29-زەرتتەۋ ماقالاسى
ٴجەتەكشىمىز يسانى قولداڭىز
«ماعان كوك پەن جەردەگى بارلىق بيلىك بەرىلگەن» (مات. 28:18).
13-ٵن ٴماسىحتى ۇلگى تۇتايىق
اڭداتپا *
1. بۇگىندە ەحوبانىڭ ەركى نەدە؟
بۇگىندە پاتشالىقتى ۋاعىزداۋ ٸسى قۇدايدىڭ ەركى بويىنشا بۇكىل دۇنيەجۇزىندە ٴجۇرىپ جاتىر (مار. 13:10؛ ٴتىم. 1-ح. 2:3، 4). بۇل ٸس — ەحوبانىڭ ٸسى، ٵرى ونىڭ ماڭىزدى بولعانى سونشالىق — ەحوبا ٶزىنىڭ سۇيىكتى ۇلى يسا ٴماسىحتى بۇل ىستە جەتەكشىلىك ەتۋگە تاعايىندادى. يسا ۋاعىز ٸسىن اسقان بىلىكتىلىكپەن جۇرگىزەتىندىكتەن، زاماننىڭ سوڭى كەلگەنشە بۇل ٸس ەحوبا قالاعانداي دەڭگەيدە اتقارىلىپ بىتەدى (مات. 24:14).
2. بۇل ماقالادا نەنى قاراستىرامىز؟
2 وسى ماقالادا يسا «ادال دا اقىلدى قۇلدى» قولدانىپ، رۋحاني اس-سۋمەن قالاي قامتاماسىز ەتىپ جاتقانىن، سونداي-اق تاريحتاعى ەڭ اۋقىمدى ۋاعىز ٸسىن جۇرگىزۋ ٷشىن ٸزباسارلارىن قالاي باعىتتاپ وتىرعانىن تالقىلايمىز (مات. 24:45). سونىمەن قاتار يسا مەن ادال قۇلدى ٵرقايسىسىمىز قالاي قولداي الاتىنىمىزدى كورەمىز.
يسا ۋاعىز ىسىنە جەتەكشىلىك ەتۋدە
3. يساعا قانداي بيلىك بەرىلگەن؟
3 يسا بۇگىندە ۋاعىز ٸسىن باسقارىپ وتىرعانىنا نەگە سەنىمدىمىز؟ بۇل ٷشىن ونىڭ كوككە كەتپەس بۇرىن عاليلەياداعى تاۋدا ادال ٸزباسارلارىنا ايتقان سوزدەرىنە نازار اۋدارايىق. ول: «ماعان كوك پەن جەردەگى بارلىق بيلىك بەرىلگەن»،— دەدى. سوسىن ارتىنشا: «سوندىقتان بارىڭدار دا، بارلىق حالىقتاردان شاكىرتتەر دايىنداڭدار»،— دەپ تاپسىردى (مات. 28:18، 19). دەمەك، باسقا بيلىكپەن قوسا يسانىڭ ۋاعىز ىسىنە جەتەكشىلىك ەتۋ بيلىگى دە بار.
4. يسانىڭ ۋاعىز ٸسىن ٵلى دە باسقارىپ وتىرعانىنا نەگە سەنىمدىمىز؟
4 يسا ۋاعىزداۋ مەن شاكىرت دايىنداۋ ٸسى بارلىق حالىقتاردا جۇرەتىنىن ايتتى جانە وسى زامان اياقتالعانشا، ٵر كۇنى ىزباسارلارىمەن بىرگە بولاتىنىنا سەندىردى (مات. 28:20). ونىڭ سوزدەرى يسا ۋاعىز ٸسىن ٴبىزدىڭ كەزىمىزدە دە باسقاراتىنىن انىق كورسەتەدى.
5. ٴزابۇر 110:3 تەگى پايعامبارلىقتىڭ ورىندالۋىنا ٴبىز قالايشا ۇلەس قوسىپ جاتىرمىز؟
5 يسا سوڭعى كۇندەردە ۋاعىز ٸسىن اتقاراتىن قىزمەتشىلەر جەتىسپەي قالادى دەپ ۋايىمداماعان. ويتكەنى ول «اسكەرىڭدى شايقاسقا باستايتىن كۇنى حالقىڭ ساعان ەرۋگە دايىن تۇرادى» دەگەن پايعامبارلىقتىڭ ورىندالاتىنىن بىلگەن ەدى (ٴزاب. 110:3). ەگەر ٴسىز ۋاعىز ىسىنە اتسالىسىپ جۇرسەڭىز، وسى پايعامبارلىقتىڭ ورىندالۋىنا ۇلەس قوسقانىڭىز جانە يسا مەن ادال قۇلدى قولداعانىڭىز. بۇل ٸس العا جىلجىپ جاتقانىمەن، كەدەرگىلەر دە جوق ەمەس.
6. پاتشالىقتى جاريالاۋشىلار كەزدەسەتىن ٴبىر قيىندىق قانداي؟
6 پاتشالىقتى جاريالاۋشىلار كەزدەسەتىن كەدەرگىلەردىڭ ٴبىرى — قارسىلىقتار. جولدانتايۋشىلار، ٴدىني جەتەكشىلەر مەن ساياساتكەرلەر ٴبىزدىڭ ٸسىمىز جايلى كوپ جالعان اقپارات تاراتقان. سول جالعان اقپاراتقا سەنىپ، ٴبىزدىڭ تۋىسقاندارىمىز، تانىستارىمىز نە ارىپتەستەرىمىز بىزگە قىسىم كورسەتۋى مۇمكىن. ولار ەحوباعا قىزمەت ەتپەگەنىمىزدى جانە ۋاعىزداۋدى توقتاتقانىمىزدى قالايتىن شىعار. ال كەيبىر ەلدەردە جاريالاۋشىلارعا قوقان-لوقى كورسەتىپ، تۇتقىنداپ، ٴتىپتى تۇرمەگە جاۋىپ جاتىر. بۇنداي جاعدايلار ٴبىزدى تاڭعالدىرمايدى. سەبەبى يسا: «بارلىق ۇلتتار مەنىڭ اتىما بولا سەندەردى جەك كورەتىن بولادى»،— دەپ الدىن الا ايتىپ كەتكەن (مات. 24:9). ال ادامداردىڭ ٴبىزدى جەك كورگەنى — ەحوباعا ۇنامدى ەكەنىمىزدىڭ كورسەتكىشى (مات. 5:11، 12). قارسىلىقتاردىڭ ارتىندا ٸبىلىس تۇرعانى بەلگىلى. ٴبىراق يسا ودان الدەقايدا كۇشتى! ونىڭ قولداۋىمەن بۇگىندە ىزگى حابار بارلىق حالىقتارعا تارالىپ جاتىر. ٴقازىر سونىڭ كەيبىر ايعاقتارىن كورەيىك.
7. ايان 14:6، 7 دەگى پايعامبارلىقتىڭ ورىندالىپ جاتقانىن نەدەن كورىپ ٴجۇرسىز؟
7 پاتشالىقتى جاريالاۋشىلار كەزدەسەتىن كەلەسى كەدەرگى — ٴتىل ماسەلەسى. ٴبىراق ىزگى حاباردى جاريالاۋشىلار بۇل كەدەرگىنى دە جەڭەتىنىن يسا ەلشى جوحانعا بەرگەن ايانىندا الدىن الا ايتىپ كەتكەن (ايان 14:6، 7 وقىڭىز). سوندا ولار قالاي جەڭدى؟ ٴبىز جەر شارى بويىنشا مۇمكىندىگىنشە كوپ ادامعا پاتشالىق جايلى حاباردى جەتكىزۋدەمىز. بۇگىندە jw.org سايتىمىزدا كيەلى كىتاپقا نەگىزدەلگەن مالىمەتتەر 1000 نان استام تىلدە قولجەتىمدى. باسقارۋشى كەڭەس شاكىرت دايىنداۋعا ارنالعان نەگىزگى قۇرالىمىز — «ماڭگى باقي ٶمىردىڭ راقاتىن كورىڭىز!» كىتابىن 700 دەن استام تىلگە اۋدارۋعا رۇقسات بەردى. ال زاعيپتار مەن قۇلاعى ەستىمەيتىندەر ٷشىن رۋحاني اس-سۋ برايل قارپىندە جانە ۆيدەو جۇزىندە شىعارىلىپ جاتىر. وسىلايشا «ٵرتۇرلى تىلدە سويلەيتىن بارلىق حالىقتاردان شىققان» ادامدار شىندىقتىڭ «تازا تىلىندە» سويلەۋدى ۇيرەنىپ جاتىر. بۇل — كيەلى كىتاپتاعى پايعامبارلىقتاردىڭ ورىندالىپ جاتقانىنىڭ دالەلى (زاك. 8:23؛ ساف. 3:9). راسىمەن دە، بىلىكتى جەتەكشىمىز يسا ٴماسىحتىڭ ارقاسىندا ىزگى حابار كەڭىنەن تارالۋدا.
8. ۋاعىز ٸسى قانداي جەمىس اكەلىپ جاتىر؟
8 بۇگىندە ەحوبانىڭ ۇيىمىندا 240 ەلدەن شىققان 8 ميلليوننان استام ادام بار. سونداي-اق جىل سايىن 100 مىڭنان كوپ ادام شومىلدىرۋ راسىمىنەن وتۋدە. الايدا ولاردىڭ سانىن ەمەس، ساپاسىن ايتساڭىزشى! بۇل جاڭا شاكىرتتەر ماسىحشىلەرگە ٴتان قاسيەتتەر دامىتىپ، «جاڭا بولمىسقا» يە بولعان (قول. 3:8—10). ولار ازعىندىق پەن قاتىگەزدىكتەن ارىلعان، ۇلتشىلدىق پەن الالاۋشىلىقتان دا قۇتىلعان. ولار «سوعىسۋدى دا ۇيرەنبەي»، يشايا 2:4 تەگى پايعامبارلىقتى ورىنداپ ٴجۇر. وسىلاي كوپ كۇش سالىپ، جاڭا بولمىسقا يە بولعانىمىزعا قاراپ، ادامدار ەحوبانىڭ ۇيىمىنا تارتىلادى جانە يسانىڭ شىنايى شاكىرتتەرى ەكەنىمىزدى تۇسىنەدى (جوح. 13:35؛ پەت. 1-ح. 2:12). مۇنىڭ ٴبارى جايدان-جاي ەمەس، يسانىڭ قولداۋىمەن بولىپ جاتىر.
يسانىڭ ادال قۇلدى تاعايىنداۋى
9. يسا ماتاي 24:45—47-تارماقتاردا سوڭعى كۇندەرگە قاتىستى نە دەدى؟
9 ماتاي 24:45—47 وقىڭىز. يسا سوڭعى كۇندەرى قۇدايدىڭ حالقىن رۋحاني اس-سۋمەن قامتاماسىز ەتۋ ٷشىن «ادال دا اقىلدى قۇلدى» تاعايىندايتىنىن ايتقان. دەمەك، بۇل قۇل ٴبىزدىڭ كەزىمىزدە تەر توگىپ ەڭبەكتەنىپ جاتۋى كەرەك. بۇل سولاي بولىپ تا جاتىر. جەتەكشىمىز يسا مايلانعانداردىڭ شاعىن توبى ارقىلى قۇدايدىڭ حالقىنا جانە قىزىعۋشىلارعا رۋحاني اس-سۋدى «ۋاقتىلى بەرىپ وتىر». بۇل شاعىن توپ ولاردىڭ سەنىمدەرىنە ۇستەمدىك ەتۋدەن اۋلاق (قور. 2-ح. 1:24). سەبەبى ولاردىڭ «كوسەمى ٵرى باسشىسى» — يسا ٴماسىح ەكەنىن مويىندايدى (يشايا 55:4).
10. سۋرەتتەگى ادەبيەتتەردىڭ قايسىسى سىزگە ماڭگىلىك ٶمىر جولىنا تۇسۋگە كومەكتەستى؟
10 «ادال دا اقىلدى قۇل» 1919-جىلدان باستاپ ٴتۇرلى ادەبيەتتەردى دايىنداپ كەلەدى. سونىڭ ارقاسىندا قىزىعۋشىلار قۇنارلى رۋحاني اس-سۋدىڭ ٴدامىن تاتا الدى. 1921-جىلى «ادال دا اقىلدى قۇل» كيەلى كىتاپتىڭ نەگىزگى ىلىمدەرىن ۇيرەتەتىن «قۇدايدىڭ ارفاسى» دەگەن كىتاپتى شىعاردى. ۋاقىت وتە باسقا دا ادەبيەتتەر جارىققا شىقتى. سىزگە كوكتەگى اكەڭىزدى تانىپ-ٴبىلىپ، ونى جاقسى كورۋگە قانداي ادەبيەت كومەكتەستى؟ بالكىم، بۇل «قۇداي شىنشىل» نە «ماڭگىلىك ومىرگە الىپ باراتىن شىندىق» كىتابى شىعار. الدە «سەن جەر بەتىندە جۇماقتا ماڭگى ٶمىر سۇرە الاسىڭ» نە «ماڭگىلىك ومىرگە الىپ باراتىن ٴبىلىم» كىتابى ما؟ يا بولماسا «كيەلى كىتاپ شىن مانىندە نەگە ۇيرەتەدى؟» نە «كيەلى جازبالاردان نە بىلەمىز؟» كىتابى شىعار. الدە جاڭادان شىققان «ماڭگى باقي ٶمىردىڭ راقاتىن كورىڭىز!» كىتابى ما؟ بۇل ادەبيەتتەردىڭ ٵرقايسىسى ٶز داۋىرىندە شاكىرت دايىنداۋعا تاپتىرماس قۇرال بولدى.
11. رۋحاني اس-سۋدى نەگە بارلىعىمىزدىڭ قابىلداعانىمىز ماڭىزدى؟
11 قۇنارلى رۋحاني اس-سۋ شىندىققا جاڭادان كەلگەندەرگە عانا ەمەس، بارلىعىمىزعا قاجەت. ەلشى پاۋىل: «قاتتى تاعام... رۋحاني تولىسقان ادامدارعا ارنالعان»،— دەگەن. ول وسى رۋحاني استى قابىلداپ، بىلگەن-تۇيگەنىمىزدى ىسكە اسىرساق، «جامان مەن جاقسىنى اجىراتا الاتىنىمىزدى» دا ايتقان (ەۆر. 5:14). ونەگەلىلىكتەن جۇرداي مىنا لاس دۇنيەدە ەحوبانىڭ نورمالارىن ۇستانۋ قيىن شىعار. ٴبىراق يسا ٴبىزدى سەنىمىمىزدى نىعايتاتىن ٴدامدى دە ٴنارلى رۋحاني اس-سۋمەن قامداپ وتىر. قۇدايدىڭ رۋحىمەن جازىلعان كيەلى كىتاپ — ونىڭ قاينار كوزى. ادال قۇل بۇل اس-سۋدى يسانىڭ جەتەلەۋىمەن دايىنداپ، ۇلەستىرىپ جاتىر.
12. قالايشا ٴبىز يسا سياقتى قۇدايدىڭ ەسىمىن ۇلىقتاپ جاتىرمىز؟
12 جەتەكشىمىز يسا قۇدايدىڭ ەسىمىنە تيەسىلى قۇرمەت كورسەتىپ، ونى ۇلىقتاعان. ٴبىز دە سولاي ەتەمىز (جوح. 17:6، 26). مىسالى، كوكتەگى اكەمىزبەن ەرەكشە جاقىندىعىمىزدىڭ بەلگىسى رەتىندە 1931-جىلدان باستاپ «ەحوبا كۋاگەرلەرى» دەپ اتالاتىن بولدىق (يشايا 43:10—12). سونداي-اق سول جىلدىڭ قازان ايىنان باستاپ «كۇزەت مۇناراسى» جۋرنالىنىڭ العاشقى بەتىندە قۇدايدىڭ ەسىمى جارقىراپ تۇراتىن بولدى. بۇعان قوسا، «كيەلى جازبالار. جاڭا دۇنيە اۋدارماسىندا» «ەحوبا» دەگەن ەسىم ٶزىنىڭ زاڭدى ورىندارىنا قويىلىپ شىقتى. حريستيان شىركەۋلەرى ٶز كيەلى كىتاپتارىنىڭ اۋدارمالارىنان ەحوبانىڭ ەسىمىن الىپ تاستاپ جاتقاندا، ٴبىزدىڭ ۇيىم ونى اسقاقتاتىپ جاتتى.
يسانىڭ جەردە ۇيىم قۇرۋى
13. ٴسىز بۇگىندە يسا «ادال دا اقىلدى قۇلدى» قولدانىپ جاتقانىنا نەلىكتەن سەنىمدىسىز؟ (جوحان 6:68)
13 يسا جەر بەتىندە تازا عيباداتتى وركەندەتۋ ٷشىن «ادال دا اقىلدى قۇل» ارقىلى كەرەمەت ٴبىر ۇيىم قۇردى. ٴسىز وسى ۇيىمدا جۇرگەنىڭىزدى باعالايسىز با؟ بالكىم، ٴسىز ەلشى پەتىر سياقتى: «يەم، ٴبىز كىمگە بارماقپىز؟ ماڭگىلىك ومىرگە جەتكىزەتىن سوزدەر سىزدە عوي»،— دەيتىن شىعارسىز (جوح. 6:68). راسىندا دا، ەحوبانىڭ ۇيىمىمەن ۇشىراسپاعاندا، بۇگىندە قايدا قالار ەدىك؟! ٴماسىح سول ۇيىم ارقىلى بەرگەن مول اس-سۋدىڭ ارقاسىندا تويعان قوزىداي تومپايىپ ٴجۇرمىز. سونداي-اق ول قىزمەتىمىزدى جاقسى اتقارۋدىڭ قىر-سىرىن دا ۇيرەتىپ كەلەدى. ول بىزگە ەحوبا سۇيسىنەتىن «جاڭا بولمىسقا» يە بولۋعا دا كومەكتەسىپ جاتىر (ەفەس. 4:24).
14. ەحوبانىڭ ۇيىمىنىڭ قامقورلىعىن اسىرەسە پاندەميا كەزىندە قالاي سەزىندىڭىز؟
14 باسىمىزعا كۇن تۋعان قيىن-قىستاۋ شاقتا يسا ۇنەمى ٴتيىمدى باسشىلىقتار بەرەدى. مۇنىڭ دالەلىن الەمدى 19-COVID پاندەمياسى جايلاعاندا كوردىك. ادامدار نە ىستەرىن بىلمەي، ٴدال بولىپ جۇرگەندە، يسا ٴبىزدى امان ساقتاۋ ٷشىن ۇيىمى ارقىلى ناقتى-ناقتى باسشىلىقتاردى بەرىپ وتىردى. مىسالى، كوپشىلىك ورىندارىندا ماسكا كيىپ، اراقاشىقتىق ساقتاۋىمىز كەرەك بولدى. ال اقساقالدارعا باۋىرلاستارمەن بايلانىستى ۇزبەي، ولاردىڭ دەنساۋلىقتارى مەن رۋحاني كۇيلەرىنە مۇقيات بولۋ كەرەكتىگى ايتىلدى (يشايا 32:1، 2). سونداي-اق باسقارۋشى كەڭەستىڭ ۇندەۋلەرى دە قوسىمشا نۇسقاۋلار بەرىپ، جىگەرىمىزدى قايراپ وتىردى.
15. پاندەميادا قاۋىم كەزدەسۋلەرىن وتكىزۋ مەن ۋاعىزداۋعا قاتىستى قانداي نۇسقاۋلار بەرىلدى جانە مۇنىڭ ناتيجەسى قانداي بولدى؟
15 انىق نۇسقاۋلاردىڭ ارقاسىندا قاۋىم كەزدەسۋلەرىمىز بەن ۋاعىز ٸسى دە پاندەميا كەزىندە ٶز جالعاسىن تاپتى. تەز ارادا-اق كەزدەسۋلەرىمىز بەن كونگرەستەرىمىز بەينەكونفەرەنسيا ارقىلى وتەتىن بولدى. ال ۋاعىزداۋ ٴتاسىلىمىز حات جازۋعا جانە تەلەفونمەن حابارلاسۋعا الماستى. بۇل شارالارعا ەحوبا باتاسىن توگىپ، كوپ ەلدەردىڭ فيليالدارى جاريالاۋشىلاردىڭ سانى ٶسىپ جاتقانىن حابارلادى. سول ەلدەردە قىزمەتتە بولعان جىگەرلەندىرەرلىك وقيعالار دا كوپ بولدى (« ەحوبا قىزمەتىمىزگە باتاسىن توگۋدە» دەگەن قورشاۋدى قاراڭىز).
16. ٴبىز نە نارسەگە سەنىمدى بولساق بولادى؟
16 كەيبىرەۋلەرگە پاندەميا كەزىندە ۇيىم جاۋ شاپتىرىپ، شەكتەن تىس ساقتاندىرىپ جاتقانداي كورىنگەن شىعار. ٴبىراق ٷيىمنىڭ بەرگەن باسشىلىعى وتە ورىندى ٵرى دۇرىس بولعانىنا قايتا-قايتا كوزىمىز جەتىپ جاتىر (مات. 11:19). وسى ۋاقىتقا دەيىن يسا ٶز حالقىن قانشاما بەلەستەردەن الىپ وتكەنى جايلى ويلانايىق. سوندا، ەرتەڭ قانداي كۇن تۋماسىن، ەحوبا مەن ونىڭ سۇيىكتى ۇلى قاسىمىزدان تابىلاتىنىنا سەنىمدى بولامىز (ەۆرەيلەرگە 13:5، 6 وقىڭىز).
17. جەتەكشىمىز يسانىڭ قاراماعىندا قىزمەت ەتىپ جۇرگەنىڭىز جايلى نە ويلايسىز؟
17 جەتەكشىمىز يسانىڭ قاراماعىندا قىزمەت ەتۋ ٵربىرىمىز ٷشىن ۇلكەن باقىت! ٴبىز مادەني، ۇلتتىق جانە تىلمەن بايلانىستى كەدەرگىلەردى جەڭگەن ٷيىمنىڭ ٴبىر بولىگىمىز. ٴبىز رۋحاني توقپىز جانە ۋاعىز ٸسىن اتقارۋعا جاقسى دايىندالعانبىز. سونداي-اق يسا ٵرقايسىسىمىزعا جاڭا بولمىسقا يە بولۋعا جانە ٴبىر-ٴبىرىمىزدى سۇيۋگە كومەكتەسىپ جاتىر. يسانىڭ جەتەلەۋىمەن جۇرگەنىمىزدى ٴبىز ماقتان تۇتامىز!
16-ٵن ەحوبانى پاتشالىعى ٷشىن ماداقتاڭدار!
^ ەر، ايەل، بالا دەمەي — بۇگىندە ميلليونداعان ادام ىزگى حاباردى قۇلشىنا جاريالاپ ٴجۇر. ولاردىڭ اراسىندا ٴسىز دە بارسىز با؟ بار بولساڭىز، دەمەك، ٴسىز دە يەمىز يسا ٴماسىحتىڭ قاراماعىندا قىزمەت ەتىپ جاتىرسىز. وسى ماقالادا ٴبىز يسا ٴماسىحتىڭ ۋاعىز ٸسىن باسقارىپ وتىرعانىنىڭ دالەلدەرىن كورەمىز. وسىلار جايلى وي جۇگىرتسەك، يسانىڭ جەتەلەۋىمەن ٴجۇرىپ، ٵرى قاراي دا ەحوباعا قىزمەت ەتۋگە نىق بەكىنەمىز.
