Valikwali vamwe ava ava resa masimwititi nkenye ngura-ngura kwa tanta asi: “Yirongwa eyi kutuhafesa ntani kutukorangeda! Ayo kutudiworokesa asi nose kuvhura tu twikire kukara valimburukwi mwankenye maukaro.” Munazinyetu gomukadi ogu a lizuvhu monkedi zokulifana kwa tanta asi: “Masimwititi aga kuhengagwida nge nokutumangeda nge ntani kuhafesa. Eparu lyovanavazinyetu ava kwa kara nositambo. Masimwititi aga kutumangeda nge ni rugane unene mokuzuvhisa ntani kuvatera nge ni korangede vana vange va lihameke mosirugana sosiruwo nasinye.”

Masimwititi kuvhura kukuvatera o hetekere ko kurugana yoyinzi mosirugana saJehova, o funde po maupirankondo ntani o lididimikire maudigu gomanene noruhafo. Ngapi omu no gwana masimwititi aga?

• Tara yirongwa ya kara koruha “Bibeli kurundurura eparu lyovantu” ko jw.org ndi ko JW Library®.

• Papara “Bibeli kurundurura eparu lyovantu” koBIBILIYOTEKA ZOKOINTANETA.