CIIN BWAAL CYA KULONG CYA 40
‘Bafiifikij Bakwaabw [baat] Bavul Kukulamatobw Mawej’
“Aab baakiikal bafikij bakwaabw bavul ku kulamatobw Mawej, biiyiiy kuheny buyiil bu tumbedimbedy.”—DAN. 12:3.
MUSAMBW A 151 Neabikile
KADYOOSH *
1. I myand kaay yilengel yitudy biimanyin mu Bukookesh bwa Mivw ciinun?
DIIKAAKAL diifuk dilengel dyeeh didyobw batwaadij kusangul baat ha bulab aab mu Bukookesh bwa Mivw ciinun bwa Krist! Boos baakady bafwiish baat baakadyobw bakat bikasakan biiyiy kwiibatal cikwaabw. Ki mushind udy Yehow byend umvw. (Yoobw 14:15) Lang ket bwa musangal wiikal nend baat hadyobw biiy katalangan ha bulab aah ni baat baakady bakat bafwiil. Teng mutudy biibilong mu ciin bwaal cishaal, “baat bawaakan,” i bady ni majin madyobw bafund mu mukand a buumy, biiyiiy “kusanguk bwa kuhetobw buumy.” (Yil. 24:15; Jah 5:29, NWT.) Misang yikwaabw baat bavul batwaakady bakat biiyiiy kwiibasangul kalung kakeeh kuunyim kwa Harmakedon. * Cikwaabw, “baat bakiish bawaakan,” i aab baakady kabay bahet dyaakatook dya kumanyik Yehow eecy bwa kumukadil mudimw ni lulamat diib dicyaakadyobw ni buumy ha bulab, biiyiiy kwiisangul ku “kusanguk bwa kwiibalumbulwiishobw.”
2-3. a) Teng mudyeby bibileej mu Yeshaay 11:9, 10, Mudimw mutam a kulongweesh baat wiiyiiy kulongek bicy? b) I biny bitwiiyiiy kulong mu ciin bwaal eecy?
2 Baat boos biikalobw mwa kusangulobw biiyiiy kwiibalongweesh. (Ye. 26:9; 61:11) Program wa mudimw mutam a bulongweesh kudy baat boos tukaakaam bwa yiiy kulongek. (Bal Yeshaay 11:9, 10.) Bwabiny? Bwaal bwa kuuhal, baat babiih badyobw basangul biiyiiy kulong bwa kumanyik myand habitaatal Yeez Krist, myand ya Bukaleng, cya kukuul naacy baat, ni buseeb bwa diijin dya Yehow. Cikwaabw baat bawaakan ni biiy kukaam bwa kumanyik myand yaakady Yehow mulongweesh ku bikeeh ku bikeeh baat bindiy habitaatal kiihacil kindiy kadyey naak bwa bulab. Bamw ba ku baat ba lulamat aab bafwiil kuuhal kwa kabay banj kuman kufund Bibl mutuutul. Bakiish bawaakan ni bawaakan biiyiiy kwiikal ni bivul bya kulong.
3 Mu ciin bwaal eecy, twiiyiiy kukontonon majooj maloolond aam: I mushind kaay wiikal mudimw mutam wa kulongeshangan oow mwa kulongek? I mushind kaay wiikal baat mwa kulong myand ku mudimw oow wiikal mwa kulong bwa biiy bafund majin ma bakwaabw ku mukand a buumy bwa loos eecy balek kwiimafund? Maalabul aam mady ni buseeb bwiitut leeloow. Teng mutwiiyiiy kwiibital, mamw may ma buprofet makookok meej miitut mady mu mukand a Danyel ni mu Myand Yisokolweel miiyiiy kwiitwambulwiish bwa kwiitumvwiij hatook ciikal mwa kulongek hiiyiiyobw kusangul baat. Cya kuuhal, tukontononaay myand ya musangal yileebelobw kal mu diiy dya buprofet dya Danyel 12:1, 2.
“CISAK CITAM CYA BAAT BADY BALAAL MU MAJAAMW . . . BIIYIIY KUBUUK”
4-5. Danyel 12:1 uleeleebok biny bwa ciisang cya bulekel?
4 Bal Danyel 12:1. Mukand a Danyel uleeleej myand yilengel yiikal mwa kulongek mu mafuk ma bulekel. Cileejel, Danyel 12:1 uleeleej Mishel, Yeez Krist, mwiimanakan ‘mulamok cis cindiy [cya baat ba Mawej].’ Cituh cya kuuhal cya diiy dya buprofet citwaadijil kukumban mu muvw 1914 hashaadil Yeez Mukaleng a Bukaleng bwa mu diiwul bwa Mawej.
5 Nook, bambiil cikwaabw Danyel neey Yeez ki ‘wiikaakal mulamok’ mu ciisang cya maakab ni mal makasakan, makanjil a kutalohobw kacy bis bya baat biikalok ni ku ciin ciisang aacy.’ “Ciisang cya maakab ni mal” eecy i ciisang cya “mal miimiin” madyobw baleej mu Matewus 24:21. Yeez i mwiimanakan mulamok eecy ulong myand bwa kuleebelok baat ba Mawej, ku bulekel kwa ciisang cya makab ni mal eecy, i bwiin kuleeb neey, ku Harmakedon. Mukand a Myand yisokolweel Jah uleeleeb bwa baat aab neey “baat bavul beeh [cisumbw citam cya baat] baakadyobw bamweesh mal bikasakan.”—Yis. 7:9, 14.
6. I biny biiy kulong kuunyim kwa kuhanduk kwa cisumbw citam cya baat bavul beeh? Umvwiij. (Tal myand yikwaabw mu ciin bwaal eecy “Majooj ma Babaabal” habitaatal kusanguk bwa kuhet buumy ha bulab.)
6 Bal Danyel 12:2. I biny biiyiiy kulongel hiiyiiy kuhanduk cisumbw cya baat bavul beeh mu ciisang eecy cya makab ni mal eecy? Diiy dya buprofet eedy kadiin dileeb bwa kusanguk kwa mu ciifwaany, kushaal ni buumy kwa mu spirit kwiiyiiy kulongek mu mafuk ma bulekel, bu mutubaman kwiibyumvw. * Ki, myaak eey yileeleeb bwa kusanguk kwa baat bafwiil kwiiyiiy kulongek mu bulongolody buhyaabyhy. Bwabiny tuleeleeb nook? Mwaak “luvumby” udyobw bakal nend mudimw mu mukand a Yoobw 17:16 ni udy ni dyumvwiij dyaakaabumw ni “Lukit.” Bwaal bwa biin-biin budyobw baleej mu Danyel 12:2 i kusanguk kukiish kwa mu ciifwany kwa baat kwiiyiiy kulongek kuunyim kwa mafuk ma bulekel maman ni kuh eecy kuunyim kwa diivit dya Harmakedon.
7. a) I mu mushind kaay wiikal bamw baat mwa “kusanguk bwa kuhetobw buumy”? b) “Kusanguk kwa biin-biin’’ kudy bicy?
7 Nook, i biny bidy mukand a Danyel 12:2 umvwiij, hadyobw baleeb neey bamw biiyiiy kusanguk bwa “kuhetobw buumy bwa mwendelel”? Byumvuumvwiij neey aab biiyiiy kusanguk ni biiyiiy kulong eecy biiyiiy kutungunuk ni kulong, ni bakooyel Yehow ni Yeez mu mivw cinun biiyiiy kuhet ku bulekel kwa byoos buumy bwa mwendelel. (Jah 17:3) Kwiiyiiy kwiikal ‘kusanguk kwa biin-biin’ kuhitok kwa kal kusangwiilobw baat bakwaabw. (Ebr. 11:35) Bwabiny tuleeleeb nook? Bwaal baat bakiish bawaakan bafwiil biiyiil kufw cikwaabw.
8. I mushind kaay udy bakwaabw biiy basanguk bwa “kwiibakwaacishobw bumvw ni bwa kumvwobw mooy a mwendelel”?
8 Kiin baat boos biiyiiyobw kusangul biikal mwa kukat bwa kwiibalongweeshobw kudy Yehow. Diiy dya buprofet dya Danyel dileeleeb neey bakwaabw biiyiiy kusanguk “bwa kwiibakwaacishobw bumvw ni bwa kumvwobw mooy a mwendelel.” Bwaal biiyiiy kutombokel spirit a Mawej, majin maababw kamiin miikal mafund mu mukand a buumy ni kabakuhetoh bend buumy bwa mwendeleel. Ki, bakwaabw bwa “kumvwobw mooy a mwendelel,” eecy bwa kwiiy kubutuk. Nook, Danyel 12:2 uleeleeb bwa ciikal mwa kulongek bwa baat boos biiyiiy kusanguk bilondeshel myand yiikalobw mwa kulong kuunyim kwa kusanguk kwaababw. * (Yis. 20:12) Bamw biiyiiy kuhet buumy bwa mwendelel; bakwaabw kabakwiibwiihetoh bend.
‘BAFIIFIKIJ BAKWAABW BAVUL BWA KULAMATOBW MAWEJ’
9-10. I biny biikal mwa kulongek cikwaabw kuunyim kwa ciisang cya mal miimiin meeh, ni i bangany “biiyiiy kuheny bu diib mu Bukaleng bwa mu diiwul”?
9 Bal Danyel 12:3. I bwaal kaay bukwaabw bwiikal mwa kulongek mu “ciisang cya maakab ni mal”? Cikwaabw mu Danyel 12:2, verseh 3 uleeleeb bwa ciikal mwa kulongek kuunyim kwa ciisang cya mal miimiin meeh.
10 I bangany “biiyiiy kuheny bu diib mu Bukaleng bwa mu diiwul”? May ma Yeez mady mu Matewus 13:43 miitwambambulwiish bwa kumanyik badyobw baleeb. Baleeleebomw neey: “Baat bawaakan biiyiiy kuheny bu diib mu Bukaleng bwa Taat aababw.” Bilondeshel may aam, Yeez waakady uleeb habitaatal “baan ba Bukaleng,” baan baabw bashing diisaby, biiyiiy kukal nend mudimw aakaabumw mu Bukaleng bwa mu diiwul. (Mat. 13:38) Nook mukand a Danyel 12:3 uleeleeb bwa bashing diisaby ni mudimw wiikalobw mwa kulong mu Bukookesh bwa Mivw Ciinun.
Baat 144 000 biiyiiy kukal mudimw haakaabumw menmen ni Yeez Krist bwa kulombol mudimw a kulongweesh baat wiikal mwa kulongek mu mivw 1000 (Tal cikos cya 11)
11-12. I mudimw kaay wiikal baat 144 000 mwa kulong mu mivw 1 000?
11 I mushind kaay udy bashing diisaby “bafikij bakwaabw bavul bwa kulamatobw Mawej?” Bashing diisaby biiyiiy kukal mudimw aakaabumw menmen ni Yeez Krist bwa kulombol mudimw a kulongweesh baat wiikal mwa kulongek ha bulab aah mu mivw 1 000. Baat 144 000 kabakwiikal teng bakaleng ki biiyiy kwiikal cikwaabw balambul ba milambw. (Yis. 1:6; 5:10; 20:6) Nook, biiyiiy kwambulwiish mu ‘londah lwa baat ba bibunj byoos’—ni biiyiiy kwambulwiish baat ku bikeeh ku bikeeh bwa kushaalobw bawaakan. (Yis. 22:1, 2; Eze 47:12) Bwiiyiiy kwiikal bwaal bwa musangal bwa bashing diisaby!
12 I bangany biikaakal mu “bavul” biiyiiyobw kufikij bwa kulamatobw Mawej? Mu baat oomw mudy biikal mwa kusanguk ni aab biikal mwa kuhanduk ku Harmakedon haakaabumw ni baan boos badyobw mwa kulel mu bulongolody buhyaabuhy. Ku bulekel kwa mivw 1 000, boos biikaakal ni buumy ha bulab biiyiiy kwiikal bawaakan. Nook diib aady majin maabab miiyiiy kwiikal mafund ni mwanz a kufund nend, i bwiin kuleeb neey bwa loos ni kamay mafund ni kreyoh [bwa mafuk makeeh] mu mukand a buumy eeny?
DIITEET DYA BULEKEL
13-14. Baat boos bawaakan biiyiiy kuleej biny kuuhal kwa kuhetobw buumy bwa mwendelel?
13 Biikaam tuvuluk neey kwiikal muut muwaakan kakwiin kumvwiij neey muut wiiyiiy kuhet musang umw buumy bwa mwendelel. Langayook bwa Adam ni Eev. Baakady bawaakan, ki byaakady bikaam bwa bakooyel Yehow Mawej kuuhal kwa kuhetobw buumy bwa mwendelel. Dyaakaby, bakaakeel bwa kumukooyel.—Rom 5:12.
14 I shikacil kaay wiikaakal nend aab biikal ha bulab ku bulekel kwa mivw 1 000? Boos biiyiiy kwiikal bawaakan. I baat boos bawaakan biikal mwa kut bukookesh bwa Yehow buyiil eeny? Eecy bamw biiyiiy kulong myand bu Adam ni Eev—balekel kuleej lulamat lwaabab kudy Mawej ning mwaakadyobw bawaakan eeny? Bikaam tuhet maalabul ku majooj aam, ki mushind kaay?
15-16. a) I diib kaay diikal baat mwa kuhet dyaakatook dya kuleej lulamat lwaabab kudy Yehow? b) Cihet cya bulekel cya diiteet eedy ciikaakal bicy?
15 Biiyiiy kumb Sataan mu lukan bwa mivw 1 000. Mu ciisang aacy, kakuhambushoh bend muut ni waakaabumw. Nook, ku bulekel kwa mivw 1 000, Sataan biiyiiy kulekelel Sataan hakumuful Sataan. Wiiyiiy kukaam cikwaabw bwa kuhambwiish baat bawaakan. Mu diiteet aady, baat boos bawaakan ha bulab biiyiiy dyaakatook dya kuleej hatook ning baneeneemek diijin dya Mawej ni batw bufumw bwindiy nyam ku mikon. (Yis. 20:7-10) Myand yiikalobw mwa kulong ciisang aacy yiiyiiy kujaadik ning majin maabab biiyiiy kwiimafund bwa loos mu mukand a buumy.
16 Baat bakwaabw, kabakwiikaloh bend ni lulamat teng bu Adam ni Eev, ni biiyiiy kulek bwa kut bukookesh bwa Yehow nyam ku mikon. I biny biikal mwa kwiibafikil? Myand yisokolweel Jah 20:15 wiitwambambil neey: “Muut woos waakady kay ni diijin dindiy diifund mu mukand a buumy bamumbil byend mu diijib dya mudil.” Ing, biiyiiy kubutul bwa bantomboj aab boos bwa loos. Ki baat bavul bawaakan biiyiiy kuhit ku diiteet dya bulekel. Majin maabab miiyiiy maabab biiyiiy kwiimafund buyiil mu mukand a buumy.
MU CISANG CYA “MAFUK MA KUBULEKEL”
17. I myand kaay yaakady mwanjel mwambil yiikal mwa kulongek mu ciisang ciitut eecy? (Danyel 12:4, 8-10)
17 I bwaal bwa musangal bwa kulangil ha myand yiikal mwa kulongek mu mafuk maciiyiiy! Nook, baleejel cikwaabw Danyel myand ya buseeb habitaatal ciisang ciitut, “ciisang cya bulekel.” (Bal Danyel 12:4, 8-10; 2 Tim. 3:1-5) Mwanjel wambilil Danyel neey: ‘Diimany dya myand diiyiiy kuvul.’ Ing, may ma buprofet mady mu mukand oow biiyiiy kwiimumvw menmen kudy baat ba Mawej. Mwanjel uleebel cikwaabw neey ciisang eecy “baat ba myand yibiih, kabiishoh bend biiy kwiiyumvw. Biiyiiy kulong teng kulong myand yaabab yibiih.”
18. I biny biikal mwa kufikil baat babiih mu kalung kakeeh oomw?
18 Leeloow bimweemweek baat babiih baciituutungunuk ni kulong myand yibiih. (Mal. 3:14, 15) Ki mu kalung kakeeh oomw Yeez wiiyiiy kulumbulwiish baat badyobw bafwanyikij ni mbuj ni kwiibaabulul ni aab badyobw bafwanyikij ni mikook. (Mat. 25:31-33) Baat babiih aab kabakuhandukoh bend mu ciisang cya mal miimiin, ning bwa kwiibasangulobw bwa kwiikalobw ni buumy mu bulongolody buhyaabuhy. Majin maabab kamakwiikaloh bend mu “mukand a civulukil” mentioned at Malakih 3:16, NWT.
19. I biny bitudy mwa kulong kaabaak, ni bwabiny? (Malakih 3:16-18)
19 Kaabaak tudy mu ciisang citudy ni bwa kuleej mu bilong biitut neey katwiish mu baat babiih badyobw baleeb. (Bal Malakih 3:16-18.) Yehow wendend ni kukong bwa kuteek haakaabumw aab badyey uleeb neey “baat ba mim kaayaany,” i bwiin kuleeb neey aab bady ni buseeb ku mees kwindiy. Biin-biin tudy bakat kwiikal mukacy mwaabab.
I musangal utwiikal nend bwa kutal Danyel, biin-kweet batudy bakat, ni bat bakwaabw bavul “bimanakan” bwa kuhetobw cyaab cyaabab mu bulongolody buhyaabuhy! (Tal cikos cya 20)
20. I mulay kaay wa bulekel wambilobw Danyel, ni bwabiny udy mutakamin ku kukumban kwa mulay oow?
20 Biin-biin, tudy mu biisang bya musangal. Ki mu kalung kakeeh myand yikekemesh yikaady habwiih ni kulongek. Mu kalung kakeeh oomw twiiyiiy kutal mudyobw biiy babutul baat babiih boos. Kuunyim, twiiyiiy kutal mwiiyiiy kukumban mulay wa Yehow waakadyey mwambil Danyel wa neey: “wiiyiiy kujuuk bwiibuh kuhet bulang bwiibuh ku bulekel kwa mivw yoos.” (Dan. 12:13) Udyok mutakamin ni micim kwiiwul bwa katalangan diifuk dikwaabw diifuk dikwaabw ni Danyel, ni baat bawaakady mukat, ‘kujuuk’ cikwaabw eeny? Biby biikal naak, long mwiibuh moos bwa kwiikal ni lulamat, ni udy mwa kwiikal mutwiishibw neey diijin diibuh biiyiiy kwidifund mu mukand a buumy wa Yehow.
MUSAMBW A 80 ‘Labula, umone ne: Yehowa mmuimpe’
^ Mu ciin bwaal i balongolol a kumvw habitaatal mudimw mutam wa bulongweesh wiikaakal mwa kulongek udyobw baleej Danyel 12:2, 3. Twiiyiiy kukontonon diib diikal mudimw oow mwa kutwaadij kulongek ni baat biikal mwa kumulong. Twiiyiiy kutal cikwaabw mudy mudimw a bulongweesh oow mwa kwiiy kulongolol aab biikal mwa kuhet diiteet dya bulekel ha bulab ku bulekel kwa Bukookesh bwa Mivw Ciinun bwa Krist.
^ Misang yikwaabw kusanguk kwiiyiiy kutwaadij ni aab bafwiil ni lulamat mu mafuk ma bulekel ni biiyiiy kusangul, mitah ni mitah ya baat. Teng bu mudyobw bileej mu bwaal oobw, baat ba mitah yoos bady ni mushind wa kuhetangan ni boos badyobw bamanyik bilengel. Mu mushind oow, Mifund yijilang yileeleej bwa neey: “muut ni muut diib dindiy” bwa baat basaasanguk kwa kuy mu diiwul, ni tudy mwa kulang neey baat badyobw basangul bwa kwiikal ni buumy ha bulab biiyiiy byaabw kulondangan mu mushind mukwaabw.—1 Kor. 14:33; 15:23.
^ Dyumvwiij eedy i kumvw kwiitut kudyobw balongolol kudy mu mukand Tutumayi ntema ku mulayi wa Danyele! chapitil 17, ni mu Cibumb cya Muteetekel cya 1/7/1987, diib. 21-25.
^ I kushilangan kaay kudy hakacy ha myaak eey “baat bawaakan’’ ni “baat bakiish bawaakan”yidy mu Yil. 24:15, NWT ni myaak eey “aab baakady balong myand yilengel” ni “baakady balong myand yibiih” yidy mu Jah 5:29 yidy yimanyin ha myand yilongel baat biiyiiyobw kusangul kuuhal kwa haakadyobw kabay banj kufw.
