2 | «Тхьэм и псалъэ тхахэм... гушхуэныгъэ диІэ ягъэхъу»
БИБЛИЕМ ИТЩ: «Тхьэм и псалъэ тхахэм хэт псори щІатхар щыпкъагъэр дагъэщІэн щхьэкІэщ. Тхьэм и псалъэ тхахэм шыІэныгъэрэ гушхуэныгъэрэ диІэ ягъэхъуурэ, Тхьэм ІыхьэфІыр къызэрытлъигъэсынум дыщагъэгугъ» (РИМ 15:4).
Сыт абы къикІыр?
Библием гупсэхугъуэрэ къарурэ къозыт гупсысэхэр итщ. Ахэр къыддоІэпыкъу гупсысэ Іейхэм дебэныну. Абы нэмыщІ Библием гугъэ дахэ къыдет: психикэм епха узыфэхэр куэд мыщІэу кІуэдыжынурэ, афІэкІа зэи щыІэжынукъым.
Дауэ ар къызэрыбдэІэпыкъуфынур?
Дэтхэнэ зы цІыхури гурыщІэ Іейхэм щебэн къохъу. Ауэ депрессие е психикэм епха нэгъуэщІ узыфэ зиІэхэр зэпымыууэ апхуэдэ гурыщІэхэм йобэн. Дауэ Библиер абыхэм къазэрыдэІэпыкъуфынур?
Гупсысэ Іейхэм утекІуэну къыбдэІэпыкъу гупсысэфІ куэд Библием итщ (Филиппи 4:8). Библием дызэреджэм и фІыгъэкІэ ди акъылыр гупсэхугъуэ къозыт гупсысэхэмкІэ гъэнщІа мэхъу. Ар къыддоІэпыкъу ди гурыщІэхэм дыкІэлъыплъыну (Псалом 94:18, 19).
Библиер къыддоІэпыкъу зыри дримыщІыс хуэдэу димыгугъэну (Лука 12:6, 7).
Дызэримызакъуэр икІи Алыхьым икІэм нэс дыкъызэрыгурыІуэр къэзыгъэлъагъуэ едзыгъуэ куэд Библием итщ (Псалом 34:18; 1 Иуан 3:19, 20).
Библием дыкъегъэгугъэ Алыхьым и фІыгъэкІэ гукъэкІыж Іейхэм дыщамыгъэгузэвэжыну зэманыр куэд мыщІэу къэсыну (Исайя 65:17; Апокалипсис 21:4). Ар дэ къыддоІэпыкъу гурыщІэ Іейхэмрэ гупсысэ Іейхэмрэ къыщыттегуплІэм деж ди Іэр едмыхьэхыну.
