Jun kʼlaj qachʼalal ri ronojel nmaqʼaʼ nkiskʼij jun chkë ri peraj «Rukʼaslemal jun winäq» nkiʼij: «Ri ntzjöx chkipan re peraj reʼ kan nkikʼuqbʼaʼ qakʼuʼx chqä nkiʼän chë jaʼäl nqanaʼ. Nkinataj chqë chë xa bʼa achkë kʼayewal nqaqʼaxaj, röj chqä nqkowin ma nqayaʼ ta qa Jehová». Jun qachʼalal ixöq ke riʼ chqä jbʼaʼ nuquʼ. Ryä nuʼij: «Ri nkiʼij re peraj reʼ kan napon pa wan chqä nkikʼuqbʼaʼ nkʼuʼx. Re qachʼalal reʼ kan nqʼalajin chkij chë kʼo rma ye kʼäs. Ri nkitzjoj pä chriʼ, nkiʼän chë nwajoʼ nbʼän más chpan rusamaj Jehová chqä nkikʼüt chi nwäch achkë rubʼanik yentoʼ wal rchë nkiksaj kikʼaslemal chubʼanik ri rusamaj Jehová».

Ri peraj «Rukʼaslemal jun winäq» xkatkitoʼ rchë xtayaʼ chawäch naʼän jun samaj chpan rutinamit Jehová, rchë xtayaʼ qa jun naʼoj ri ma ütz ta kʼo awkʼë chqä rchë kan kiʼ akʼuʼx xkeʼaköchʼ ri kʼayewal. ¿Akuchï xkeʼawïl wä re peraj reʼ?

• Takanuj chpan jw.org o chpan JW Library® ri catálogo de artículos y katok chpan ri peraj «Biografías de testigos de Jehová».

• Chpan KIKʼOJLIBʼÄL WUJ PA INTERNET Watchtower^™, takanuj «Rukʼaslemal jun winäq».