NSHOLO WE ZWIDIYO 40
“Ngono Banotungamilila Banji ku Ndulamo”
“Ngono banotungamilila banji ku ndulamo banowopenyela tjatjose se nyenyedzi.”—DAN. 12:3.
LUMBO 151 O Tla Bitsa
CHA KU NOWO LEBGWA NE KWACHO *
1. Zwiyeto zwipi zwi no shathisa zwa ta ka milila, zwi nowo shingikala mu Makole e ku Busa ali 1 000?
FA BASWI ba simolola go tsosiwa ka nako ya Puso ya ga Keresete ya Dingwaga Tse di Sekete, ruri leo e tla bo e le letsatsi le le itumedisang tota mo lefatsheng! Botlhe ba ba tlhokafaletsweng ke batho ba ba ba ratang ba tlhologeletswe go ba bona gape. Jehofa le ene o ba tlhologeletswe. (Jobe 14:15) Akanya fela gore batho ba tla bo ba itumetse jang fa ba kopana le batho ba ba ba ratang ba ba tla bong ba tsositswe. Jaaka re ithutile mo setlhogong se se fetileng, “ba ba siameng” ba maina a bone a kwadilweng mo bukeng ya botshelo, ba tla “tsosediwa gore ba amogele botshelo jo bo sa khutleng.” (Dit. 24:15; Joh. 5:29) Gongwe bontsi jwa batho ba re ba ratang ba tla tsosiwa morago fela ga Aramagedona. * Mo godimo ga moo “ba ba sa siamang,” e leng ba ba ileng ba se ka ba nna le tshono ya go ithuta ka Jehofa kgotsa ya go mo direla pele ga ba swa, ba tlile go “tsosediwa gore ba atlholwe.”
2-3. (a) Se kwa ku legwa mu na Izaya 11:9, 10, i ndongoloso ipi wulu, ye ku diya i nowo thamiwa, i sa thu i ka shingikala mu histiri ye bathu? (b) Towo zwidiya ne kweni mu nsholo iwoyu?
2 Botlhe ba ba tla bong ba tsositswe ba tla tshwanelwa ke go rutiwa. (Isa. 26:9; 61:11) Ka jalo, go tla nna le tiro ya go ruta e e sa tshwaneng le epe e e kileng ya dirwa mo lefatsheng. (Bala Isaia 11:9, 10.) Goreng re rialo? Ka gonne batho ba ba sa siamang ba ba tla bong ba tsositswe ba tla tshwanelwa ke go ithuta ka Jesu Keresete, Bogosi Jwa Modimo, setlhabelo sa ga Jesu sa thekololo, botlhokwa jwa leina la ga Jehofa le gore goreng re tshwanetse go busiwa ke ene fela. Tota le batho ba ba siameng ba tla tshwanelwa ke go rutiwa se Jehofa a ntseng a se ruta batho ba gagwe ka se a se ikaeletseng ka lefatshe. Batho bangwe ba ba ikanyegang ba tlhokafetse pele ga Baebele e wediwa. Ka jalo, batho ba ba siameng le ba ba sa siamang, ba tla tshwanelwa ke go ithuta dilo di le dintsi tota.
3 Mo setlhogong seno, re tlile go sekaseka dipotso tse di latelang: Tiro e kgolo ya go ruta e tlile go dirwa jang? Tsela e batho ba tsibogelang thuto eo ka yone e tla ama jang kgang ya gore a maina a bone a tla kwalwa mo bukeng ya botshelo kgotsa nnyaa? Go botlhokwa thata gore re itse dikarabo tsa dipotso tseno. Jaaka re tla bona, boporofeti bongwe jo bo kgatlhang jo go buiwang ka jone mo bukeng ya Daniele le ya Tshenolo bo tla re thusa go tokafatsa tsela e re tlhaloganyang dilo ka yone malebana le se se tla diregang fa batho ba ba tlhokafetseng ba tsosiwa. Sa ntlha, a re sekasekeng ditiragalo tse di kgatlhang tse di boleletsweng pele mo boporofeting jo bo mo go Daniele 12:1 le 2.
“BANJINJI BAKAFA BANOWOMUKA”
4-5. Daniele 12:1 i no lakidzani ne kwe chibaka che bupelo?
4 Bala Daniele 12:1. Buka ya Daniele e tlhalosa tsela e ditiragalo tse di kgatlhang di tla diregang ka yone ka tatelano ka motlha wa bokhutlo. Ka sekai, Daniele 12:1 e re bolelela gore Mikaele, e bong Jesu Keresete, o ‘emela batho’ ba Modimo. Karolo nngwe ya boporofeti joo e ne ya diragadiwa ka 1914 fa Jesu a ne a tlhomiwa go nna Kgosi ya Bogosi Jwa Modimo jo bo kwa legodimong.
5 Gape Daniele o ne a bolelelwa gore Jesu o ne a tla “ema” ka “nako ya matshwenyego e e iseng e tsamaye e nne teng fa e sa le go nna le setšhaba go fitlha ka nako eo.” “Nako [eo] ya matshwenyego” ke “pitlagano e kgolo” e go buiwang ka yone mo go Mathaio 24:21. Jesu o tla ema gore a sireletse batho ba Modimo kwa bofelong jwa nako eo ya matshwenyego, e leng ka Aramagedona. Buka ya Tshenolo e ba bitsa boidiidi jo bogolo jwa batho “ba ba tswang mo pitlaganong e kgolo.”—Tshen. 7:9, 14.
6. Ini chi no shingikala ha mbunga nkulu we bathu u chidziwa mu manikano wulu kwazo? Chenesa. (Bona nsholo u no ti “Dipotso Tse di Tswang Kwa Babading” se se mo makasineng ono, se se buang ka ba ba tlileng go tsosediwa go tshela mo lefatsheng.)
6 Bala Daniele 12:2. Go tla direga eng fa boidiidi jo bogolo bo sena go falola nako eno ya matshwenyego? Mo nakong e e fetileng, re ne re akanya gore Daniele 12:2 e bua ka tsogo ya batho ba ba tla yang go tshela kwa legodimong kgotsa ka tiro ya go rera e e neng ya oketsega fa baganetsi ba sena go leka go e emisa ka 1918. * Le fa go ntse jalo, gone jaanong re tlhaloganya gore go buiwa ka tsogo ya baswi e e tla diregang mo lefatsheng le lesha. Goreng re rialo? Ka gonne polelwana e e reng “mo loroleng,” e gape e dirisitsweng mo go Jobe 17:16, e kaya “Lebitla.” Ntlha eno e re bontsha gore Daniele 12:2 e bua ka tsogo ya mmatota e e tla diregang fa malatsi a bofelo a sena go khutla, morago ga ntwa ya Aramagedona.
7. (a) Bangwe ba nowo musigwa “ku chilila chose” chini? (b) I nowo be ili “ku musiwa ku butuka” chini?
7 Daniele 12:2 e kaya eng fa e re bangwe ba tla tsogela gore ba “tshelele ruri”? E kaya gore batho ba ba tla bong ba tsositswe ba bo ba simolola go itse Jehofa le Jesu kgotsa ba tswelela ba ithuta ka bone e bile ba ba ikobela ka nako ya dingwaga tse 1 000, ba tla bona botshelo jo bo sa khutleng. (Joh. 17:3) Eno ke “tsogo e e botoka” go na le e e diregileng mo nakong e e fetileng fa go ne go tsosiwa batho bangwe. (Baheb. 11:35) Goreng re rialo? Ka gonne batho bao ba ba nang le boleo ba ile ba tlhokafala gape.
8. Bangwe ba nowo musigwa “kubhakhwa nge shoni ne kulengudzika kusingapele” chini?
8 Le fa go ntse jalo, ga se botlhe ba ba tsositsweng ba ba tla amogelang thuto ya ga Jehofa. Boporofeti jo bo mo bukeng ya Daniele bo tlhalosa gore bangwe ba tlile go tsosediwa “gore ba kgobiwe le gore ba tlhabisiwe ditlhong ka bosakhutleng.” E re ka ba tla bo ba bontshitse gore ga ba batle go reetsa Modimo, maina a bone ga a kitla a kwalwa mo bukeng ya botshelo e bile ga ba kitla ba bona botshelo jo bo sa khutleng. Go na le moo, ba tlile go ‘tlhabisiwa ditlhong ka bosakhutleng’ kgotsa ba tlile go senngwa. Ka jalo, Daniele 12:2 e bua ka se se tla diragalelang batho botlhe ba ba tla bong ba tsositswe go ikaegile ka se ba tla se dirang fa ba sena go tsosiwa. * (Tshen. 20:12) Bangwe ba tla bona botshelo jo bo sa khutleng, mme ba bangwe ga ba kitla ba bo bona.
“NGONO BANOTUNGAMILILA BANJI KU NDULAMO”
9-10. Kowo shingikalani kakale shule kwe manikano wulu kwazo, ngono ndi boyani “banowopenya se tjedza tje zhuzhugwi”?
9 Bala Daniele 12:3. Ke eng gape se se tla diregang morago ga “nako ya matshwenyego”? Mo godimo ga se se buiwang mo go Daniele 12:2, temana 3 e bua ka sengwe se se tla diregang morago ga pitlagano e kgolo.
10 Ke bomang ba ba ‘tla phatsimang thata jaaka loapi’? Re bona karabo mo mafokong a ga Jesu a a mo go Mathaio 13:43 a a reng: “Ka nako eo, basiami ba tla phatsima thata jaaka letsatsi mo Bogosing jwa ga Rraabone.” Mo kgaolong eno, Jesu o ne a bua ka “bana ba Bogosi,” e leng bomorwarraagwe ba ba tloditsweng ba ba tla busang le ene mo Bogosing jwa kwa legodimong. (Math. 13:38) Ka jalo, Daniele 12:3 e tshwanetse e a bo e bua ka batlodiwa le ka tiro e ba tla bong ba e dira mo nakong ya Puso ya Dingwaga Tse di Sekete.
Ba ba 144 000 mmogo le Jesu Keresete ba tla kaela tiro ya go ruta e e tla bong e dirwa mo dingwageng tse 1 000 (Bona serapa 11)
11-12. Bali 144 000, ba nowo thama nshingo upi mu makole ali 1 000?
11 Ba ba tloditsweng ba tla thusa jang “ba le bantsi go dira se se siameng”? Batlodiwa ba tla bo ba dirisana le Jesu Keresete go kaela tiro ya go ruta e e tla bong e dirwa mo lefatsheng ka dingwaga tse 1 000. Ba ba 144 000 ba tlile go busa e le dikgosi e bile ba tlile go nna baperesiti. (Tshen. 1:6; 5:10; 20:6) Ka jalo, ba tlile go thusa go “fodisa ditšhaba,” e leng go tlosa boleo mo bathong ka bonya ka bonya. (Tshen. 22:1, 2; Esek. 47:12) Ruri seo se tlile go itumedisa batlodiwa!
12 Ke bomang ba ba tla nnang karolo ya “ba le bantsi” ba ba tla thusiwang go dira se se siameng? Ba akaretsa ba ba tla bong ba tsositswe ba ba falotseng Aramagedona mmogo le bana ba ba tla tsholwang kwa lefatsheng le lesha. Kwa bofelong jwa dingwaga tse 1 000, botlhe ba ba tla bong ba le mo lefatsheng, ba tla bo ba se na boleo. Mme gone, maina a bone a tlile go kwalwa leng ka pene mo bukeng ya botshelo mme e seng ka pensele?
NDIKO YE BUPELO
13-14. Bathu bose ba nowo be ba ka zwilizanila mu shango, ba ka fanila kuti ba thameni ha ba sa thu ba ka piwa buchilo gu si nga pele mu shango?
13 Re tshwanetse go gopola gore fa motho a se na boleo, seo ga se reye gore o tla tshelela ruri. Akanya ka Adame le Efa. Ba ne ba se na boleo, le fa go ntse jalo ba ne ba tshwanetse go bontsha Jehofa Modimo gore ba a mo ikobela, pele a dira gore ba tshelele ruri. Ka maswabi, ga ba a ka ba mo ikobela.—Bar. 5:12.
14 Go tla direga eng ka batho ba ba tla bong ba le mo lefatsheng kwa bofelong jwa dingwaga tse 1 000? Botlhe ba tla bo ba se na boleo. A batho botlhe ba tla ikobela bolaodi jwa ga Jehofa go ya go ile? Kgotsa a bangwe ba bone ba tla dira jaaka Adame le Efa ba ba neng ba se ka ba ikanyega le fa gone ba ne ba se na boleo? Re tlhoka go bona dikarabo tsa dipotso tseno.
15-16. (a) Bathu bose ba nowo piwa chibaka lini che ku lakidza kuti ba no da Jehova ne malebeswa? (b) Ndiko ye bupelo i nowo pelela neni?
15 Satane o tla golegwa ka dingwaga tse 1 000. Mo nakong eo, ga a kitla a kgona go tsietsa ope. Le fa go ntse jalo morago ga dingwaga tse 1 000, Satane o tla gololwa. Go tswa foo, o tla leka go tsietsa batho bano ba ba se nang boleo. Mo nakong eo, batho botlhe ba ba se nang boleo ba tla nna le tshono ya go bontsha gore ba tlotla leina la Modimo le gore ba ikobela bolaodi jwa gagwe. (Tshen. 20:7-10) Se ba tla se dirang ka nako eo, se tla bontsha gore a maina a bone a tla nnela ruri mo bukeng ya botshelo kgotsa nnyaa.
16 Baebele e re bolelela gore bangwe ga ba kitla ba ikanyega fela jaaka Adame le Efa, e bile ba tla gana bolaodi jwa ga Jehofa. Go tla direga eng ka bone? Tshenolo 20:15 e a re: “Ope fela yo o neng a sa kwalwa mo bukeng ya botshelo o ne a latlhelwa mo letšheng leo la molelo.” Batho ba ba tla tlhanogelang Jehofa, ba tla fedisiwa. Le fa go ntse jalo, bontsi jwa batho ba ba se nang boleo ba tla falola teko eno ya bofelo. Maina a bone a tla nnela ruri mo bukeng ya botshelo.
MU CHIBAKA CHE “BUPELO GWE SHANGO”
17. Daniele wa ka budziwa kuti kowo shingikalani mu chibaka cha ti no chila? (Daniele 12:4, 8-10)
17 Go itumedisa tota go akanya ka ditiragalo tseno tse di tla diregang mo nakong e e tlang! Le fa go ntse jalo, moengele o ne a bolelela Daniele tshedimosetso nngwe ya botlhokwa e e buang ka motlha wa rona, e leng ‘motlha wa bokhutlo.’ (Bala Daniele 12:4, 8-10; 2 Tim. 3:1-5) Moengele o ne a bolelela Daniele a re: “Kitso ya boammaaruri e tla nna ntsi.” Batho ba Modimo ba ne ba tla tlhaloganya mafoko ao a boporofeti a a mo bukeng ya Daniele botoka. Gape moengele o ne a mmolelela gore mo nakong eo, ‘batho ba ba bosula ba ne ba tla dira dilo tse di bosula e bile ga go na bape ba bone ba ba neng ba tla tlhaloganya mafoko ao.’
18. Bathu ba ka bipa ba no dwa be shingikaligwa neni?
18 Gompieno go ka lebega e kete ga go dirwe sepe ka batho ba ba dirang dilo tse di bosula. (Mal. 3:14, 15) Mme go ise go ye kae, Jesu o tla atlhola batho ba ba tshwanang le dipodi a bo a ba kgaoganya le ba ba tshwanang le dinku. (Math. 25:31-33) Batho bano ba ba bosula ga ba kitla ba falola pitlagano e kgolo e bile ga ba kitla ba tsosiwa gore ba tshele mo lefatsheng le lesha. Maina a bone ga a kitla a kwalwa mo ‘bukeng ya kgakologelo’ e go buiwang ka yone mo go Malaki 3:16.
19. Ti mu chibaka che kuti ti thameni, ngono ne kutini? (Malaki 3:16-18)
19 Gone jaanong ke nako ya go bontsha gore ga re bangwe ba batho ba ba bosula. (Bala Malaki 3:16-18.) Jehofa o ntse a kokoanya batho ba a ba tsayang e le “batho ba ba kgethegileng” kgotsa thuo e e tseelwang kwa godimo. Ga go pelaelo gore re batla go nna bangwe ba bone.
Ruri go tla bo go itumedisa tota go bona Daniele, batho ba re ba ratang, le ba bangwe ba bantsi ba “ema” gore ba amogele kabelo ya bone kwa lefatsheng le lesha! (Bona serapa 20)
20. I thembiso ipi ye bupelo ya ka piwa Daniele, ngono ini u khategela ku bona thembiso iyeyo i shingikala?
20 Ruri re tshela mo dinakong tse di itumedisang. Le fa go ntse jalo, go sa ntse go na le dilo tse di kgatlhang tse di tlileng go direga mo bogautshwaneng. Go ise go ye kae, re tlile go bona bosula jotlhe bo fedisiwa. Morago ga moo, re tlile go bona fa Jehofa a diragatsa tsholofetso eno e a neng a e bolelela Daniele: “O tla ema gore o amogele kabelo ya gago kwa bokhutlong jwa malatsi.” (Dan. 12:13) A o tlhologeletswe go bona letsatsi la fa Daniele mmogo le batho ba o ba ratang ba “ema” gape? Fa e le gore go ntse jalo, dira sotlhe se o ka se kgonang gore o nne o ikanyega. Mme fa o dira jalo, o ka tlhatswega pelo gore leina la gago le tla nnela ruri mo bukeng ya botshelo.
LUMBO 80 “Lekang Mme lo Bone Gore Jehofa o Molemo”
^ Setlhogo seno se tlile go re thusa go tlhaloganya tsela e e tokafaditsweng e re tlhaloganyang tiro e kgolo ya go ruta e go buiwang ka yone mo go Daniele 12:2 le 3. Re tlile go sekaseka gore tiro eo e tlile go diragala leng le gore e ama bomang. Gape re tlile go bona gore tiro eo e tlile go thusa jang ba ba tla bong ba le mo lefatsheng gore ba ipaakanyetse teko ya bofelo e e tla diregang kwa bofelong jwa Puso ya ga Keresete ya Dingwaga Tse di Sekete.
^ Gongwe batho ba ba ikanyegang ba ba tlhokafetseng mo motlheng wa bofelo ke bone ba ba tla tsosiwang pele, morago ga moo go bo go tsosiwa ba ba tlhokafetseng pele ga bone, mme tsogo e bo e tswelela jalo go boela morago le dingwaga. Fa e le gore go tla nna jalo, go raya gore kokomana nngwe le nngwe e tla nna le tshono ya go amogela batho ba ba ba itseng. Le fa tsogo e ka tswa e tlile go direga ka tsela efe, Baebele e a re tsogo ya ba ba tlileng go ya legodimong e tlile go direga ka “tsela e e rulaganeng,” ka jalo re ka tshepa gore le tsogo ya ba ba tlileng go tshela mo lefatsheng le yone e tlile go direga ka tsela e e rulaganeng.—1 Bakor. 14:33; 15:23.
^ Tlhaloso eno e tokafatsa tsela e re neng re tlhaloganya dilo ka yone e e tlhalosiwang mo bukeng ya Ela Tlhoko Boporofeti Jwa ga Daniele! kgaolo 17, le mo makasineng wa Tora ya Tebelo wa July 1, 1987, ts. 21-25 ka Seesemane.
^ Go farologana le seno, mafoko a a reng “ba ba siameng” le “ba ba sa siamang” a a mo go Ditiro 24:15 le a a reng “ba ba dirileng dilo tse di molemo” le “ba ba dirileng dilo tse di bosula” a a mo go Johane 5:29, a bua ka tsela e batho ba ba tla bong ba tsositswe ba ileng ba itshwara ka yone pele ga ba swa.
