Chiuta Wakumupwelelerani
MU BAIBOLO muli ulongozgi uwemi wakufuma kwa Chiuta. Nangauli ni buku la chipatala yayi, kweni lingatovwira kumarana na vinthu ivyo vikutipangiska kuti tisuzgikenge maghanoghano, para tili na chitima chikuru kweniso para takhuŵara.
Kweni chakuzirwa chomene ntchakuti, Mlengi withu, Yehova Chiuta, a wakumanya maghanoghano ghithu kweniso umo tikujipulikira kuluska waliyose. Ngwakukhumbisiska kutovwira pa suzgo lililose ilo tingasangana nalo. Mwachiyelezgero, wonani fundo ziŵiri zakupembuzga zakufuma mu Baibolo:
“Yehova wali pafupi na ŵakusweka mu mtima. Wakuponoska awo mzimu wawo wateketeka.”—SALIMO 34:18.
“Ine Yehova Chiuta wako nkhukukora pa woko lako lamalyero, ine nkhuyowoya nawe kuti: ‘Ungawopanga chara, ine nikovwirenge.’”—YESAYA 41:13.
Kweni kasi Yehova wakutovwira wuli kuti tilimbane na suzgo lakusuzgika maghanoghano? Nga umo muwonerenge mu nkhani zakulondezgapo, Yehova walongora kuti wakutipwelelera munthowa zakupambanapambana.
a Yehova ni zina la Chiuta.—Salimo 83:18.
