Ziī dam le wa a wee buū nu a bee siraloo pya i wuga dɛ̄dɛɛ̄ lɔɔrɛ bee kɔ: “Pya nu i nɔ aāloo nu a bee wa siraloo ama edoora kɔ i ɛrɛ ɛɛbu sa i yere mɛm loo kaāna! Ba doo kɔ i suā kɔ ili dapnage tɔɔ̄ agara kɛ̄bah ɛrɛgeba kɛ̄tɔɔ̄.” Ziī wuga nɛɛwa nu bee tɔɔ̄nage loo doo wo bee ɛm kɔ: “Pya nu a bee wa siraloo ama lu lo a nɛ egbɔ̄nyiɛ, zū nɛɛ sa kpeloo nɛɛ. Dum pya i wuga nɛɛdam le nɛɛwa ɛrɛ kaāna nu a kura sa dɔbiī. Pya nu a bee wa siraloo zū mɛ kɔ m si tam zue ue yere loo sa mɛ yerebah nɛ kɔ m yere mɛm loo pya na miɔŋɔ kɔ ba a su si tam nɛ Jɛhova bu mmɛɛ sɔ̄ nua nu ba seeasī.”

Nu a bee siraloo pya i wuga ama dap a yerebah nɛ kɔ o ɛrɛ kaāna nu seeasī, be eebah e’ɔaloo, sa egerebu kɛ̄bah e’agabah doā-ɛp bu ɛɛbu le ka. Mɛ kɛ̄ na o dap ɛrɛ pya nu a bee wa siraloo ama aā ani?

• Ɛp ekobee ue a kɔ “Life Stories of Jehovah’s Witnesses” nyɔɔ jw.org ale bu JW Library®.

• Gbī ekobee ue a kɔ “Life Stories of Jehovah’s Witnesses” bu Watchtower ONLINE LIBRARY^™ ale Watchtower Library.