E Kauaitaki Iko na Kalou
E tu ena iVolatabu na ivakasala vinaka duadua, ni vu mai vua na Kalou. E sega ni ivola vakavuniwai, ia e rawa ni vukei keda meda vosota na ituvaki dredre, curuoso ni vakasama, rarawa, kei na leqa e tara noda bula kei na lomada.
Koya e bibi sara, e vakadeitaka vei keda na Dauveibuli na Kalou o Jiova, a ni o koya duadua ga e kila vinaka na ivakarau ni lomada kei na noda vakanananu. Se ituvaki cava eda sotava, e tu vakarau me vukei keda. Kena ivakaraitaki, dikeva mada qo e rua na tikinivolatabu veivakacegui:
“E voleka o Jiova vei ira sa ramusu na lomadra, e vakabulai ira sa dasila na yalodra.”—SAME 34:18.
“O yau o Jiova na nomu Kalou, au taura tiko na ligamu imatau, o koya e tukuna vei iko, ‘Kua ni rere. Au na vukei iko.’”—AISEA 41:13.
Ia ena vukei keda vakacava o Jiova meda vosota na ituvaki dredre e vauca noda vakasama? Eda na raica ena veiulutaga tarava na sala e vakaraitaka kina o Jiova ni kauaitaki keda dina.
a Na yaca ni Kalou o Jiova.—Same 83:18.
