പൂർണമായ മാനസികാരോഗ്യം ദൈവം ഉറപ്പുതരുന്നു
മാനസികാസ്വാസ്ഥ്യം ഉള്ളവരെ സഹായിക്കുന്ന വിവരങ്ങളും അവരെ ആശ്വസിപ്പിക്കുന്ന വാക്കുകളും ദൈവം ബൈബിളിൽ രേഖപ്പെടുത്തിയിട്ടുണ്ട്.
എന്നാൽ ദൈവം അതു മാത്രമല്ല ചെയ്തിട്ടുള്ളത്. മാനസികപ്രശ്നങ്ങൾക്ക് ഇടയാക്കുന്ന കാരണങ്ങൾ വേരോടെ പിഴുതെറിയുമെന്നും ദൈവം ഉറപ്പുതന്നിട്ടുണ്ട്.
ദൈവം ആ വാഗ്ദാനം നടപ്പാക്കിക്കഴിയുമ്പോൾ പിന്നെ ഒരിക്കലും മനസ്സിനെ നോവിക്കുന്ന വികാരങ്ങളോ ഓർമകളോ “ആരുടെയും മനസ്സിലേക്കു വരില്ല; ആരുടെയും ഹൃദയത്തിൽ അവയുണ്ടായിരിക്കില്ല.”—യശയ്യ 65:17.
നമുക്ക് ആശ്വാസം പകരുന്ന ആ വാഗ്ദാനം എപ്പോൾ, എങ്ങനെയാണു ദൈവം നടപ്പാക്കുന്നതെന്ന് അറിയാൻ ആഗ്രഹിക്കുന്നെങ്കിൽ നിങ്ങളെ സഹായിക്കാൻ യഹോവയുടെ സാക്ഷികൾക്കു സന്തോഷമേ ഉള്ളൂ.