1-2. (a) Sooq misilin­neqar­tar­ner­put tupaal­laatigin­ngilar­put? (b) Allaaserisami matumani suna sam­mis­savar­put?

 JEHOVAMUT kif­faagatta misilin­neqar­tar­ner­put tupaal­laatigin­ngilar­put. Biibilimimi ima allas­simavoq: “Guutip kun­ngeqarfianut iserumal­luta amerlasuunik annikil­liuuteqaq­qaar­tariaqar­pugut.” (ApS 14:22) Nalun­ngilar­put ajor­nar­torsiutitta ilaat aatsaat paratiisimi aaq­qin­neqarluin­narumaar­tut, taamanik­kus­samummi “toqu, aliasun­neq, nil­lianeq anniar­nerlu atuuk­kun­naas­sap­put”. – Saqq 21:4.

² Jehovap misilin­neqaatigut tamaasa piin­ngik­kaluarlugit naam­magalugit ator­nis­saan­nut ikior­tar­paatigut. Apustilip Paulusip kristumiut Romami najugaqar­tut qanoq allaf­figinerai maluginiaruk. Qatan­ngutinilu misilin­neqaatit nalaatatik eqqar­toriarlugit ima allap­poq: ‘Uagutsin­nik asan­nit­toq pis­sutigalugu tamakku tamaasa ajugaaf­figil­luin­nas­savagut.’ (Rom 8:35-37) Tamanna isumaqar­poq Jehovap ikiuineratigut misilin­neqar­til­luta iluatsil­luarsin­naasugut. Jehovap Juuserfi misilin­neqar­nerani qanoq ikiorsimagaa uagullu qanoq ikiorsin­naagaatigut sam­meriar­tigu.

3. Juuserfip atugai qanoq allan­ngoriataar­pat?

³ Ataataaner­paap Jaakup ernini Juuserfi asangaarlugu ersersip­paa. (Mos 1. 37:3, 4) Tamatuma kingunerisaanik Jaakup ernerisa angajul­liit qatan­nguter­tik sin­ngagiler­paat. Niuf­fagianut  Midjanik­kuusunut tuninis­saanut periarfis­saqaleramik tunivaat. Niuf­fagiat taak­kua Juuserfi Egyptenimut kilometerinik hundredelin­nik ungasitsigisumut aal­larup­paat, tas­sanilu Faaruup paarsisuisa naalagaan­nut Potifarimut inus­siatut tunil­lugu. Juuserfip atugai allan­ngupal­lap­put – ataataminit asaneqangaar­nermiit Egyptenimiumut inus­sian­ngor­nermut. – Mos 1. 39:1.

4. Qanoq nalaataqarsin­naavugut?

⁴ Biibilimi allas­simavoq ‘kik­kut tamarmik ajor­tumik nalaataqar­tar­tut’. (Oqal 9:11, Holy Bible – Easy-to-Read Version) Uagut ilaan­nik­kut inuit allat ajor­nar­torsiutaan­nut assingusunik nalaataqarsin­naavugut. (Kor 1. 10:13) Aamma Jiisusimit ilin­niar­titaaner­put pis­sutigalugu naal­liuuteqarsin­naavugut. Assersuutigalugu upper­ner­put pis­sutigalugu illaruaatigineqarsin­naavugut, akerlilersor­neqarsin­naavugut allaal­luun­niit malersor­neqarsin­naal­luta. (Tim 2. 3:12) Qanorluun­niit misilin­neqaraluaruit Jehovap ikiuineratigut iluatsil­luarsin­naavutit. Juuserfi Jehovamit qanoq ikior­neqarpa?

5. Juuserfimut tun­ngatil­lugu Potifari qanoq isum­merpa? (Mosesimik 1. 39:2-6)

⁵ Mosesimik 1. 39:2-6 atuakkit. Potifarip maluginiar­paa Juuserfi sul­laris­suul­lunilu inuusut­tuusoq pik­koris­soq. Tamatumun­ngalu pis­sutaasoq nalun­ngilaa. Potifarip maluginiar­paa Jehovap Juuserfi “najorlugu suliarisaanik tamanik iluatsitsisit­taraa”. b Pif­fis­sap ingerlanerani Potifarip tatigisatut kif­farilerlugulu “illuminik nak­kutigin­nit­tun­ngor­tip­paa”. Qanoq kinguneqarpa? Potifari pigisatigut ingerlal­luar­poq.

6. Juuserfi atuk­kani pil­lugit qanoq misigisimas­sasoraajuk?

⁶ Takorlooruk Juuserfi atuk­kani pil­lugit qanoq eqqarsar­toq. Suna kis­saatiginer­paavaa? Potifarimit nuan­narineqarlunilu akis­sarsisin­neqar­nis­sani? Ilaa ilimanar­neruvoq inus­siaajun­naarluni ataataminut uter­nis­sani kis­saatigigaa. Potifarip illuani pisin­naatitaaf­feqaraluarluni suli Guutimut kif­far­tor­tuun­ngitsumut inus­siaataavoq. Juuserfi  inus­siaajun­naar­nias­sam­mat Jehovap Potifari iliuuseqar­tin­ngilaa. Juuserfillu atugai ajorseriaan­nar­put.

7. Juuserfip atugai qanoq ajorseriar­pat? (Mosesimik 1. 39:14, 15)

⁷ Mosesimik allak­kani siul­lerni kapitali 39-mi allaatigineqar­tutut Potifarip nuliata Juuserfi kajungerfigalugulu arlaleriarluni kimigiiserfigaa innaateq­qul­luni. Juuserfilli tamatigut itigar­tit­tar­paa. Naggataatigut Potifarip nuliata kamangaarluni Juuserfi unnerluup­paa arnerif­figitin­nerarluni. (Mosesimik 1. 39:14, 15 atuakkit). Potifarip tamanna tusaramiuk Juuserfi par­naarus­saatip­paa, ukior­paalun­nilu par­naarus­saaq­qavoq. (Mos 1. 39:19, 20) Par­naarus­saaq­qaneq qanoq issimava? Juuserfip par­naarus­saaf­fini eqqar­toramiuk hebræerisut oqaaseq atugaa isumaqarsin­naavoq ‘itersaliaq’, tassa sumiif­fik taarlunilu tujorminarsimas­saaq. (Mos 1. 40:15) Aamma Biibilimi allaatigineqar­poq Juuserfi pif­fis­sap ilaa isik­kamigut kalun­ner­nik qungatsimigullu saviminermik pitun­neqarsimasoq. (Tuss 105:17, 18) Juuserfip atugai ajorsiar­tuin­nar­put – tatigisatut inus­siaanermit nikanar­tutut par­naarus­saanermut.

8. Atuk­katit ajorsiar­tuin­naraluar­tut suna qularutigin­ngis­sin­naaviuk?

⁸ Annikil­lior­ninni qaman­nga pisumik qinugaluarlutit atuk­katit ajorsiar­tuin­nar­nikuup­pat? Taamatut pisoqarsin­naavoq. Silarsuarmi Saatanip pis­saaneqarfigisaani Jehovap misilin­neqaatinut tamanut illersor­neq ajor­paatigut. (Joh 1. 5:19) Unali qularin­ngil­luin­narsin­naavat: Jehovap nalaatatit tamaasa ilisimavai soqutigalutillu. (Mat 10:29-31; Pet 1. 5:6, 7) Aamma ima neriorsor­paatit: “Qiman­ngisaan­narlutillu imminiin­ngisaan­nas­savak­kit.” (Hebr 13:5) Atuk­katit neriunar­toqar­pasin­ngik­kaluar­tut Jehovap piner­tusaar­nis­san­nut ikiorsin­naavaatit. Juuserfi qanoq ikioraa sam­meriar­tigu.

9. Sumit erserpa Juuserfi par­naarus­saaq­qatil­lugu Jehovap najoraa? (Mosesimik 1. 39:21-23)

⁹ Mosesimik 1. 39:21-23 atuakkit. Juuserfi annikil­lior­nar­tumik par­naarus­saaq­qanerata nalaani Jehovap ikior­paa. Qanoq? Pif­fis­sap ingerlanerani par­naarus­siviup naalagaata Juuserfi tatigilerlugulu ataq­qiler­paa par­naarus­sanullu allanut akisus­saasun­ngor­til­lugu. Biibilimi allas­simavoq Juuserfimut ‘sulias­siis­sutaasut tamaasa par­naarus­siviup naalagaata isumagisariaaruk­kai’. Juuserfi taamaalil­luni allamut saasaatigisin­naasaminik sulias­saqaler­poq. Allan­nguineq tamanna ilimagineqan­ngil­luin­nar­poq! Par­naarus­saq kun­ngip paarsisuisa naalagaata nulianik arneriniar­tutut unnerluus­saq qanoq tatigisaasutut atorfeqalersin­naagami? Nas­suiaatis­satuaqar­poq. Biibilimi allas­simavoq Jehovap Juuserfi ‘najoraa suliarisaanillu iluatsitsisit­tarlugu’.

10. Sooq Juuserfi sutigut tamatigut iluatsil­luar­tutut misigigunan­ngila?

¹⁰ Juuserfi qanoq misigisimanersoq eqqarsaatigeq­qeriaruk. Eqqun­ngitsumik unnerluus­saal­lunilu par­naarus­saanermini sutigut tamatigut iluatsil­luar­tutut misigisimas­sasoraajuk? Juuserfip suna kis­saatiginer­paavaa? Par­naarus­siviup naalagaanit nuan­narineqaler­nis­sani? Ilimanar­neruvoq Juuserfip par­naarus­saaq­qajun­naar­nis­sani kis­saatigigaa. Allaat par­naarus­saaqatini iperagaalersoq qin­nuigaa par­naarus­sivim­mit tujorminar­tumit anisitaasin­naaq­qul­luni Faaruumut eqqar­tus­sagaani. (Mos 1. 40:14) Angutilli taas­suma Faaruumut ingerlaan­naq eqqar­tun­ngilaa.  Kingunerisaanik Juuserfi suli ukiuni marlunni par­naarus­saaq­qavoq. (Mos 1. 40:23; 41:1, 14) Taamaat­torli Jehovap Juuserfi ‘iluatsitsisip­paa’. Qanoq?

11. Jehovap Juuserfi qanoq pigin­naaniler­paa, taman­nalu Jehovap siuner­taanik qanoq naam­mas­sitseqataava?

¹¹ Juuserfip par­naarus­saaq­qanerani Jehovap Faaruu eqqis­siun­naarutigisaanik marloriarluni sin­nat­tor­tip­paa. Faaruup sin­nat­tumi isumaat paaserusungaar­pai. Taamaat­tumik Juuserfi sin­nat­tunik nas­suiaasin­naasoq paasigamiuk aatip­paa. Jehovap ikiuineratigut Juuserfip sin­nat­tut nas­suiarlugillu Faaruup tupigusuutigisaanik siun­nersor­paa. Faaruup takugamiuk Jehovap Juuserfi najoraa Egyptenimi inuus­sutis­sanik nak­kutil­liisun­ngor­tip­paa. (Mos 1. 41:38, 41-44) Kingusin­nerusuk­kut Egyptenimi Kaanaanimilu, nunami Juuserfip ilaqutaasa najugaqarfianni, kaan­nersuaqaler­poq. Juuserfip ilaqut­tani annaas­sin­naan­ngor­pai taamaalil­lunilu Mis­siarsimut siuaajusus­sat aniguisil­lugit.

12. Jehovap qanoq Juuserfi iluatsil­luar­tip­paa?

¹² Juuserfip inuunermini nalaatai eqqarsaatigeriak­kit. Kiap isumagaa Juuserfip inus­siaataan­naasup Potifarimit maluginiar­neqar­nera? Kiap Juuserfi par­naarus­saq nikanar­toq par­naarus­siviup naalagaanut nuan­narisarilersip­paa? Kiap Faaruu eqqis­siun­naarutigisaanik sin­nat­tor­tip­paa, aamma kiap Juuserfi nas­suiaasin­naatip­paa? Kiap Faaruu Juuserfimik Egyptenimi nerisas­sanik nak­kutil­liisun­ngor­titsinis­samut kajumis­suseqalersip­paa? (Mos 1. 45:5) Ersarip­poq Jehovap Juuserfi sutigut tamatigut iluatsil­luar­tik­kaa. Juuserfi qatan­ngutiminit toqun­niar­neqaraluar­toq Jehovap piumasani naam­mas­siniarlugu pis­sutsit allan­ngor­tip­pai.

13. Nalaatagut tamaasa Jehovap aqut­tar­pai? Nas­suiaruk.

¹³ Juuserfimik oqalut­tuaq qanoq ilin­niarfigaar­put? Jehova nalaatatsin­nut tamanut akuliut­tarpa? Naamik, imaan­ngilaq ajor­tumik nalaatagut ilin­niutiginias­sagatsigit taamaat­tus­saan­naasut. Jehovammi inuunitsinni pisut tamaasa aqun­neq ajor­pai. (Oqal 8:9;  Jaak 4:13, 14) Unali ilisimavar­put: Misilin­neqaraangatta Jehovap tamanna ilisimasar­paa ikioq­qul­lutalu qin­nutigut tusar­naarlugit. (Tuss 34:16; 55:23; Es 59:1) Aam­mat­taarli Jehovap artor­nar­torsior­nitsinni piner­tusaarsin­naaq­qul­luta ikiorsin­naavaatigut. Qanoq?

14. Artor­nar­torsior­nitsinni Jehovap qanoq ikior­tar­paatigut?

¹⁴ Jehovap ikiueriaasiisa ilagaat amerlaner­tigut pisariaqar­titsiner­paaf­fitsinni tup­pal­lersaasar­nera tapersersuisar­neralu. (Kor 2. 1:3, 4) Qatan­ngutip angutip Ezizimik atil­lip, Turkmenistanimi ukiuni marlunni upper­nini pis­sutigalugu par­naarus­sas­san­ngor­tin­neqar­tup, tamanna misigaa. Ima oqalut­tuar­poq: “Eqqar­tuus­sinis­saq ullaagaa qatan­ngutip angutip Esaja 30:15 takutip­paa. Tas­sani ima allas­simavoq: ‘Unin­ngaan­narussi aarleq­quteqar­nasilu tamanna nakuus­sutigis­savarsi.’ Allas­simaf­fik taanna eqqis­sisimaan­nar­nis­san­nut Jehovamillu sutigut tamatigut tatigin­nin­nis­samut iluaqutigaara. Allas­simaf­fiup eqqarsaatigeq­qis­saar­tar­nera par­naarus­saaq­qanera tamaat iluaqutigaara.” Inuuninni pisariaqar­titsiner­paaf­fip­pit nalaani Jehovap tapersersorlutillu tup­pal­lersaraatit misiginikuuiuk?

15-16. Torip misigisaa qanoq ilin­niarfigaajuk?

¹⁵ Ilaan­nik­kut artor­nar­tunik nalaataqareer­nitta kingorna aatsaat paasiler­tar­par­put qanoq piner­tusaar­nis­satsin­nut Jehovap ikiorsimagaatigut. Qatan­ngutip arnap Torimik atil­lip tamatuma ilumoor­nera misigaa. Ernera, Mason, ukiuni arfinilinni kræftimut akiuutereerluni toquvoq. Tori aliasungaar­poq. Ima oqar­poq: “Takorloorsin­naan­ngilara uan­nut anaanatut anner­nar­nerusumik pisoqarsin­naanera.” Ima nangip­poq: “Angajoq­qaat  allat isumaqatigis­sagunar­paan­nga qitor­nat naal­liut­toq takul­lugu nam­mineq naal­liun­nermiit ajor­nerusoq.”

¹⁶ Misilin­neqaat alianangaaraluar­toq Torip tamanna naam­magalugu atorsin­naanias­sagamiuk Jehovamit qanoq ikior­neqarsimanini kingusin­nerusuk­kut eqqarsaatigaa. Ima oqar­poq: “Kingumut qiviaraangama ernerma nap­parsimanerani Jehovap asan­nil­luni isumas­suisimanera takusin­naavara. Assersuutigalugu Mason perulun­nini pis­sutigalugu pulaar­toqarsin­naan­ngik­kaluar­toq qatan­ngutit angutit arnallu nap­parsim­mavim­mukar­niarlutik akun­nerit marluk biiler­tar­put. Anner­toq­qusersuerusut­tunik utaq­qisarfim­miit­toqar­tuaan­nar­poq. Aamma timik­kut pisariaqar­titatsin­nik isumagineqar­tar­pugut. Allaat pif­fis­sap ajor­ner­paaf­fiani amigaateqan­ngisaan­nar­pugut.” Tori Masonilu piner­tusaar­nias­sam­mata Jehovap pisariaqar­titaan­nik isumas­sor­pai. – Ungalusaq “ Jehovap pisariaqar­til­luin­nak­katsin­nik tunivaatigut” takuuk.

17-18. Misilin­neqar­til­luta Jehovamit anner­toq­qusersor­neqar­ner­put qanoq takusin­naal­lugulu qujamasuutigisin­naavar­put? (Tus­siaat 40:6)

¹⁷ Tussiaat 40:6 atuaruk. Qaq­qasior­tar­tup qaq­qap por­tunersaanut qaqinis­sani anguniagarisar­paa. Qum­mukar­til­lunili unilaar­tarsin­naavoq isik­kivillu kusanar­toq isigin­naarlugu. Taamatut­taaq artor­nar­torsior­ninni Jehovap qanoq iluatsisit­taraatit unikaal­lal­lutit eqqarsaatigisaruk. Ullup naanerani uku eqqarsaatigisak­kit: ‘Ullumi Jehovap pil­luaq­qusisimanera sutigut takuara? Suli ajor­nar­torsioraluarlunga piner­tusaar­nias­sagama Jehovap qanoq ikior­paanga?’ Jehovap ikiorumal­lutit iliuusaa ataaserluun­niit eqqarsaatigisin­naavat.

¹⁸ Imaas­sin­naavoq misilin­neqaativit taamaatin­nis­saa qin­nutigisimagit. Tamanna paasinarlunilu tul­luar­poq. (Flp 4:6) Pil­luaq­qus­sutilli maanna misigisagut arajutsis­san­ngilagut. Jehovammi neriorsor­paatigut nakus­satsil­lutalu pinertusaar­nis­satsinnut ikiorusul­luta. Jehovamit tapersersor­neqar­nerit qujamasuutigiuaruk. Taamaalioruit allaat misilin­neqar­nermi Jehovap qanoq iluatsisit­taraatit paasis­savat, soorlu Juuserfi iluatsisil­luar­tis­simagaa. – Mos 1. 41:51, 52.