myëdäjtypy, oy yˈoˈktääy ja yˈuˈunk yˈënäˈk ets oy jyapäˈämbejty. Perë Satanás kyaj ojts myëboˈkxyëty.
8. ¿Ti ja tuk pëkyë Satanás yajtuun parë tnibëdëˈkyë Job?
8 ¿Ti ja tuk pëkyë Satanás yajtuun parë tnibëdëˈkyë Job? Yëˈë ja nidëgëëkpë myëtnaymyaayëbë parë dyajnayjyawëyandë Job ko kyaj ti ttsoowëty ets tˈanmääytyë ko päätyë nety yˈayoy mët ko kyaj oy tijaty të ttuny (Job 22:5-9). Ojts nanduˈunë Job tjatukmëbëkäˈändë ko Dios duˈunyëm kyaj kyupëkäˈänyëty oyxyëp tjamëmëdoobë (Job 4:18; 22:2, 3; 25:4). Ja myëtnaymyaayëbëty, tsyojktë parë tmëbëkët ko kyaj netyë Dios tsyokyëty, kyaj yˈijxˈity kyuentëˈatyëty ets ko kyaj tsyobääty oy tjamëduny. Ko duˈunë Job yaˈˈanmääy, waˈanë net wyinmääy ko nipën mbäät kyapudëkëty mä jam dyajnaxy ja yˈamay jyotmay.
9. ¿Ti pudëjkë Job parë tmëmadaky ja amay jotmay?
9 Nˈokpawinmäˈäyëm ko Job tam yˈuˈunyë kuyjäämoty ets dyajnaxyë jäj jëmuˈumën xëëny koots (Job 2:8). Duˈunyëm ja myëtnaymyaayëbëty yˈanëˈëmxëdë ko yëˈë kyaj yˈoyjyaˈayëty ets ko kyaj tii ttsoowëty. Nëgooyë Job ojts tyuˈukmujknë ja yˈamay jyotmay, pääty axëëk jyantsy nyayjyäˈäwë ets tjantsy nyimoony tjantsy nyidujky ko yˈoˈktääy ja yˈuˈunk yˈënäˈk. Ko Job wixaty yˈanmääyëdë ja myëtnaymyaayëbëty kyaj tˈokˈatsooy (Job 2:13–3:1). Waˈan ja myëtnaymyaayëbëty wyinmääytyë ko myastuˈudaambyë netyë Dios. Per kyaj duˈun ttuuny, pes ta kyowëˈky ets tˈanmääy ja myëtnaymyaayëbëty: “¡Axtë naˈoogëdëts kyajts nmastuˈudäˈänyë Dios!” (Job 27:5). ¿Ti pudëjkë Job parë jyotmëktaky oyë nety duˈun ja ayoˈon jotmay dyajnaxy? Yëˈko ijt seguurë ko Jyobaa pudëkëyanëp. Nyijäˈäwëbë nety nanduˈun ko pën oˈkp, yajjukypyëkanëp, päätyën ttukˈijxpejtyë Jyobaa oy nuˈunë amay jotmay tpaty (Job 14:13-15).
WIˈIX MBÄÄT NBANËJKXËMË YˈIJXPAJTËNË JOB
10. ¿Ti xytyukniˈˈijxëm extëmë Job yajnimaytyaˈaky?
10 Extëmë Job yajnimaytyaˈaky, yëˈë xytyukniˈˈijxëm ko Satanás kyaj mbäät xytyukmastutëmë Jyobaa, oyxyëp nuˈun xyjyamoˈoyëmbë amay jotmay, ets ko Jyobaa pyejkypyë kuentë wiˈix njäjt ngëbajtëm. Min nˈokˈijxëm tijaty xytyukniˈˈijxëm extëmë Job jyajty kyëbejty.
11. ¿Wiˈixë Jyobaa xypyudëkëyäˈänëm pën xëmë ndukˈijxpajtëm? (Santya̱ˈa̱gʉ 4:7).
11 Job ojts xytyukˈijxëm ko pën xëmë ndukˈijxpajtëmë Jyobaa, mbäät nmëmadakëm oytyim mëdiˈibëtyë amay jotmay ets njëjpkuwäˈkëmë Satanás. ¿Wiˈix wyimbëtsëmäˈäny? Biiblyë jyënaˈany ko ta ja Kaˈoybyë xykyugaˈagäˈänëm (käjpxë Santya̱ˈa̱gʉ 4:7).
12. ¿Wiˈixë Job jyotmëkmooyë ko tmëbëjky jyukypyëkäˈändë oˈkpë?
12 Tsojkëp nmëbëjkëm ko jantsy jukypyëkandëbë oˈkpë. Pes extëm të nˈijxëm mä jatuˈukpë artikulo, Satanás yëˈë yajtuumpy ko ntsëˈkëmë oˈkën parë kyaj nmëmëdoˈowëmë Jyobaa. Nˈokwinmäˈäyëm extëm jyajtyë Job. Satanás jyënany ko mbäät oytyim tiijëty ttunyë Job nëgoo ko jyukyˈaty ets axtë mbäät tmastuˈutyë Jyobaa. ¡Per kyaj nety tyëyˈäjtënëty! Pes oyë Job nuˈun tpatyë amay jotmay o wyinmääy ko oogäämbë nety, yëˈë ninäˈä tkamastutyë Jyobaa. ¿Ti pudëjkë parë tmëmadakyë amay jotmay? Yëˈko tmëbëjky ko Jyobaa jantsy oyjyaˈay ets ijt seguurë ko mbäät yˈoyë ja yˈamay jyotmay. Per pën kyaj nety duˈun ttuny, ijt seguurë ko pudëkëyanëp mä tiempë myiny kyëdaˈaky ets axtë yajjukypyëkanëp pën oˈkp. Job myëbëjkën ko Jyobaa jyantsy yajjukypyëkaambyë oˈkpë. Ets pën ëtsäjtëm nmëbëjkëm nanduˈun, ta ninäˈä ngamastuˈudäˈänëmë Jyobaa, oyxyëp ja jukyˈäjtën jyaˈijtpë okën jëjpˈam.
13. ¿Tiko yˈoyëty nnijäˈäwëm tijatyë Satanás yajtuun ko Job tjayajtëgoyany?
13 Oy ko nnijäˈäwëm tijatyë Satanás yajtuun parë tjayajtëgoyanyë Job, pes nanduˈun tyam xyajtëgoyäˈänëm. Satanás kyaj yëˈëyë tniwäämbejtyë Job, nanduˈunën niˈamukë naxwinyëdë jäˈäy. Pes duˈun jyënany: “Tuˈugë yetyëjk yakëp tukëˈëyë mëdiˈibë myëdäjtypy mët ko dyajtsoˈogäˈänyë jyukyˈäjtën” (Job 2:4, 5). Satanás yajjaygyukëyan ko kyaj amumduˈukjot ntsojkëmë Jyobaa ets ko nmastuˈudäˈänëm pën oˈkën jëjpˈam yajpäätyë jukyˈäjtën. Nanduˈun jyënaˈany ko kyaj xytsyojkëm ets ko kyaj dyajtsobääty tijaty ndukmëduˈunëm. Pën ndukˈijxpajtëmë Jyobaa, ta kyaj xywyinˈëënäˈän xywyinxäjäˈänëmë Satanás mët ko nnijäˈäwëm tijaty yajtuumpy.
14. Ko nbatëmë amay jotmay, ¿wiˈix xypyudëjkëm parë këˈëm nnayˈixyˈäjtëm, ets ti ijxpajtën mbäät xypyudëjkëm parë njaygyujkëm?
14 Ko nbatëmë amay jotmay, xypyudëjkëm parë këˈëm nnayˈixyˈäjtëm. Ko Job tpatyë amay jotmay tukˈijxë mäjatyë nety tsyokyëty yˈaknayaˈoyëdët. Extëm nˈokpëjktakëm, pyëjkë kuentë ko tsojkëbë nety niˈigyë yˈitët yujy tudaˈaky (Job 42:3). Ko nanduˈun nbatëmë amay jotmay, mbäät xypyudëjkëm parë nbëjkëmë kuentë mäjatyën tsyokyëty nˈaknayaˈoˈoyëm. Duˈunën jyajtyë Nikolái, * mëdiˈibë yajtsuum oyë nety jyapëkyëty. Yëˈë tnimaytyaˈaky: “Kots nˈijty pujxndëgoty, duˈunxyëp extëm yajjuutyëtsë nradiografiyë mëdiˈibëts xytyukˈijx wiˈixën mbäät jyaˈayˈaty tuˈugë Diosmëduumbë”. Ko nety nbëjkëmë kuentë mäjatyën tsyokyëty nˈaknayaˈoˈoyëm, mbäädë net duˈun nduˈunëm.
15. ¿Pënën mbäät nmëdoowˈijtëm, ets tiko?
15 Tsojkëp nmëdoowˈijtëm ko Jyobaa xymyëgäjpxëm ets kyaj yëˈëjëty ja nmëtsipˈäjtëm. Job myëdoowˈijt yajxon ko Jyobaa ojts myëgajpxyëty. Yajtëëwë tijaty parë tyukˈijxë ko të nety yˈijxˈity kyuentëˈatyëty, extëm: “¿Të xyˈixy ja nmëkˈäjtënëts mëdiˈibëts nyajtuumpy parëts tijaty të nyajkojy? Nˈijxypyëts wiˈix të mjaty të mgëbety. ¿Ti këdiixyijy mbäät nguentëˈaty?”. Job yˈatsoowëmbijtë Jyobaa mëdë mayˈäjt wintsëˈkën ets kyuˈëˈëw kyukäjpxë ko nety të yˈoyjyaˈaytyaˈaky. Duˈun tˈatsooy: “Yëˈë ndatskëts të nety tmëdoyˈaty wiˈix myajnimaytyaˈaky, per tyam njantsy yˈijxypyëts mijts” (Job 42:5). Ko duˈunë Job jyënany waˈandaa nety jamnëm yˈuˈunyë kuyjyäämoty, të ja puˈuts jyantsy tyukpëtsëëmdäˈäyëty ets tnijëˈëy tniyaˈaxy ja yˈuˈunk yˈënäˈk ko të yˈoˈktäˈäytyë. Per oyë nety duˈun tpäätyë amay jotmay, Jyobaa anmääyë ko tsojkëp ets ko kupëjkëp (Job 42:7, 8).
16. Extëm jyënaˈanyë Isaías 49:15, 16, ¿ti tsojkëp nyaˈijtëm winmäˈänyoty ko nbatëmë amay jotmay?
16 Waˈan tyam nanduˈunë jäˈäy xywyingäjpx xyjyëjpkäjpxëm ets xyˈijxëm ko kyaj tii ntsoowˈäjtëm. Mbäät xynyiwäämbajtëm o axëëk xynyimaytyakëm parë xyajnibaxëtëkëyäˈänëm o parë axëëk yajnimaytyäˈägëdë Diosë kyäjpn (Mat. 5:11). Extëmë Job yajnimaytyaˈaky yëˈë xytyukˈijxëm ko Jyobaa ijtp seguurë ko mbäät nmëmëdoˈowëm oy nbatëmë amay jotmay. Jyobaa xytsyojkëm ets ninäˈä tkajäˈäytyëgoyaˈany pënaty tukˈijxpajtëp (käjpxë Isaías 49:15, 16). * Oy ko kyaj nmëdoowˈijtëm extëm tyamë Diosë myëtsipëty xynyiwäämbajtëm. Min nˈokˈijxëm wiˈix jyënanyë James, tuˈugë nmëguˈukˈäjtëm mëdiˈibë tsënaapy Turquía, yëˈë mëdë fyamilyë mëjwiin kajaa të tpäättë jotmay. James tnimaytyaˈaky: “Nbëjktëtsë kuentë ko xyˈaxëktunandëbëtsë nety pën nmëjpëjktaktëbëts extëmë jäˈäy tniwäämbattë Diosë kyäjpn. Pääty jamëtsë njot nwinmäˈäny nbëjktaktë mä tijatyë Diosë yˈAnaˈam Kyutujkën yajmiimpy ets duˈunyëmëts nmëduundë Jyobaa, yëˈëts mëdiˈibë xyajnayjyäˈäwëdë agujk jotkujk”. Nˈokpanëjkxëmë yˈijxpajtënë Job ets nˈokmëdoowˈijtëm wiˈixë Jyobaa xyˈanmäˈäyëm, nˈokmëbëjkëm duˈunyëm tijaty xytyukwandakëm ets kyaj nmëjpëjktakëm ko xynyiwäämbajtëm ja nmëtsipˈäjtëm.
KO NDUKˈIJXPAJTËMË JYOBAA XYPYUDËKËYÄˈÄNËM PARË NMËMADAKËMË AMAY JOTMAY
Job mëjwiin kajaa ojts yajkunuˈkxy mët ko kyaj Jyobaa tmastuty, ets jeky jyukyˈajty agujk jotkujk mëdë kyudëjk. (Ixë parrafo 17). *
17. ¿Ti xytyukniˈˈijxëm extëm yajnimaytyäˈäktë Diosmëduumbëty mä Ebreeʉsʉty kapitulo 11?
17 Job amëk jotmëk twinguwäˈkë amay jotmay, per kyaj yëˈëyë duˈun tpatyë amay jotmay. Pesë apostëlë Pablo duˈun tkujäˈäyë: “May ja jäˈäy nmëdäjtëm nbëˈääyˈäjtëm diˈibë yajnigëxëˈk ja myëbëjkën” (Eb. 12:1). Etsë yäˈädë Diosmëduumbëty myëmëdoowdë Jyobaa axtë ko yˈoˈktë, oy wiˈixëm tpattë ja amay jotmay (Eb. 11:36-40). ¿Yajtsobatëdaa Jyobaa ko duˈun tmëmadaktë amay jotmay? Tiko këdii. Kyaj ojts tjantsy yˈixtë wiˈix yˈadëëwdääy tijatyë Jyobaa wyandak, per duˈunyëm ttukˈijxpajttë. Ets kom ijttëbë nety seguurë ko Jyobaa kupëjkëdëp, myëbëjktë ko jantsy adëwäämp tijaty yajtukwandaktë (Eb. 11:4, 5). Ko nwinmäˈäyëm wiˈixë yäˈädë Diosmëduumbëty myadaktë, xypyudëjkëm parë xëmë Jyobaa ndukˈijxpajtëm.
18. ¿Ti tsojkëp nduˈunëm oy ti tyun jyatëdët? (Hebreos 11:6, TNM).
18 Tyam niˈigyë jukyˈäjtënë myäˈtˈadëtsnë (2 Tim. 3:13). Etsë Satanás duˈunyëmë Diosmëduumbëty tˈamaymyoˈoy tjotmaymyoˈoy parë dyajtëgoyaˈany. Per oy ti tyun jyatëdët mä tiempë myiny kyëdaˈaky, nˈokmëduˈunˈadëtsëmë Jyobaa amumduˈukjot ets nˈokˈijtëm seguurë ko të “nnaygyëyäjkëm mä Diosë jiikypyë” (1 Tim. 4:10). Nˈokjamyajtsëm ko oy nuˈunë Job tpatyë ayoˈon jotmay, ojtsë Jyobaa kyunuˈkxyëty mëjwiin kajaa, yäˈädë yëˈë xytyukˈijxëm ko Jyobaa jantsy tsojkp ets paˈˈayoop (Sant. 5:11). Duˈun extëmë Job, oy ko nanduˈun nbëjktakëmë winmäˈäny ets ninäˈä ngamastutëmë Jyobaa, nˈokˈijtëm seguurë ko yëˈë “kyumaapy pënaty amumduˈukjot ëxtääyëp” (käjpxë Hebreos 11:6, TNM). *
ËY 150 ¡Jyobaa yëˈë xyyajnitsoˈogäˈänëm!
^ Ko nwinmäˈäyëm tuˈugë jäˈäy mëdiˈibë të tmëmadaˈagyë amay jotmayë mëjwiin kajaabë, waˈan myiny mä winmäˈänyë Job. ¿Ti xytyukniˈˈijxëm extëm jyajty kyëbejty? Myëduˈuk, ko Satanás kyaj mbäät tii ttuny parë xytyukmastutëmë Jyobaa. Myëmajtsk, ko Jyobaa nyijäˈäwëtyaapy wiˈix njäjt ngëbajtëm. Ets myëdëgëëk, ko jäˈtäämbë tiempë mä kyëxäˈäny nyaxäˈänyë nˈayoˈonˈäjtëm extëm yajnimaytyaˈagyë Job. Pën nyajnigëxëˈkëm mä tijaty tyam nduˈunëm ko ijtëm seguurë ko Jyobaa xyjantsy pyudëkëyäˈänëm, mbäät njënäˈänëm ko njantsy tyukˈijxpajtëm.
^ ¿TI YˈANDIJPY? Ko mä ayuk ebreo të yajkäjpxnaxy nˈëwxijt njëjpˈijxëm, mbäät yëˈë nanduˈun tˈandijy ko pën ndukˈijxpajtëm (Sal. 25:2, 3; 62:5).
^ Job 1:9-12: “Ta ja Satanás tˈatsooyë Jyobaa: ¿Nëgoobëdaa Job ttsëˈëgë Dios? 10 ¿Ti kyaj mijts të xynyagemyë Job, jyëën tyëjk ets tukëˈëyë tijaty myëdäjtypy? Mgunuˈkxypy tijaty tyuumpy, etsë jyëyujk tsyäjpkää të tjantsy yajwindujktäˈäyë naxwinyëdë. 11 Per tyam okxäjtëw ets pëjkëtyaˈay tijaty myëdäjtypy, ta xyˈokˈixët ko seguurë mëgäjpxtëgoyaˈanyëty mwingëjxm mjëjpkëjxm. 12 Ta netë Jyobaa tˈanmääyë Satanás: Ix wiˈix xytyunäˈäny tijaty myëdäjtypy. ¡Jeˈeyë ko kyaj yëˈë wiˈix xytyunët! Ta Satanás twinwäˈktutyë Jyobaa”.
^ Të näägë xyëëw tyëgatstë.
^ Isaías 49:15, 16: “¿Mbäät tuˈugë toxytyëjk tjäˈäytyëgoyë yˈuˈunk mëdiˈibë tsiˈtsp, o kyaj tpaˈˈayowët ja yˈuˈunk mëdiˈibë të pyëtsëmy jyodoty? Pënë yäˈädë toxytyëjkëty jyaˈaytyëgooytyëp; ëjts ninäˈäts mijts ngajäˈäytyëgoyët. 16 ¡Okˈix! Tëjëts mijts nyajnikojtuˈuty mätsë ngëˈëjot. Yëˈë mbotsy tyää xëmë yajpääty nwinduuyëts”.
^ Hebreos 11:6, TNM: “Pën kyaj nmëdäjtëmë mëbëjkën niwiˈixtsoo mbäät xykyatukjotkëdakëmë Dios, mët ko mëdiˈibë myëwingoombyë Dios, tsojkëp tmëbëkët ko tam yëˈë ets ko kyumaapy pënaty amumduˈukjot ëxtääyëp”.
