1. (a) Jehova o re neya tshepo ya mošaga mang? (b) Di ra gore king go “tshepa Jehova”? (Lebelela “Hlatollo ya Lentsu.”)

 JEHOVA o neyye bo ba mo nyakang tshepo ya gabutši ka matla. Go se botala o nyoko fetsa ka malwele a tlosa tsa go re kwisa go baba a boya a fetsa ka likgu. (Kut. 21:3, 4) O nyoko gelepa “ba go tinyanafatsa” ba gore ba tshepele gage gore a tšhentšhe lefase go be pharadeyisi. (Pis. 37:9-11) Fote o nyoko maka gore batho ba nghanelane naye thina ka matla go phala gana byalo. Ye lune, phela yone ke tshepo ya go bafala ka matla! Mara ke ntaba re tshepa gore tso Modimo a re tshepisang tsona di nyoko makega? A di kgonege gore Jehova a re tshepise matsaka. Byalo di ya kwagala mo re “tshepa Jehova.” * (Pis. 27:14) Re šupetsa gore re tshepa Modimo mo re mo yemela re lefisiye pelo gore a make tso a di tshepisiyeng fote re kene re jabodiye.—Jes. 55:10, 11.

2. King tsa gore Jehova o šele a di makiye?

² Jehova o šupetsiye gore tso a di tshepisang wa di maka. Lebelela mošupetso ke wowa. Ga puku ya Kutullo, Jehova o tshepisiye gore ka dinako tso tsa rune o nyoko maka gore batho ba go tšwa ga ditšhaba ka mokana ga tsona, ditšo ka mokana ga tsona, batho ba mohlobo ka mokana ga wona le mebolabolo ba gahlane ga morapelo wa mannete. Lekgono, batho bone ba re ke “mogoba wo mogolo” ka matla wa batho. (Kut. 7:9, 10) Le mo yi le gore ga mogoba wone go na le banna, basadi le bana ba go tšwa ga ditšhaba, mebolabolo le ditšo tsa go sa tshwane ke magageru ya lefase ka mokana ga lona ya gore ke selo ka ssoši. (Pis. 133:1; Joh. 10:16) Bo ba leng ga mogoba wone ba tshwaraganne le mmereko wa go tšhomayela  ka matšato. Fote ba tikemisele go botsa bo ba ba theetselang ka tshepo yo ba nang nayo ya gore lefase le nyoko ba kawone. (Mat. 28:19, 20; Kut. 14:6, 7; 22:17) Mo nkare le wene o ga mogoba wone a re kamake gore o yi tseyela gedimo tshepo ya gore go nyoko makega tsa gabutši ku mahlong.

3. Sathane o tikemisele go maka ying?

³ Diyabolo o nyaka go re tsotsa tshepo yo re nang nayo. O tikemisele go maka gore re tseye nkare Jehova aa tihlupe ka rune fote le tso a re tshepisang a ka sa ro re makela. Mo Sathane a ka phomelela ga taba yone ya go re tshokanya tsotsone di nyoko re tapa matšhika re šinya re lisetsa go berekela Jehova. Re ko di boneng tsa gore Diyabolo o yye a liketsa ka mokgo mang go tsotsa Jobo tshepo yo ne a le nayo a boya a maka gore a lisetse go berekela Jehova.

4. Ga hlogotaba yowa re nyoko petapeta ka ying? (Jobo 1:9-12)

⁴ Ga hlogotaba yowa, re nyoko lebelela bošakašakane byo Sathane a yyeng a bo maka a liketsa go maka gore Jobo a khwanyudise ga taba yage ya go tshepega. (Bala Jobo 1:9-12.) Fote re nyoko petapeta ka taba ya gore king so re ka se tšhutang ga mošupetso wa Jobo le gore ke ntaba di nyaka re dula re gopola gore Modimo o re nyaka ka matla fote tso a di tshepisang o nyoko di maka.

5-6. King so se yyeng sa makegela Jobo ka go yakgoswa?

⁵ Jobo ke mo di mo sepelela gabutši tsa lephelo. Ke mo a na le senghana sa gabutši ka matla le Jehova. Fote ne a na le mutši wo mogolo wa gore wo kwana ka matla fote a ghannye. (Jobo 1:1-5) Mara o f’lo loba dilo tsage ka mokana ga tsona ka letšatši ka lloši. Sa mathomo, tso ne a ghannye ka tsona di f’lo ya le noka. (Jobo 1:13-17) Ke mokane bana bage ba gore o ba nyaka ka matla ba f’lo kgwa ka mokana ga bona. Nnete ke gore ka nako yonone ne a goga thabeng. Phela babelegi di ba kwisa go baba ka matla mo ba bona bana ba bona ba kgwa. Byalo, o fo nagana gore Jobo le mosadi wage ke mo di ba kgahleletsiye go segela kaye, ba kwa go baba fote ba sa tšibi pelo le nthago mo ba di kwelela gore lesome la bana ba bona ba f’lo psyitlanya ke lepharo ke mokane gwa napa go le moka. A di makatse mo Jobo a yye a tlerola dikobo tsage ke mokane a re giri ho fase!—Jobo 1:18-20.

⁶ Ka nthago Sathane o yye a hlasela Jobo ka bolwele fote a mo tseyela serithi sage. (Jobo 2:6-8; 7:5) Mathomisong batho ba mo Jobo a dulang ke mo ba mo hlompa. Ke mo ba fela ba tla gage gore a ba yeletse. (Jobo 31:18) Gana byalo ba kwa a nkga nkare ke neketšane. Bobhuti bage, banghana bage ba thina ka matla le mong malata ya ma mmerekelang ke mo ba keketlela ku kgole naye!—Jobo 19:13, 14, 16.

7. (a) Jobo ne a nagana gore king so se makang gore a tlele ka tsa go sasamela mara o yye a gana go maka ying? (b) Mokreste a ka gahlana le dintshitshire tsa mošaga mang tsa gore di tshwana le tso di leng ho sethombheng?

⁷ Sathane ke mo a nyaka gore Jobo a tshepe tsa gore o tlela ke tsa go sasamela ka taba la gore Jehova o mo lahliye. Mo re beyisa, Sathane o yye a berekisa sedingwana gore ntlo yo lesome la bana ba Jobo ne ba duli ga yona ba tijabolele ba boya ba ja ggoši yi we. (Jobo 1:18, 19) Fote o yye a maka gore mollo wo tšwe legedimong ke mokane wo gagare merape ya Jobo le mong malata ya ne ma disa merape wone. (Jobo 1:16) Ka taba la gore sedingwana sone le mollo wone ke mo di tšwa legedimong, Jobo o yye a fetsa ka gore dilo tsone ne di tšwa ga Jehova Modimo. Tsotsone di yye dya maka gore Jobo a tshepe gore go na le se a se makiyeng sa gore se kwatisiye Jehova. Mara, Jobo o yye a gana go rogelela Papage wa legedimong. Jobo ke mo a di tšiba gore mengwaga yowa ka mokana ga yona Jehova ke mo a mo makela tsa gabutši. Byalo, o yye a fetsa ka gore di nyaka a yamogela tsa gabutši a boye a yamogele le tsa go sasamela. Ka taba la tsotsone o yitseri: “Lebitso la Jehova le dule le thanakiwa.” (Jobo  1:20, 21; 2:10) Go segela ka nako yonone le mo Jobo a yye a loba bana bage, tso ne a le natso a boya a kena ke bolwele o f’lo ya mahlong a tshepega ga Jehova. Mara Sathane ne a soko fetsa ka yene.

8. Sathane o yye a makela Jobo bošakašakane bofeng bo bongwana?

⁸ Sathane o yye a tlela Jobo ka bošakašakane byo bongwana fote, a kutšetsela banghana bage ka bararo gore ba make gore Jobo a tikwe nkare a yi yene selo. Banna bowa ka bararo ba f’lo khanda taba ya gore tso di tlelang Jobo di napa di šihlela taba ya gore go na le tso a di sinnyeng. (Jobo 22:5-9) Fote ba liketsiye go maka gore a tshepe gore le mo go se yene motho wa go sinya tso a liketsang a re wa di maka, Modimo aa tihlupe a re wa di lebelela. (Jobo 4:18; 22:2, 3; 25:4) Gabutšibutši ke mo ba liketsa go maka gore Jobo a yi kamake taba ya gore Modimo o mo nyaka ka matla, o nyoko mo pasopa fote o tshwere yona mo a re wa mmerekela. Tso ba di hlayyeng ke mo di ka maka gore Jobo a tikwe a sa sa na tshepo.

9. King so se gelepiyeng Jobo gore a šišimale fote a sa thogathoge?

⁹ O fo nagana nje. Jobo a duli hala luteng a kwa go sasamela ho mmeleng. (Jobo 2:8) Banghana bage ba kene ba mmolabolela ba re aa loka fote ba liketsa le go psyirelanyana lebitso lage ka maraga. Dintshitshire le tsona di fo re boya-boya, di mo kgahleletsiye tsa nkare o rwele mong yona tšhilo, ka howa taba ya gore o lobiye bana bage yi mo hlaba ho pelong. Mathomisong Jobo ke mo a fo tikgomolelela. (Jobo 2:13–3:1) Mo nkare banghana bone bage ne ba tipotsa gore taba ya gore o kgomolele a hlaye selo yi rela gore go se botala o nyoko jikela ye a mo makiyeng ke mo ba ro titshokanyana wa tšiba. Di ka makega gore neng-neng Jobo o f’lo kakola hlogo ke mokane a lebelela batho bone ba go timaka nkare ke banghana bage a re: “Nko šinya ke kgwa nkene ke tshepega!” (Jobo 27:5) King so se yyeng sa gelepa Jobo gore a be le lešiši fote a sa thogathoge le mo a tlele ke tsa go sasamela? Le mo ne di šupa nkare go fediye ka yene a sanka a lahla tshepo ya gore Papa  wage ye a mo nyakang ka matla o nyoko mo yimulla mafelelong. Ke mo a di tšiba gore le mo a ka kgwa, Jehova o nyoko mo tsuseng.—Jobo 14:13-15.

10. Taba yowa ya Jobo yi re tšhutisa ying?

¹⁰ Taba yowa ya Jobo yi re tšhutisa gore Sathane a ka sa tsoge a di kgonne go re lahlisa Jehova ka tšhinghi fote Jehova o tšiba dilo ka mokana ga tsona. Tso di makegeleng Jobo di ka re gelepa gore re thogo kwisisa gabutši gore mong taba ye kgolo ke yifeng. Lebelela tse dingwana tso o ka di tšhutang ga Jobo.

11. King sa gore re ka sa se kamake le ka gonyana mo re ka ya mahlong re tshepa Jehova? (Jakobo 4:7)

¹¹ Tso di makegeleng Jobo di napa di šihlela taba ya gore mo re ka tshepa Jehova, re nyoko tiyisela dintshitshire ke mokane re thogo phomelela mo re lwa le Sathane. Yene Sathane o nyoko fetsa a makiye ying? Mangwalo ma re Diyabolo o nyoko tšhaba ho ga rune.—Bala Jakobo 4:7.

12. Tshepo ya gore go nyoko ba le tsogo yi yye ya mo tiyisa ka mokgo mang ga Jobo?

¹² Di nyaka re ro napa re ngangarela tshepo ya tsogo yo re nang nayo. Hlogotaba ya go fela, yi hlayye gore Sathane o fela a yi berekisa taba yowa ya gore likgu re ya le tšhaba mo a liketsa gore re khwanyudise ga taba ya go tshepega. Mara ga taba yowa ya Jobo, Sathane o yitseri Jobo a ka maka se sengwana le se sengwana a šinya a lahla le taba ya go tshepega go le go fo re a phonise lephelo lage. Sathane o pumutsiye ka matla ga taba yone. Le mo ne di šupa nkare Jobo di mo kugetsiye fote o nkgela ke likgu a sanka a khwanyudisa ga taba ya go tshepega. Taba ya gore ke mo a sa kamake le ka gonyana gore Jehova o lukiye a boya a tshepa gore Jehova o nyoko lukisa dilo yi mo gelepiye gore a thogo ya mahlong. Jobo ke mo a na le tumelo ya gore mo Modimo a ka sa lukisi dilo gana byalo mo yene a kene a sa phela o ko di lukiseng ke mokane a mo tsosa ku mahlong. Tshepo ya gore go na le tsogo ke mo go le selo sa mannete ga Jobo. Mo nkare le ga rune tshepo yone ke ya mannete, le mong likgu le ka sa re tshosanye re šinya re lisetsa go tshepega.

13. Ke ntaba di nyaka re ntsha maahlo dikwakweng gore re thogo bona bošakašakane byo Sathane a bo berekisiyeng ga Jobo?

¹³ Di nyaka re ntsha maahlo dikwakweng gore re thogo bona bošakašakane byo Sathane a bo berekisiyeng ga Jobo ka taba la gore o nyoko boya a bo berekisa le ho ga rune lekgono. Lebelela gore o hlayye matsaka ya mošaga mang, o yitseri: “Motho [go seng Jobo fela] o nyoko go neya se sengwana le se sengwana so a nang naso gore a thogo phonisa lephelo lage.” (Jobo 2:4, 5) Gabutšibutši Sathane o re hlayela matsaka mo a re rune a re mo nyake ga Jehova Modimo fote re nyoko mo jikela mo di nyaka gore re phonise lephelo la rune. Fote Sathane o hlayela Modimo matsaka o re, gabutšibutši aa re nyake fote le tso re liketsang go mo makela tsona o fo di takisa maahlo. Mara rune ba gore re ya mo tshepa ga Jehova bošakašakane byone bya Sathane bo ka sa bereke ho ga rune ka taba la gore re šele re ya mo tšibela.

14. King so dintshitshire di se wunyullang ka rune? Re beyisele ša.

¹⁴ Mo re tlela ke dintshitshire di nyaka re tseya go le lešuba la go re gelepa gore re thogo tšiba mo re yemmeng gona. Dintshitshire tso Jobo a yyeng a gahlana natso di yye dya mo gelepa gore a thogo bona gore o kekemisa kaye ke mokane a potolle. Selo so ne di nyaka a nape a potolla ga sona, ne di nyaka a tšhute go tinyanafatsa ka matla. (Jobo 42:3) Le rune re ka tšhuta se sengwana mo re gomela ke dintshitshire. Mogageru ye mongwana ye ba reng ke Nikolay, * wa gore ba yye ba mo kwalela jele le mo yi le gore ne a tilwalela o yitseri: “Jele yi tshwana le eksrayi, yi napa yi šupetsa gore o Mokreste wa mošaga mang.” Mo o šele o tšiba tso o di kekemisang o nyoko napa o kena fase gore o di potolle.

15. Di nyaka re theetsela mang fote ke ntaba?

 ¹⁵ Di nyaka re theetsela Jehova go seng manaba ya rune. Jobo ke mo a mo theetsele gabutši ga Jehova mo a bolabola naye. Modimo o yye a gelepa Jobo gore a thogo bona ditaba gabutši o mmutsisiye diputsiso tsowa: ‘Ayitsano matšhika yaka wa ma bona ga dilo tso ke di makiyeng? Phela dilo ka mokana ga tsona tso di go makegeleng ke di bonne. Ayitsano o nagana gore di ka nšita go go pasopa?’ Jobo o yye a fetola a tinyanafatsiye fote a šupetsa gore o leboga Jehova ka taba la gore o lukiye o yitseri “Ba nhlayisele ka wene mara gana byalo ke šele ke di bona ka maahlo.” (Jobo 42:5) Phela Jobo ke mo a sa na a duli gana hala luteng, mmele wage o butšwiye ka dithogo fote bana bage ba sa na ba le gana ku mabitleng kela dilahlong mo a hlaya mantsu yane. Le mo go le ka mokgonone, Jehova o yye a šupetsa Jobo gore O mo nyaka ka matla fote wa mo yamogela.—Jobo 42:7, 8.

16. Jesaya 49:15, 16, yi re di nyaka re gopole ying mo re tlela ke dintshitshire?

¹⁶ Le lekgono lowa, batho ba ka re rogelela ba boya ba re tshwara nkare ke rune ditšiya tsa ditoto. Ba ka liketsa go re sinya mabitso ba boye ba sinya le mokgahlo wa rune lebitso ba bolabola “mohlobo ka mokana ga yona ya matsaka” ka rune. (Mat. 5:11) Ga taba yowa ya Jobo re tšhutiye gore Jehova aa kamake gore re nyoko dula re tshepega mo re tlela ke dintshitshire. Jehova o re nyaka ka matla fote a ka sa tsoge a lahliye ba gore ba tshepela gage. (Bala Jesaya 49:15, 16.) Dilo tsa matsaka tso di bolabolang ke manaba ya Modimo di nyaka re sa di tseyele hlogong! Mogageru ye mongwana ye ba reng ke James, wa gore o dula ku Turkey wa gore yene le ba mutši wage ba yye ba tlela ke dintshitshire tse dikgolo o yitseri:  “Ke mo re di bona gore dilo tsa matsaka tso batho ba di bolabolang ka batho ba Modimo di nyoko re kgongwetsa di boya di re tapa matšhika. Byalo re yye ra kgeta gore re ngangarele ga tshepo ya rune go leng Mmušo wa Modimo fote re karakare ka matla mo re kene re berekela Jehova. Tsotsone di yye dya maka gore re ye mahlong re kene re jabodiye.” Go fo tshwana le Jobo, re yye ra theetsela Jehova! Tsa matsaka tso manaba ya Modimo ma di bolabolang di ka sa yi make selo tshepo yo re nang nayo.

17. King so re se tšhutang ga banna le basadi ba go tshepega bo Maheberu tema 11 yi bolabolang ka bona?

¹⁷ Jobo ke ye mongwana wa malata ya Jehova ya gore ma f’lo ya mahlong ma šupetsa lešiši fote ma sa thogathoge le mo go nyarela dintshitshire. Mo Pawulo wa lepostola a ngwalela Maheberu o bolabodiye ka batho ba go tlala ba gore o re ke “mogoba wo mogolo wa dihlatse.” (Maheb. 12:1) Ka mokana ga bona ba yye ba feta ga dintshitshire tse dikgolo mara ba f’lo ya mahlong ba šupetsa gore ba na le tumelo ga Jehova. (Maheb. 11:36-40) Ayitsano ba sinnye nako ya bona mo ba tiyisela ba boya ba karakara? Dho! Le mo yi le gore batho bone a sanka ba bona tso Modimo a di tshepisiyeng di makega nakwela ba sa phela ba f’lo ya mahlong ba tshepela ga Jehova. Fote ka taba la gore ne ba sa kamake gore Jehova wa ba yamogela, ke mo ba sa yi kamake taba ya gore ba nyoko di bona tso a di tshepisiyeng di makega. (Maheb. 11:4, 5) Mešupetso ya bona ya re tiyisa fote yi maka gore re nape re ye mahlong re tshepela ga Jehova.

18. O tikemisele go maka ying? (Maheberu 11:6)

¹⁸ Lefase lo re phelang ga lona lekgono le fo ya le kene le befa le bifiye. (2 Thim. 3:13) Fote Sathane a soko tinwa ga taba yage ya go dula a liketsa batho ba Modimo. Le mo re ka gahlana le dintshitshire ku mahlong di nyaka re tikemisela go karakara ka matla re berekela Jehova re sa kamake gore “re tshepiye Modimo wa go phela.” (1 Thim. 4:10) O sa lebale gore taba ya gore Modimo o yye a rufa Jobo yi šihlela taba ya gore “Jehova o kwelana go baba fote o nyakanana ka matla.” (Jak. 5:11) Le rune di nyaka re dula re tshepega ga Jehova re sa kamake gore o nyoko rufa “bo ba mo nyakang tsa mannete.”—Bala Maheberu 11:6.