Korintimiunut allak­kat siul­liit 15:8 naaper­torlugu Paulusi allap­poq: “[Naggataatigut] uan­nut, siusinaarluni inun­ngorsimasutut ittumut, takutip­poq.” Uani Paulusip takorluuisitaanik­kut Jiisusip qilammi alutor­narsisitaanerani takusani innersuus­sutigaa. Kisianni “siusinaarluni inun­ngorsimasutut” imminut allaatigigami suna pivaa? Sior­natigut nas­suiar­tarsimavar­put soorlulusooq pif­fis­saq suli nal­liutin­ngitsoq – tanitat makitin­neqar­nis­saan­nut pif­fis­san­ngor­nis­saa ukiunik hundredilin­nik arlalin­nik sioq­qul­lugu – Paulusip anersaajusutut inun­ngorsimanini, imaluun­niit makititaasimanini, pisin­naatitaaf­figereersimagaa. Versili taanna itinerusumik misis­soq­qis­saareerlugu nas­suiar­neqar­neranik allan­nguinis­saq pisariaqalersimavoq.

Taavami suna pivaa allak­kami ‘siusinaarluni inun­ngorsimal­luni’? Assigiin­ngitsut pisimasin­naavai.

Kristumiun­ngornera tassanngaan­nartumik pivoq. Siusinaarluni inun­ngor­toqaraangat tupaal­laatigineqar­tar­poq. Saulusi (kingusin­nerusuk­kut Paulusitut ilisimaneqalersoq) Damaskusiliar­poq kristumiut tas­saniit­tut malersor­niarlugit, taamaat­tumillu Jiisusi makititaasimasoq takorluuinik­kut takus­sal­lugu ilimagin­ngik­kaluar­paa. Paulusip kristumiun­ngor­nini nam­mineq tupaal­laatigiin­nar­nagu kristumiulli illoqarfimmi malersor­niagaasa aamma tupaal­laatigaat. Paulusilu pakasar­tingaarluni tupan­nermini isigisaaruk­kal­lar­poq. – ApS 9:1-9, 17-19.

“Piffis­saanngitsukkut” kristumiunngorpoq. Grækerisut oqaaseq ‘siusinaarluni inun­ngorsimasumik’ nutser­neqarsimasoq aamma ‘pif­fis­saan­ngitsuk­kut inun­ngorsimasumik’ nutser­neqarsin­naavoq. The Jerusalem Bible-mi ima nutser­neqarsimavoq: “Pif­fis­sami kialuun­niit ilimagin­ngisaani inun­ngorsimasutut ippunga.” Paulusi kristumiun­ngormat Jiisusi qilam­mut utereersimavoq. Versip siuliini innersuus­sutigineqar­tut assiginagit Paulusip Jiisusi makititaasimasoq suli qilalian­ngitsoq takun­ngilaa. (Kor 1. 15:4-8) Jiisusip makititaareer­nerata kingorna ilimagin­ngisamik takunis­saanut “pif­fis­saan­ngitsuk­kut” Paulusi periarfis­sin­neqar­poq.

Paulusi anneruniajuilluni imminut pivoq. Ilisimatuut ilaat naaper­torlugit oqaaseq Paulusip atugaa imminut assuarer­palus­sin­naavoq. Paulusip tamanna eqqarsaatigisimaguniuk miserratigin­ngilaa apustiliunermik pisin­naatitaaf­feqaler­tus­saan­ngik­kaluarluni. Allaat nangil­luni ima allap­poq: “[Apustilini] min­nersaavunga, Guutillu ilagiivi malersorak­kit apustilisut taaneqar­nis­samut ajuk­kup­punga. Guutilli ajun­ngisaangaarfigim­manga apustiliuvunga.” – Kor 1. 15:9, 10.

Tassa Paulusip Jiisusimit ilimagin­ngisamik saq­qum­merfigiteriataar­nini, pif­fis­saan­ngitsuk­kut kristumiun­ngor­nini imaluun­niit apustiliunis­samut piuk­kun­nan­ngin­nini pisimasin­naavaa. Sunaluun­niit pis­sutaagaluar­pat Paulusip misigisimasani qujamasuutigaa. Jiisusip toqusunit makititaasimanera qularin­ngil­luin­narlugu upper­narsivaa. Jiisusip makititaasimanera pil­lugu oqaluus­sigaangami ilimagin­ngisamik misigisimasani eqqar­tukulasaraa paasinar­poq. – ApS 22:6-11; 26:13-18.