Jun i tomkinél axi in ujnám kin ajiy chudhél chudhél jun i biografía in uluw axéʼ: «Tu lej kanatbedhál ki ajiy jawaʼ in watʼamal an epchalchik. Tu tejwamédhanchal abal wawáʼ jayej i éjtowal ki áynanchij ki tʼojonchij a Jehová, belits max i tametnál jun i kʼibataláb». Kʼeʼat i epchal mimláb jayetsej in tsalpayal, jajáʼ in uluw: «Tin lej tólmiyal ku ajiy jawaʼ in watʼamal an epchalchik, in tʼajál abal ku atsʼaʼ kanat. Axéʼchik xi epchal in atsʼál yan i kulbetaláb kin tʼojonchij a Jehová. In tʼiplábil tin tólmiyal abal ku exlaʼ jantʼiniʼ ku tʼojonchij más a Jehová ani jayej abal ku exlaʼ jantʼiniʼ ku tólmiy u tsakámil abal ka utey más kʼal a Jehová».

Axéʼ xi biografías neʼets ti tólmiy ka exlaʼ jantʼiniʼ ka tʼojonchij más a Jehová. Jayej neʼets ti tólmiy abal yab ka jilaʼ ti ataʼ jun i kidháb leʼnomtaláb ani abal ka exlaʼ jantʼiniʼ ka tamétnaʼ jun i kʼibataláb ani kit kʼwajiy kulbél. ¿Juʼtáj ti neʼets ki elaʼ axéʼ xi biografías?

• Kʼwajat ti jw.org ani ban aplicación JW Library® ka niʼchij juʼtáj tin ulal catálogo de artículos ani talbél ka niʼchij juʼtáj tin ulal «Biografías de testigos de Jehová».

• Ban BIBLIOTECA TI INTERNET Watchtower o ban Watchtower Library, ka niʼchij juʼtáj tin ulal «Biografías de testigos de Jehová».