Guutip isumassorpaatit
BIIBILI Guutiminngaaneersuugami uagutsinnut siunnersuutinik pitsaanerpaanik imaqarpoq. Peqqissutsimut najoqqutassiaanngikkaluartoq pissutsini erloqinartuni, nikallornartunik eqqarsaateqarnermi, misigissutsikkut anniarnermi aamma timikkut eqqarsartaatsikkullu nappaateqarnermi iluaqutaasinnaavoq.
Pingaarnerusumilli, Biibilimi qularunnaarsinneqarpugut Pinngortitsisitta Jehovap Guutip a eqqarsaatigut misigissutsigullu paasilluarsinnaagai. Qanorluunniit ajornartorsiuteqaraluarutta ikiorusuttarpaatigut. Assersuutigalugu versit Biibilimeersut marluk uku eqqarsaatigikkit:
“Naalakkap qanippai sequmissimasumik uummatillit, annaattarpai aserortersimasumik anersaallit.” – TUSSIAAT 34:19.
“Uangami tassaagama Naalagaq Guutit talerpikkut tigussavakkit oqarfigalutillu: Siooraqinak, ikiortigaarma.” – ESAJA 41:13.
Jehovap eqqarsartaatsikkut peqqiilliornermi qanoq ikiortarpaatigut? Allaaserisani tulliuttuni paasissavat Jehovap asanninnini qanoq arlalitsigut uagutsinnut ersersittaraa.
a Biibilimi ersersinneqarpoq Guuti Jehovamik ateqartoq, nutsikkallu ilaanni ateq Jahve atorneqartarpoq. – Tussiaat 83:19; Saqqummersitat 15:4.