Ene kà dóm nè va e bà ólò bugi nòòtẽ́ ea kil ló dùm nen buù deè lọ̀ọ̀le kọ́ọ̀: “Gbò nòòtẽ́í a síèi kpóó ló vaá naa kọọ̀ nyíéi á palàge ẹẹ! Bà náa kọ é nyimá kọọ̀ beele é láá bọ nagé ló dẹ̀lẹ̀ nyíé boo kèbá kọ̀láá kà dìtõ̀ò.” Ene kà vígà pábia ea beè bugi togó naa vó beè kọọ̀: “Gbò nòòtẽ́ ea kil ló dùm nen, ólò nvèèm nyíé gbàà vaá sièm kpóó ló. Dùm pá vígà págbálà nè pábiaí ié tóm̀ bùlà ea di nvée. Ba gbò nòòtẽ́ ólò sièm kpóó ló kọ ḿ kpáá bọ̀ọ̀vẹ̀ gbàà nà sìtóm kọ̀ kpẹ̀a nè ge nvèè bá nè pá nà nvín kọ bàá tú gè sí tóm nè Jìhóvà dénè tṍó naamá ba nu sẹ̀ẹ̀a sĩ́.”

Gbò nòòtẽ́ ea kil ló dùm nen é láá siè ni kpóó ló kọ ó tú gè fã̀ Jìhóvà naamá túá kà nú mm̀ o dùm, bé èlbá o ọ́ọ́-ọọ, ĩ̀ìmà tàvàlà ditõ̀ò, vaá ié ẹ́ẹ́-ẹẹ̀ nyíe. Ãàẽ ní eo é láá mòn gbò nòòtẽ́í ẽ́?

• Gbĩ́ “Gbò Nòòtẽ́ Ea Kil Ló Dùm Nen Níí Gbò Neǹ Ditõ̀ò Jìhóvà” ea di kè kẽè article series boo jw.org àbèè mm̀ JW Library®.

• Gbĩ́ “Gbò Nòòtẽ́ Ea Kil Ló Dùm Nen Níí Gbò Neǹ Ditõ̀ò Jìhóvà” mm̀ Watchtower ONLINE LIBRARY^™ àbèè Watchtower Library.