Banja libodzi lomwe limbawerenga nkhani za moyo wa abale macibese yali-yentse, lidalewa kuti: “Nkhani zimwezi zimbatilimbikisa na kutikondwesa kwene-kwene! Nkhanizi zimbatikumbusa kuti tingakwanisembo kukhala wakukhulupirika napo penu tikugumana na mabvuto.” Mpfumakazi inango yomwe imbakomedwambo na nkhanizi, idanemba kuti: “Nkhani zimwezi zimbanditsangalaza na kundipasa mphanvu kuti ndicitembo bzomwe iwo adacita. Bzomwe abale na mpfumakazi zathu ambacita bzimbalatiza kuti moyo una cakulinga ndipo tin’funika kuuphatisa bwino basa. Nkhani zawo zimbandithandiza kucita bzizinji mu upalizi na kundithandizambo kupfunzisa wana wangu kuti afune kucita utumiki bwa nthawe zentse.”

Nkhani za moyo wa abale na mpfumakazi zingakuthandizeni kucita bzizinji pa kutumikira Yahova, kuleka kubwerera m’mbuyo mukawofoka na kupirira mabvuto yakusiyana-siyana mwakukondwa. Kodi mungazigumane kuponi nkhani zimwezi?

• Pitani pa jw.org pomwe padanemba kuti “Bzakucitika pa Moyo wa Mboni za Yahova.”

• Fufudzani “Bzakucitika pa Moyo wa Mboni za Yahova” mu BIBLIYOTEKA YA PA INTERNETI^™ ya Watchtower.