Gana hala ga mengwaga ya bo 1940, babelegi baka ke mo ba tšhuta Bhayibele le Dihlatse Tsa Jehova. Setšhuto sone a sanka sa ya mahlong mara mmane waka ne a kene a kraya makazini wa Sewokamelo le Hlahlama! Ka 1950 go yye gwa ba le mogahlano wo mogolo wa batho ba mafaseng ya mohlobohlobo ku New York City, fote ba mutši wa geru ke mo ba le gona ga mogahlano wone.

Ka nthago ga mo Mogageru Lawrence Jeffries a re vakašele. O yye a liketsa ka matla gore a n’gelepe ke tšhute nnete. Mara ke thomisiye ke sa kwane naye ga taba ya gore Dihlatse Tsa Jehova di tshwanele di sa kenakene ga tsa dipolotiki le dintwa. Ga taba yone ka napa ke mmotsa gore phela mo nkare batho ka mokana ga bona ba ho Amerikha ba nyoko gana go kenela ntwa manaba ya rune ma nyoko segela howa ma re tseyela naga ya rune. Mogageru Jeffries o yye a nhlatollela a bebiye a re: “O nagana gore Jehova Modimo o nyoko maka byang mo batho ka mokana ga bona mo Amerikha go le malata yage ke mokane manaba ma kena ma liketsa go ma kutulugela?” Ka mokgo a yyeng a mfetola ga taba yone le ga tse dingwana o n’gelepiye gore ke thogo bona gore tso ke mo phigisang ga tsona a di kwale. Ke mokane ka napa ke nyaka go tšhuta nnete.

Ke fetsiye diawara tsa go tlala ke bala dimakazine tsa botala tsa Sewokamelo le Hlahlama! tsa gore mmane ke mo a di beyye ga kamara ya ka tlase. Mo goya-goya ke yye ka di bona gore tso ke di tšhutang ke nnete, byalo ka dumela mo Mogageru Jeffries a re o nyoko thomisa go tšhuta le nna Bhayibele. Fote ke yye ka thomisa go ya megahlanong ka moka nako. Nnete yowa mo yi kene yi mila ka ho pelong yaka ke yye ka kwana nayo ka matla fote ke yye ka ba motšhomayedi wa ditaba tsa go bafala. Ke tšhentšhiye tso ne ke nyaka go di segelela mo ke thomisa go kwisisa taba ya gore “letšatši le legolo la Jehova le thina.” (Zef. 1:14) Ne ke sa sa le ga taba yela ya go nyaka go ya yunivesithi, ne ke nyaka go gelepa ba bangwana gore ba tšhute nnete yo yi leng ka Bhayibeleng.

 Ke fetsiye sekolo ka di 13 tsa June  1956, ke mokane ka nthago ga matšatši ka mararo ke yye ka kolobetsiwa ga mogahlano wo mogolonyana. Ne ke sa di tšibi tsa gore mo nka neyela lephelo laka ga taba ya go tšhuta ka Jehova ke boya ke tšhutisa ba bangwana ka yene, tsotsone di nyoko maka gore ke rufiwe ka mokgo.

Kobodi ya dikgwedi ka nthago ga mo ke kolobetsiwwe ke yye ka ba mošupatsela wa nako ka moka. Kingdom Ministry ya December 1956 ke mo yi na le hlogotaba ya gore “Ayitsano o ka Gelepa mo go Gayelang Batšhomayedi?” Phela le nna ne ke kena ga taba yone. Ne ke nyaka go gelepa ga gore ke mo go gayela batšhomayedi ba ditaba tsa go bafala.—Mat. 24:14.

Ke rurele ku Edgefield, South Carolina. Phutego ya gana hone ke mo yi fo ba le kanne ya batšhomayedi. Mo nna ke segele re yye ra ba kapheta ya batšhomayedi. Megahlano ke mo re yi tshwarela gaye ga mogageru. Kgwedi ye nngwana le ye nngwana ke mo ke fetsa 100 ya diawara mo ke le tšhomong. Ne ke tshwaraganne ka matla ka taba ya gore ne ke yeta mahlong ga mmereko wa tšhomo ke boya ke lukiselela dipolabolo tso di nyoko bang gona mogahlanong. Mara sa go jabodisa ke gore mo nkene ke tshwaraganne ka go maka mebereko ya go tlala ya phutego, ka nthoko ye nngwana ne nkene ke tšhuta ka Jehova.

Mosadi ye mongwana wa gore ne ke tšhuta Bhayibele naye ke mo a na le bhizinisi ya go boloka batho ku Johnston, ga toropo ya gore ne yi se kgole ka matla le rune. O yye a nkwela go baba ke mokane a nneya letogonyana la gore ka nako yonone ne ke le hloka fote a re neya poleke ye nyana ya gore re ka yi berekisa go le Holo ya rune ya Mmušo.

Mogageru Jolly Jeffries, go leng morwayi wa mogageru ye a ntšhutisiyeng Bhayibele o yye a rurela ga poleke ya rune a tšwa Brooklyn, New York, fote re yye ra bereka re tshwarisanne ga mmereko wa mašupatsela. Ke mo re dula ga kharavane ya gore mogageru ke mo a re yadimme yona.

Ku Borwa mebereko ya gona a yi golele selo. Ke mo re kraya didhola ka dipedi kela ka diraro mo re berekiye letšatši ka lloši. Di yye dya makega gore ka nakwenngwana ke berekise tšheleta yaka ye nyana ke reka tsa go ja setolo. Mo ke tšwa gana hone monna ye mongwana o f’lo tla gaka a mputsisa a re: “Ayitsano wa wo nyaka mmereko? Ke nyoko go patela dhola ka yyoši ka awara.” O yye a nneya mmereko wa matšatši ka mararo gore ke yedise ga poleke yo ba yagang ga yona. Di f’lo šupa gore Jehova wa n’gelepa gore ke ye mahlong ke dula gana hone Edgefield. Ke yye ka dula le mo yi le gore ka 1958 ke yye ka ya ga mogahlano wo mogolo wa batho ba mafaseng ya mohlobohlobo wa gore ke mo wo le ku New York City.

Ka letšatši la bobedi la mogahlano go yye gwa makega selo sa go jabodisa ka matla. Ke yye ka gahlana le Ruby Wadlington, wa gore ke mo go le mošupatsela wa nako ka moka ku Gallatin, Tennessee. Ka taba la gore re le ka babedi ke mo re di nyaka tsa go ba barumiwa re yye ra ba gona ga mmithini wa Gilead wo ne ba wo tshwere gana hone mogahlanong. Ka nthagonyana, re yye ra thomisa go ngwalelana mangwalo. Ke mokane ba nkgopela gore ke tle ke beye polabolo ya batho ka moka ku Gallatin. Ke yye ka napa ke bona go le lešuba la gore ke mo kgopela gore re šadhe. Ke rurele ga phutego yo Ruby ne a le ga yona ke mokane ra šadha ka 1959.

Mo ke na le 23 ya mengwaga ba yye ba nkgeta gore ke be lelata la phutego (gana byalo re tšiba go le mogahlanisi wa mogoba wa bagolo) ku Gallatin. Phutego ya rune ke mo go le ya mathomo yo mogageru Charles Thompson a yyeng a yi vakašela mo a thoma mmereko wage wa go ba mopotulugi. Ke mo a tšiba dilo tsa go tlala mara ke mo a fela a nkgopela gore ke mo yeletse ga taba ya gore king tso magageru ma di gayelang le gore bapotolugi ba bangwana dilo ba di maka ka mokgo mang. Ke tšhutiye gage gore di gabutši go butsisa diputsiso gore o thogo tšiba gore dilo o tshwanele o di make ka mokgo mang.

Ka May 1964, ba yye ba mmema ga Sekolo sa Mmereko wa Mmušo sa gore se tseya kgwedi ku South Lansing, New York. Magageru ya ne ma tshwere sekolo sone ma yye ma nhlohletsela gore ke nape ke ro di nabela go tšhuta tsa go tlala ke boye ke gole ga tso tsa Modimo.

Nna le Ruby ba yye ba re mema gore re tle re make mmereko wa go potuluga ka January 1965. Ke mo ba re neyye gore re potuluge ga poleke ya gore ke ye kgolo ka matla go tloga Knoxville, Tennessee, re šinya re nyoko segela Richmond, Virginia. Ke mo re vakašela le diphutego tsa gore di ku North Carolina, Kentucky le West Virginia. Ke mo ke vakašela diphutego tsa batho ba ba ntsho fela ka taba la gore ka nako yonone taba ya go hlawolana ku southern United States ke mo yi yatiye ka matla, byalo batho ba ba ntsho ne ba ka sa gahlane le ba ba šwewu. Magageru ke mo ma tihlupegela byalo re yye ra tšhuta gore tso re nang natso re di ngathele bo ba gore baa di hloka. Mogageru ye mongwana wa gore ke botala a maka mmereko wo wa go potuluga o ntšhutisiye taba ye nngwana ya gabutši ka matla o yitseri: “Wene di fo nyaka gore o be mogageru. O sa timake ndhuna ya phutego. Di nyoko ba lula gore o ba gelepe mo nkare ba go tseya o le mogagabo.”

Ka nakwenngwana mo re vakašele ga phutego ye nyana, Ruby o yye a thomisa go tšhuta le mosadi ye mongwana wa gore morwediya wage ke mo a na le mongwaga ka wwoši. Ka taba la gore ho phutegong ke mo go se na ye a ka tšhutang naye, Ruby ke mo a ya mahlong a tšhuta naye ka go mo ngwalela mangwalo. Mo re vakaša fote o yye a tla ga megahlano ka mokana ga yona. Ke mokane mo mašupatsela ka mabedi ya go hlawolega ma rurela hone polekeng ma yye ma ya mahlong ma mo tšhutisa ke mokane ka nthagonyana a kolobetsiwa. Ka nthago ga 30 ya mengwaga ka 1995, mo re le Bethele ya Patterson, mogageru ye mongwana wa mosadi wa gore o sa gola o yye a tla a tamisa Ruby. Ke mo go le morwediya wa mosadi yela wa gore Ruby o yye a tšhuta naye. Morwediya yene le monna wage ke mo ba le ga tlelase ya bo 100 ya sekolo sa Gilead.

Mmereko wa rune wa bobedi wa go potuluga ke mo wo le ku Florida. Ka nako yone ke mo di nyaka re ba le koloyi byalo re yye ra yi reka fote ke mo yi tšhipiye. Mara ga beke ya mathomo sa go pompa meetši hone koloying se yye sa sinyega. Ne re se na tšheleta ya go yi lukisa. Ke yye ka fowunela mogageru ye mongwana wa gore ne ke tšiba gore a ka di kgona tsa gore a yi lukise. O yye a romela sebereki sage ka ssoši gore se re lukisele koloyi fote o lukisiye mahala. O f’lo re, “le sa hlupegi.” Fote o yye a re neya le tšheleta! Wone ke mo go le mošupetso wa gabutši wa go re tšhutisa ka mokgo Jehova a pasopang malata yage. Fote ke mo wo re gopotsa gore di nyaka le rune re sa konane.

Ka moka nako mo re vakašele phutego ke mo re dula ka mitšing ya magageru. Byalo tsotsone di re gelepiye gore re timakele banghana ba go tlala ba gabutši. Tšatši le lengwana ke yye ka fo šiya so ne ke se maka sa gore se yelana le phutego ga motšhene wo ke tlanyatlanyang ga wona. Mo ke boya ka malobana ke yye ka di bona gore morwayi wa mone mutšing wa gore ke mo a na le mengwaga ka meraro o liketsiye go “n’gelepa” gore ke fetsise tso ne ke di ngwala. Di tsere mengwaga ya go tlala nkene ke mo tshega ga taba yowa.

Ka 1971, ke yye ka kraya lengwalo la gore ba nneya mmereko wa go bereka ke le mopotulugi wa go sepelela megahlano ye megolonyana ku New York City. Ke mo re makele! Mo re rurela gana hone ke mo ke na le 34 ya mengwaga. Magageru ma yye ma n’yamogela ka matsogo ka mabedi go le nna mopotulugi wa go sepelela megahlano ye megolonyana wa mathomo wa gore ke motho ye montsho.

Ga mmereko wone wa mopotulugi wa go sepelela megahlano ye megolonyana, ke mo ke di jabolela go tšhutisa batho ka Jehova ka mekibela le masonto megahlanong ye megolonyana. Bapotulugi ba go tlala ke mo ba tšiba tsa go tlala ga mmereko wone fote ba mphala. Ye mongwana wa bona ke yene a beyyeng polabolo nakwela ke kolobetsiwa. Ye mongwana mogageru ye ba reng ke Theodore Jaracz, ka nthagonyana go yye gwa ba ye mongwana wa ba Mogoba wa go Lawola.  Fote ke mo go na le magageru ya go tlala ya gore ma wo tšiba gabutši mmereko, ya gore ma yye ma bereka Bethele ya ku Brooklyn. Ke lebogiye Jehova ka matla ka taba la gore bapotulugi bone le ba bangwana bo ne ba bereka Bethele ba yye ba maka gore ke kwe ke kgehlemele. Fote ke yakgoswiye ke di bona tsa gore bo ba go disa ba gore ba nyakanana ka matla ba tikokotlela ka Lentsu la Modimo fote ba thega mokgahlo wage ka go tshepega. Taba ya gore ba tinyanafatsiye yi makiye gore di be lula gaka go maka mmereko waka wa mopotulugi wa go sepelela megahlano ye megolonyana.

Ka 1974 Mogoba wa go Lawola wo yye wa romela mogoba wo mongwana fote wa bapotulugi ga mmereko wa bapotulugi ba go sepelela megahlano ye megolonyana, ne ke boyele fote ga mmereko wa go potuluga ka nako yonone ku South Carolina. Sa go jabodisa ke gore diphutego tsa batho ba ba šwewu le tsa ba ba ntsho ke mo ba di makiye gore go ba selo ka ssoši tsotsone dya napa di jabodisa magageru.

Mo mongwaga wa 1976 wo segela mafelelong, ba yye ba nneya gore ke make mmereko wa go potuluga ku Georgia segare ga poleke ya Atlanta le Columbus. Ke sa gopola gabutši nakwela ke beya polabolo ya poloko ya gore ke mo go hlokofele kapheta ya bananyana ba batho ba ba ntsho ba gore ba kgwile mo ba bangwana ba tšhuba ntlo ya gabo. Mmane wa bona ke mo a le sepetlele ka taba la gore ne a kwalele ka matla. Dihlatse Tsa Jehova tsa batho ba ba ntsho le ba ba šwewu ke mo di kena di tšwa ku sepetlele gore di thogo kgomoletsa babelegi bone. Ke di bonne tsa gore magageru ma nyakanana tsa mannete. Taba yone ya go kwelana go baba yi ka gelepa malata ya Modimo gore ma tiyisele mo go nyarela tsa go sasamela.

Ka 1977 ba yye ba re kgopela gore re tle re bereke ku Bethele ya Brooklyn dikgwedinyana gore re gelepe ka mmereko wo mongwana. Mo nako yone yi le thina le gore yi fele ba Mogoba wa go Lawola ka babedi ba yye ba gahlana le nna ba mputsisa gore ayitsano Ruby a ka di jabolela tsa gore re nape re berekela gana howa Bethele. Re yye ra dumela mo ba re kgopela.

Ke berekiye ga Ba go Garagara 24 ya mengwaga ga gore magageru ma bereka go fetola diputsiso tsa gore di ya thathafa. Ga mengwaga yone ka mokana ga yona Mogoba wa go Lawola ne wo kene wo re yetetsa wo berekisa ditšhiko tsa Bhayibele. Tsotsone ke mo ba di berekisa go fetola diputsiso fote ne di gelepa mo ba tšhutisa bapotulugi, bagolo le mašupatsela. Tso ne ba tšhutisa ka tsona ne di gelepa ba go tlala gore ba gole ga tso tsa Modimo. Fote ne di maka gore mokgahlo wa Jehova wo tiyelele.

Go tlugisela ka 1995 go segela ka 2018, ke yye ka maka mmereko wa go vakašela makala ya go fapanafapana ke le wa go yemela ntlo kgolo. Ke yye ka gahlana le ba Komiti ya Lekala, ba go bereka Bethele le barumiwa gore ke ba tiyise fote ke ba gelepe mo nkare go na le tso di ba hlupang. Fote nna le Ruby ke mo di re tiyisa ka matla mo re kwa ba re botsa tso bona ba yyeng ba gahlana natso. Mo re beyisa, re yye ra vakašela Rwanda ka mongwaga wa 2000. Di re tikisiye ka matla go kwa ka mokgo magageru le ba mutši wa Bethele ba yyeng ba tiyisela ka nakwela go bolayiwa batho ba go tlala ka 1994. Ba go tlala ba yye ba loba mašaga. Le mo magageru yane ma gahlanne le tsa go sasamela ma šupetsiye gore ma na le tumelo fote ma jabodiye.

Gana byalo re na le gana hala ga 80 ya mengwaga. Ga 20 ya mengwaga ya go fela ke yye ka bereka ga Komiti ya Lekala la ku United States. A sanka ka ya yunivesithi mara ke tšhutiye dilo tse dikgolo ga Jehova le mokgahlo wage. Fote di n’gelepiye gore ke thogo tšhutisa ba bangwana nnete yo yi leng ka ho Bhayibeleng ya gore yi nyoko ba berekela lephelo la bona ka mokana ga lona. (2 Makor. 3:5; 2 Thim. 2:2) Ke di bonne tsa gore molayetsa wo wa ka ho Bhayibeleng wo yye wa gelepa batho gore ba tšhentšhe lephelo fote ba be le senghana le ye a re Makiyeng. (Jak. 4:8) Nna le Ruby re maka so re ka se kgonang gore re ye mahlong re hlohletsela ba bangwana gore ba yi tseyele gedimo taba ya go tšhuta ka Jehova le go tšhutisa ba bangwana nnete yo yi leng ka Bhayibeleng sone ke selo sa go bafala ka matla so malata ya Jehova ma ka se jabolelang!