ကီးဂီၤဒဲးန့ၣ်​ ပှၤဒီမိၢ်ဝၤ​ခံဂၤ ဖးဝဲ တၢ်အိၣ်မူ တၢ်လဲၤခီဖျိ​အဂ့ၢ်. အဝဲသ့ၣ်​ တဲဝဲလၢ “တၢ်လဲၤခီဖျိ လၢ​ပဖး​​ဘၣ်​တဖၣ်အံၤန့ၣ်​ ပ​ဖး​မုာ်မး ဒီး​အဟ့ၣ်ဂံၢ်ဟ့ၣ်ဘါ​ပှၤ ဖးအါညါ. လၢ​တၢ်လဲၤခီဖျိ​တဖၣ်အံၤန့ၣ်​ ပ​မၤလိ​​ဘၣ်​လၢ တၢ်အိၣ်သး​မ့ၢ်​အိၣ်​ ဒ်လဲၣ်​ဒ်လဲၣ်​နာ်က့ ပဝဲစ့ၢ်ကီး ပ​အိၣ်ဒီး​တၢ်သးတီ​သ့.” ဒီပုၢ်ဝဲၢ်မုၣ်​ အဂၤ​တဂၤ စ့ၢ်ကီး တဲဝဲလၢ “တၢ်အိၣ်မူ တၢ်လဲၤခီဖျိတဖၣ်အံၤ မၤမုာ်ထီၣ်​ယ​သး, မၤဆူၣ်ထီၣ်​ယ​သး ဒီး​ဟ့ၣ်ဂံၢ်ဟ့ၣ်ဘါ​ယၤ အါမး. ပ​ဒီပုၢ်ဝဲၢ်မုၣ်ခွါတဖၣ်​ အတၢ်အိၣ်မူ​န့ၣ်​ ကဲဘျုး​ဒိၣ်မး ဒီး​အဝဲသ့ၣ်​ အိၣ်မူ​​ဝဲ​ဒ်သိးဒီး ကစၢ်ယွၤ​အတၢ်ဘၣ်သး. အဝဲသ့ၣ်​ အတၢ်လဲၤခီဖျိန့ၣ်​ မၤစၢၤ​ယၤ​လၢ ယ​ကဘၣ်သး ဟး​စံၣ်တဲၤတဲလီၤတၢ်​အါထီၣ်​ ဒီး​မၤစၢၤ​ယ​ဖိ ဒ်သိး အဝဲသ့ၣ်​စ့ၢ်ကီး ကဘၣ်သး​မၤ ကစၢ်ယွၤ​အတၢ်မၤ လၢ​ဆၢကတီၢ်လၢပှဲၤ.”

န​မ့ၢ်​ဖး တၢ်အိၣ်မူ တၢ်လဲၤခီဖျိ​အဂ့ၢ်တဖၣ်န့ၣ်​ အက​မၤစၢၤ​နၤ​လၢ န​ကဘၣ်သး​မၤအါထီၣ်​ ယဟိဝၤယွၤ အတၢ်မၤ, ပတုာ်ကွံာ် န​လုၢ်လၢ်​လၢ​အတဂ့ၤဘၣ်တဖၣ်. ဒီး​က​မၤစၢၤ​စ့ၢ်ကီး​နၤ​လၢ န​က​လဲၤခီဖျိ တၢ်မၤကွၢ်, ဆဲး​အိၣ်ဒီး တၢ်တူၢ်န့ၢ်ခီၣ်ကဲ ဒီး​ပာ်လုၢ်ပာ်ပှ့ၤ​​​လီၤ​က့ၤ​န​သး. န​က​ဖး တၢ်အိၣ်မူ တၢ်လဲၤခီဖျိ​အဂ့ၢ်​တဖၣ်အံၤ​အဂီၢ် န​က​​ဘၣ်​လဲၤ​ဃု​ဖဲလဲၣ်.

• နုာ်လီၤကွၢ်​လၢ တၢ်ဂ့ၢ်ပိာ်ထွဲလိာ်အခံတဖၣ်​ ဒီး​ကွၢ်​တၢ်ဂ့ၢ် လၢ​အခိၣ်တီ​မ့ၢ်ဝဲ “Life Stories of Jehovah’s Witnesses” လၢ jw.org မ့တမ့ၢ်​လၢ JW Library®.

• ကွၢ်ဃု​တၢ်ဂ့ၢ် လၢ​အခိၣ်တီ​မ့ၢ်ဝဲ “Life Stories of Jehovah’s Witnesses” လၢ တၢးထီခိးတၢ် ONLINE လံာ်ရိဒၢး မ့တမ့ၢ် Watchtower Library.