Tuˈugë kasäädë jäˈäy mëdiˈibë jopy jopy kyäjpxtëp mä yajnimaytyaˈaky wiˈix të jyukyˈattë nmëguˈukˈäjtëm, duˈun jyënaˈany: “Kots ngäjpxtë yäˈädë artikulo agujk jotkujkëts xyajnayjyawëdë ets mëjwiin kajaats xypyudëkëdë. Xytyukˈijxtëbëts nanduˈun ko mbäädëts xëmë nmëmëdowdë Jyobaa oyëts ti jotmay nbäättët”. Ets jatuˈugë nmëguˈukˈäjtëm naduˈundëkë jyënaˈany: “Kots ngajpxy wiˈix të jyukyˈattë, xyˈajäjt xyjyotjäjtëbëts ets xyjyotkujkmooybyëts. Yäˈädë nmëguˈukˈäjtëm kyaj nanëgoobë jyukyˈattë. Extëm tnimaytyäˈäktë wiˈix të jyukyˈattë, xypyudëjkëbëts parëts niˈigyë Jyobaa nmëdunët ets xytyukniˈˈijxëdëbëts wiˈixëts mbäädë nˈuˈunk nˈënäˈk nbudëkë parë aduˈugë xyëëw tiempë dyajtundët mä Diosë tyuunk”.

Extëm yajnimaytyaˈaky wiˈix të jyukyˈattë nmëguˈukˈäjtëm, mbäät xypyudëjkëm parë niˈigyë winmäˈäny nbëjktakëm etsë Jyobaa nmëduˈunëm, parë kyaj xymyëmadakëm ti xyajtëgoyäˈänëm ets parë agujk jotkujk nmëmadakëmë amay jotmay. ¿Mä mbäät xypyaaty?

• Ëxtäˈäy mä jw.org o mä JW Library® mä catálogo de artículos, ta net “Biografías de testigos de Jehová”.

• Mä BIBLIOTECA EN LÍNEA Watchtower o mä Watchtower Library, ëxtäˈäy mä “Biografías de testigos de Jehová”.