Olom r’anhịr dị torobọ aḍiroọr robạl ghan eniin emhuoghaạph ilọ idị emiteghunhaan Bugbaanhaạn AZihova uḅẹm mọ: “Yoor umhoọgh ghan ni iboom ibo r’okparamhị mem dị yoor aạl rumhuoghaạph phọ iphẹn phọ! Yoor umhiịn mọ yoor kẹn kotue aani ni opamanhạm omheeraam mọ ayoor etigheri torobọ adọl.” Oniin umaranhi alhoghoma aani ni kẹn eniin phọ eten phọ, odị aḅẹm mọ: “Arumhuoghaạph phọ iphẹn phọ ekạr kụ rekparamhị ghan, retir ghan ekpom kụ enyu oye phọ oḍighi iyaạr omiteom. Abumor r’abumaranhi phọ abuphẹ phọ ukạr kụ omhoọgh ogbaanyạn r’ekol siphẹ aghuḍum mọ abidị. Adọl aghuḍum mọ abidị inyu ni imhị obughẹ arukumuan phọ amhị epẹ erugh phọ ḅilhẹ rolhoghonhaạn aḍighaạgh ibạm anmụny phọ amhị ophighi aḍiigbu osighẹ oomo aghuḍum abidị okumu ongọ aZihova.”

Arumhuoghaạph phọ iphẹn phọ ketue ni inyu iyira obughẹ arukumuan phọ ayira epẹ erugh phọ ḅilhẹ r’ophorogh imạ asiigbu, okpạr opu asidugh ayira, ḅilhẹ r’oghị aghisigh okparạm igbagarạ igbiphoghọm r’ibo ḅilhẹ r’eghuan. Nạ kamiịn ḍighen rumhuoghaạph phọ iphẹn phọ?

• Wạ sikoọl arumhuoghaạph phọ “Idị Emiteghunhaan Bugbaanhaạn AZihova” siphẹ jw.org.

• Wạ “Life Stories of Jehovah’s Witnesses” siphẹ Watchtower ONLINE LIBRARY^™ obobọ Watchtower Library.