Mi pɔnɔɔ a lanɔ pilɛ veelu diomndaŋ idii o idii a sɔɔŋ yɔŋnaŋ puaapiliaa a ndepiliaa okɔɔ wa dimi aa: “Sɔɔŋ yɔŋnaŋndoŋ muŋ ke naa niŋ nyaaloo a kɔl dɛɛniaa tau! Miŋ loonuŋ naa maa, naa bɛɛ nɔla miŋ lo o tiindaŋ naa choo, mɛɛ mɛɛ sɔɔŋ komal naa.” Mi ndepilɛnɔ nɔ yiyaŋ pilɛ waa nuaa wo dimi aa: “Sɔɔŋ yɔŋnaŋndoŋ muŋ dɛɛniaa ya bɔɔ kɔllo. Miŋ pilaŋ ya kɔllo tau, nduyɛ miŋ tosa mi wa a kɔl kɛndɛ. Puaapiliaa a ndepiliaa nɔ saboo o yoomoo niŋ. Mi sɔɔŋ ndaŋ yɔŋnaŋndoŋ nyindu ya le mi chɔɔlu tosa tau o wali dimiaa yooŋgu kɛndɔɔ niŋ. Nduyɛ, miŋ mala ya le mi dɛɛniaa chuauwaa niaa le ma yɔŋguŋ o wali lɔɔlɔɔ Mɛlɛkaa niŋ.”

Sɔɔŋ yɔŋnaŋndoŋ luei naa yoomuaŋ le kpeleŋnda sɔvɛlaŋ kɛsioo a laŋ komallo, le dialuŋ naŋ vilɛiyoŋ chɔulabaa, a le tɔɔndaŋnda kala kalalaŋ biuwɔŋndo a kɔl kɛndɛ. Vɛɛ ŋ looku yɛ sɔɔŋ yɔŋnaŋndoŋ muŋ saalɔŋ?

• Tofa “Sɔɔŋ Yɔŋnaŋ Seiyaa Chɛhowaa.” Kɔ jw.org ɔɔ JW Library®.

• Tofa “Sɔɔŋ Yɔŋnaŋ Seiyaa Chɛhowaa.” Kɔ Naa Bandu Mɛŋgɛlaa kɛsi Yaulaŋ O INTANƐTIIYO CHOO WA ɔɔ Watchtower Library.