1. Ke ntaba batho ba go tlala lekgono ba sa sa yi tshepa Bhayibele?

 BATHO ba go tlala lekgono a ba sa tšiba gore ba ka tshepa mang. Baa tiputsisa gore ayitsano batho bo ba ba hlompang ba go tshwana le ba dipolotiki, ba tsa sayense le ba tsa dibhizinisi, baa tihlupa ka bona nje. Go tokegela gana hone, a ba sa hlompa bo ba go yeta tsa sedumedi mahlong ba gore ba re ke bona Makreste mo ba hlaya. Byalo, a di makatse mo batho bowa ba sa sa yi tshepa Bhayibele go leng puku yo bo ba yetang dikereke mahlong ba makang nkare baa yi theetsela.

2. Pisalema 119:160 yi re king sa gore a di nyake re se kamaka?

² Rune malata ya Jehova a re kamake gore ke “Modimo wa nnete” fote o dula a re nyakela tsa gabutši. (Pis. 31:5; Jes. 48:17) Re ka di tshepa re tiyise tso re di balang ka ho Bhayibeleng—tsa gore “monopo wa lentsu la [Modimo] ke nnete.” b (Bala Pisalema 119:160.) Re yema le tso di ngwadiyeng ke morene mongwana wa go tšhutela Bhayibele, mo a re: “A go na selo ka ssoši so Modimo a se hlayyeng sa gore ke matsaka kela sa šitega go makega. Batho ba Modimo ba tshepa tso a di hlayang ka taba la gore ba tshepa yene Modimo ye a di hlayyeng.”

3. Re nyoko bolabola ka ying ga hlogotaba yowa?

³ Re ka gelepa ba bangwana ka mokgo mang gore le bona ba le tshepe Lentsu la Modimo go fo tshwana le rune? Tla re lebeleleneng kararo ya dilo tso di šupetsang gore ke ntaba re ka yi tshepa Bhayibele. Re ko di boneng gore tso Bhayibele yi di hlayang a di soko tšhentšha, ra boya re bona diporofeto tsa Bhayibele tsa gore di šele di makegiye le gore Bhayibele yi na le matšhika ya go tšhentšha maphelo ya batho.

4. Ke ntaba ba bangwana ba nagana gore Bhayibele ba yi tšhentšhiye?

⁴ Jehova Modimo o berekisiye gana hala ga 40 ya banna ba go tshepega gore ba ngwale dipuku tsa Bhayibele. Mara tso ne ba ngwalela Bhayibele ga tsona la mathomothomo, a di sa krayega lekgono. c Tso re nang natso go fo ba tsa gore ba di kopolliye ga tse dingwana. Tsotsone di makiye gore ba bangwana ba tiputsise gore nje tso re di balang ka ho Bhayibeleng lekgono go sa na go le tsona tsetsela di ngwadiyeng ke banna bala ba mathomo. Ayitsano le wene o yye wa tiputsisa gore king so se ka makang gore re sa yi kamake taba yone?

5. Mangwalo ya Seheberu ne ba ma kopolla ka mokgo mang? (Lebelela sethombhe sa ka tawong.)

⁵ Jehova o yye a botsa batho bage gore ba kopolle Bhayibele gore a thogo pasopa molayetsa wage. O yye a botsa magoši ya Israyele gore ma tikopollele Molawo wa gore wo ngwadiwwe, ke mokane a hlawola Malifi gore ma tšhutise batho Molawo wone. (Dot. 17:18; 31:24-26; Neh. 8:7) Ka nthago ga gore Majuda ba ma lokolle bobhantiting ku Bhabhilona, mogoba wo mongwana wa digele tsa go kopolla wo yye wa kopolla Mangwalo ya go tlala ya Seheberu. (Eze. 7:6) Banna bowa ne ba maka mmereko wa bona gabutši kela ba sa takisi tse dingwana maahlo. Mo nako yi kene yi ya, bo ba go kopolla ba yye ba thomisa go balela mantsu le mong dihlaka gore ba thogo bona gore nnete ba kopolliye dilo ka mokana ga tsona. Le mo go le ka mokgonone, ba bangwana ba yye ba sa kopolle tsona go gongwana ka taba la gore ne ba sa yenela. Mara go yye gwa kopolliwa tsa go tlala tsa go tshwana gore ba thogo bona ho ba kekemisiyeng gona. Byang mara?

6. Ke mokgwa wofeng wo ba wo berekisang gore ba thogo bona mo ba sa kopollang Bhayibele gabutši?

⁶ Bo ba go tšhutega ba matšatši yawa, ba na le mokgwa wo ba wo berekisang wa gore fote wa tshepega gore ba thogo bona mo bo ba kopolliyeng Bhayibele ba sa kopollang tsona. Mo re beyisa: Tla re fo re ba botsa 100 ya banna gore ba kopolle ka letsogo lephephe ka lloši la gore le na le mantsu. Ke mokane ye mongwana wa bona aa kopolla gabutši go gongwana ga lephephe lage. Byalo, gore re thogo bona gore ke kaye ga gona, di nyaka re pombholle tso a di kopolliyeng le tsela tsa ba bangwana ka nako ka yyoši. Go fo ba ka mokgonone le ga bo ba go tšhutega mo ba tshwanisa dilo tso ba ngwaleleng Bhayibele ga tsona tsa ku botala, ba thogo bona gore ke kaye mo ye ne a kopolla a sa kopollang tsona kela ga gore o ntshiyye mantsu ya mangwana.

7. Bo ne ba kopolla Bhayibele ba makiye byang gore ba sa pumutsi?

⁷ Bo ba yyeng ba kopolla Bhayibele, ne di nyaka ba karakare ka matla gore ba yi kopolle gabutši ba sa pumutsi. Lebelela mošupetso wa gore wo šihlela taba yone. Bhayibele ya botala ya Mangwalo ya Seheberu ya gore yi felegelele, ba yye ba yi fetsa gana hala ga 1008 kela 1009 C.E. Yona ba re ke Leningrad Codex. Mara a yi botala ba krayye gore Dibhayibele tsa botala tsa go tlala le dikopa tse dingwana tsa tsona di feta yela ya Leningrad Codex ka mengwaga ya go teya gana hala ga 1 000. Ye mongwana a ka tseya gore ka nthago ga gore ba kopolle mangwalo yane ya botala gatleletlele ka mengwaga ya go teya ka ku ga 1 000, tso ba di ngwadiyeng ga Leningrad Codex a di tshwane le tso di leng ga mangwalo ya botala. Mara a yi ka mokgonone. Mo bo ba go tšhutega ba tshwanisa mangwalo ya botalatala le ya gore a yi nape yi ba ya botala ka matla, ba krayye gore go f’lo tšhentšha ka mokgo ba beyang mantsu ya mangwana fote ditaba tsa wona a di ya tšhentšha le ka gonyana.

8. Tso ba di kopolliyeng tsa Mangwalo ya Sekreste ya Segerika le tso ba di kopolliyeng tsa dipuku tse dingwana tsa botala, di fapana mo di tla kaye?

⁸ Makreste ya botala le wona ma yye ma kopolla Mangwalo. Ma yye ma kopolla gabutši 27 ya dipuku tsa Mangwalo ya Segerika, ya gore ma yye ma ma berekisa mo ma le megahlanong le mo ma tšhomayela. Ye mongwana wa go tšhutega wa gore o yye a tshwanisa mangwalo ya botala ya gore  ke Mangwalo ya Segerika le dipuku tse dingwana kela tso ba di ngwadiyeng ka dinako tsa go tshwana, mo a bolabola ka mangwalo ya botala ya Bhayibele o re: “Re ka hlaya gore, go na le mangwalo ya botala ya go tlala ya gore ke Mangwalo ya Segerika lekgono go phala ya dipuku tse dingwana, . . . fote ma šupetsa ba felegelele.” Puku yo ba reng ke Anatomy of the New Testament yi re: “A re kamake gore tso re di balang ga tso ba di hlatolliyeng tsa gore dya tshepega tsa Mangwalo ya Segerika, di bolabola molayetsa wa go tshwana le wo wo ngwadiyeng ke bala ba ku botala.”

9. Jesaya 40:8 yi re king sa gore ke nnete ka molayetsa wa Bhayibele?

⁹ Bo ba go kopolla ba go tlala ba yye ba karakara ka matla makgolokgolo ya mengwaga ya go fela gore le rune re be le Bhayibele ya gore ya korola yo re yi balang re boya re yi tšhuta lekgono. d A re kamake gore ke Jehova ye a makiyeng gore re thogo kraya Lentsu lage la gore ke mong lona lekgono. (Bala Jesaya 40:8.) Wa tšiba, ba bangwana ba ka fo re taba ya gore molayetsa wa Bhayibele a sanka wa tšhentšha a yi rele gore yi hlohletsele ke Modimo. Gana byalo tla re lebeleleneng tso di šupetsang gore nnete Bhayibele yi tšwa ga Modimo.

10. Re beyisele ka seporofeto sa gore se makegiye so se šupetsang gore tso re di badiyeng ga 2 Petro 1:21 ke nnete. (Lebelela dithombhe.)

¹⁰ Bhayibele yi na le diporofeto tsa go tlala tsa gore di šele di makegiye fote tse dingwana tsa tsona ke mo ba di ngwadiye makgolokgolo ya mengwaga di soko makega. Dilo tsa botala di šupetsa gore diporofeto tsowa di makegiye. Tsotsone a di re makatse ka taba la gore re ya di tšiba gore ye a Ngwadiyeng diporofeto tsa Bhayibele ke Jehova. (Bala 2 Petro 1:21.) Nagana ka diporofeto tsa go bolabola ka go hludiwa ga mutši wa Bhabhilona ya ku botala. Gana hala ga bo 778 le 732 B.C.E., moporofeta Jesaya o yye a hlohletsela ke moya wa go hlawolega gore a hlaye di soko makega gore mutši wa Bhabhilona wa gore fote ne wo na le matšhika wo nyoko hludiwa. A boya a hlaya gore morene ba reng ke Sayirasi ke yene ye a nyoko hlulang mutši wone fote a hlatolla gore o nyoko wo hlula byang. (Jes. 44:27–45:2) Jesaya o porofitiye le gore Bhabhilona ba nyoko yi psyitlanya fote yi nyoko ba mašupi. (Jes. 13:19, 20) Go  yye gwa makega ka mokgonone. Bhabhilona yi hludiye ke Mameda le Maperesiya ka 539 B.C.E., fote poleke yone gana byalo go fo ba mašuping.—Lebelela vidiyo ya gore, Bhayibele yi Porofitiye Gore Bhabhilona yi Nyoko Psyitlanyiwa ga puku ya elekthroniki ya gore Tikwise ka Lephelo go ya go Yye! setšhuto 03 taba 5.

11. Hlatolla ka mokgo Daniyele 2:41-43 yi makegang ka gona lekgono.

¹¹ Diporofeto tsa Bhayibele a dya fo makega ku botala fela; le lekgono lowa re kene re bona tse dingwana di makega. Mo re beyisa, lebelela seporofeto sa Daniyele sa go makatsa sa gore fote se makegiye sa gore se bolabola ka Mmušo wa Lefase wa Makgowa le Maamerikha. (Bala Daniyele 2:41-43.) Seporofeto sone se korodiye go sa le botala gore Mmušo wa Lefase wa Makgowa le Maamerikha go gongwana wo nyoko ‘tiya’ go tshwana le tshipi ke mokane go gongwana ‘wo ka sa tiyi’ go fo tshwana le botsopa. Fote re thogo bona gore taba yone ke nnete. Brithani le Amerikha di šupetsiye gore di tiyye go tshwana le tshipi, ka go hlula ga Dintwa Tsa Lefase ka dipedi fote di kene di ya mahlong di šupetsa gore di na le matšhika ka masole ya tsona. Mara memmušo yowa a yi nape yi kgona go šupetsa matšhika ya wona ka taba la gore batho ba yona ba lwisana le yona ba berekisa mekgahlo ya go lwela dibereki, megoba ya go lwela gore batho ba tshwariwe gabutši le mekgahlo ya go tikemela. Morene mongwana wa go tšhutela tso di makegang ga dipolotiki o yitseri: “Ga dinaga ka mokana ga tsona tsa gore dya tikgetela gore di nyoko lawola ke mang, a yi šiyo naga ya gore lekgono yi yahluganne ga tso tsa dipolotiki go tshwana United States.” Fote Brithani ya gore yi wela ga mmušo wa lefase, a yi botala yi yahluganne ga mengwaga ya go fela ka taba la gore batho ba yona a ba kwane le senghana so ba tshwaneleng ba be naso le dinaga tso di welang ga mokgahlo wa European Union. Go yahlugana howa go makiye gore di sa be lula ga Mmušo wa Lefase wa Makgowa le Maamerikha gore wo segelele dipheto tso wo kwanang ka tsona.

12. Diporofeto tsa Bhayibele di maka gore re sa kamake ying?

¹² Diporofeto tsa Bhayibele tsa gore di šele di makegiye di napa di maka gore re sa kamake le ka gonyana gore dilo tso Modimo a re tshepisiyeng tsona tsa ku mahlong di nyoko makega. Re tikwa go tshwana le mopisalema wa gore o yye a rapela Jehova a re: “Ke di yemele ka maahlo ya makhubedu gore o mphonise, ka taba la gore lentsu lago ke tshepo yaka.” (Pis. 119:81) Ka ho Bhayibeleng, Jehova o re neyye “tsa gabutši tsa ku mahlong le tshepo.” (Jer. 29:11) Tshepo ya rune ya tsa ku mahlong a ya tithega ka tso motho a karakarang go di maka mara yi tisamele ka tso Jehova a re tshepisang tsona. Nkare re ka ya mahlong re tiyisa tshepo ya rune ga Lentsu la Modimo ka go jabolela go tšhuta ka diporofeto tsa Bhayibele.

13. Pisalema 119:66, 138 yi re king se sengwana so se šupetsang gore Bhayibele ya tshepega?

¹³ Se sengwana so se ka makang gore re yi tshepe Bhayibele, ke gore yi gelepa batho mo ba berekisa tso yi di yeletsang. (Bala Pisalema 119:66, 138.) Mo re beyisa, bo ba gore ba šadhiye ba gore ne go šele bhitšani gore ba hlalane, gana byalo ba jabodiye ka taba la gore ba berekisiye mayele ya Bhayibele. Bana ba bona ba jabolela go gulela ga mutši wa Makreste wa gore wo na le babelegi ba gore baa tihlupa ka bona fote ba ba nyaka ka matla.—Maef. 5:22-29.

14. Re beyisele ka mokgo go berekisa mayele ya Bhayibele go gelepang batho gore ba phele lephelo la kawone.

¹⁴ Le mong dikgohlane tsa gore di kotsi ka matla di yye dya tšhentšha maphelelo ya tsona ka taba la gore di yye dya berekisa mayele ya go hlalefa ya Bhayibele. Lebelela ka mokgo mayele ya Bhayibele ma gelepiyeng morene wa mongwana wa gore ke mo a le jele ye ba reng ke Jack. e Ke mo go le sekgohlane sa go kwana le go lwa, a tšibega go le ye mongwana wa dikgohlane tsa gore di  kotsi ka matla gana hone jele tsa gore fote seghwebo sa tsona ke likgu. Mara tšatš’enngwana, Jack o yye a dula a theetsela mo ba tšhutisa Bhayibele. Jack o yye a jabodisa nka mokgo magageru ya ne ma tšhutisa Bhayibele ma šupetsiyeng gore ma kwelana go baba fote tsotsone di yye dya mo tikisa ka matla ke mokane le yene a thomisa go tšhuta. Mo a berekisa nnete yo yi leng ka ho Bhayibeleng mo a kene a phela, maphelelo yage le mekgwa yage yi thomisiye go tšhentšha ke mokane a ba motho wa pelo ye butši. Mo nako yi kene yi ya, Jack o yye a tshwanelega gore a be motšhomayedi wa gore aa soko kolobetsiwa ke mokane a feleletsa a kolobetsiwwe. Ne a ba tšhomayelela ka matšato ba bangwana ba gore ke mo ba le jele a ba botsa ka Mmušo wa Modimo a boya a gelepa kanne ya bona gore ba tšhute Bhayibele. Mo letšatši la gore ba mmolaye le segela, Jack ke mo a šele a tšhentšhiye. Ye mongwana wa diloyara tsage o yitseri: “Jack a go sa le motho yela ne ke mo tšiba 20 ya mengwaga ya go fela. Tso a di tšhutiyeng ga Dihlatse Tsa Jehova di tšhentšhiye lephelo lage.” Le mo yi le gore Jack ba feleletsiye ka go mmolaya, mošupetso wage wo napa wo di beya lekgwaying gore re ka le tshepa Lentsu la Modimo le gore le na le matšhika ya go tšhentšha maphelo ya batho gore ma be kawone.—Jes. 11:6-9.

15. Go berekisa nnete ya Bhayibele go maka gore batho ba Modimo ba sa tshwane le ba bangwana lekgono, ka mokgo mang mara? (Lebelela sethombhe.)

¹⁵ Batho ba Jehova ba dula ba le selo ka ssoši ka taba la gore ba berekisa nnete ya Bhayibele. (Joh. 13:35; 1 Makor. 1:10) Taba ya gore re bebiye fote re selo ka ssoši yi napa yi bonala gabutši ka taba la gore batho ba go tlala lekgono ba yahluganya ke tsa dipolotiki, go sa tshwane ka mohlobo le taba ya gore mang o ghannye kela o tšibega go segela kaye. Mo mosogana ye mongwana ye ba reng ke Jean a bona go mamarelana ga Dihlatse Tsa Jehova, ke mo a makele ka matla. O gulele ga naga ye nngwana hala Afrikha. Mo go thomisa ntwa, o yye a kenela bosole mara ka nthago a tšhabela ga naga ye nngwana ya thina. Gana hone o yye a gahlana le Dihlatse Tsa Jehova. Jean o re: “Ke tšhutiye gore bo ba latelelang sedumedi sa mannete a ba kenakene tsa dipolotiki fote a baa yahlugana. Mara, baa nyakanana.” O ya mahlong ka gore: “Ne ke tineyele gore ke lwele naga ya geru. Mara  mo ke šele ke tšhutiye nnete ya Bhayibele, ke yye ka kwa di ntšhofa gore ke tineyele ga Jehova.” Jean o yye a tšhentšha mong go tšhentšha. Gana byalo aa sa lwa le batho ba gore aa tshwane nabo ka mohlobo mara o tšhomayelela batho ka mokana ga bona bo a gahlanang nabo molayetsa wa go beba wa Bhayibele. Taba ya gore mayele ya Bhayibele ma berekela batho ba go tlala ba mehlobohlobo, yi fo napa yi di beya lekgwaying gore Lentsu la Modimo re ka le tshepa.

16. Di nyaka re tiyise tshepo ya rune ga Lentsu la Modimo, ke ntaba go maka ka mokgonone go le selo se segolo?

¹⁶ Seyemo sa lefase lowa se fo ya mahlong se tooka, byalo tsotsone di nyoko maka gore di sa be le lula gore re tshepe Lentsu la Modimo. Batho ba ka liketsa go maka gore re kamake gore Bhayibele yi bolabola nnete kela re kamake taba ya gore Jehova o hlawodiye lelata la go tshepega la gore fote le hlalefiye gore le yetetse bo ba mo rapelang lekgono. Mara mo re tshepa re tiyise gore Lentsu la Jehova go ko dula go le nnete, re ko thogo phagela thoko dilo tsone tsa go re liketsa tumelo. Re ko ba re ‘fetsiye le pelo gore re nyaka go theetsela melawo ya Jehova ka mokana ga yona go segela ga wa mafelelo.’ (Pis. 119:112) Re ka “sa tšebisi” ke go botsa ba bangwana nnete re boya re ba hlohletsela gore ba berekise mayele ya Bhayibele mo ba kene ba phela. (Pis. 119:46) Fote re ko thogo tiyisela seyemo sa go thathafa ka matla go tokegela le go hlorisiwa re ‘kene re lefisiye pelo fote re jabodiye.’—Makol. 1:11; Pis. 119:143, 157.

17. Temanyana ya rune ya mongwaga yi nyoko dula yi re gopotsa ying?

¹⁷ Re leboga Jehova re boyelela gore o re wunyullele nnete yowa! Nnete yowa yi re gelepa gore re dule re kgibiye, re sa tšhoge selo fote yi re tšhutisa gore re ka phela byang ga lefase lo la gore le fo ya mahlong le dhunghegana fote le yemme ka dikwayikwayi. Nnete yone yi re neya tshepo ya dilo tsa gabutši tsa ku mahlong mo re šele re lawola ke Mmušo wa Modimo. Nkare temanyana ya rune ya mongwaga wa 2023 yi ka re gelepa gore re dule re tsikiye, re sa kamake le ka gonyana gore monopo wa Lentsu la Modimo ke nnete!—Pis. 119:160.