Aniaan bian kun nin yi mɔ be kanngan aniaan’m be su ndɛ nun nglɛmun kwlakwla’n be seli kɛ: “Aniaan’m be su ndɛ sɔ’m be yo e fɛ kpa yɛ be wla e fanngan! Be su ndɛ’n kle kɛ kannzɛ sa nga be o e su’n be ti sɛ ti sɛ’n, e kwla su Zoova kpa titi.” Aniaan bla kun m’ɔ yo like kunngba’n seli kɛ: “Aniaan’m be su ndɛ sɔ’m be wluwlu min wun dan yɛ be wla min fanngan. Afin be wun i wlɛ kɛ be nunman mɛn’n nun sa ngbɛn yɛ be lafi like kpa kun su. Be su ndɛ’n uka min naan m’an bo jasin fɛ’n i juejue su. Kpɛkun ɔ uka min naan m’an wla min mma’m be fanngan kɛ be fa be wun be wlɛ i blɛ kwlaa nun Ɲanmiɛn junman dilɛ’n nun.”

Aniaan’m be su ndɛ’n kwla e uka e naan y’a di Zoova i junman’n i kpa y’a tra laa’n. Asa’n, be uka e naan y’a wla ayeliɛ wie’m be ase, naan y’a jran e su sa’m be ɲrun kekle. ?Nin yɛ e kwla wun aniaan’m be su ndɛ sɔ mun-ɔn?

• Kɔ jw.org su annzɛ kɔ Watchtower ƐNTƐNƐTI SU FLUWA SIEWLƐ su.