1. Tae-i di ǂgomǃgâsiba da ūhâ tsî tae-i ǃaroma?

 NĒTSĒ du ǃhūbaib ǃnâ ra mû ǃgomsina a ǃgomba du, ǃgâi mûǂuiba ūhâs ǃaroma? Omaridi ge ǀnamgu tama hâ ǂguros khami. Khoen ge ǂkhabaxa tsî ǃnāsase ǁîn xa ǀgui ra ǂâi. ǂGuin ge ǃgombahe ǂgaeǂgui ra khoen ǃnâ ǂgomǃgâsiba ūhâs xa. Xawe nē xūn ge ǂgomǃgâsiba a mā du ǁkhā xūn nî ǃgâi ǃkhaisa. Tae-i ǃaroma? Khoen Elobmîs kēbodi ǃnâ i ra mî-e khami. “ǀUni tsēdi” ǃnâ ra tanisen amaga. (2Tim. 3:1-5) Nē kēbos di dīǀoaǀoas ge mûǃāxase ra ǁgau. Jesu Xristub ge Elob Gaosib di Gaob ase, a ǂgaeǂgui tsoatsoasa. Xawe nēs ge ǂgui kēbodi di ǀguis hîna Elob Gaosib xa hâsa. Sida ǂgomsa i ge nî ǀgaiǀgai. Nau kēbodi ǃkharu ge ǁaeb ǃnâ ge dīǀoaǀoahede ǃhoaǃgaosa.

2. Tae-e da nē ǁkhāǁkhāǃâs ǃnâ nî ǃhoaǃgao tsî tae-i ǃaroma? (Tsoatsoas ai hâ ai-īsib ai ǃereamsa mā re)

² Nē ǁkhāǁkhāǃâs ǃnâ da ge nî ǃhoaǃgao. (1) Kēbos hîna nî hui dasa, mâǁaeb aib ge Elob Gaosiba a ǂgaeǂgui tsoatsoasa. (2) Kēbodi ge ra hui da, î da ǁnâuǃā Jesub ge a Gao kaisa Elob Gaosib diba ǀhommi ǃnâ. (3) Kēbodi hîna ra ǁgaude matin Elob khākhoena nî hîkākāhe ǀgausa.  Mû da ge nî mati di nē kēbode ra ǃgûǀhao ǀgausa. Tsî ǃgāsasiba ra mā dasa mâǁaeb Jehovaba xūna nî dīǀoaǀoasa.

3. Danieli 7:13, 14 ǃnâ hâ kēbosa tae ǂgomǃgâsiba ra mā da, Elob Gaosib di Gaob xa?

³ Danieli 7:13, 14 ge ra hui da î da ǂan. Jesu Xristub a ǃgâi Gao-aosa Elob Gaosib diba. Hoa ǃhaodi tsî gowagu di khoen ge, ǁîba nî “ǃoaba” tsî i ge ǀkhara Gao-e hâ tide. ǀNî hâ kēbos hîna Danieli ǂkhanis ǃnâ hâs ge ra mî. Jesub nî hûǁaegu ǀams ai ǂgaeǂgui tsoatsoasa. Jesub ge mâǁaeb ai a Gao-ao kaisa ǂansa īǁkhā-e?

4. Matis Danieli 4:10-17 sa ra hui dasa î da, kurib Jesub nî ǂgaeǂgui tsoatsoaba ǂanǂui? (ǀGamirosa khomai re)

⁴ Khomai re Danieli 4:10-17 sa. “Hû kurigu” ge 2 520 kuriga ra ǂnûǁkhaeba. ǁNā kurib ge 607ǁî kuri ge tsoatsoa Jesub ǃnaes aiǃâ. Babilonǁîn ge ǀuniga gao-aoba a ūǁnâ o. Jehovab di tronsa xu Jerusalems ǃnâ. Tsî nēs ge 1914ǁî kurib ǃnâ ge ǀam. Jehovab ge Jesuba Gaob ase a ǁgaumâi o. “ǂHanuba” ūhâba Elob Gaosib ǃnâ. *—Ese. 21:25-27.

5. Mapa ǀgui ǀgaub hîna da ǃgâiba a hō ǁkhāba “hû kurigu” xa hâ kēbosa xu?

⁵ Matis nē kēbosa sida ǃgâiba a ǀkhī-ūba ǁkhā? Hû kurigu xa hâ kēbosa da ga ǁnâuǃā o. Os ge ǁnāsa ǂgomǃgâsiba ra mā da, Jehovab ǁîb mîmâide ǂhanu ǁaeb ai ra dīǀoaǀoasa. Jehovab ge ge mîmâi Jesubab nî ǂhanu ǁaeb ai nî Gao kai ǃkhaisa. Tsîb ge ǁnā ǁaeba a ǀkhī o, ob ge Jehovaba ǁnāsa ge dī. ǁNā-amaga da ge a ǂan nau kēbodi hînab dī hâdi tsîna, ǁîb di ǁaeb ai nî dīǀoaǀoa ǃkhaisa. Îo, Jehovab tsēs ge nî hā tsîs ge “ǃonkhao tide.”—Hab. 2:3.

6. (a) Tae-e da ǃhūbaib ai ra mû hîna ra ǁgau-e Xristub ra ǂgaeǂguisa? (b) Matis nēsa a ama, kēbos hîna ǂHaiǂhais 6:2-8 ǃnâ ra hō-es ǃoagu?

⁶ ǁÎb di ǃhūbaisi aoǁnâ sîseni di ǀams aib ge Jesuba. ǁÎb di saosabena ge mîba xūn hîna nî īna ǃhūbaib ǃnâ. Tsî ǁnā xūn ge nî ǁgau ǁîb go ǀhommi ǃnâ a ǂgaeǂgui tsoatsoasa. ǀNî xūn hînab ge ǁîba a ǂgain ge, torogu, ǃâtsūǀkhāgu tsî ǃhūǂgubigu tsîna. ǁÎb ge noxoba ǀaegu xas tsîna ge ǃhoa, hîna “ǂgui ǃkhain ǃhūbaib din ai” nî hōǃâhena. Coronas hîna da nēsi ra hōǃâs ge, ǀgui aiǁgaus ǀguisa ī. Nēn ge Elobmîs ‘saodi’ di ra mîn di ǃâ, Xristub di hās ǃaroma. (Mat. 24:3, 7; Luk. 21:7, 10, 11) 60 Kurina ǃnā hâse, ǁîb di ǁōb tsî ǀhomma ǃoa-oas khaoǃgâb ge. Jesuba apostel Johaneba, ǃgāsasiba ge mā xūn hîna nî īn xa. (Khomai re ǂHaiǂhais 6:2-8 sa.) Nē xūn hoan ge ī hâ Jesub ge a Gao kai o, 1914ǁî kurib ǃnâ.

7. Tae-i ǃaroma i ǂgui ǃgâi tama xūna ǃhūbaib ai ī hâ Jesub ge a Gao kai o?

⁷ Tae-i ǃaroma i ge ǃhūbaib di xūna ǁgaiǂoa Jesub ge a Gao kai o? ǂHaiǂhais 6:2 ge ǂhâǂhâsa xū-e ra mîba da. ǂGuro xū-i hînab ge Jesuba Elob Gaosib di Gao kaib ge o, a dī i ge, toroba ǃkhamsa. Hammi ǃoagu? ǁGâuab tsî ǁîb demongu ǃoagu o. ǂHaiǂhais 12ǁî danaǃâs ǃoagub  ge ǁGâuaba ǁnā ǃkhamsa ge ǂoaǃnâ. Tsî i ge ǁîb tsî demongu tsîna ǀhomma xu ge aoǁnâhe, ǃhūbaiba ǃoa. ǁGâuab ǁaixa hâ amagab ge khoena ge ǁnâǂam tsoatsoa. Tsîs ge nēsa “kai ǁaiba” ǃhūbaib ai ra ǃaroma.—J.ǂHa. 12:7-12.

8. Mati i Elob Gaosib xa hâ kēbodi ra dīǀoaǀoahe ǀgausa mûsa sida ra hui?

⁸ Mati di nē kēbode sida ǃgâiba a ǀkhī-ūba ǁkhā? Mûhe ǁkhā tanisen ǀgaugu ge nî hui da. Î da ǁnâuǃā Jesub ge a ǂgaeǂgui tsoatsoasa. Khoen ǀguriǂâixasib tsî ǃhuiba mû tsî ǁaixas xa da ge ra ǂâihō. ǁÎn di ǀgaugu Elobmîs di kēbode ra dīǀoaǀoasa. Gaosib ge ǂgaeǂgui tsoatsoa hâ. (Psa. 37:1) Tsî da ge ra ǃâubasen ǃhūbaib di xūn nî ǁgaiǂoas ǀguisa dīsa, Armagedons ra ǀgū khami. (Mrk. 13:8; 2Tim. 3:13) Kaise da ge ra gangan sida di ǀhomsi ǁGûb ra hui dasa. Î da ǁnâuǃā tae-i ǃaroma i nēti i ǂgui ǃgomsina ǃhūbaib ǃnâ hâsa.

9. Matis kēbos hîna Danieli 2:28, 31-35 ǃnâ i ra ǂoaxa, ǀuniga ǀgaiba ra ǁguiǃā? Tsî mâǁaeb ai i ge ǂgaeǂgui tsoatsoa?

⁹ Khomai re Danieli 2:28, 31-35 sa. Nē kēbos nētsē ra dīǀoaǀoahesa da ge ra mû. Nebukadnesari di ǁhapos ge “ǀuni tsēdi ǃnâ” i tae-e nî īsa gere ǁgau. Xristub ǂgaeǂgui tsoatsoa hâs khaoǃgâ. Jesub di ǀuniga khākhoen ge nî ǃhūbaib di ǀgaigu, hîna Elobmîs ǃnâ mîhe hâ ga nî ǃkhōǂgā. “ǂAira hîna ǀuri tsî ge ǂgoa ira” xa ra ǂnûǁkhaebahesa. Nē ǃhūbaisi ǀgaib ge ǀnai ǂgaeǂgui tsoatsoa hâ. Tsî nē ǂgaeǂguis ge ǂguro torob ǃnâ ge tsoatsoa.  Britaini tsî United States ge ǀguiba a sîsen tsoatsoa o. Nebukadnesari di ǁhapos ǃnâ hâ ai-īsib tsîn ge ra ǁgau. ǀGam xūn hâsa hîna nē ǃhūbaisi ǀgaib xa hâ ǃkharagagusiba nî ūǂuina, ǀnai ge hâ i gaosiga xu.

10. (a) Tae-e da Anglo-American ǂgaeǂguis ǃnâ nētsē ra mû, Danieli di kēbos ra mî-e? (b) Tae-e da nî ǂanbasen î da tā dī? (“ ǂGoab di ǂâibasens xa ǂan re” di hâ boksisa khomai re)

¹⁰ ǂGuro ge ǀnai hâ i ǃhūbaisi ǂhanugu khamis ge. Anglo-American sa ǃhuniǀuri-i. Tsî ǀhaiǀuri-i xa ǂnûǁkhaebahe tama hâ. Xawe ǂgoa-i tsî ǀuri-i hîna hapasa i xa ra ǂnûǁkhaebahe. Nē ǂgoa i ge “khoena” ra ǂnûǁkhaeba. (Dan. 2:43) Nētsē i ǃgāsase a mûhe ǁkhā khami ǁhûidi, khoesi ǂhanugu. Tsî sîsen ra khoena ra ǂnûǁkhaeba ǃnandi ge. ǃHūbaib di ǂgaeǂgui-aoga ra ǃgomǃgomba, î gu ǂhâbagu ra xūna tā dīho.

11. Matis Anglo-American ǃhūbaisi ǂgaeǂguisa, ǂgomǃgâsiba ra mā da ǀuniga tsēdi ǃnâ da ûihâsa?

¹¹ ǀGamǁîse, ǁnā ai-īsib ǃnâ hâ ǂaidi xa i ra ǂnûǁkhaebahese, î ge Anglo-American sa a ǀuniga ǃhūbaisi ǂgaeǂgui hîna Elobmîs ǃnâ ra mîhesa. ǀNî hâ khoesi ǂhanu i ge ǁnās khaoǃgâ hâ tide. Xawe i ge Elob di Gaosib xa Armagedons tawa nî dīkākāhe. Nau khoesi ǂhanugu tsîna ǃkhōǂgā hâse. *—J.ǂHa. 16:13, 14, 16; 19:19, 20.

12. Mâ ǀgaub ǃnâs noxoba Danieli di kēbosa ǁkhaeǂgaos tsî ǃâubasensa ra mā?

¹² Mati di nē kēbode sida ǃgâiba a ǀkhī ūba ǁkhā? Danieli di kēbos ge ǁgauǁgauna ra mā da ǀuniga tsēdi ǃnâ da ûihâsa. 2 500 kuriga ǃkharu tsîb ge Daniela ge kēbo Babilons, khaoǃgâ i nî. Haka ǃhūbaisi ǂgaeǂguina hâsa hîna Elob khoena nî ǂgaeǂguina. Tsîb ge ǃnāsase ge mî Anglo-American ǂgaeǂguis nî ǀunigasa ǁnā tsēdi ǃnâ. Nēs ge ǁkhaeǂgaos tsî ǃâubasen sa ra mā da. ǀGūǁaeb Elob Gaosiba hoa khoesi ǂhanuga nî ūbē ǃkhaisa. Tsî ǁnās ǀkha hoaraga ǃhūbaiba nî ǂgaeǂguisa.—Dan. 2:44.

13. Tae-e i “ǁkhaisaǁî gaob” tsî “disi gaogu” hîna ǂHaiǂhais 17:9-12 ǃnâ hâga ra ǂnûǁkhaeba? Tsî matis nē kēbosa dīǀoaǀoahe hâ?

¹³ Khomai re ǂHaiǂhais 17:9-12 sa. ǂGuro torob ge ǀgaisa dīkākāsa ūhâ i amaga, î ge ǀnî xū-e ge ī. Hîna ge Elobmîs ǃnâ hâ kēbosa ǀuniga tsēdi xa a dīǀoaǀoasa. ǃHūbaisi ǂgaeǂgui-aogu ge ǂkhîba hoaraga ǃhūbaib ai gere ǀkhī-ū ǂgao. ǁNā-amagan ge 1920ǁî kurib ǃnâ League of Nations sa ge ǂnûiǂgā. Tsî ǁnās ge 1945ǁî kurib ǃnâ United Nations xa ge ǃkhōǃkhunihe, Oktoberi ǃnâ. Tsî nē ǀapeǂhumis ge “ǁkhaisaǁî gaob” di ra ǂgaihe. Xawe i ge ǃhūbaib di ǀgai tama hâ. Tsî i ge ǀgaiba ūhâ ǂhanugu ra ǁîsa ǂkhâǃnâ ǃkhais ǃaroma ǀgui. Elobmîs ge ǁnā ǀgaiga “disi gaogu” di ra ǂgai.

14-15. (a) ǂHaiǂhais 17:3-5 sa tae-e Babilons kais xa ra mî? (b) Tae-e ama tama ǂgoms ǂkhâǃnâs ǀkha ra ī?

¹⁴ Khomai re ǂHaiǂhais 17:3-5 sa. ǃAnu gagab di ǂkhâǃnâs ǃnâ-ūb ge apostel Johaneba, ǁhapos ǃnâ ū ǀai-aosa ge mû. “Babilons, hoaraga ǀai-aon di îsa.” Tsî ǁîs ge hoaraga ama tama ǃoabade ra ǂnûǁkhaeba. Matis nē kēbosa dīǀoaǀoahe hâ? Kaxu ǁaeba î ge ama tama ǃoabade. ǀGūse ǃhūbaisi ǂhanugu ǀkha sîsen hâ tsî ǁîna ra ǂkhâǃnâ. Xaweb ge Jehovaba  ǀgūǁae politik ǂgaeǂgui-aogu di ǂgaogu ǃnâ. “ǁÎb ǂâisa gu ǀguiǃnâxase” sîsenǂuisa nî ǂgā. Mâ ǀamǂoas ǀkha? ǁNā politik ǂgaeǂguidi hîna “disi gaoga” ra ǂnûǁkhaeba di ge, ama tama ǃoabas ǃoagu nî khâi tsî ǁîsa nî dīkākā.—J.ǂHa. 17:1, 2, 16, 17.

¹⁵ Mati da a ǂan Babilons, hoaraga ǀai-aon di îs di ǀams go a ǀgū ǃkhaisa? ǁNā dîsa ǃereams ǃaroma i ge nî ǃgâi ǂâihōsa. Babilons di ǃkhare ǃâb ge Eufratǃāb ǁgammgu xa ǁkhaubahe hâ isa. ǂHaiǂhais di ǂkhanis ge miliuns di ǂkhâǃnâ-aon Babilons kais dina ǁnā ǁkhauba ra “ǁgammi” ǀkha ra ǀgopeǀnō. (J.ǂHa. 17:15) Xawe i ge mîs tsîna ra dī ǃāb nî “ǂnâsa.” Tsî ǁnās ge ra ǁgau ǁnā ama tama ǂgoms nî ǂkhâǃnâ-aon ǂguina ǂoaǃnâ ǃkhaisa. (J.ǂHa. 16:12) ǁNā kēbosa dīǀoaǀoas ǃaroma i ge nētsē ǂanǃgâsa. ǃGôab di khoena, ama tama ǂgomsa ǁnāxu hâ. Tsî ǁnās ǀkha ǀnî hâ ǃkhain ai ǁîn di ǃgomsin di ǃereamde ra ôa.

16. Mati da ǃgâiba a hō ǁkhā ǁnâuǃā da ga o, United Nations di tsoatsoas tsî Babilons kais di ǀams xa?

¹⁶ Mati di nē kēbode sida ǃgâiba a ǀkhī  ūba ǁkhā? United Nations di ǂnûiǂgās tsî ǂgui khoen hîna ama tama ǃoabasa ǂkhâǃnâ taman, ge ra ǁgau. ǀUniga tsēdi ǃnâ da ûi hâsa. Nēsin ǂgui khoena Babilons kaisa ǂkhâǃnâ tama hâ. Xawe î ge ǁnā xu tama hîna nî ama tama ǃoabasa dīkākāhe. ǀNai go mîhe hâ i, khamib ge Jehovaba “disi gaogu” di ǂgaogu ǃnâ nî ǂgā. Î di politik ǂgaeǂguide, United Nationsa ǂkhâǃnâna. Î gu “ǁîb di ǂâisa dīǀoaǀoa.” ǁNā ǃhūgu ge ǀūǃgâse Babilons kaisa nî dīkākā. Tsî ǁnās ge ǃhūbaiba kaise nî buru kai. * (J.ǂHa. 18:8-10) Babilons kais di dīkākās ge hoaraga ǃhūbaiba ǀgaisase nî tsâǀkhā. Tsî ǁnās ǀkhās tsîna ǃgomsiba nî ǃaroma. Xawen ge Elob khoena ǀgam ǃaroma ra nî ūhâ, ǃgâiaǂgaos dina. Nē kaxuse hâ khākhoeb Jehova Elob dib ge ǀamosib kōse nî bē. Tsî da ge ǁnās ǀkhas tsîna ǀgūǁae oresa nē ǁgai ǃhūbaiba xu nî hō.—Luk. 21:28.

17-18. (a) Mati da aiǃgû tsî sida ǂgomsa a ǀgaiǀgai ǁkhā? (b) Tae-e da sao ra ǁkhāǁkhāǃâs ǃnâ nî ǃhoaǃgao?

¹⁷ Danieli ge ge mî “amab ǂans nî ǀarosen” ǃkhaisa. Tsî ǁnā i ǀgui i ge ī hâ. Nēsi da ge sida ǁaeb di kēbode ra ǁnâuǃā. (Dan. 12:4, 9, 10) Nē kēbodi ge kaise a ǃgâi tsî ǁnās ǀkha. Sida ǃgôaǃgâsiba Jehovab tsî ǁîb di mîsa ra ǁgau kai. (Jes. 46:10; 55:11) ǁNā-amaga aiǃgû re î du sadu ǂgomsa ǀgaiǀgai, xoade ǁkhāǁkhāsens ǃnâ-ū. Tsî naun tsîna ra huise, în ǃgâi ǀhōsagusisa Jehovab ǀkha ūhâ. ǁÎb ge nî daoǁgau ǁnān hîna ǀoasase ǁîb ai ra ǂgomǃgâna. Tsîb ge ǁîn tsîna “ǂkhîba” nî mā.—Jes. 26:3.

¹⁸ Sao ra ǁkhāǁkkhāǃâs ǃnâ da ge kēbodi hîna. ǀUniga Xristeǁî ǀhaohâba ra tsâǀkhāna nî ǃhoaǃgao. Tsî da ge nî mû nē kēbodi ǃamkuse ǀuniga tsēdi ǃnâ da ûihâsa ra ǁgausa. Tsî da ge ǃnāsa ǁgauǁgauna nî mû Jesub hîna a sida di Gaob ra ǂgomǂgomsa sao-aona ǂgaeǂgui ǃkhaisa.