Ès ou enmé li istwa a vi a frè é sè an nou ?

Chak maten, on frè é madanm a-y pran labitid li on awtik ki ka palé dè istwa a vi a on frè oben on sè. Mi sa yo di : « A pa ti ankourajé sé istwa-lasa ka ankourajé-nou é sa ka mèt onlo jwa an tchè an nou ! Sa ka fè-nou sonjé kè nou osi nou pé rété fidèl kèlkèswa sa ki té’é pé rivé-nou. » Sé sa ondòt sè ka pansé osi. Mi sa i maké : « Sé istwa-lasa ka touché tchè a-w é sa ka ba-w bon fòs. Vi a sé frè é sè lasa ni on sans. Istwa a yo ka ban-mwen anvi préché plis é an ka sèvi èvè sé istwa-lasa pou ba timoun an mwen anvi sèvi Jéova aplentan. »

Istwa a vi a frè é sè an nou pé ba-w fòs pou-w fè plis pou Jéova é pou-w rivé about a féblès a-w. Lè ou ka jwenn éprèv, sé istwa-lasa pé édé-w osi pou-w pé sa andiré èvè onlo jwa é pou-w pa mèt an tèt a-w kè ou pa ni pon valè. Ka pou-w fè pou-w touvé sé istwa-lasa ?

• Chèché « Istwa a tout on vi » adan BIBLIYOTÈK ANLÈ ENTÈWNÈT a Lawatchtower, asi Watchtower Library, oben asi jw.org.