Naa ɛp kɛ̄ Baibol agara pya ebip ama doo.

Doonu 24:15 kɔ i nɛ kɔ “aakɛ̄ bu luh lo pya kaāna dogo le lo pya pɔrɔ dogo ele.” Pya kaāna dogo na pya a bee gbaɛ̄tɔ̄loo Bari lɛɛ ba gae u, nyɔɔwo, wa bee elu e’ɛm bu kpa dum. (Mal 3:16) Pya ele yɛɛ pya pɔrɔ dogo na pya a naa bee ɛrɛ dee lo enɔ nu akiiloo Jɛhova, nyɔɔwo wa bee naa lu e’ɛm bu kpa dum.

Jɔn 5:28, 29 kɔnage nu akiiloo pya nɛɛ alu ekɔ bu kpa Doonu 24:15. Jizɔs kɔ “pya ba edoora le” e’ɛrɛ “aakɛ̄ loo dum, mɛ pya a doo nu a naa lee e’ina loo aakɛ̄ loo biaɛ.” Pya kaāna dogo bee doo le nu lɛɛ ba gae u. Elu elɛɛ wa kɛ̄ bu luh loo dum, nyɔnɛbee wa bee lege bu kpa dum. Mɛ pya pɔrɔ dogo bee doo nu a naa lee lɛɛ ba gae u. Ba e’aakɛ̄ loo biaɛ. Wa bee sii lu e’ɛm bu kpa dum, sa edasī lu ebiaɛ wa biaɛ loo, ale ɛ’ɛp wa bu pio kere sɔ̄. Bu lo sɔ̄, ba e’ɛrɛ dee lo enɔ nu akiiloo Jɛhova sa wa bee lu e’ɛm bu kpa dum.

Mumuuna 20:12, 13 baatɛ̄ kɔ elu ebɛɛ̄ kɔ dɛ̄dɛɛ̄ pya alu elɛɛ kɛ̄ bu luh a gbaɛ̄tɔ̄loo pya nu “a bee lu e’ɛm bu keekee kpa,” lo a le pya aā lok elu enɛ bu aā nyɔuwe. Elu egbeesī pya a naa gbaɛ̄tɔ̄loo.—Ais 65:20.

Daniel 12:2 bee kɔ pio pya a dɔbu daa luh e’aakɛ̄ “loo dum a naatah, e pio aba loo  ɛɛ le ɛp kumakɛ̄ a naatah.” Dɔ ama kɔ kpɛdumɛ nu esiraloo pya a aakɛ̄ bu luh, lo a le kɔ ba e’ɛrɛ “dum a naatah” ale “kɛɛ le ɛp kumakɛ̄ a naatah.” Nyɔɔwo sɔ̄ 1,000 zua e’ina kuma, pio nɛɛ e’ɛrɛ dum a naatah sɔ̄ pio nɛɛ elu egbeesī mmɛ deedee.—Mum 20:15; 21:3, 4.

Naa kɛɛrɛbu edoba ama. Kɛ̄tɔɔ̄ baɛ eku nɛɛ elu elɛɛ kɛ̄ bu luh ama, dap lu edooreloo kɛ̄tɔɔ̄ pya a gbī ekii wee tɔɔ̄ dɔɔ̄na edo. Pya kaāna dogo le doodoo pya alu enɛ kpa ba esiātam ale kpa a wa nɛ dee kɔ ba a tɔɔ̄ lo edo. Bu kiiyasī, pya pɔrɔ dogo le doodoo pya a tɔɔ̄ dɔɔ̄na edo alu enɛ kpa etɔ̄ma ale siātam lo edo bu nwīkere sɔ̄. Lɛɛ a gae lu elɛɛbaloo pya nɛɛ ama kɔ ba a kiisī lo etɔɔ̄ lo edo, ba ɛrɛ etɔgɛ tɛ̄maloo kɛ̄ ba tɔɔ̄dum doo. Bu aba sīdee ama, elu ebɛɛ̄ kɔ pya pɔrɔ dogo alu elɛɛ kɛ̄ bu luh a gbaɛ̄tɔ̄loo pya lok Jɛhova sa tɔgɛ wa loo kɔ ba lue pya kaāna dogo lokwa ba kiisī lo etɔɔ̄ bu Paradais. E kaɛlɛɛ ɛrɛgeba kpa a bee lu enɛ pya a aa dɔɔ̄na edo tua sɔ̄ lɛɛ ba gae yii lo edo, pio aba dap lu esu wa nua nwiī kɛ̄-buɛ̄ lo edo, sɔ̄ pya dɔɔ̄na dap lu ekpo wa ture. Kpɛdumɛ nu esira wa loo edɛɛa nyɔɔ kɛ̄ ba tɔɔ̄dum sa doo dogo doo bu lo aā edonyɔɔ ama. Nyɔɔwo, kɛ̄ kpɛdumɛ nu esiraloo pya alu elɛɛ kɛ̄ bu luh edɛɛanage nyɔɔ wa tɔɔ̄dum le kɛ̄ ba bɔ ture nyiɛ loo bu aā nyɔuwe doolo.

Jehova wee ɛrɛ toesaɛ̄, kerewo, alunage Bari kaāna biaɛ le kaāna dogo. (Deut 32:4; Yɔɔ 33:5) A gaa le tɔgɛ ye wereloo tɛ̄maloo elɛɛ pya kaāna dogo le pya pɔrɔ dogo kɛ̄ bu luh. Kerewo, ekiinage sī lo e’ɛmadɛɛ̄ kɔ dɛ̄dɛɛ̄ aba a nyɔɔnɛ pya ye daakuu a ɛɛ. Aba pya a ye wereloo sa tɔɔ̄dum a gbaaloo pya ye daakuu na elu elɛɛbaloo kɔ ba a kiisī lo etɔɔ̄dum bu aā nyɔuwe a.