1. Ukiuni 1.000-ni naalak­kersuinermi pisus­sat nuan­nersut suut qilanaarisin­naavagut?

 TAKORLOORUK Kristusip ukiuni 1.000-ni naalak­kersuinerata nalaani toqusunik makititsisoqaler­pat qanoq nuan­ner­tigis­sasoq! Kik­kut tamarmik asasamin­nik annaasaqarsimasut asasamik takoq­qin­nis­saat qilanaaringaar­paat. Jehova aamma taama misigivoq. (Job 14:15, NW) Takorlooriak­kit nunarsuaq tamak­kerlugu takor­niuul­lutik nuan­naar­tor­pas­suit. Allaaserisap siuliani paasivar­put ‘naaper­tuil­luar­tut’ inuunerup map­persagaani allas­simasut makititaagunik ‘naas­saan­ngitsumik inuuneqalis­sasut’. (ApS 24:15; Joh 5:29) Immaqa asasatta ilar­pas­sui Harmagedon­nip kingunin­ngua nunarsuarmi makititaasus­sat ilagis­savaat. b Aamma paasivar­put ‘naaper­tuil­luan­ngitsut’, soorlu toqun­ngin­nerminni Jehovap ilin­niar­nis­saanut aalajaal­lutillu kif­far­torfiginis­saanut periarfis­saqar­piarsiman­ngitsut, makititaagunik ‘eqqar­tuun­neqas­sasut’.

2-3. (a) Ilin­niar­titsinermik suliaq anner­tooq suna ingerlan­neqas­sava? (Esaja 11:9, 10) (b) Allaaserisami matumani suut eqqar­tus­savagut?

² Makititaasut tamarmik ilin­niar­tin­neqar­nis­sar­tik pisariaqar­tis­savaat. (Es 26:9; 61:11) Taamaat­tumik ilin­niar­titsinis­saq inuit oqalut­tuarisaaneranni aatsaat taama anner­tutigisoq ingerlan­neqas­saaq. (Esaja 11:9, 10 atuakkit). Sooq? Naaper­tuil­luan­ngitsut makitin­neqar­tut Jiisusi Kristusi, Guutip  kun­ngeqarfia, Jiisusip uter­titsis­sutitut pil­liutaa Jehovallu atiata pingaaruteqas­susia aamma sooq Jehovap kisimi naalak­kersuinera eqqor­tuusoq pil­lugit ilin­niar­tin­neqas­sam­mata. Allaat naaper­tuil­luar­tut Jehovap nunarsuarmut siuner­taminik paasinarsisitsiar­tuaar­neranik ilisimatin­neqar­tariaqar­put. Aalajaatsut taak­kua ilaat Biibilip naam­mas­sineqar­nera sioq­quterujus­suarlugu toqup­put. Naaper­tuil­luan­ngitsut aamma naaper­tuil­luar­tut ilik­kagas­saat amerlaqaat.

³ Allaaserisami matumani apeq­qutit uku eqqar­tus­savagut: Ilin­niar­titsinis­samik suliaq anner­tooq qanoq ingerlan­neqas­sava? Inuit qisuariar­nerat atiisa inuunerup map­persagaanut atajuar­tumik allan­neqarumaar­neran­nut qanoq sun­niuteqas­sava? Akis­sutaat uagutsin­nut pingaaruteqar­put. Siulit­tuutit soqutiginar­tut Danielimik allak­kani Saq­qum­mersitanilu allas­simasut iluaqutigalugit toqusimasut makititaap­pata qanoq pisoqas­sanersoq pil­lugu paasin­nit­taatsitsin­nik erseq­qis­saaneq sam­mis­savar­put. Pisus­salli pis­sanganar­tut Danieli 12:1, 2-milu siulit­tuutigineqar­tut sam­meq­qaariar­tigit.

4-5. Naggatis­sap nalaa pil­lugu Danieli 12:1-imit qanoq paasitin­neqar­pugut?

⁴ Danieli 12:1 atuaruk. Naggatis­sap nalaani pisus­sat pis­sanganar­tut tul­leriiaar­nerat Danielimik allak­kani qulaar­neqar­poq. Assersuutigalugu Danieli 12:1-imi allas­simavoq Mikaali, tassa Jiisusi Kristusi, Guutip innut­taanik “illersuisoq”. Siulit­tuutip immik­koor­tua taanna 1914-imi Jiisusi Guutip kun­ngeqarfiani qilam­miit­tumi kun­ngin­ngor­tin­neqarmat eqquuk­kiar­tuler­poq.

⁵ Danielili aamma paasitin­neqar­poq ‘ulluni annikil­lior­nar­tuni inuiaqaleq­qaar­neranit ullut makku tikil­lugit nalisineqan­ngitsuni’ Jiisusi ‘saq­qum­merumaar­toq’. ‘Ullut annikil­lior­nar­tut’ Matiusi 24:21-mi ‘annikil­lior­nar­toqangaar­ner­tut’ eqqaaneqar­put. Ullut annikil­lior­nar­tut taak­kua naaneranni, tassa Harmagedon­nimi, Jiisusi saq­qum­merumaar­poq, imaluun­niit Guutip innut­taanik illersuiumaar­poq. Saq­qum­mersitani inuit taakku ‘inup­par­pas­suar­tut annikil­lior­nar­torsuarmit aniguisutut’ allaatigineqar­put. – Saqq 7:9, 14.

6. Inup­par­pas­suit annikil­lior­nar­tus­sarsuarmit aniguereer­pata qanoq pisoqas­sava? Nas­suiaruk. (Aamma takuuk atuagas­siami matumani nunarsuarmi makititaanis­saq pil­lugu “Atuar­tar­tut apeq­qutaat”).

⁶ Danieli 12:2 atuaruk. Inup­par­pas­suit ulluni annikil­liorfiusuni aniguereer­pata qanoq pisoqas­sava? Danieli 12:2-mut tun­ngatil­lugu sior­natigut isumaqar­pugut qilam­mut makititaanis­samut imaluun­niit 1918-imi akerlilersuisut oqaluus­sineq unitsingajareermas­suk oqaluus­sineruler­neq pineqar­toq. Maan­nali paasivar­put Danieli 12:2-mi oqaatsit paratiisimi toqusunik makititsinis­samut innersuus­sutaasut. c Makititsineq ullut kingul­liit sorsun­nerullu Harmagedon­nip kingorna pis­saaq.

7. (a) Ilaat “inuunermut naas­saan­ngitsumut” makititaajumaar­tut qanoq isumaqarpa? (b) Sooq makititaanerua ‘pitsaanerusoq’?

⁷ Taavami Danieli 12:2-mi allas­simasut “ilaat inuunermut naas­saan­ngitsumut” makititaajumaar­tut qanoq isumaqar­pat? Isumaqar­poq makititaasut ukiut 1.000-t ingerlaneranni Jehovamik Jiisusimillu ilisarisiman­niler­tut, imaluun­niit ilisarisiman­ninnerulertuartut, taak­kunun­ngalu naalat­tut naggataatigut naas­saan­ngitsumik inuuneqalis­sasut. (Joh 17:3) Itsaq inuit ilaat makititaaneran­nit  ‘pitsaanerusumik makititaas­sap­put’. (Hebr 11:35) Sooq? Inuit naam­mal­luin­nan­ngitsut itsaq makititaasut toqoq­qim­mata.

8. Sooq ilaat “kan­ngusun­nermut maajugisaanermullu naas­saan­ngitsumut” makititaas­sap­pat?

⁸ Makititaasulli ilaat Jehovamit ilin­niar­tin­neqar­nis­sar­tik akueriumas­san­ngilaat. Danielip siulit­tuutaani allas­simavoq ilaat “kan­ngusun­nermut maajugisaanermullu naas­saan­ngitsumut” makititaajumaar­tut. Pikitsitsisumik isigin­nit­taaseqar­ner­tik pis­sutigalugu atii inuunerup map­persagaanut allan­neqas­san­ngil­lat, naas­saan­ngitsumillu inuuneqalis­san­ngil­lat. ‘Naas­saan­ngitsumik maajugisaas­sap­put’, imaluun­niit suujun­naarsitaas­sap­put. Tassa makititaasut tamarmik makititaanermik kingorna iliuutsitik tun­ngavigalugit qanoq pineqar­nis­saat Danieli 12:2-mi eqqar­tor­neqar­put. d (Saqq 20:12) Ilaat naas­saan­ngitsumik inuuneqalis­sap­put, ilaat naamik.

9-10. Annikil­lior­nar­tus­sarsuup kingorna aamma qanoq pisoqas­sava, kik­kullu ‘qilaap qaarajun­nerata qaam­maris­susiatut qaam­marik­kumaar­pat’?

⁹ Danieli 12:3 atuaruk. ‘Ullut annikil­lior­nar­tut’ nal­liut­tus­sat kingorna aamma qanoq pisoqas­sasoq sam­meriar­tigu. Danieli 12:2 aamma versi 3 annikil­lior­nar­tus­sarsuup kingorna pisus­sanut innersuus­sutaap­put.

¹⁰ Kik­kut ‘qilaap qaarajun­nerata qaam­maris­susiatut qaam­marik­kumaar­pat’? Paasinis­saanut Matiusi 13:43-mi allas­simasut iluaqutigisin­naavagut: “Taamanik­kus­samut naaper­tuil­luar­tut Ataatamik kunngeqarfiani seqiner­tut qaam­maaritsigis­sap­put.” Versit ataqatigiin­nerini Jiisusip “Kun­ngeqarfiup qitor­nai”, tassa qatan­ngutini tanitat, Kun­ngeqarfimmi qilam­miusumi kif­far­toqatigisas­sani, eqqar­tor­pai. (Mat 13:38) Taamaat­tumik Danieli 12:3 tanitanut taak­kualu ukiuni 1.000-ni naalak­kersuinermi sulias­saan­nut innersuus­sutaasimas­saaq.

11-12. Ukiut 1.000-t ingerlaneranni 144.000-t sumik suliaqas­sap­pat?

¹¹ Tanitat qanoq ‘amerlasuunik naaper­tuil­luar­nermut unnersuus­sis­sap­pat’? Tanitat Jiisusi Kristusi qanimut suleqatigalugu ukiut 1.000-t ingerlaneranni ilin­niar­titsineq nunarsuarmi ingerlan­neqar­tus­saq siulersus­savaat. 144.000-t kun­ngisut naalak­kersuil­lutillu palasitut kif­far­tus­sap­put. (Saqq 1:6; 5:10; 20:6) Inuit naam­mal­luin­nar­tun­ngoriar­tuaar­neranni ikiuutis­sap­put. (Ez 47:12; Saqq 22:1, 2) Tanitanut nuan­naarutaangaas­saaq!

¹² Naaper­tuil­luar­nermut ‘unnersuun­neqar­tunut’ kik­kut ilaap­pat? Makititaasut Harmagedon­nimilu aniguisut paratiisimilu meeq­qat inun­ngorumaar­tus­sat. Ukiut 1.000-t naap­pata nunarsuarmi kik­kut tamarmik naam­mal­luin­nar­tuus­sap­put. Taavami qaqugu atii aqerluusamik allan­neqaratik inuunerup map­persagaanut pilik­kimik allan­neqas­sap­pat?

13-14. Nunarsuarmi inuit naam­mal­luin­nar­tut tamarmik naas­saan­ngitsumik inuuneqalis­sagunik suna ersersit­tariaqar­paat?

¹³ Eqqaamas­savar­put inuk naam­mal­luin­nar­tuunini pis­sutigiin­narlugu naas­saan­ngitsumik inuuler­navian­ngitsoq. Adami Evalu eqqarsaatigik­kit. Naam­mal­luin­nar­tuup­put, naas­saan­ngitsumilli inuuneqalis­sagunik Jehovamut Guutimut naalat­tuuner­tik ersersit­tariaqar­paat. Ajoraluar­tumillu Jehovamut naalan­ngil­lat. – Rom 5:12.

 ¹⁴ Inuit nunarsuarmiit­tut ukiut 1.000-t naap­pata atugaat qanoq issap­pat? Tamarmik naam­mal­luin­nar­tun­ngorsimas­sap­put. Taak­kua tamarmik Jehovap naalak­kersuinera naas­saan­ngitsumik tapersersorluin­nas­savaat? Imaluun­niit Adami Evalu assigalugit naam­mal­luin­nar­tuugaluarlutik aalajaak­kun­naas­sap­pat? Apeq­qutit taakku akineqar­tariaqar­put, qanorli?

15-16. (a) Inuit tamarmik Jehovamut aalajaak­kusun­nerlutik qaqugu ersersis­savaat? (b) Inaarutaasumik misilin­neqar­neq qanoq kinguneqas­sava?

¹⁵ Saatanip ukiuni 1.000-ni par­naarus­saaq­qanermini kinaluun­niit tam­mar­tis­sin­naan­ngilaa. Ukiulli 1.000-t naap­pata Saatanip iperagaaguni inuit naam­mal­luin­nar­tut tam­mar­tin­nias­savai. Misilin­neqar­nermi tamatumani inuit naam­mal­luin­nar­tut tamarmik Guutip atia ataq­qis­sanerlugu naalak­kersuineralu tapersersus­sanerlugu ersersis­savaat. (Saqq 20:7-10) Taamanik­kus­samut qanoq ilior­niar­nerat atimik inuunerup map­persagaanut ataavar­tumik allan­neqar­nis­saan­nut peer­neqar­nis­saan­nul­luun­niit aalajangiisuus­saaq.

¹⁶ Inuit ilaasa, qas­sius­sanersut naluar­put, Adami Evalu assigalugit Jehovap naalak­kersuinera itigar­tis­savaat. Taakku qanoq pineqas­sap­pat? Saq­qum­mersitat 20:15-imi allas­simavoq: “Inuunerup map­persagaani  allas­siman­ngitsut tatsimut innerusumut naloriun­neqar­put.” Aap, pikitsitsisut taakku naas­saan­ngitsumik suujun­naarsitaal­luin­nas­sap­put. Inuilli naam­mal­luin­nar­tut amerlanerit inaarutaasumik misilin­neqar­nermi aalajaas­sap­put. Taak­kualu atii inuunerup map­persagaanut nunguter­neqarsin­naajun­naarsil­lugit allan­neqas­sap­put.

17. Nalitsinni pisut pil­lugit Danieli qanoq paasitin­neqarpa? (Danieli 12:4, 8-10)

¹⁷ Siunis­sami pisus­sat pis­sanganangaaramik! Danielili inngilimit aamma naler­put, ‘naggatis­sap’ nalaa, pil­lugu pingaarutilin­nik paasitin­neqar­poq. (Danieli 12:4, 8-10 atuakkit; Tim 2. 3:1-5) Inngilip Danieli oqarfigaa ‘paasisimasaqar­neq anner­tusiar­tus­sasoq’. Aap, Danielimik allak­kani siulit­tuutit Guutip innut­taanit paasiar­tuaar­neqas­sap­put. Inngili aamma oqar­poq pif­fis­sami tamatumani ‘iluaatsut iluaatsuus­suser­tik attat­tuarumaaraat paasisaqaratil­lu’.

18. Inuit ajor­tut ungasin­ngitsuk­kut qanoq pineqas­sap­pat?

¹⁸ Nalitsinni isumaqar­narsin­naavoq iluaatsut, tassa ajor­tut, ajor­tuliatik pil­lugit pil­lar­neqar­neq ajor­tut. (Mal 3:14, 15) Jiisusilli  ungasin­ngitsuk­kut inuit ajor­tut ‘savaasatut’ ittut eqqar­tuutis­savai ‘savatul­lu’ ittunit avis­saar­til­lugit. (Mat 25:31-33) Inuit ajor­tut taakku annikil­lior­nar­tus­sarsuarmi aniguinavian­ngil­lat, aamma paratiisimi inuuleq­qul­lugit makititaanavian­ngil­lat. Atii ‘map­persak­kamut’ Malaki 3:16-imi eqqaaneqar­tumut allan­neqar­navian­ngil­lat.

19. Maanna susariaqar­pugut, aamma sooq? (Malaki 3:16-18)

¹⁹ Maanna inun­nut ajor­tunut ilaan­ngin­ner­put iliuutsik­kut takutis­savar­put. (Malaki 3:16-18 atuakkit). Jehovap ‘pigisani’, tassa erligisani, katersor­pai. Taak­kunun­nga ilaarusoqaagut.

20. Danieli qanoq neriorsor­neqarpa, aamma sooq neriorsuutip tamatuma eqquun­nis­saa qilanaaraajuk?

²⁰ Pif­fis­sami pis­sanganar­tumi inuuvugut, ilaa? Pis­sanganar­nerusumilli pisoqas­saaq. Ungasin­ngitsuk­kut ajus­sutsip suul­luun­niit piuneerun­neqar­nis­saa takus­savar­put. Tamatuma kingorna Jehovap Danielimut neriorsuutaa una eqquut­toq takus­savar­put: “Makik­kumaar­putit ullut naggatis­saanni pis­sarsias­sat pis­sarsiaris­sal­lugu!” (Dan 12:13) Danielip asasavillu makik­kumaar­nerat qilanaaraajuk? Taamaap­pat sapin­ngisamik aalajaat­tuarit, taava ativit inuunerup map­persagaani Jehovap allataani allas­simaan­nar­nis­saa qularis­san­ngilat.