Reba oku Bibuli eri kugarukamu ebyo bibuzo.

Omu Byakozirwe 24:15 nihatugambira ku harije kubaho “okuzoka kw’abahikirire n’abatahikirire.” Abahikirire ni abo abayorobire Ruhanga batakabire, obwe rero amazina gabo gahandikire omu kitabo c’amagara. (Mal 3:16) Abatahikirire harimu abafire batakatungire omugisha g’okwega ebiri kukwata ahari Yehova, obwe rero amazina gabo tigahandikire omu kitabo c’amagara.

Omuri Yohana 5:28, 29 nihagamba emitwe ibiri eri nk’eri kugambwa omu Byakozirwe 24:15. Yesu akagamba ku “abakozire ge” barije kuzocera “amagara, kandi abakozire kubi bakazocera okucwerwa orubanja.” Abahikirire bakakora ebirungi batakafire. Nibija kuzocera amagara ahakuba amazina gabo gacahandikire omu kitabo c’amagara. Konka, abatahikirire bo bakakora ebibi batakafire. Nibija kuzocera okucwerwa orubanja. Amazina gabo tigakahandikirwe omu kitabo c’amagara, kandi nibija kugira obwire bw’okucwerwa orunja ninga shi kushwijumwa kureba yaba gahikire kuhandikwamu. Omuri obwo bwire, nibija kutunga omugisha g’okwega ebiri kukwata ahari Yehova, rero amazina gabo gabone kuhandikwa omu kitabo c’amagara.

Omu Kushururwa 20:12, 13 nihashoborora ku bona abarizoka nibija kuba bashemerire korobera “ebihandikire omu mizingo,” ni okugamba ebiragiro bisya ebi turije kutunga omu nsi ensya. Abarije kwanga kubyorobera nibija kuhika bari kucwecerezibwa.​—Isa 65:20.

Omuri Daniyeli 12:2 nihagamba ku bamwe abahungirire omu kufa barije kusisimukira “amagara agatahwaho, abandi bakasisimukira okuhemuka n’okugajwa okutarihwaho.” Oru runyiriri nirugamba aha ebirije kubahikahi aha muheru, ni okugamba okutunga “amagara agatahwaho” ninga shi “okugaywa okutarihwaho.” Obwe rero aha muheru gw’emyaka 1,000, abamwe nibija kutunga amagara agatahwaho kandi abandi bacwecerezibwe.​—Kush 20:15; 21:3, 4.

Reba ecokureberaho. Embera z’eyo mitwe ibiri erizoka nitubasa kuzigeranisa n’abanyihanga babiri abari kwenda kutura omu rindi ihanga. Abahikirire bari nk’ogwe muntu ori kuhebwa ekihandiko c’okumwikiriza kukora emirimo, kutura ninga shi ec’okumwikiriza kutura omu ihanga akagira obugabe oburinganire. Ekiri kutana n’eco, abahikirire bo bari n’abanyihanga abari kuhebwa ekihandiko c’okubikiriza kutura omu ihanga akire kace. Abo banyihanga nibaba bashemerire kwereka ku bahikire kutura omuri eryo ihanga mbere y’okubikiriza ngu bagumizemu batureyo. Ni co kimwe, abatahikirire abarizoka nibija kubanza bayorobera ebiragiro bya Yehova n’okwereka ku bahikire kutura omuri paradiso. Kandi visa yona eyi bakutunga, abamwe nibahisya obwire bikirizibwa kutura omu ihanga abandi batayikirizibwa. Nikirugirira aha ku bari kwetwara baba bari omu ihanga risya. Ni co kimwe, ebirije kuhika aha barizoka nibyija kurugirira aha bwesigwa bwabo n’oku bari twaza omu nsi ensya.

Yehova tari Ruhanga w’embabazi kusha, ahobwe nambwenu ni Ruhanga w’oburinganiza. (Bir 32:4; Zab 33:5) Nayija kwereka rukundo yeye abarizoka baba abahikirire ninga shi abatahikirire. Konka nambwenu nayija kurinda emisinge yeye y’ekirungi n’ekibi. Abarije kukunda emisinge yeye y’ekirungi n’ekibi kandi bakagikuratira nib o bonka abarije kwikirizibwa kugumizamu bari kutura omu nsi ensya.