Chau Dios duamtunieimu
BIBLIA tuhui Chau Ngünechen mu, feimu niei tati doi cümeque ngülam iñchiñngealu. Biblia re nütramcaquelai medicina mu, huelu quelluafeiñmu taiñ cüme chaftuafiel huesaque dungu, hueñancülele taiñ piuque cam cutrancülele taiñ cuerpo cam taiñ raquiduam.
Cafei Biblia quimeleiñmu taiñ Chau Ngünechen müten, Jehová pingelu, a doi cüme quimniei taiñ raquiduam ca ñi chum duamcülen taiñ piuque. Chau Dios rumel eluucülei taiñ quelluaeteu chem dungu mu rume rupaliyiñ iñchiñ. Peafimi tüfachi epu troquiñ Biblia meu tami yafültucuafeteu:
“Jehová fülmaniequefi com pu hueñancülelu ñi piuque; ca montulquefi com pu huesa duamcülelu” (SALMO 34:18).
“Iñche am, Jehová tami Ngünechen, nüñmanieyu tami man cuhu, feiti tami feipiqueteu: ‘Llicalayaimi. Iñche ta quelluayu’” (ISAÍAS 41:13).
Huelu cutrancülele taiñ raquiduam, ¿chumngechi quelluafeiñmu Chau Jehová? Quisu pengeli taiñ rüf duamtunieteu ca taiñ quelluqueteu. Cüpalechi troquiñ meu doi ngüneduamafiyiñ.
a Jehová, Dios tañi üi (Salmo 83:18).
