О Девел ветинела совршено емоционално састипе
О Девел преку и Библија, дела советија хем утеха кола со шај те поможинен околенге со иси лен емоционална проблемија.
Ама о Девел керѓа нешто повише. Ов ветинѓа кај ка цидел са адава со керела те овен амен емоционална проблемија.
Кеда о Девел ка исполнинел акава ветување, о негативна чувствија, о мисле со вознемиринена амен хем адава со сине поангле, никогаш повише нане те сетина амен ко адава, а ни нане те појавинел пе аменге ко вило (Исаија 65:17).
Е Јеховаскере сведокија мангена те поможинен туке те дознајне кеда хем сар о Девел ка исполнинел акава утешно ветување.
Шај исто ка интересинел тут
ОСНОВНА БИБЛИСКА СИКЉОЈБА
Дали шај те ова амала е Девлеа?
Веконцар, о мануша мангена сине те пенџарен пле Створителе. И Библија шај те поможинел аменге те ова амала е Девлеа. Прво со ваљани те кере тано те џане е Девлескоро анав.
