Bibila kivuidi mvovo mia lufiaulwisu milenda kutukumika yo kutusadisa mu sunda e ngindu zabendomoka muna yeto kibeni. Bibila kikutuvananga mpe e vuvu vo ke kolo ko e mambu mampasi tunuananga mau ke mekala diaka ko.

Ezak’e ntangwa, yeto awonso tukendalalanga. Kansi, awana benuananga ye kimbevo kia lukendalalu yovo ntokani zasaka, balenda nuana ye mpasi zazi lumbu yawonso. Aweyi Bibila kilenda sadisila?

• Bibila kilenda kutusadisa mu vingisa e ngindu zambote vana fulu kia ngindu zambi. (Filipi 4:8) Kilenda kutufiaulwisa yo kutusadisa mu kala ye ngindu zavuvama.—Nkunga 94:18, 19.

• Bibila kilenda kutusadisa mu katula e ngindu za sia vo ke tuna mfunu ko.—Luka 12:6, 7.

• Sono yayingi ya Bibila ikutusikidisanga vo ke tuna yeto mosi ko. Nzambi wa Mvangi eto otoma bakulanga e ngindu zeto.—Nkunga 34:18; 1 Yoane 3:19, 20.

• Bibila kisianga o nsilu vo Nzambi ofokola mambu mawonso mekutumwesanga e mpasi. (Yesaya 65:17; Lusengomono 21:4) Vava tunuananga ye ntokani zasaka, o nsilu wau ulenda kutusadisa mu lembi yoya.