Kunnaw i kagian na magatawa nga mabbibbig tu tadday nga istoria na pattolay kada umma: “Magayayya anna mapagaram kami taw ira nga istoria! Iperaddam naw nikami nga awayya mi gapa i mabbalin tu matalo ta maski anni nga situasion.” Kunnatun gapa i mataga-tageno na tadday nga sister yatutta nitura na: “Makapabannay anna makatukkal ta futu yaw ira nga istoria. Makakkasta i pinangusan na wawwaragi tam ta ­pattoleda anna magayayya ira. Megafu ta ­istoria da ira, kayà ku nga mas mallallappo ta ministerio. Nakoffun gapa i istoria da ­tapenu mapagaram ku i ána ku nga pas­serbian si Jehova ta ngamin tiempo.”

Makoffun i istoria ira na pattolay tapenu makapannono ka tu goal ira ta passerbim kani Jehova, malabanammu i pakkafiammu ira, anna magayayya anna kalmadu ka maski nu egga ira i grabe nga kapurueba nga atta-­attammammu. Kunnasim malegan ­yatun ira nga istoria?

• Alegan i serye na artikulo nga “Istoria na Pattolay na Saksi ira ni Jehova” ta jw.org onu ta JW Library®.

• Alegan i “Istoria na Pattolay na Saksi ira ni Jehova” ta Watchtower ONLINE LIBRARY^™ onu ta Watchtower Library.