1-2. (a) Jiisusip inuunera kif­far­tor­neralu eqqarsaatigigaangatsigit qanoq misigisar­pugut? (b) Allaaserisami matumani suna sam­mis­savar­put?

 ASASATSIN­NIK toquk­kut annaasaqaraangatta taanna maqaasingaar­tar­par­put! Ullut inuuf­figisai kingul­liit eqqarsaatigigaangatsigit anniaatigingaar­tar­par­put, ingam­mik asasar­put toqungitsiar­nermini anniarsimap­pat. Pif­fis­salli ingerlanerani asasatta uagutsin­nut ilin­niar­tis­simasai imaluun­niit iliuusai oqaasiilu tup­pal­lersaataasut uagutsin­nul­luun­niit qungujutsitsisut eqqarsaatigigaangatsigit nuan­naar­neq misigiar­toq­qiler­tar­par­put.

² Taamatut­taaq Jiisusip naal­liun­nera toquneralu pil­lugit atuaraangatta aliasut­tar­pugut. Jiisusip pil­liutaa qanoq naleqangaar­tigisoq ingam­mik eqqaaniaanerup nalaani eqqarsaatigeq­qis­saar­tar­par­put. (Kor 1. 11:24, 25) Jiisusilli nunarsuarmiik­kal­larami oqaasii iliuusiilu eqqarsaatigigaangatsigit nuan­naarutigingaar­tar­pagut. Aamma maanna iliuusii siunis­samilu iliuuseriumaagai eqqarsaatigigaangatsigit tup­pal­lersaatigisar­pagut. Taak­kua uagutsin­nullu asan­nin­nerata eqqarsaatigeq­qis­saar­tar­nis­saat qujamasun­nermik ersersitsinis­samut kajumis­sis­sutigaar­put. Qujamasun­ner­put assigiin­ngitsutigut qanoq ersersis­sin­naanerip­put allaaserisami matumani sam­mis­savar­put.

3. Sooq uter­titsis­sutitut akiliut qujamasuutigaar­put?

³ Jiisusip inuunera toquneralu eqqarsaatigigaangatsigit qujamasut­tar­pugut. Nunarsuarmi kif­far­tor­til­luni Guutip kun­ngeqarfiata  atuutilersitas­sai nuan­nersut pil­lugit Jiisusi ilin­niar­titsisar­poq. Ilin­niar­titsis­sutigisai taakku qujamasuutigingaar­pagut. Uter­titsis­sutitut akiliut pis­sutigalugu Jehovamut Jiisusimullu qanimut ikin­ngutaalersin­naagatta qujamasuutigaar­put. Jiisusimut upper­tut aamma naas­saan­ngitsumik inuunis­saq asasamillu toqusimasut takoq­qin­nis­saat neriuutigaat. (Joh 5:28, 29; Rom 6:23) Pil­luaq­qus­sutit taak­kua pinis­saan­nut pisus­saatitaan­ngik­kaluar­pugut; Guutip Kristusillu uagut pil­luta iliuuserisaat uter­titsil­luta akilersin­naan­ngilagut. (Rom 5:8, 20, 21) Qujamasungaar­ner­pulli ersersis­sin­naavar­put. Qanoq?

4. Mariiap Mat­taliip qanoq ersersip­paa Jiisusimit ikior­neqar­nini qujamasuutigalugu? (Assiliaq takuuk).

⁴ Arnap juutiusup Mariia Mat­taliim­mik atil­lip maligas­siaa eqqarsaatigeriaruk. Anersaapilun­nit arfineq-marlun­nit naal­liutsin­neqarami ikior­tis­saqan­ngitsutut misigisimas­saaq. Jiisusimit anersaapiloqarun­naarsin­neqarami qanoq qujamasutsigisimas­sasoq takorlooruk. Qujamasun­nini kil­lin­neqaatigalugu Jiisusimik malin­nit­tun­ngor­poq, pif­fis­sani, nukini pigisanilu Jiisusip kif­far­tor­nerani tapersersorumal­lugu ator­pai. (Luk 8:1-3) Jiisusimit ikior­neqar­nini qujamasuutigigaluarlugu ilisimagunan­ngilaa Jiisusip annerungaar­tumik iliuuseqarumaar­nera. Inuunini inuit pil­lugit tun­niut­tus­saavaa ‘kinaluun­niit taas­sumun­nga upper­toq naas­saan­ngitsumik inooq­qul­lugu’. (Joh 3:16) Taamaat­torli Mariiap Jiisusimik ilumoorfigin­nin­nermigut qujamasun­nini ersersip­paa. Jiisusi asagamiuk nikorfaqatinilu tup­pal­lersarusuk­kamigit Jiisusi naal­liul­luni qisummi nivingatil­lugu Mariia ungasin­ngitsuaniip­poq. (Joh 19:25) Jiisusip toqunerata kingorna Mariia arnallu allat marluk tipigis­saatinik Jiisusip timaanut kuisas­sanik ilivermut nas­sar­put. (Mak 16:1, 2) Mariia ilumoorfigin­nik­kami ajun­ngisaarfigineqangaar­poq. Jiisusimmi makititaareer­nermi kingorna Mariia  naapip­paa oqaloqatigalugulu, ilin­niar­titallu ikit­tuin­naat taama periarfis­saqar­put. – Joh 20:11-18.

5. Qanoq takutis­sin­naavar­put Jehovap Jiisusillu uagut pil­luta iliuuserisar­pas­sui qujamasuutigalugit?

⁵ Aamma uagut pif­fis­satta, nukitta aningaasaatit­talu Jehovamut kif­far­tor­nermut ator­nerisigut takutis­sin­naavar­put Jehovap Jiisusillu uagut pil­luta iliuuserisar­pas­sui qujamasuutigalugit. Assersuutigalugu ataatsimiit­tarfitsin­nik sanaar­toqataal­lutalu aserfal­latsaaliueqataasin­naavugut.

6. Sooq oqarsin­naavugut uter­titsis­sutitut akiliut uagutsin­nut inut­tut ataasiak­kaatut tunis­sutaasoq?

⁶ Jehovap Jiisusillu qanoq asatigigaatigut eqqarsaatigigaangatsigu taak­kua asanis­saan­nut kil­lin­neqar­tar­pugut. (Joh 1. 4:10, 19) Annermik asaneruler­tar­pagut paasigaangatsigu Jiisusi uagor­piaq pil­luta toqusoq. Apustilip Paulusip tamanna paasivaa, qujamasun­ninilu ersersip­paa Galaatiamiunut ima allak­kami: ‘Guutip ernera, uannik asan­nip­poq uangalu pillunga imminut pil­liutigaluni.’ (Gal 2:20) Uter­titsis­sutitut akiliut pis­sutigalugu Jehovap imminut qanil­lisip­paatit ikin­ngutiginias­sagakku. (Joh 6:44) Jehovap ilinni ajun­ngitsoq takugamiuk ikin­ngutigiler­niaraatit akisuner­paamillu pisiarisimagaatit nalunagu qamuuna kis­saam­mis­sutigisar­pat, ilaa? Jehova Jiisusilu asaneruler­tar­patit, ilaa? Taamaat­tumik una eqqarsaatigisas­saavoq: ‘Asan­nin­nera sunis­samut kajumis­sis­sutigis­savara?’

7. Assimi takutin­neqar­tutut tamatta qanoq ersersis­sin­naavar­put Jehova Jiisusilu asal­lugit? (Korintimiunut 2. 5:14, 15; 6:1, 2)

⁷ Guutimik Kristusimillu asan­nin­ner­put inuit allat asanis­saan­nut kajumis­sis­sutigaar­put. (Korintimiunut 2. 5:14, 15; 6:1, 2 atuakkit). Asan­nin­ner­put ilaatigut ersersit­tar­par­put aal­lus­sil­luarluta  kik­kun­nut tamanut oqaluus­seqataasar­nik­kut. Naapitar­put sumiuunera naggueqatigiin­nillu sumin­ngaan­neer­nera apeq­qutaatin­nagit oqaloqatigerusut­tar­par­put. Aamma naapitagut tamaasa – pisuut, ilin­niagaqarsimasut, pis­sakil­lior­tut ilin­niagaqarsiman­ngitsullu – oqaloqatiginiar­tar­pagut. Taamaalil­luta Jehovap piumasaatut ilior­tar­pugut, “piumasaraami inuit tamalaat annaan­neqarlutillu ilumoor­toq pil­lugu eqqoq­qis­saar­tumik paasisimasaqalis­sasut”. – Tim 1. 2:4.

8. Qanoq ersersis­sin­naavar­put qatan­ngutigut asal­lugit?

⁸ Aamma qatan­ngutitta asanerisigut ersersit­tar­par­put Guuti Kristusilu asal­lugit. (Joh 1. 4:21) Qatan­ngutigut soqutigalugillu misilin­neqar­neranni ikior­tar­pagut. Asasamik annaasaqar­tut tup­pal­lersar­tar­pagut, nap­parsimasut pulaar­tar­pagut nikal­lungasullu sapin­ngisar­put tamaat qiim­mas­sar­niar­tarlugit. (Kor 2. 1:3-7; Tes 1. 5:11, 14) ‘Naaper­tuil­luar­tup qaman­nga pisumik qin­nutaa sun­niuteqangaar­tar­toq’ nalun­ngin­natsigu qin­nut­tuar­pagut. – Jaak 5:16.

9. Qanoq allatigut ersersis­sin­naavar­put qatan­ngutigut asal­lugit?

⁹ Aamma qatan­ngutigut asal­lugit ersersit­tar­par­put eqqis­seqatiginiarsarinerisigut. Jehovap isumak­keerfigin­nit­tar­nerata ilaar­nis­saa ilungersuutigaar­put. Ajor­tuliagut pis­sutigalugit Jehovap ernermi toqunis­saa akuerisin­naap­pagu qatan­ngutigut uagutsin­nut ajor­tulioraangata isumak­keerfigerusus­san­ngin­ner­pagut? Inus­siaq ajor­toq Jiisusip assersuusiaa assigerusun­ngilar­put. Akiitsor­pas­suarminik kun­ngimit isumak­keer­neqaraluarluni inus­siaqatini annikitsumik akiitsulik isumak­keerfigerusun­ngilaa. (Mat 18:23-35) Ilagiinni arlaanni qatan­ngullu aaq­qiagiin­ngis­suteqarussi eqqaaniaanerup siorna eqqis­seqateqar­nis­san­nut siul­liul­lutit iliuuseqarsin­naavit? (Mat 5:23, 24) Taamaalior­nik­kut takutis­savat Jehova Jiisusilu asangaarlugit.

10-11. Utoq­qaaner­tat qanoq ersersis­sin­naavaat Jehova Jiisusilu asal­lugit? (Petrusimit 1. 5:1, 2)

¹⁰ Utoq­qaaner­tat qanoq ersersis­sin­naavaat Jehova Jiisusilu asal­lugit? Jiisusip savaataasa pisariaqar­titaan­nik isumas­suineq asan­nit­tulior­neruvoq pingaarutilik. (Petrusimit 1. 5:1, 2 atuakkit). Tamanna Jiisusip apustilimut Petrusimut erseq­qis­sar­paa. Jiisusi pingasoriarluni miserratigereerlugu Petrusip asal­lugu ersersik­kusungaarsimas­savaa. Jiisusip makititaanermi kingorna Petrusi aperaa: “Siimuut, Johan­nesip ernera, asavinga?” Petrusip asan­nin­nini ersersik­kusungaaramiuk qanorluun­niit iliuuseqarusus­sin­naasoq takorloorsin­naavar­put. Jiisusip Petrusi oqarfigaa: “Savaaraatin­nik paarsisuugit.” (Joh 21:15-17) Inuunermilu sin­nera Naalak­kap savaataasa asan­nil­luni paarinerisigut Petrusip upper­narsar­paa Jiisusi asal­lugu.

¹¹ Utoq­qaaner­taasusi, eqqaaniaanerup nalaani qanoq takutis­sin­naavisiuk Jiisusip Petrusimut oqaasii pingaar­til­lugit? Paarsisutut pulaar­tar­nik­kut unit­tooq­qasullu Jehovamut uter­nis­saan­nik ikior­niarlugit immik­kut ittumik iliuuseqar­nik­kut Jehova Jiisusilu qanoq asatigalugit takutis­sin­naavarsi. (Ez 34:11, 12) Aamma Biibilimik ilin­niar­tut soqutigin­nit­tullu allat eqqaaniaaqataasut soqutigalugit oqaloqatigisin­naavasi. Jiisusimut malin­nit­tun­ngor­nis­saat kis­saatiginarmat tikil­luaq­qusaasutut misigitik­kusup­pagut.

12. Unnuk­kut toqussi aqagut­toq Jiisusip oqaasii sooq sapiis­suseqalis­sutigaagut? (Johan­nesi 16:32, 33)

¹² Unnuk­kut toqussi aqagut­toq Jiisusip ilin­niar­titani ima oqarfigai: “Inun­nit annikil­lior­tin­neqar­tas­saasi, sapiitsuugitsili!  Inuit akerlilersor­tikka ajugaaf­figereer­pakka.” (Johannesi 16:32, 33 atuakkit). Jiisusi akerlilersor­timinit sioorasaar­neqarami qanoq sapiis­sin­naava toqus­silu tikil­lugu aalajaal­luni? Jehova anner­toq­qutigigamiuk. Ilin­niar­titani aamma misilin­neqarumaar­tut ilisimagamiuk Jiisusip Jehova qin­nuigaa taakku ser­nis­soq­qul­lugit. (Joh 17:11) Sooq tamanna sapiis­suseqalis­sutigaar­put? Jehova uagutsin­nut akeraasunit sunit tamanit nukit­tuner­paajum­mat. (Joh 1. 4:4) Jehovap suut tamaasa isigai. Qularutigin­ngil­luin­nar­par­put Jehova tatigigutsigu sapiitsuul­lutalu siooras­sutigut ajugaaf­figisin­naagigut.

13. Juuserfi Arimatiiamiu qanoq sapiis­suseqarpa?

¹³ Juuserfi Arimatiiamiu eqqarsaatigeriaruk. Juutit eqqar­tuus­siviisa qul­lersaan­nut ilaasor­taagami juutinit ataq­qineqangaar­poq. Jiisusilli nunami kif­far­tor­nerata nalaani Juuserfi sapiitsuun­ngilaq. Johan­nesi allap­poq ‘juutinut qununini pis­sutigalugu iser­torluni Jiisusimut ilin­niar­titaasoq’. (Joh 19:38) Juuserfip Kun­ngeqarfik pil­lugu tusarlius­saq soqutigigaluarlugu allanut iser­tor­paa Jiisusi upperalugu. Ilin­niar­titaanini ilisimaneqaler­pat inun­nit ataq­qineqarun­naar­nis­sani annilaan­ngatigigunar­paa. Biibilimili allas­simavoq Jiisusip toqunerata kingorna Juuserfi ‘sapiiserluni Pilaatusimukar­toq aperalugulu Jiisusip timaa ilisin­naanerlugu’. (Mak 15:42, 43) Juuserfip ilin­niar­titaanini iser­tor­niarun­naar­paa.

14. Inun­nik qunugisaqaruit qanoq ilius­savit?

¹⁴ Juuserfip inun­nik qunugisaqar­nera paasisin­naaviuk? Jehovamik Nalunaajaasuuner­pit atuaqatin­nut suleqatin­nul­luun­niit oqaatiginis­saa ilaan­nik­kut kan­ngusuutigisar­piuk? Allat qanoq isumaqarfigineraatsit isumakuluutigigakku oqaluus­sisar­tun­ngor­nis­sat imaluun­niit imermut morsutsitaanis­sat nangaas­sutigisar­piuk? Taamatut misiginerit pis­sutigiin­narlugu eqqor­tulior­nis­sat pin­ngitsoor­teqinagu. Jehovamut qaman­nga pisumik qinusarit. Piumasaatut iliorumal­lutit sapiitsuunis­sat qin­nutigisaruk. Jehovap qin­nutitit akisarai paasigaangakku nukit­tunerulerlutillu sapiin­nerulersin­naavutit. – Es 41:10, 13. 

15. Jiisusip ilin­niar­titaminut saq­qum­mer­nerata kingorna nuan­naar­ner­tik sunis­samut kajumis­sis­sutigaat? (Luk­karsi 24:52, 53)

¹⁵ Jiisusi toqum­mat ilin­niar­titai aliasungaar­put. Takorluulaariaruk, ikin­nguter­tik asasar­tik annaagin­nar­nagu misigip­put neriuutaarul­lutik. (Luk 24:17-21) Jiisusili taak­kunun­nga  saq­qum­merami Biibilimi siulit­tuutinik eqquutititseqataanini taak­kunun­nga nas­suiar­paa. Aamma pingaarutilim­mik sulias­sip­pai. (Luk 24:26, 27, 45-48) Ullut 40-t qaangium­mata Jiisusi qilaliar­tus­san­ngormat ilin­niar­titai aliasuk­kun­naarlutik nuan­naangaar­put. Jiisusi inuusoq sulias­sin­neqar­nermin­nilu ikiueriaan­naasoq nuan­naarutigeqaat. Nuan­naar­ner­tillu Jehovap unnersiutigiuar­nis­saanut kajumis­sis­sutigaat. – Lukkarsi 24:52, 53 atuakkit; ApS 5:42.

16. Jiisusip ilin­niar­titai qanoq ilaarsin­naavagut?

¹⁶ Jiisusip ilin­niar­titai qanoq ilaarsin­naavagut? Eqqaaniaanerup nalaaniin­naan­ngitsoq aam­mali ukioq tamaat Jehovamik guutisior­ner­put nuan­naarutigisin­naavar­put. Taamaaliorumal­luta Guutip kun­ngeqarfia inuunitsinni sal­liut­tariaqar­par­put. Assersuutigalugu qatan­nguter­pas­suit oqaluus­seqataajumal­lutik, ataatsimeeqataajumal­lutik ilaqutariit­tullu Biibilimik misis­sueqatigiik­kumal­lutik pif­fis­sar­tik sulinermut ator­tagar­tik allan­ngor­tis­simavaat. Ilaat ilagiinni ikiuutaajumal­lutik imaluun­niit oqaluus­sisar­tunik pisariaqar­titsif­fiusumi kif­far­torumal­lutik allat pisariaqar­tutut isigisaat pisiariniar­nagit aalajangersimap­put. Kif­far­tor­tuarumal­luta piner­tusaar­tariaqaraluar­tugut Jehova neriorsuivoq Kun­ngeqarfim­mik sal­liutitsigutta pil­luaq­qujumaarluta. – Uss 10:22; Mat 6:32, 33.

17. Eqqaaniaanerup nalaani sunis­sat aalajangiusimaviuk? (Asseq takuuk).

¹⁷ Marlun­ngor­nermi apriilip sisamaanni eqqaaniaaqataanis­sar­put qilanaaraar­put. Imaan­ngilarli Jiisusip Jehovallu qanoq asan­nit­tuliorfigisimagaatigut Jiisusillu inuunera toquneralu aatsaat ulloq taanna eqqarsaatigisas­sagigut. Eqqaaniaanerup nalaani, tassa sapaatit-akun­nerini siorna kingor­nalu, sapin­ngisan­nik eqqarsaatiginiar­tak­kit. Assersuutigalugu Guutip oqaasianik misissueqqissaarut, immik­koor­toq 16 “Jiisusip nunami ullui kingul­liit” misis­sor­nis­saat eqqarsaatigeq­qis­saar­nis­saallu pif­fis­saqarfigisaruk. Taamaalior­til­lutit allas­simaf­fiit qujamasun­nerulis­sutigisatit, asan­nin­nin­nut nakus­satsis­sutaasin­naasut, sapiil­lis­sutigisin­naasatit nuan­naar­nerulis­sutigisin­naasatillu misis­sor­tak­kit. Aamma eqqarsaatigisaruk qujamasungaar­nerit qanor­piaq ersersis­sin­naanerlugu. Qularis­san­ngilat eqqaaniaanermut atatil­lugu iliuutsitit tamaasa Jiisusip pingaar­tis­sagai. – Saqq 2:19.