Ariñagatiña aban feru maríeitiña ha héchubaña aliiha sagü binaafin abahüdaguni luáguti habagari wábirigu: “Ruti burí abahüdaguni le saragu ugundani luma dǘgüdaguaü woun. Haritaguagüda lumutiwa giñe gayara lan úaragua wamá lun Heowá lidan furumiñeguarügü lénrengunga”. Ariñagatu aban íbiri aban katei ítarati. Ariñagatu: “Chülüti abahüdaguni burí le tidoun nanigi ani ruti giñe dǘgüdaguaü nun. Gasuuniti habagari wábirigu. Adügati abahüdaguni le lun naganwoundagüdüni neseriwidun lidan ministeriu ani arufudahati nun ida luba lan níderaguniña nisaanigu lun hederegeruni habagari lun heseriwidun lun Heowá lidan dan dayarüti”.

Adügati abahüdaguni burí le lun gayara lan haganwoundagüdüni heseriwidun lun Heowá, lun méiguadun hamá lidoun hadebilin, lun hawanduni óuchawaguni lau ganigi luma lau ugundani. Halíaba san hadarirei sügǘ burí le?

• Áluaha humá lidan jw.org o lidan JW Library® catálogo de artículos belu humá lidoun “Biografías de testigos de Jehová”.

• Áluaha humá lidan BIBLIOTECA EN LÍNEA Watchtower o lidan Watchtower Library, belu humá lidoun “Biografías de testigos de Jehová”.