Umwe lunga ni pwo waze akutanga sango ja ku mwono wa mandumbu ni mapangi hita chimene, yamba ngwo: “Sango jacho jakutwaha uwahililo ni kututakamisa. Jakutwiwulula nawa ngwo, ni yetu mutuhasa kushishika mu yipikalo yeswayo.” Umwe pangi yoze wakulivwa ngwe ayo neye yamba ngwenyi: “Sango ja ku mwono yapwa jipema chinji yakukwata ku mbunge. Mwono wa mandumbu ni mapangi jetu unazale too ni yuma yilemu. Sango jo jakungukwasa kulihana chinji mu mulimo wa kwambujola, jakungukwasa nawa kukolweza ana jami hanga alingile Yehova mu mulimo wa shimbu lieswe.”

Sango ja ku mwono mujihasa kukukwasa kulingila chinji Yehova, kukumba ulelu ni kunyongonona mu yeseko ni uwahililo ni ushishiko. Kuchi muhasa kuwana sango jacho?

• Hengwola yikuma “Sango ja ku Mwono ja Yela ja Yehova” ha jw.org hanji ha JW Library®.

• Fupa ha chikuma “Sango ja ku Mwono ja Yela ja Yehova” ha UTULIKILO WA MIKANDA HA INTERNET^™ hanji ha Watchtower Library.