Apeq­qutit taakku Biibilimi qanoq akineqar­nersut eqqarsaatigiuk.

Apustilit Suliaat 24:15-imi paasitin­neqar­pugut “toqusunik naapertuil­luartunik naapertuil­luanngitsunillu” makititaasoqarumaar­toq. Naaper­tuil­luar­tut tas­saap­put toqun­ngin­nerminni Guutimut naalat­tut, taamaat­tumillu atii inuunerup map­persagaani allas­simap­put. (Mal 3:16) Naaper­tuil­luan­ngitsut ilagaat inuugal­laramik Jehova pil­lugu ilin­niar­nis­samin­nut periarfis­saqar­pal­laarsiman­ngitsut, taamaat­tumillu atii inuunerup map­persagaani allas­siman­ngil­lat.

Eqimat­tat marluk Apustilit Suliaat 24:15-imi eqqaaneqar­tut aamma Johannesi 5:28, 29-milu allaatigineqar­put. Iliver­nit aniumaar­tut pil­lugit Jiisusi oqar­poq: “Ajunngitsuliorsimasut naas­saan­ngitsumik inuuneqalissapput ajortuliorsimasullu eqqartuun­neqassallutik.” Naaper­tuil­luar­tut toqun­ngin­nerminni ajun­ngitsulior­put. Atii inuunerup map­persagaani suli allas­simam­mata naas­saan­ngitsumik inuuneqalis­sap­put. Naaper­tuil­luan­ngitsulli toqun­ngin­nerminni ajorluin­nar­tunik ilior­tar­put. Taakku makititaagunik eqqar­tuun­neqas­sap­put. Atii inuunerup map­persagaani suli allas­siman­ngim­mata pif­fis­sami aalajangersimasumi eqqar­tuun­neqas­sap­put, imaluun­niit nak­kutigineqas­sap­put. Pif­fis­sap tamatuma ingerlanerani Jehova pil­lugu ilin­niar­nis­samut atimillu inuunerup map­persagaani allan­neqar­nis­saan­nut periarfis­saqarumaar­put.

Saqqummersitat 20:12, 13-milu nas­suiar­neqar­poq makititaasut tamarmik “allak­kani imusani allas­simasut”, tassa inatsisit nutaat paratiisimi Guutip tun­nius­sas­sai, maleruas­sagaat. Maleruaan­ngitsut suujun­naarsin­neqas­sap­put. – Es 65:20.

Danieli 12:2-mi siulit­tuutigineqar­poq ilivermi sinit­tut ‘ilaat inuunermut naas­saan­ngitsumut ilaalli kan­ngusun­nermut maajugisaanermullu naas­saan­ngitsumut’ iterumaar­tut. Versimi tamatumani makititaasut inaarutaasumik eqqar­tuun­neqarumaar­nerat pineqar­poq. ‘Ilaat naassaan­ngitsumik inuus­sap­put, ilaalli naassaan­ngitsumik maajugisaas­sap­put.’ Tassa ukiut 1.000-t naap­pata ilaat naas­saan­ngitsumik inuuneqalis­sap­put allalli piujun­naarsitaal­luin­nas­sal­lutik. – Saqq 20:15; 21:3, 4.

Eqimat­tat marluk makititaasut allamiunut nunami allami inoorusut­tunut assersuun­neqarsin­naap­put. Naaper­tuil­luar­tut sulisin­naanermut nunamiis­sin­naanermul­luun­niit allagar­tamik tunineqaramik kil­lilersugaaval­laar­natik inuusin­naap­put. Naaper­tuil­luan­ngitsulli allamiutut tikeraatul­luun­niit nunamiis­sin­naatitaagal­lar­nermut allagar­tamik tunineqar­tutut ipput. Allamiut taakku nunami tikitaminni najugaqaan­nar­nis­samut piuk­kun­nar­ner­tik upper­narsaq­qaar­tariaqar­paat. Taamatut­taaq naaper­tuil­luan­ngitsut makititaasut paratiisimiigin­narumal­lutik Jehovap inatsisai naalat­tariaqarlugillu naaper­tuil­luar­tumik inooriaaseqar­ner­tik upper­narsaq­qaar­tariaqar­paat. Allamiut nunamut iser­nermi allagar­tanik qanoq ittunik tunineqar­nerat apeq­qutaatin­nagu ilaat naggataatigut innut­taasun­ngor­tar­put ilaalli anisitaasarlutik. Nunami tikitaminni qanoq isigin­nit­taaseqar­nerat pis­susilersor­nerallu naaper­torlugu tamanna aalajanger­neqar­tar­poq. Taamatut­taaq makititaasut tamarmik paratiisimi pis­susilersor­nerat aalajaan­nerallu inaarutaasumik eqqar­tuun­neqar­neran­nut aalajangiisuus­saaq.

Jehova Guutiuvoq asan­nit­toq, aam­mali Guutiuvoq naaper­tuil­luar­toq. (Mos 5. 32:4; Tuss 33:5) Jehovap naaper­tuil­luar­tut naaper­tuil­luan­ngitsullu makitin­nerisigut asan­nin­nini takutis­savaa. Suulli eqqor­tuuneranik suullu eqqun­ngitsuuneranik najoq­qutas­siami inun­nit tamanit maleruar­neqar­nis­saat piumasaris­savaa. Jehovamik asan­nit­tut najoq­qutas­siaanillu maleruaasut kisimik paratiisimi inuusin­naatitaas­sap­put.