1. Qanoq nalun­ngis­sin­naavar­put inuk tatiginar­tuusoq?

 INUK tatiginar­toq neriorsuutiminik eqqor­titsiniar­tuarlunilu ilumoor­tumik oqalut­tar­poq. (Tuss 15:4) Taamaalil­luni allanit tatigineqaler­tar­poq. Qatan­ngutitsin­nit tatigineqarusup­pugut. Tatigineqarumal­luta qanoq iliorsin­naavugut?

2. Tatiginar­tuuner­put qanoq ersersis­sin­naavar­put?

² Allat tatigeq­qul­luta pin­ngitsaalisin­naan­ngilagut. Tatiginar­tuuner­put ersersit­tariaqar­par­put. Oqar­toqar­tar­poq tatigineqaler­neq aningaasatut ittoq. Pis­sarsiariniar­nera tamaviaar­nar­poq, annaaneqariaan­naal­lunili. Jehovap tatiginar­tuunini ersersereer­paa. ‘Qanoq ilior­neri tamarmik aalajaam­mata’ tatigiuarsin­naavar­put. (Tuss 33:4) Ilaas­sagitsin­nilu piumasaraa. (Ef 5:1) Jehovap kif­faasa ilaat Ataatamin­nik qilam­miusumik ilaarsisut tatiginar­nermin­nillu ersersitsisut maligas­siuinerat sam­meriar­tigit. Aamma pis­suserineqar­tus­sat tal­limat tatiginar­tuunis­satsin­nut iluaqutigisas­sagut suunersut paasis­savar­put.

3-4. Pruf­fiitip Daanialip tatiginar­tuunini qanoq ersersip­paa, imminullu qanoq aperisariaqar­pugut?

³ Pruf­fiiti Daaniali tatiginar­tuunermut tun­ngatil­lugu maligas­saal­luar­poq. Babylon­nimiunit tigusaagaluarluni tutsuiginar­tutut ilisimaneqalipal­lap­poq. Jehova ikior­tigalugu Babylon­nimiut kun­ngiata Nebukadnesarip sin­nat­tua nas­suiarmagu  tatigineqar­neruler­poq. Daanialip taamaal­luni kun­ngip Jehovamit iluarineqan­ngin­neranik paasitit­tariaqar­paa – kun­ngillu tusarlius­saq taamaat­toq tusarumanavian­ngilaa. Nebukadnesari kamarujus­suar­tarmat Daaniali sapiis­suseqar­tariaqar­poq! (Dan 2:12; 4:17-19, 22) Ukior­pas­suit tamatuma kingorna Daanialip Babylon­nimi illus­saarsuup qarmaani tusarlius­saq paasiuminaatsoq eqqor­tumik nas­suiaramiuk tatiginar­tuunini erserseq­qip­paa. (Dan 5:5, 25-29) Kingusin­nerusuk­kut aamma Dareiosip Mederiusup naalagaaner­taatitaasalu Daanialip ‘anersaamik nalis­saqan­ngitsumik ilumioqar­nera’ maluginiar­paat. Paasivaat Daaniali ‘tatigisas­saal­luar­tuusoq nak­kutil­liin­ngis­susermik kuk­kuner­nil­luun­niit nas­saarfigisas­saanani’. (Dan 6:4, 5) Aap, allaat naalak­kersuisut Guutimik ilisarisiman­nin­ngitsut Jehovamut kif­far­tor­tup taas­suma tatiginar­tuunera nas­suerutigaat.

⁴ Daanialip maligas­saal­luar­nerata eqqarsaatigeq­qis­saar­nerani imminut ima aperisin­naavugut: ‘Ilagiit avataanni qanoq tusaamaneqar­punga? Akisus­saaf­fin­nik eqqor­titsisar­tutut tatiginar­tutullu ilisimaneqar­punga?’ Sooq imminut taama aperis­sal­luni pingaaruteqarpa? Tatiginar­tuunitsigut Jehova ataq­qinarsisit­taratsigu.

5. Sooq Hananja tatiginar­tutut ilisimaneqarpa?

⁵ 455-imi Kr.in.si. naalagaatitaq Nehemia Jerusalem­mip qarmarsui sanaq­qereerlugit illoqarfim­mik isumas­suil­luar­tus­sanik angutinik tatiginar­tunik ujar­tuivoq. Hananja pal­lit­taalisami naalagaasoq toq­qar­neqar­tut  ilagaat. Biibili naaper­torlugu Hananja “angutaavoq tatiginar­toq, Guutilu amerlaner­nit annerusumik mianeraa”. (Neh 7:2) Hananjap Jehova asagamiuk iluarin­ngisaanillu iliorusun­ngin­nami sulias­siis­sutigineqar­tut suul­luun­niit pimoorut­tar­pai. Pis­suserineqar­tus­sat taakku iluaqutigalugit uagut­taaq Guutimut kif­far­tor­nitsinni tatiginar­tuusin­naavugut.

6. Tykikorsip apustilimut Paulusimut ikin­ngutitut tatiginar­tuunini qanoq ersersip­paa?

⁶ Tykikorsip, apustilip Paulusip tatigalugu kif­far­toqatigisaata, maligas­siaa eqqarsaatigiuk. Paulusip illumit aneq­qusaan­ngin­nermini Tykikorsi, ‘aalajaal­luni kif­far­tor­tutut’ allaatigisani, tatigaa. (Ef 6:21, 22) Paulusip tatigigamiuk Efesos­simi Kolos­similu qatan­ngutinut allak­kanik allak­kisar­nis­samik, qiim­mas­saanis­samik tup­pal­lersaanis­samillu sulias­sip­paa. Nalitsinni angutit aalajaatsut tatiginar­tullu anersaak­kut pisariaqar­titatsin­nik isumas­suisut Tykikorsimut eqqaanar­put. – Kol 4:7-9.

7. Ilagiinni utoq­qaaner­tanit ilagiin­nilu kif­far­tor­tunit tatiginar­tuuneq pil­lugu suut ilik­kar­pigit?

⁷ Utoq­qaaner­tat ilagiin­nilu kif­far­tor­tut tatiginar­tut qujamasuutigingaar­pagut. Daanialitut, Hananjatut Tykikorsitullu akisus­saaf­fitik pimoorup­paat. Assersuutigalugu ulluin­narni ataatsimiin­ner­nut najuuk­kaangatta saq­qum­mius­sas­sat tamarmik agguaan­neqarsimanerat qularineq ajor­par­put. Aamma sulias­sin­neqar­tut piareersarsimasar­nerat saq­qum­mius­sisar­nerallu utoq­qaaner­tat qujamasuutigisar­paat. Aamma Biibilimik ilin­niar­titagut weekendini ataatsimiin­nermut qaaq­qugaangatsigit qularineq ajor­par­put tamanut oqalugiar­toqas­sasoq. Aamma Biibililersaarutit oqaluus­sinermut pisariaqar­titagut pis­sarsiarisin­naal­lugit qularineq ajor­par­put. Qatan­ngutinit angutinit tatiginar­tunit taak­kunan­nga isumagil­luar­neqaratta Jehova qutsavigisar­par­put! Tatiginar­tuuner­pulli sutigut ersersis­sin­naavar­put?

8. Allanik soqutigin­nin­nermut tun­ngatil­lugu qanoq oqimaaqatigiis­saarisariaqar­pugut? (Ussatit 11:13)

⁸ Qatan­ngutigut asagatsigit qanoq innerat soqutigisar­par­put. Aalajangersimasulli pil­lugit eqqar­tuerusun­ngin­nerat ataq­qisariaqar­par­put. Kristumiut siul­liit ilagiivini ilaasa “alla pineq ajor­paat allanik oqal­lisigin­nin­neq, susas­sarin­ngisamin­nut akuliun­neq eqqar­tugas­sarin­ngisamin­nillu eqqar­tuineq”. (Tim 1. 5:13) Taakku assigerusun­ngil­luin­nar­pagut. Takorloorulli allanut ingerlateq­qin­neqar­tus­saan­ngitsumik oqalut­tuun­neqar­tugut. Assersuutigalugu imaas­sin­naavoq qatan­ngutip arnap peq­qiil­lior­nini misilin­neqar­niniluun­niit pil­lugu oqalut­tuuteriarluta qin­nuigigaatigut allanut oqalut­tuaq­qunata. Kis­saataa ataq­qisariaqar­par­put. b (Ussatit 11:13 atuaruk). Maanna pisuni allani iser­tuus­sisin­naanerup pingaaruteqas­susia sam­meriar­tigu.

9. Ilaqutariin­niit­tut tatiginar­tuuner­tik qanoq ersersis­sin­naavaat?

⁹ Ilaqutariinni. Ilaqutariin­niit­tut tamarmik immik­kut ilaqutariin­nermut tun­ngasunik aalajangersimasunik ingerlatitseq­qiin­ngin­nis­samik akisus­saaf­feqar­put. Assersuutigalugu kristumiup uiusup nuliami ileq­quisa ilaat tis­sigisin­naavaa. Allanut oqalut­tuaris­savaa kan­ngusutsil­lugulu? Soorunami naamik! Nuliani asagamiuk ajual­latsik­kusun­ngil­luin­nar­paa.  (Ef 5:33) Inuusut­tuaq­qat ataq­qineqarusut­tar­put. Angajoq­qaallu tamanna eqqaamasariaqar­paat. Kuk­kus­sutaasa allanut oqalut­tuarinerisigut meeq­qatik nikas­sar­navian­ngilaat. (Kol 3:21) Meeq­qat periaaserin­nis­saq ilin­niar­tariaqar­paat, tassa ilamik kan­ngusuutigisin­naasaat allanut oqalut­tuaris­san­ngilaat. (Mos 5. 5:16) Ilaqutariin­niit­tut tamarmik immik­kut ilaqutariin­nermut tun­ngasunik aalajangersimasunik ingerlatitseq­qiisan­ngin­nermik­kut ataqatigiin­nerulis­sap­put.

10. Ikin­ngut ilumoor­toq qanoq ittuua? (Ussatit 17:17)

¹⁰ Ikin­ngutigiinni. Amerlanersatta ikin­ngum­mut qanigisamut aniatitsinis­sar­tik pisariaqar­tit­tar­paat. Ilaan­nik­kut tamanna saper­narsin­naasar­poq. Qamuuna eqqarsaatitsin­nik aniatitsinis­sar­put ajor­nakusoor­tis­sin­naavar­put, ikin­ngutit­talu allanut oqalut­tuarsimanera tusaraluarutsigu anniaatigingaarsin­naavar­put. Allanulli oqalut­tuaq­qin­ngin­nera qujamasuutigingaas­savar­put! Tassa ikin­ngut ilumoor­toq. – Ussatit 17:17 atuaruk.

11. (a) Utoq­qaaner­tat nuliaasalu tatiginar­tuuner­tik qanoq ersersit­tar­paat? (b) Utoq­qaaner­taq paarsisutut pulaareerluni ilaqut­taminut angerlar­toq qanoq ilin­niarfigisin­naavar­put? (Assit takuk­kit).

¹¹ Ilagiinni. Utoq­qaaner­tat allanut ingerlatitseq­qiineq ajor­tutut ilisimaneqar­tut qatan­ngutimin­nut ‘anorersuarmut oqquif­fit­tut sialus­suarmullu oqqif­fit­tut’ ipput. (Es 32:2) Suul­luun­niit pil­lugit oqaluus­sin­naavagut nalun­ngin­natsigu oqaaserisagut allanut ingerlateq­qin­neqar­navian­ngitsut. Susas­sarin­ngisagut pil­lugit oqalut­tuar­tin­niarsarisas­san­ngilagut. Aamma utoq­qaaner­tat nuliaat ingerlateq­qin­neqaq­qusaan­ngitsunik paasiniaaniarsarineq ajormata ataq­qivagut. Aap, utoq­qaaner­tap nuliaata qatan­ngutit pil­lugit oqalut­tuun­neqar­neq ajor­nera iluaqutis­sar­taqangaar­poq. Utoq­qaaner­tap nulia ima oqar­poq: “Uima savanik paarsisutut pulaak­kani anersaak­kul­luun­niit pisariaqar­titsisut, allaat atii, pil­lugit oqalut­tuun­neq ajormanga qujamasuutigaara. Iliuuseqarfigisin­naan­ngisan­nik naner­tuuser­neqar­neq  ajor­nera qujamasuutigaara. Taamaat­tumillu ilagiin­niit­tut tamaasa pis­susis­samisoor­tumik oqaloqatigisin­naavakka. Aamma uiga misigis­sutsikka ajor­nar­torsiutik­kaluun­niit pil­lugit oqalut­tuuk­kaangakku qularineq ajor­para allanut oqalut­tuas­san­ngitsoq.” Soorunami tamatta tatiginar­tutut ilisimaneqarusup­pugut. Tamatuma anguniar­nis­saanut pis­suserineqar­tus­sat suut iluaqutigis­savagut? Taak­kua ilaat tal­limat sam­meriar­tigit.

12. Sooq oqarsin­naavugut asan­nin­neq tatiginar­tuunermut tun­ngaviusoq? Assersuuteqarit.

¹² Asan­ninneq tatiginar­tuunermut tun­ngaviuvoq. Jiisusi oqar­poq Jehovamik inoqatinillu asan­nin­neq inas­sutit pingaar­nersarigaat. (Mat 22:37-39) Jehova asagatsigu tatiginarluin­nar­nera ilaarusup­par­put. Assersuutigalugu qatan­ngutigut asagatsigit aalajangersimasut pil­lugit ingerlatitseq­qiineq ajor­pugut. Ajoqutigilersin­naasaan­nik, kan­ngusulis­sutigisin­naasaan­nik anniaatigisin­naasaan­nillu ingerlatitseq­qiin­ngisaan­narusup­pugut. – Joh 15:12.

13. Maniguun­neq tatiginar­tuunis­samut qanoq iluaqutigisar­par­put?

¹³ Maniguunneq tatiginar­tuunis­samut iluaqutigis­savar­put. Kristumiu maniguut­toq siul­liul­luni paasis­sutis­siinermigut ilisimasaqar­neror­pasin­niar­neq ajor­poq. (Flp 2:3) Allanut ingerlateq­qeq­qusaan­ngitsunik ilisimasaqar­nerar­nermigut allanit pingaaruteqar­neror­pasin­niar­neq ajor­poq. Biibilimi Biibililersaarutiniluun­niit allaatigineqan­ngitsut pil­lugit nam­mineq isumatta eqqar­tun­ngin­nis­saan­nut maniguun­neq iluaqutigis­savar­put.

14. Silas­sorin­neq tatiginar­tuunis­samut qanoq iluaqutigisar­par­put?

¹⁴ Silassorinneq iluaqutigalugu kristumiup ‘nipangersimaf­fis­saanersoq oqaluf­fis­saanersorluun­niit’ paasisin­naasar­paa. (Oqal 3:7) Kulturit ilaanni ima oqariar­taaseqar­poq: “Oqalun­neq sølviuvoq, nipangersimaneq kuultiuvoq.” Allatut oqaatigalugu ilaan­nik­kut oqalun­nermit nipangersimaneq pitsaanerusar­poq. Ussatit 11:12-imi siun­nersuut naleq­qup­poq: ‘Silas­soris­soq nipangiin­nar­tar­poq.’ Una eqqarsaatigiuk. Utoq­qaaner­taq misilit­tagaqarluar­toq ilagiinni allani ajor­nar­torsiutaasut pil­lugit ikiuus­sin­naanerluni aperineqakulasar­poq. Tamanna pil­lugu utoq­qaaner­taqataa ima oqar­poq: “Ilagiit allat pil­lugit paasis­sutis­sat ingerlateq­qin­neqaq­qusaan­ngitsut iser­tuut­tuaan­nar­pai.” Utoq­qaaner­taq silas­soris­suugami utoq­qaaner­taqatiminit ataq­qineqaler­poq. Qularin­ngilaat nam­minermin­nut tun­ngasut allanut ingerlateq­qin­navian­ngik­kai.

15. Sooq unneq­qaris­suuguit allanit tatigineqar­nerulis­savit? Assersuuteqarit.

¹⁵ Unneqqarinneq tatiginar­tuunis­samut aamma iluaqutigisar­par­put. Unneq­qaris­soq ilumoor­tumik oqalut­tuaan­nar­toq nalun­ngin­natsigu tatigisar­par­put. (Ef 4:25; Hebr 13:18) Assersuutigalugu qatan­ngutip angutip ilin­niar­titsil­laq­qin­nerorusut­tup ikin­ngutini oqalugiaatis­saminut tusar­naarsin­naanersoq pitsan­ngorsaatitullu siun­nersuuteqarsin­naanersoq aperaa. Kina tatigis­savaa unneq­qarif­figis­sagaani? Tusarusutaminik oqaaseqar­toq inus­siar­nerluniluun­niit ilumoor­tumik oqaaseqar­toq? Akis­sutaa ersarip­poq. Biibilimi allas­simavoq: “Saq­qumisumik avoq­qaarin­nin­neq pitsaaneruvoq asan­nin­nermit saq­qumitin­ngisamit. Ikin­ngutaal­luar­toq unataagaangami ajun­ngitsumik siuner­taqar­tar­poq.” (Uss 27:5, 6) Ikin­ngutip unneq­qaris­sup oqaasii aal­laq­qaam­mut tusaal­lugit artor­naraluar­toq siunis­sami iluaqutigis­savagut.

16. Imminut aqus­sin­naanerup pisariaqar­nera Ussatit 10:19-imi qanoq erseq­qis­sar­neqarpa?

 ¹⁶ Imminut aqussin­naaneq allanit tatigineqalis­sagutta pisariaqar­til­luin­nar­par­put. Tatigaluta oqalut­tuar­tup eqqaasaasa allanut ingerlateq­qin­nis­saan­nut usser­nar­torsioraangatta imminut aqus­sin­naaneq nipangersimanis­samut iluaqutigisar­par­put. (Ussatit 10:19 atuaruk). Inter­netik­kut attaveqaqatigiit­tarfiit atoraangatsigit imminut aqus­sin­naaner­put immaqa misilin­neqar­tar­poq. Mianersun­ngik­kutta iser­tuus­sas­sat inup­pas­suar­nut oqalut­tuarisoorsin­naavagut. Paasis­sutis­sat inter­netik­kut ingerlateq­qitagut qanoq ator­neqar­nerat qanorlu ajoqusiitigisin­naanerat aqus­sin­naan­ngilar­put. Akerlilersor­titta qatan­ngutitsin­nik ajoqusiisin­naasunik oqaaseqar­tin­niarsariler­patigut imminut aqus­sin­naaneq nipangersimaan­nar­nis­samut iluaqutigis­savar­put. Nunami suliatsin­nik iner­teq­quteqarfiusumi kil­lilersugaaf­fiusumiluun­niit politiinit kil­lisior­neqarutta taama pisoqarsin­naavoq. Pisuni taama ittuni allanilu najoq­qutas­siaq una maleruarsin­naavar­put: “Qanera nipangersimaaser­tariaqar­para.” (Tuss 39:2) Ilaqut­tatsin­nut, ikin­ngutitsin­nut, qatan­ngutitsin­nut kimul­luun­niillu tatiginar­tuusariaqar­pugut. Tatiginar­tuujumal­lutalu imminut aqus­sin­naasariaqar­pugut.

17. Ilagiinni tatigeqatigiin­neq qanoq ineriar­tor­tis­sin­naavar­put?

¹⁷ Jehovap qatan­ngutigiis­suar­nut asan­nit­tunut tatiginar­tunullu kajungilersis­simam­matigut qujamasungaar­pugut! Tatiginar­tuunitta qatan­ngutitsin­nut ersersin­nis­saa tamatta akisus­saaf­figaar­put. Tamatta immik­kut asan­nin­nermik, maniguun­nermik, silas­sorin­nermik, unneq­qarin­nermik imminullu aqus­sin­naanermik ersersitsiuarutta ilagiinni tatigeqatigiin­neq ineriar­tor­tis­savar­put. Tatiginar­tuunis­saq tamaviaarutigiuar­tariaqar­par­put. Qanor­toq Guuter­put Jehova ilaarlugu tatiginar­tuujuarisa.